World War Archives - Page 8 of 9 - Global Socialist Reviews

சியோனிசத்திற்கு எதிராக பாலஸ்தீன மக்களைப் காப்பாற்று!

class struggles, Democratic Rights, Fascism, In Tamil, politics, War, World War / October 20, 2023

ஏகாதிபத்தியங்களின் இரட்டை அரசுப் பொறிமுறைக்கு எதிராக யூத-அரபு தொழிலாள வர்க்கத்தின் கூட்டு சோசலிச அரசு!

கொழும்பு நடவடிக்கை குழுவின் (CAC) பிரகடனம்

காசா பகுதியில் இரண்டு மில்லியனுக்கும் அதிகமான ஒடுக்கப்பட்ட மக்களை சிறைபிடித்து, அவர்களுக்கு தண்ணீர், மின்சாரம், எரிபொருள், மருந்து போன்ற அத்தியாவசியப் பொருட்களை வழங்க மறுத்து, விமானம் மற்றும் ஏவுகணைத் தாக்குதல்களை நடத்தி இஸ்ரேலிய அவசரகால தேசிய அரசாங்கம் நடத்திவரும் இனப்படுகொலையை உடனடியாக நிறுத்துங்கள். அனைத்து தொழிலாளர்கள், இளைஞர்கள் மற்றும் அனைத்து முற்போக்காளர்களும் பாலஸ்தீன மக்களின் பாதுகாப்பிற்காக அணிதிரட்டப்பட வேண்டும் என்று நாங்கள் வலியுறுத்துகிறோம்.

இஸ்ரேல் பிரதமர் பெஞ்சமின் நெதன்யாகுவின் ஆட்சி, சர்வதேச சட்டத்தை அப்பட்டமாக மீறி, ஒரு மில்லியனுக்கும் அதிகமான பாலஸ்தீனியர்களை கடந்த 13ம் தேதி வடக்கு காசா பகுதியை விட்டு வெளியேற கட்டாயப்படுத்தியது. இன்று (அக்.16) காலை நிலவரப்படி 500,000 பேர் வெளியேற்றப்பட்டுள்ளதாக பிபிசி தெரிவித்துள்ளது. பல்லாயிரக்கணக்கான மக்கள் தங்கள் குழந்தைகளுடன் ஆடைகளை மட்டும் எடுத்துக்கொண்டு தப்பிச் செல்லும் மக்கள் மத்தியில் இராணுவத் தாக்குதல்களும் நடத்தப்படுகின்றன. இதேவேளை அகதிகள் முகாம்களும் தாக்குதலுக்கு உள்ளாகியுள்ளன. சுவாச இயந்திரங்களை இயக்க போதுமான எரிபொருள் கிடைக்காமல் நோயாளிகள் இறக்கின்றனர்.

நம் கண் முன்னே, நாஜிகள் செய்த குற்றத்திற்கு ஒப்பான ஒரு பெரிய குற்றம் அரங்கேற்றப்படுகிறது. இரண்டு மில்லியனுக்கும் அதிகமான மக்கள், பெரும்பாலும் பெண்கள் மற்றும் குழந்தைகள், வேண்டுமென்றே பட்டினி மற்றும் நீர் அற்ற நிலைக்கு ஆளாகியுள்ளனர். காசாவிலுள்ள ஐ.நா.வின் உயர்மட்ட பிரதிநிதி ஒருவர், “காசாவின் வாழ்க்கை முடிந்துவிட்டது” என்று விவரிக்கிறார். “நீர் என்பது உயிர் என்பதை நாம் அனைவரும் அறிவோம். காசாவில் தண்ணீர் தீர்ந்து வருகிறது. மேலும் காஸாவில் உயிர் இழப்பு அதிகரித்து வருகிறது…. தாமதமாகுவதற்கு முன் காசா மீதான முற்றுகையை தவிர்க்க வேண்டும். எரிபொருள், தண்ணீர், உணவு மற்றும் மருந்து போன்ற அத்தியாவசியப் பொருட்களை உதவி நிறுவனங்கள் பாதுகாப்பாகக் கொண்டு வர முடியுமாயிருக்க வேண்டும். எங்களுக்கு இப்போது அது உடனடியாக தேவை,” என்று அவர் அறிவித்தார்.

இன்று வரையும் காஸா பகுதியில் இஸ்ரேலிய ராணுவத் தாக்குதல்களால் மட்டும் கொல்லப்பட்டவர்களின் எண்ணிக்கை 2,600ஐத் தாண்டியுள்ளது. இந்த மிருகத்தனமான இனச் சுத்திகரிப்புக்கு ஆதரவளிக்க அமெரிக்கா தனது கடற்படையை மத்தியதரைக் கடலில் வைத்திருக்கிறது. ஒடுக்குமுறை இஸ்ரேலை இந்தியா போன்ற முதலாளித்துவ அரசுகள் மற்றும் அனைத்து ஏகாதிபத்திய நாடுகளும் ஆதரிக்கின்றன. இலங்கை ஜனாதிபதி ரணில் விக்கிரமசிங்க, தனது பொருளாதார மற்றும் அரசியல் நெருக்கடி ஆழமடைவதைக் கண்டு அஞ்சி, பாலஸ்தீனத்திற்கு எதிராக ஆத்திரமூட்டும் தூண்டுதல்களை ஆரம்பித்தார்.

Destriction — அக்டோபர் 10, 2023 அன்று காசா பகுதியில் இஸ்ரேலிய வான்வழித் தாக்குதல்களால் ஏற்பட்ட பேரழிவு. ராய்ட்டர்ஸின் உபயம், முகமது சேலம்

பிரதான விடயங்களை பார்க்கும் போது தெளிவாகின்றன. உலகெங்கிலும் உள்ள மில்லியன் கணக்கான மக்கள் ஒடுக்கப்பட்ட பாலஸ்தீனியர்கள் பக்கம் நிற்கிறார்கள். அமெரிக்கா முதல் ஜப்பான் வரை, “இஸ்ரேலிய பயங்கரவாதம்” மற்றும் “பாலஸ்தீன விடுதலை” என்ற வாசகங்கள் தாங்கிய போராட்டங்கள் வலுப் பெற்றன. ஹமாஸை ஆதரிப்பவர்களை கைது செய்யப் போவதாக பிரிட்டிஷ் காவல்துறையின் மிரட்டலுக்கு ஆர்ப்பாட்டக்காரர்கள் அடிபணியவில்லை. பிரெஞ்சு ஏகாதிபத்தியம் அத்தகைய ஆர்ப்பாட்டக்காரர்களுக்கு ஐந்து ஆண்டுகள் வரை சிறைத்தண்டனை விதிக்கப்படும் என்று அறிவித்துள்ளது. ஆளும் வர்க்கத்தின் அச்சுறுத்தல்களால் அனைத்து நாடுகளின் மக்களையும் கட்டுப்படுத்த முடியாது. வளைகுடா பகுதி பொதுமக்கள் போராட்டத்தால் தத்தளித்து வருகிறது. இந்நிலையில், இஸ்ரேலுடன் இணைந்து மத்திய கிழக்கை மாற்றியமைக்கக்கூடிய ஒரு ஒப்பந்தத்தை நோக்கி சீராகச் செல்வதாக உறுதியளித்துள்ள சவுதி அரேபிய ஆளும் வர்க்கம், ஹமாஸைக் கண்டிக்கும் அமெரிக்காவின் கோரிக்கையை ஏற்கவில்லை. முதன்முறையாக, முஹமது பின் சல்மான் தனது பரம எதிரியான ஈரான் ஜனாதிபதி இப்ராகிம் ராசிக்கிற்கு தொலைபேசி அழைப்பு விடுத்தார்.

சொந்த மண்ணிலேயே கைதிகளாக வாழ வேண்டிய கட்டாயத்தில் உள்ள பாலஸ்தீனர்களுக்கு போராட்டத்தை தவிர வேறு வழியில்லை. செப்டம்பர் 19-26 தேதிகளில் நடைபெற்ற ஐக்கிய நாடுகள் சபையின் 78வது பொதுச் சபையில், பாலஸ்தீன அதிபர் முகமது அப்பாஸ், “சமாதானத்தில் நம்பிக்கை இல்லாதவர்களை, நீதியையும் மனிதாபிமான கொள்கைகளை மதிக்காதவர்களையும் எதிர்ப்பதன் மூலம் காலனிய ஏகாதிபத்திய சக்திகளுக்கு எதிராக பாலஸ்தீன மக்கள் தங்கள் தாயகத்தையும் நியாயமான உரிமைகளையும் பாதுகாக்க வேண்டும் என்று

அழைப்பு விடுத்தார். உண்மை, நீதி மற்றும் மனித விழுமியங்கள், காலனித்துவப் படையெடுப்பிலிருந்து நிலத்தை விடுவிக்க ஒரு மூலோபாயப் புரட்சி செய்யப்படும் என்று அவர் அறிவித்தார். இந் நிலத்தில் இருந்து “இந்த கொடூரமான ஆக்கிரமிப்பை” அகற்றினாலன்றி பாலஸ்தீன மக்களுக்கு சுதந்திரம் கிடைக்க வாய்ப்பில்லை. அனைத்து நாடுகளின் தொழிலாள வர்க்கத்தின் தலைமையில் ஒடுக்கப்பட்ட மக்கள், இந்த கொடூரமான ஆக்கிரமிப்பை முடிவுக்கு வரவும், இஸ்ரேலிய மற்றும் பாலஸ்தீனிய தொழிலாளர்களின் கூட்டு சோசலிச அரசை உருவாக்கவும் போராட வேண்டும்.

கடந்த 7ம் தேதி இஸ்ரேல் மீது ஹமாஸ் நடத்திய திடீர் தாக்குதலின் துணுக்குகளை பிற்போக்குவாதிகள் பெருக்கிக் கொண்டிருக்கின்றனர்.! ஒடுக்கப்பட்ட பாலஸ்தீன மக்களின் ஆதரவுடன் ஹமாஸ் போராளிகள், வலிமைமிக்க பாதுகாப்புப் படை என்று அறியப்பட்ட இஸ்ரேலை வரலாறு காணாத தாக்குதலுக்கு ஆளாக்க முடிந்தது. தொழில்துறை அதிகாரத்தில் மேலாதிக்க சக்தியான தொழிலாள வர்க்கத்தின் உண்மையான ஒழுங்கமைக்கப்பட்ட புரட்சிகர எழுச்சியாக அது வெளிப்பட்டிருந்தால் நிலைமை எப்படி மாறியிருக்கும்?

1914 இல் நடந்த முதல் உலகப் போரின் போது யூத மக்களின் ஆதரவைப் பெறுவதற்கான உத்தியாக பிரிட்டிஷ் ஏகாதிபத்திய போர் அமைச்சரவை செய்த சதித் திட்டத்தின் விளைவுதான் இன்று இருக்கும் இஸ்ரேல் அரசு. பிரிட்டிஷ் வெளியுறவுச் செயலர் ஆர்தர் பால்ஃபர் சியோனிஸ்ட் தலைவரான ரோஷெய்ல் சாமியிடம், 1917 ஆம் ஆண்டில், அப்போது ஒட்டோமான் பேரரசின் கட்டுப்பாட்டில் இருந்த பகுதியில் ‘யூத மக்களுக்கான தேசமொன்றை’ அமைப்பதற்கு ஆதரவளிப்பதாக தெரிவித்தார். இரண்டாம் உலகப் போருக்குப் பிறகு எழுந்த மக்கள் எழுச்சிகளை நசுக்குவதும், ஏகாதிபத்திய முதலாளித்துவ ஆட்சியைத் தக்கவைக்க இன மற்றும் மத அடிப்படையில் பிரிவினையை ஏற்படுத்துவது ஏகாதிபத்தியத்தின் மூலோபாயத் தேவையாக இருந்தது. 1948ல் பாலஸ்தீனத்தில் சியோனிச இஸ்ரேல் உருவானதும் எண்ணெய் வளம் மிக்க மத்திய கிழக்கைத் தன் கட்டுப்பாட்டில் வைத்திருக்கும் அதே உத்தியின் விளைவுதான் என்பதை மறந்துவிடக் கூடாது.

இன்று, முழு ஏகாதிபத்திய அமைப்பும் ஆழமாக வெடிப்புக்கு உள்ளாகும் பொருளாதார மற்றும் அரசியல் நெருக்கடியில் மூழ்கி மூன்றாம் உலகப் போருக்கான திட்டங்களுக்குத் திரும்புகிறது. அதனால்தான் இஸ்ரேலில் இந்த முரண்பாடுகளின் புதிய கட்டம் இப்போது உருவாகி வருகிறது. தொழிலாள வர்க்கம் சுதந்திரத்தை விரும்புகிறது, ஏகாதிபத்திய முதலாளித்துவம் அதை முற்றிலுமாகத் தகர்க்க விரும்புகிறது. அதனால்தான் பாலஸ்தீன மக்களின் சுதந்திரத்திற்கான போராட்டம் என்பது இஸ்ரேல் உட்பட ஒவ்வொரு நாட்டின் தொழிலாளி வர்க்கத்தாலும் தவிர்க்க முடியாத ஒரு வர்க்கத் தேவையாகும்.

நான்காம் அகிலத்தின் சர்வதேச குழுவும் உலக சோசலிச வலைத் தளமும் அதற்கு தேவையான தொழிலாள வர்க்க சர்வதேசிய முன்னோக்கு மற்றும் நடவடிக்கைகளை வளர்த்துக்கொண்டு போராட்டத்தில் நுழைந்துள்ளன. பாலஸ்தீன மக்களின் போராட்டத்தை பாதுகாப்பதற்காக முன்வைத்துள்ள முன்மொழிவுகளுக்கு ஆதரவாக நிற்கும் கொழும்பு நடவடிக்கைக் குழு, அந்தப் போராட்டத்தைச் சுற்றி திரளுமாறு அனைத்து முற்போக்கு மக்களையும் கேட்டுக்கொள்கிறது.

எனவே, கீழ்க்கண்ட கோரிக்கைகளுக்காக போராட்டத்தை வலுப்படுத்த பொதுமக்களை அழைக்கிறோம்

நெதன்யாகு அரசுக்கு அமெரிக்கா மற்றும் ஐரோப்பிய அரசுகள் வழங்கும் அனைத்து ராணுவ உதவிகளையும் உடனடியாக நிறுத்துங்கள்!

காஸா முற்றுகையை உடனடியாக நீக்குங்கள்!

சிக்கித் தவிக்கும் மக்களுக்கு தண்ணீர், மருந்து, மின்சாரம், உணவு மற்றும் அத்தியாவசியப் பொருட்களை உடனடியாக வழங்குங்கள்!

பாலஸ்தீனப் பகுதிகளை ஆக்கிரமிப்பதை உடனடியாக நிறுத்து!

சியோனிச ஆக்கிரமிப்புப் படைகளை அகற்று!

[இந்த அறிக்கை முதலில் சிங்களத்தில் அக்டோபர் 16, 2023 அன்று வெளியிடப்பட்டது]

சியோனிசத்திற்கு எதிராக பாலஸ்தீன மக்களைப் காப்பாற்று! Read More »

ඊශ්‍රායලයේ සහ ගාසා තීරයේ ප්‍රචණ්ඩත්වයට වගකිව යුත්තේ කවුද?

Fascism, politics, War, World War / October 20, 2023

ටොම් කාටර් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 ඔක්තෝබර් 10 දින පල වූ ‘Who is responsible for the violence in Israel and Gaza?’ යන ටොම් කාටර් විසින් ලියන ලද ඉදිරිදර්ශන ලිපියේ සිංහල පරිවර්තනය යි. පරිවර්තනය මිගාර මල්වත්ත විසිනි.

ගාසා තීරයේ ඊශ්‍රායල වාඩිලාගැනීමට එරෙහිව නැගෙමින් පවතින මහජන නැගිටීම පිලිබඳව මහජන මතය දූෂ්‍ය කිරීමට සහ ඊශ්‍රායලයේ අන්ත දක්ෂිනාංශික තන්ත්‍රය විසින් පලස්තීනුවන්ගෙන් පළිගැනීමේ විනාශය යුක්ති සහගත කිරීමට සියලු අධිරාජ්‍යවාදී රටවල ආන්ඩු සහ මාධ්‍ය දැවැන්ත ප්‍රචාරක මෙහෙයුමක් බලමුලු ගන්වා ඇත.

“ඊශ්‍රායලයේ ආරක්ෂාව සඳහා ඔහුගේ සහය දැඩි සහ නොසැලෙන” බවට ඊශ්‍රායල අගමැති බෙන්ජමින් නෙතන්යාහු සමඟ සෙනසුරාදා ප්‍රකාශ කළ එක්සත් ජනපද ජනාධිපති ජෝ බයිඩන්, “ගාසාවේ සිට හමාස් ත්‍රස්තවාදීන් විසින් ඊශ්‍රායලයට එරෙහිව එල්ල කළ බිහිසුණු ප්‍රහාරය” හෙළා දකිමින් මෙම ස්වරය සකස් කළේය. මෙයින් ඉක්බිතිව සිදුවූයේ, සති අන්තයේ , ඇමරිකානු දේශපාලන සංස්ථාපිතය සමන්විත වන සමස්ත චරිත සමූහය සුපුරුදු පරිදි පිලිවෙලින් පෙනී සිටිමින් සහ “ත්‍රස්තවාදීන්” සහ “ඊශ්‍රායලයට එරෙහි ප්‍රහාරය” හෙළා දකිමින් ඊශ්‍රායල සිවිල් වැසියන්ගේ මරණ වාර්තා ගැන “භීතිය” සහ “කෝපය” ප්‍රකාශ කිරීමට පෙළ ගැසී සිටීමයි.

ඊශ්‍රායලයේ ජාතික ධජය පොදු ස්මාරක මත ප්‍රක්ෂේපණය කිරීමත් සමඟ සියලුම අධිරාජ්‍යවාදී අගනගරවල සමාන දර්ශන දැක ගත හැකි විය. මින් පිටස්තරව සිදුවන ඕනෑම සැකයක් හෝ හැරීමක් ඉක්මනින්ම “යුදෙව් විරෝධවාදය” ලෙස ලේබල් කිරීම හෝ “ත්‍රස්තවාදයට සහාය දීම” ලෙස සමාන කරන ලදී.

විශේෂයෙන්ම ගාසා තීරය පුපුරා යාමේ ආරම්භක පැය කිහිපය තුළ ඊශ්‍රායල සිවිල් වැසියන් අතර සැලකිය යුතු ජීවිත හානි සිදුවී ඇති බව ප්‍රතික්ෂේප කළ නොහැකිය. ඔවුන්ගෙන් බොහෝ දෙනෙක් පලස්තීනුවන්ගේ පීඩනය සම්බන්ධයෙන් කිසිදු පුද්ගල වගකීමක් නොදැරූ බවට සැකයක් නැත.වැරදි වේලාවක වැරදි ස්ථානයකට පැමිණීමෙන් , එවැනි බොහෝ මිනිසුන්ගේ ඉරණම තුළ ඛේදවාචකයේ කොටසක් ඇත. ඊශ්‍රායල ආක්‍රමණය යටතේ ජීවිත කාලය පුරාම සිදු වූ කුරිරු ක්‍රියාවලින් දැඩි වූ ගාසාවේ සටන්කාමීන් සහ ඔවුන් පණපිටින් ගාසා වෙත ආපසු නොඑන බව පිළිගනිමින්,ගාල් කඳවුරකට ආසන්න ප්‍රදේශයක නර්තන සාදයක් පැවැත්වූ අය ද ඇතුළුව, ඔවුන් සොයා ගත් පළමු ඊශ්‍රායල ජාතිකයන්ගෙන් පළිගැනීම් සිදු කළහ.

නමුත් ප්‍රශ්නය මතු කළ යුතුය: ඔවුන්ගේ මරණවල අවසාන වගකීම දරන්නේ කවුද? මෙම ඛේදවාචක සඳහා දොස් පැවරිය යුත්තේ එය අයිති තැනටය: පලස්තීනුවන් පලවා හැරීමෙන් සහ ඔවුන් නිරන්තරයෙන් හැකිලෙන එළිමහන් සිරකඳවුරු සහ ගෙටෝ කට්ටලයකට කොටුකරමින් , සුවිශේෂී යුදෙව් රාජ්‍යයක් පිහිටුවීමේ සමස්ත ප‍්‍රතිගාමී සියොන්වාදී ව්‍යාපෘතිය සමග එක්ව සාපරාධී ඊශ්‍රායල වර්ණභේදවාදී පාලන තන්ත‍්‍රයට සහ එහි එක්සත් ජනපද ආධාරකරුවන්ට පළමුවෙන්ම මෙහි වගකීම පැවරිය යුතුය.

අධිරාජ්‍යවාදී බලවතුන් විසින් කරනු ලබන “ත්‍රස්තවාදය” සහ “ප්‍රචණ්ඩත්වය” පිලිබඳ ඒකමතික හෙලාදැකීම් අන්තයෙන්ම කුහක ය. පලස්තීනුවන් අතර ප්‍රචණ්ඩත්වයට හා භීෂණයට ගොදුරු වූ බොහෝ සංඛ්‍යාවක් වෙනුවෙන් “භීෂණය” සහ “ක්‍රෝධය” යන නිල ප්‍රකාශන කිසිවිටෙකත් සිදු කර නොමැත.

බයිඩන් ගේ කතා රචකයන් සෙනසුරාදා “මෙම ප්‍රචණ්ඩත්වයෙන් තුවාල වූ සියලුම පවුල්” වෙනුවෙන් ඔහුගේ “යාච්ඤා” පිරිනමන අතර බයිඩන් යුද අපරාධකරුවෙකු මෙන්ම ප්‍රචණ්ඩත්වයට ආගන්තුකයෙකු නොවේ. 2003 දී ඔහු සෙනෙට් සභාවේදී ඉරාකය නීතිවිරෝධී ලෙස ආක්‍රමණය කිරීම සහ අත්පත් කර ගැනීම සඳහා ඡන්දය ප්‍රකාශ කළ අතර එහි ප්‍රතිඵලයක් ලෙස මිලියනයකට අධික මරණ ප්‍රමාණයක් සිදු විය.

සිදුවීම්වලට පටහැනි උඩු යටිකුරු නිල චිත්‍රයට අනුව, පලස්තීනුවන් ආක්‍රමණිකයන් වන අතර ඊශ්‍රායල රාජ්‍යය ගොදුර වේ. අධිරාජ්‍යවාදය විසින් පලස්තීන මහජනතාව පීඩාවට පත් කිරීම මුළුමනින්ම ඒකපාර්ශ්වික ගැටුමකි. එහි සියවසකින් හතරෙන් තුනක කාලයක්, අධිරාජ්‍යවාදී බලවතුන් විසින් ආයුධ සන්නද්ධ කල ඊශ්‍රායල ආන්ඩුව සියලු ප්‍රතිරෝධ කුරිරු ලෙස යටපත් කර ඇත. නිදසුනක් වශයෙන්, මිනිසුන් සිය ගණනක් මිය ගිය ගාසා තීරයට එල්ල කළ 2008-09 සති තුනක ගුවන් බෝම්බ ප්‍රහාරයෙන්, පලස්තීන මරණ සංඛ්‍යාව 100 වන විට ඊශ්‍රායල මරණ 1 ක් පමනක් විය. පලස්තීනයට වූ හානිය 1ට 100 අනුපාතයකින් වැඩිය.

බටහිර ඉවුරේ පලස්තීනුවන් , ඊශ්‍රායල හමුදා මුරපොලවල් සිය ගණනකට වැඩි ප්‍රමාණයකින් වට වූ වෙනම ගෙටෝ සිය ගණනක ජීවත් වන තත්ත්වයට පත් කර ඇති අතර ගාසා තීරයම එක් යෝධ එළිමහන් සිරකඳවුරක් බවට පරිවර්තනය වී ඇත: ගාසා තීරයට ඇත්තේ සැතපුම් අතලොස්සක පළලක් සහ සැතපුම් 25 ක දිගක් පමණි.පෘථිවියේ වඩාත්ම ජනාකීර්ණ සහ මංමුලා සහගත තත්වයන් තුළ , මිලියන 2කට අධික පලස්තීනුවන් ප්‍රමාණයක් මෙම එළිමහන් සිරකඳවුරේ සිර කර ඇති අතර, සෑම අවශ්‍යතාවයක් සඳහාම ඊශ්‍රායල රජයේ අනුකම්පාව මත රැදීමට ඔවුන්ට සිදුව ඇත. මෙම සන්දර්භය තුළ, සති අන්තයේ ඇති වූ ගාසා තීරයේ නැගිටීම “ප්‍රහාරයකට” වඩා සිරගෙදර බිඳීමක් හා සමාන වන අතර එය දිගු කතාවක නවතම පරිච්ඡේදය පමණි.

අධිරාජ්‍යවාදී ප්‍රාග්ධනයන් “ප්‍රචණ්ඩත්වය” සහ “ත්‍රස්තවාදය” පිලිබඳ කුහක හෙලාදැකීම් වලින් දෝංකාර දෙද්දී , ගාසා තීරයේ ජනගහනය ත්‍රස්ත කිරීම සඳහා පළිගැනීමේ ප්‍රහාරයක් දැනටමත් දිග හැරෙමින් තිබේ.

ඊශ්‍රායලයේ ආරක්ෂක අමාත්‍ය යොආව් ගැලන්ට් ඔහුගේ පාලන තන්ත්‍රයේ ස්වභාවය සහ එහි යටින් පවතින මතවාදය මුලුමනින්ම හෙලිදරව් කරන භාෂාවක් භාවිතා කරමින් “ගාසා තීරය සම්පූර්ණයෙන් වටලෑමක්” ප්‍රකාශ කර ඇත. “විදුලිය නැත, ආහාර නැත, ජලය නැත, ඉන්ධන නැත, සියල්ල වසා දමනු ඇත,” ගැලන්ට් පැවසීය. “අපි මිනිස් සතුන් සමඟ සටන් කරන අතර අපි ඒ අනුව ක්‍රියා කරමු.”

රිපබ්ලිකන් ජනාධිපතිවරණ ප්‍රාථමික නාමයෝජනා සඳහා අපේක්ෂකයෙකු වන එක්සත් ජාතීන්ගේ හිටපු එක්සත් ජනපද තානාපතිනි නිකී හේලි ප්‍රකාශ කළේ, නැගිටීම “හුදෙක් ඊශ්‍රායලයට ප්‍රහාරයක්” නොව “ඇමරිකාවට එරෙහි ප්‍රහාරයක්” බවත්, නෙතන්යාහුට “ඒවා අවසන් කරන” ලෙස සෘජුවම ඉල්ලා සිටින බවත්ය. නෙතන්යාහු, ඔහුගේ පැත්තෙන්, ඊයේ දුෂ්ට ලෙස ප්‍රකාශ කළේ, “ඉදිරි දින කිහිපය තුළ අපි අපේ සතුරන්ට කරන දේ පරම්පරා ගණනාවක් දෝංකාර දෙනු ඇත.”යන්නයි

මේ සියලු රුදුරු අධිරාජ්‍යවාදී කුහකකම පිටුපස ඇත්තේ ගාසා තීරයේ හෝ වෙනත් ඕනෑම තැනක පීඩිතයන්ගේ ඕනෑම ප්‍රතිරෝධයකට , පීඩකයන්ගේ මූලික පන්ති ආකල්පයයි. “පීඩකයන් වන අපට, බලය අපගේ අවශ්‍යතාවලට සේවය කරන බව අප තීරණය කරන ඕනෑම අවස්ථාවක , එය භාවිතා කිරීමට අපට නිදහස ඇත.” යන්න ඔවු පවසති. “අපිට ඔබට අසීමිත ලෙස බෝම්බ දැමිය හැකිය, අපට ඔබව අවහිර කර බඩගින්නේ තැබිය හැකිය, අපට ඔබව කොල්ලකා සිරගත කළ හැකිය, ඔබේ බෙල්ලෙන් අල්ලා දණ ගැසිය හැකිය. එහෙයින්, බලය අපගේ ඒකාධිකාරය සහ අපගේ එකම වරප්‍රසාදයයි. පීඩිතයන් වන ඔබට, ප්‍රතිචාර වශයෙන් බලය යෙදවීමට කිසිදු තත්වයක් යටතේ අවසර නැත.” වාඩිලාගැනීමට එරෙහිව ආයුධ අතට ගන්නා ඕනෑම අයෙකු විස්තර කිරීමට “ත්‍රස්තවාදියා” යන වචනය පුන පුනා භාවිතා කිරීම සජීවීකරණය කරන්නේ මෙම පන්ති ආකල්පයයි.

සම්බන්ධ කුහකකමේ තරම අවධාරනය කරමින්, පසුගිය වසරේ අගෝස්තු මස නිව් යෝර්ක් ටයිම්ස් ලිපියක, “සතුරු සීමාවන් පිටුපස, යුක්‍රේනියානුවන් රුසියානුවන්ට ‘ඔබ කිසිදා ආරක්ෂිත නොවේ’ යැයි පවසන බව පෙන්වා දීම වටී. වාර්තාකරු ඇන්ඩෲ ක්‍රේමර් රුසියානු සීමාවන් පිටුපස කාර් බෝම්බවලින් ඝාතන සිදු කරන යුක්රේන ත්‍රස්ත කල්ලිවල වැඩ කටයුතු සමරමින් මෙසේ ලිවීය.

“ඔවුහු පුපුරණ ද්‍රව්‍ය තැබීමට අඳුරු මංතීරුවලට රිංගා යති. එක්සත් ජනපදය විසින් සපයනු ලබන යුක්රේන කාලතුවක්කු සහ දිගුදුර රොකට් සඳහා රුසියානු ඉලක්ක ඔවුන් හඳුනා ගනී. ඔවුහු දුම්රිය මාර්ග පුපුරුවා හරින අතර රුසියානුවන් සමඟ සහයෝගිතාකරුවන් ලෙස සලකන නිලධාරීන් ඝාතනය කරති.” එවැනි විධික්‍රම ඇමරිකානු අධිරාජ්‍යවාදයේ බලල් අත්වලට මිස ඒවායේ වරුද්ධවාදීන්ට ඔට්ටු නැත.

1831 දී වර්ජිනියාවේ සදම්ප්ටන් ප්‍රාන්තයේ නැට් ටර්නර්ගේ නායකත්වයෙන් වහල් නැගිටීමක් සිදු විය. පැන ගිය වහලුන් පිහි, තොප්පිය සහ මුගුරු භාවිතා කර සුදු මිනිසුන්, කාන්තාවන් සහ ළමයින් දුසිම් ගනනක් සමූලඝාතනය කළහ. කැරැල්ල ඊටත් වඩා දරුණු ම්ලේච්ඡත්වයකින් යටපත් කරන ලද අතර, කැරැල්ලට සම්බන්ධ වූවාද යන්න නොසලකා , සැරිසරන මිලීෂියා සහ මැර කල්ලි කළු ජාතිකයන් දුටු පමණින් ඝාතනය කළහ. ටර්නර්ගේ සිරුර සම ගසා, එම සම සිහිවටන පසුම්බි බවට පත් විය.

ඕනෑම වෛෂයික ඉතිහාසඥයෙක්, ආපසු හැරී බැලීමේ වාසිය ඇතිව, එවැනි නැගිටීම්වල බිහිසුණු ප්‍රචණ්ඩත්වයේ වරද වහලුන් මත නොව, වහල් ක්‍රමය මතම, එහි සියලු දැවැන්ත අමානුෂිකත්වය මත පටවනු ඇත. ටර්නර් නැගිටීම “ප්‍රචණ්ඩ” යන පදනම මත හෙලාදැකීම කුහක සහ ඓතිහාසික නොවන අතර වහල්භාවය සඳහා වක්‍ර සමාව අයැදීමකට සමාන වනු ඇත.

“කපටිකමෙන් සහ ප්‍රචණ්ඩත්වයෙන් වහලෙකුට දම්වැල්වලින් විලංගු දමන වහල් හිමිකරුවෙක් සහ කපටිකමෙන් හෝ ප්‍රචණ්ඩත්වයෙන් දම්වැල් කඩන වහලෙක් සදාචාර අධිකරණයක් ඉදිරියේ සමාන නොවේ!” ලියොන් ට්‍රොට්ස්කි 1938 දී ලිවීය.

ඔහුගේ පැත්තෙන්, සිවිල් යුද්ධය මධ්‍යයේ ඔහුගේ දෙවන සමාරම්භක දේශනයේදී, ලින්කන් අදහස ප්‍රකාශ කළේ රට පීඩාවට පත් වූ දැවැන්ත ප්‍රචණ්ඩත්වය වහල්භාවයේ ආයතනය සඳහා නොවැළැක්විය හැකි ඓතිහාසික ගණනය කිරීම වන අතර, ඒ සඳහා “කසයෙන් අදින සෑම ලේ බිංදුවක්ම කඩුවෙන් අදින ලද තවත් අයෙකු විසින් ගෙවනු ලැබේ.”

එම අර්ථයෙන්, දැන් ගාසා තීරයේ ජනගහනයට එරෙහිව ඊශ්‍රායල ආන්ඩුව විසින් ගෙන යන මර්දනය, බ්‍රිතාන්‍යය විසින් කෙන්යාවේ මාඋ මාඋ කැරැල්ලට එරෙහිව,ප්‍රංශය විසින් ඇල්ජීරියානු නිදහස් සටනට එරෙහිව සහ දකුණු අප්‍රිකානු වර්ණභේදවාදී පාලන තන්ත්‍රයට විරුද්ධව අරගලයක යෙදුනු දකුණු අප්‍රිකානුවන්ට එරෙහිව හෝ , නැතහොත් එක්සත් ජනපද මිලිටරිය විසින් ඉරාකය ආක්‍රමණය කිරීමට එරෙහි මහජන ප්‍රතිරෝධයට එරෙහිව යොදාගත් මර්දනයට වඩා මූලික වශයෙන් වෙනස් නොවේ. සෑම විටම මෙන්, පීඩකයන් අතර දේශපාලන ප්‍රභූන් සන්නද්ධ ප්‍රතිරෝධය ත්‍රස්තවාදයක් ලෙස හෙළා දකින අතර ඊට වඩා දහස් ගුණයක් විනාශකාරී අනුකම්පා විරහිත පළිගැනීම් සිදු කිරීමට ඉදිරියට යයි.

ප්‍රචාරක ප්‍රවාහයෙහි එක් දුර්ලභ අපගමනයකදී, පලස්තීන ජාතික පදනමේ නායක මුස්තාෆා බර්ගූටි ඊයේ CNN හි ෆරීඩ් සකාරියා විසින් සම්මුඛ සාකච්ඡාවකට ලක් කරන ලදී. එහිදී පලස්තීනුවන්ගේ වෙනත් ඕනෑම ආකාරයක විරුද්ධත්වයක් නීත්‍යානුකූල යැයි පිළිගැනීම ඊශ්‍රායල ආන්ඩුව ප්‍රතික්ෂේප කිරීමේ තත්වය තුල , නොවැලැක්විය හැකි ප්‍රතිපලය සන්නද්ධ ප්‍රතිරෝධය බව පෙන්වා දීමට ඔහුට අවසර ලැබුණි : “අපි මිලිටරි ස්වරූපයෙන් අරගල කරන්නේ නම්, අපි ත්‍රස්තවාදීන්ය. අපි ප්‍රචණ්ඩත්වයෙන් තොරව අරගල කරන්නේ නම්, අපව ප්‍රචණ්ඩකාරී ලෙස විස්තර කෙරේ. අපි වචනයෙන් පවා විරුද්ධ වෙනවා නම්, අපිව ප්‍රකෝප කරන්නන් ලෙස විස්තර කරයි.”

ඇත්ත වශයෙන්ම, 2018-2019 දී, 1948-49 සහ 1967 යුද්ධ වලදී පලස්තීනුවන් පලවා හරින ලද නිවෙස් වෙත ආපසු යාමට අයිතිය ඉල්ලා, ආපසු පැමිණීමේ මහා පා ගමන නම් ධජය යටතේ ගාසා තීරයේ මහජන විරෝධතා පැවතුනි. ඊශ්‍රායල හමුදාව මෙම විරෝධතාවලට ප්‍රතිචාර දැක්වූයේ පලස්තීන විරෝධතාකරුවන් ගාසා තීරයේ තාප්ප හා වැටවල් වෙත ළඟා වූ විට වෙඩි තැබීමෙනි. අවම වශයෙන් පලස්තීනුවන් 223 ක් මිය ගිය ගොස්, 9,200 කට වැඩි පිරිසක් තුවාල ලැබූ අතර, දැන් පලස්තීනුවන්ට සදාචාරය දේශනා කරන එම පුද්ගලයින්ගෙන් කිසිවෙකුගේ ඇස් ඇරුණේ නැත.

මෙම නව ලේවැකි ප‍්‍රචණ්ඩත්වයේ ප‍්‍රධාන උසිගැන්වීම ලෙස සලකනු ලබන සාපරාධී නෙතන්යාහු තන්ත‍්‍රය කෙරෙහි ඇත්ත වශයෙන්ම, ඊස්රායලය තුලම කම්කරු පන්තිය තුල ගැඹුරු විරෝධයක් පවතී. තමන්ට අභියෝග කළ නොහැකි සහ නීත්‍යානුකූලව සමාලෝචනය කළ නොහැකි බලතල ලබා දීමට මෙම පාලන තන්ත‍්‍රය දරන ප‍්‍රයත්නයන්ට එරෙහිව මෙම වසර මුලදී මහජන විරෝධතා සහ මහා වැඩ වර්ජනයක් තුල මෙම විරුද්ධත්වය දැනටමත් ප‍්‍රකාශ වී ඇත.

එහෙත් ගාසා තීරයේ නැගිටීම විසින් ගෙන ඇති ප්‍රචණ්ඩ ස්වරූපය ඊශ්‍රායලය තුළම අව්‍යාජ සහ ප්‍රතිපත්තිගරුක වාමාංශික හා සමාජවාදී නායකත්වයක් නොමැති වීම හා සම්බන්ධ නොවේ. මෙම වසර මුලදී පැවති මහජන විරෝධතා වලදී, ස්වයං-ප්‍රකාශිත නායකයින් සියොන්වාදී රාජ්‍යයේ ආරක්ෂකයින් ලෙස රැඳී සිටි අතර ස්වභාවික සහචරයින් වීමට ඉඩ තිබූ පලස්තීන මහජනතාවගේ අරගල දෙසට කිසිදු හැරීමක් ඉතා සූක්ෂම ලෙස වැළැක්වීය.

නිල සීමාව පිළිගැනීමට ජනගහනයට පහර දීම සඳහා දැන් දියත් කෙරෙන දැවැන්ත ප්‍රචාරක ව්‍යාපාරය පිලිබිඹු කරන්නේ, එක්සත් ජනපදය හා ඊශ්‍රායලය තුලම ද ඇතුලුව, ලොව පුරා මිලියන සිය ගනනක් ජනයා එම පිලිවෙත පිළිගැනීමට නැඹුරු නොවනු ඇතැයි යන බියයි. පලස්තීන නැගිටීමට සහාය දක්වන ස්වයංසිද්ධ පෙලපාලි දැනටමත් ලොව පුරා සිදුවී ඇත.

මෙම මූලෝපාය ක්‍රියාවට නැංවීමට අභියෝග සහ බාධක කෙතරම් විශාල වුවත්, සාමකාමී අනාගතයකට ඇති එකම මාවත සහ සියොන්වාදී පාලනය සමඟ ගනුදෙනු විසඳා ගැනීමේ එකම මාර්ගය , ගාසා තීරයට එරෙහි ලේවැකි ප්‍රහාරයට එක්ව විරුද්ධ විය යුතු, ඊශ්‍රායල හා පලස්තීන කම්කරුවන්ගේ එකමුතුවයි.. එමගින් නෙතන්යාහුගේ පාලනය බිඳ දමා ඒකාබද්ධ සමාජවාදී සමාජයක් සඳහා වූ අරගලයට එක් වන ලෙස ඉල්ලා සිටිමු.

ඊශ්‍රායලයේ සහ ගාසා තීරයේ ප්‍රචණ්ඩත්වයට වගකිව යුත්තේ කවුද? Read More »

ගාසා තීරයට එල්ල කරන ඊශ්‍රායල් ප්‍රහාරයට බයිඩන් අසීමිත සහයෝගය ප්‍රකාශ කරයි

Democratic Rights, Fascism, politics, War, World War / October 17, 2023

ඇන්ඩෘ ඩැමන් විසිනි

මෙහි පලවන්නේ ලෝක සමාජවාදී වෙබ් අඩවියේ 2023 ඔක්තෝබර් 11 දින ඉංග්‍රීසියෙන් පලවූ ‘Biden proclaims unlimited support for Israeli onslaught on Gaza’ යන ඇන්ඩෘ ඩැමන් විසින් ලියන ලද ඉදරිදර්ශන ලිපියේ සිංහල පරිවර්තනයයි. පරිවර්තනය මිගාර මල්වත්ත විසිනි.

එක්සත් ජනපද ජනාධිපති ජෝ බයිඩන් විසින් අඟහරුවාදා කල කතාව දේශපාලන ප්‍රතිගාමිත්වයේ ගැඹුරටම කිඳා බැස තිබුනි. ඊශ්‍රායල හමුදාව ගාසා තීරය පුරා ක්‍රමානුකූලව නේවාසික ගොඩනැගිලි සමතලා කරමින් සිටියදී, බයිඩන්, නෙතන්යාහු ආන්ඩුවට සමූහ ඝාතන සිදු කිරීමට කොල එලියක් ලබා දුන්නේය.

බයිඩන් ගේ ආක්‍රෝෂ පරිභවය (නොකඩවා දිගට කරන බැන වැදීම) සේවය කල එකම අරමුන වූයේ මහජන මතය අවුලුවාලීම, පලස්තීනුවන්ට එරෙහිව හැකිතාක් වෛරයක් ජනනය කිරීම සහ ඊශ්‍රායලය කරන ඕනෑම අපරාධයක් සාධාරනීකරනය කිරීමයි.

මෙම කතාවෙන් පසු, ඔහුගේ රජයට ඊශ්‍රායල රජය කල හෝ කිරීමට යන කිසිම දෙයකින් ඉවත් විය නොහැක. ඇත්ත වශයෙන්ම, බයිඩන් පිටුපස සොම්බින් (zombie-පන ගැන්වූ මල මිනී) මෙන් සිටගෙන සිටි රාජ්‍ය ලේකම් ඇන්තනි බ්ලින්කන් සහ උප ජනාධිපති කමලා හැරිස් ඇතුලත් කිරීම, ඇමරිකානු ආන්ඩුවේ පිලිවෙත මෙයයි යන පනිවිඩය අවධාරනය කිරීමට අදහස් කරන ලදී.

බයිඩන් ගේ ප්‍රකාශයන්, පුරෝකථනය කල හැකි පරිදිම, ඊශ්‍රායල යුද අපරාධ උසිගන්වන ලදී. කතාවෙන් පසු වහාම , ඊශ්‍රායලය සිවිල් ප්‍රදේශවල ගිනි කුනාටු (firestorms) ඇති කිරීම සදහා , ජාත්‍යන්තර නීතිය යටතේ අපරාධයක් සේ ගැනෙන සුදු පොස්පරස් භාවිතා කිරීමට පටන් ගත්තේය. අඟහරුවාදා , ඊශ්‍රායලය විසින් මෑත පෙරදිග පලස්තීන සරනාගතයින් සඳහා වන එක්සත් ජාතීන්ගේ සහන සහ වැඩ ඒජන්සියේ (UNRWA) මූලස්ථානයට සහ තවත් ගනන් කල නොහැකි ප්‍රමානයක බහු මහල් ගොඩනැගිලිවලට බෝම්බ හෙලීය. ඊශ්‍රායල ආක්‍රමනයට ප්‍රතිරෝධය දක්වන ඕනෑම ප්‍රදේශයක් “නටබුන්” බවට පත් කරන බවට අගමැති නෙතන්යාහුගේ ප්‍රතිඥාවට අනුව ඊශ්‍රායලය පලස්තීනුවන්ට ආහාර, ජලය සහ විදුලිය ලබා දීම ප්‍රතික්ෂේප කිරීම නොනවත්වා සිදු කරයි.

සමූල ඝාතනය ප්‍රවර්ධනය කිරීමකට සහ නීත්‍යානුකූල කිරීමකට බයිඩන් ගේ භාෂාව ආසන්න වේ. බයිඩන් ආරම්භ කලේ, පලස්තීනුවන්ගේ ප්‍රතිරෝධය “පිරිසිදු, අමිශ්‍ර නපුරේ” ප්‍රකාශනයක් වූ බව සදහන් කරමිනි. පලස්තීනුවන් “තිරිසනුන්” ලෙස හැඳින්වූ ඊශ්‍රායල අගමැති බෙන්ජමින් නෙතන්යාහුගේ ප්‍රකාශය මෙම වචන වලින් ප්‍රතිරාවය විය. නෙතන්යාහුගේ ආරක්ෂක අමාත්‍ය යොආව් ගැලන්ට් පැවසුවේ, “අපි සටන් කරමින් සිටින්නේ මිනිස් තිරිසනුන් සමඟයි, ඒ අනුව අපි ක්‍රියා කරනවා” යන්නයි.

යමෙකු “තනිකර නපුර” සමඟ කටයුතු කරන බව ප්‍රකාශ කිරීම යනු කිසියම්ම තාර්කික විශ්ලේෂනයකින් සිදුවීම් බැහැර කිරීමයි. මෙම මැනිකියායනු ලෝක දෘෂ්ටිය (හොද නරක, කලු සුදු ආදී වශයෙන් දකින ද්වෛතමය ලෝක දෘෂ්ටිය) තුල, “නපුර” ආමන්ත්‍රනය කල හැක්කේ තුරන් කිරීම, මූලෝත්පාටනය කිරීම සහ ඝාතනය කිරීම මගින් පමනි.

බයිඩන් සටන් විරාමයක් කැඳවා සිටියේ නැත. ඔහු සාම සාකච්ඡා සඳහා කැඳවූයේ නැත. ඔහු මැදිහත් වීමක් හෝ බේරුම්කරනයක් ඉල්ලා සිටියේ නැත. ඔහු ඊශ්‍රායලයෙන් සංයමයෙන් කටයුතු කරන ලෙස ඉල්ලා සිටියේ නැත. ගාසා තීරය ඊශ්‍රායල ආක්‍රමනයකින් ඇති වන ගනන් කල නොහැකි ලේ වැගිරීමක් ගැන ඔහු අනතුරු ඇඟවූයේ නැත.

ඊශ්‍රායලය විසින් නීතිවිරෝධී ලෙස අත්පත් කරගෙන සිටින භූමි ප්‍රදේශය තුලට, පලස්තීන කඩා වැදීමේ ඊශ්‍රායල වින්දිතයන් පිලිබඳ ප්‍රකෝපකාරී සඳහනවලින් පිරී ඇති බයිඩන්ගේ ප්‍රකාශයෙහි, ඊශ්‍රායල ප්‍රචන්ඩත්වයට ගොදුරු වූ පලස්තීනුවන් ගැන එකදු සඳහනක්වත් නැත.

පසුගිය වසර 75 තුල, ඊශ්‍රායල හමුදා සහ දැන් ඊශ්‍රායල ආන්ඩුව තුල නියෝජනය ලබන ෆැසිස්ට් බලවේග විසින් ගනන් කල නොහැකි දස දහස් ගනන් පලස්තීනුවන් ඝාතනය කර ඇත. මෙම ඊශ්‍රායල අපරාධකරුවන් “නපුරු” කමෙ ප්‍රතිමූර්තියක් බව ප්‍රකාශ කිරීම පසෙකින් තිබියේවා, මෙම මිනීමැරුම් කිසිවක් එක්සත් ජනපදය විසින් හෙලා දැකීමට පෙලඹුනේ නැත.

ගැටුම පිලිබඳ ඕනෑම විවේචනාත්මක වග විභාගයක් වැලැක්වීම ඉලක්ක කර ගත්, කිහිප ගුනයකින් වඩා විශාල පලස්තීනුවන්ට එරෙහි ඊශ්‍රායල ප්‍රචන්ඩත්වය නොසලකා හරිමින්, සිවිල් වැසියන්ට එරෙහිව හමාස් සංවිධානය විසින් සිදු කරන ලද ප්‍රචන්ඩත්වය කෙරෙහි පමනක් අවධානය යොමු කරනා, එක්සත් ජනපද මාධ්‍යවල ප්‍රචාරක මහා ප්‍රවාහයක් බයිඩන් ගේ ප්‍රකාශයන් සමග සමගාමීව පලවිය.

“අපි ඊශ්‍රායලය සමඟ සිට ගනිමු,” බයිඩන් ප්‍රකාශ කලේය. “ත්‍රස්තවාදය සඳහා සාධාරනීකරනයක් නැත.” පලස්තීනුවන්ගේ ප්‍රචන්ඩත්වයට නිදහසට කරුනක් නැත, නමුත් ඊශ්‍රායලයේ ප්‍රචන්ඩත්වයට සෑම විටම නිදහසට කරුනක් තිබේ. මේසේ කියන්නේ, 2008 සිට ගැටුමෙන් ඝාතනය වූ ඊශ්‍රායල් වැසියන් 300 ට සාපේක්ෂව, ඊට වඩා 20 ගුනයක් , එනම්, 6,400 පලස්තීනුවන් ඝාතනය වී ඇත යන කාරනය තිබිය දීත්ය. බයිඩන් ප්‍රකාශ කලේ, “ඇත්ත වශයෙන්ම මෙම දරුනු ප්‍රහාරවලට ප්‍රතිචාර දැක්වීමට ලෝකයේ සෑම ජාතියකටම මෙන්, ඊශ්‍රායලයට ද ප්‍රතිචාර දැක්වීමේ අයිතියක් හා යුතුකමක් ඇත.” සෑම ජාතියකටම, එනමුත්, පලස්තීනුවන් හැර.

බයිඩන් වර්තමාන ගැටුමේ සමස්ත පූර්ව ඉතිහාසයම සරලවම නොසලකා හැරියේය. නීතිවිරෝධී ලෙස ඈඳාගත් පලස්තීන භූමියේ තම ජනගහනය පදිංචි කිරීම, පලස්තීනුවන් නිදහසේ ගමන් කිරීම වැලැක්වීම සහ රාජ්‍ය ප්‍රතිපත්තිය ලෙස සංවිධානාත්මක මිනීමැරුම් භාවිතා කිරීම, වධහිංසා පැමිනවීම් සහ දින නියමයක් නොමැතිව රඳවා තබා ගැනීම සම්බන්ධයෙන් එක්සත් ජාතීන්ගේ සංවිධානය ඊශ්‍රායලය හෙලා දැක තිබේ.

පලස්තීනුවන්ගේ පැත්තෙන් ඊට මැදිහත් වීමට නිර්භීත වන ඕනෑම ආන්ඩුවකට එරෙහිව එක්සත් ජනපද මිලිටරි බලය මුදා හරින බවට බයිඩන් තර්ජනය කලේය: “ඕනෑම රටකට, ඕනෑම සංවිධානයකට, මෙම තත්වයෙන් ප්‍රයෝජන ගැනීමට සිතන ඕනෑම කෙනෙක් සදහා , මට එක වචනයක් ඇත: එපා.” ඇමරිකානු ප්‍රතිචාරය, “වේගවත්, තීරනාත්මක සහ අතිමහත්” වනු ඇතැයි බයිඩන් පැවසීය.

මෙම භාෂාව බිය ගන්වන්නේ නැත; එය කෝප ගැන්වීම පමනක් සිදු කරනු ඇත. යටත් විජිතවාදයේ අමිහිරි මතකයන් සමඟ තවමත් ජීවතය ගෙවන බොහෝ දෙනෙක් ද ඇතුලත් ලෝක ජනතාවගෙන් අතිමහත් බහුතරයක් අතර, එය පොලඹ වනු ඇත්තේ පිලිකුල පමනකි.

බයිඩන් ප්‍රකාශ කලේ, “ප්‍රාන ඇපකරුවන් ලෙස තබාගෙන සිටින ඇමරිකානුවන්ගේ ආරක්ෂාවට වඩා ඉහල ප්‍රමුඛතාවයක් මට නැත.” එහෙත් ඔහු ඊශ්‍රායල ක්‍රියාවන්ට අසීමිත ලෙස අනුමැතිය දීම මගින් ප්‍රාන ඇපකරුවන්ගේ මරනය බොහෝ දුරට සහතික කර ඇත.

බයිඩන් ගේ ප්‍රකාශ අතුරින් වඩාත්ම නින්දිත ප්‍රකාශ අතර ඊශ්‍රායල වර්නභේදවාදී පාලන තන්ත්‍රයට එරෙහිව පලස්තීනුවන්ගේ ප්‍රතිරෝධය , හොලෝකෝස්ටයේ දී යුරෝපා යුදෙව්වන් සමූලඝාතනය කිරීම සමඟ සම්බන්ධ කිරීමට ඔහු දැරූ උත්සාහය විය. “ඊශ්‍රායලයට එල්ල වූ මෙම ප්‍රහාරය, සහස්‍රයක් පුරා යුදෙව් විරෝධය සහ සමූලඝාතනය විසින් ඉතිරි කරන ලද වේදනාකාරී මතකයන් සහ කැලැල් මතුපිටට ගෙන ආවේය” යනුවෙන් බයිඩන් පැවසීය.

මෙය ඉතිහාසය මුලුමනින්ම විකෘති කිරීමකි. යුරෝපීය ඉතිහාසයේ තීරනාත්මක කොටසක් වන මිනීමරු යුදෙව්-විරෝධී සංහාර සහ යුදෙව් විරෝධී වාදය සමග පලස්තීනුවන්ට ඓතිහාසික සම්බන්ධයක් නැත. ඔවුන් හොලොකෝස්ටයේ කිසිදු භූමිකාවක් ඉටු කලේ නැත.

දෙවන ලෝක සංග්‍රාමයේදී යුදෙව්වන් මිලියන ගනනින් මූලෝත්පාටනය කරත් දි එක්සත් ජනපදය සිය දේශසීමා වසා ගෙන සිටියේය. 1939 දී, යුදෙව් සරනාගතයින් 900කට අධික සංඛ්‍යාවක් රැගත් නෞකාවක් වූ SS සෙන්ට් ලුයිස්, එක්සත් ජනපදයෙන් ඉවතට හරවා ආපසු යුරෝපයට යාමට බල කෙරුනු අතර, එය යුරෝපයේ යුදෙව්වන්ට හිංසා කිරීම සම්බන්ධයෙන් එක්සත් ජනපදය දක්වන උදාසීනත්වය සංකේතවත් කරන කථාංගයකි.

සති තුනකටත් අඩු කාලයකට පෙර, සමස්ත කැනේඩියානු පාර්ලිමේන්තුව, සියලුම නේටෝ රටවල තානාපතිවරුන් සහ නියෝජිතයින් සමඟ නැගී සිට, නාසි ජර්මනියේ මෙහෙයවීම යටතේ යුදෙව් සංහාරයට වගකිව යුතු යුක්රේන වෆෙන්-එස්එස් හි ප්‍රවීනයෙකු වන යාරොස්ලාව් හුන්කාට අත්පොලසන් දුන්නේය.

ඔහුගේ ප්‍රකාශය අවසන් කිරීමේදී බයිඩන් “යුදෙව් සහ ප්‍රජාතන්ත්‍රවාදී ඊශ්‍රායල රාජ්‍යය” කැඳවා ගත්තේය. යුදෙව් සහ ප්‍රජාතන්ත්‍රවාදී රාජ්‍යයක් යනු පරස්පර විරෝධී පද භාවිතයකි. වාර්ගික අනන්‍යතාවය මත ගොඩනැගෙන රාජ්‍යයක් සහජයෙන්ම ප්‍රජාතන්ත්‍ර විරෝධී ය. එපමනක් නොව, සිදුකෙරෙමින් පවතින අපරාධවලට සමස්ත ඊශ්‍රායල ජනතාවම පටලවමින්, ඔවුන් “යුදෙව් ජනතාව” නියෝජනය කරන බවට නෙතන්යාහුගේ සහ ඊශ්‍රායල දේශපාලන සංස්ථාපිතයේ ආස්ථානය එමගින් මුලුමනින්ම පිලිගනී.

බයිඩන් අවසන් කලේ, “ත්‍රස්තවාදීන් හිතාමතාම සිවිල් වැසියන් ඉලක්ක කර ඔවුන් මරා දැමූහ. අපි යුද නීති තහවුරු කරමු .” බයිඩන් කතා කරන්නේ කුමක් ගැනද? එක්සත් ජනපදය විසින් තහවුරු කරන ලද එකම නීතිය අසීමිත අධිරාජ්‍යවාදී ප්‍රචන්ඩත්වය සහ කොල්ලකෑමේ නීතියයි.

පලස්තීනුවන්ට එරෙහි ඔහුගේ දීර්ඝ පරිභවය නිශ්චිත රටාවකට අනුකූල වේ. එනම්, පාලන තන්ත්‍ර වෙනසක් සහ රුසියාවට එරෙහි පූර්න ජයග්‍රහනය සඳහා යුද්ධයක් ඉල්ලා සිටීමේ දී හෝ මැද පෙරදිග පූර්න පරිමානයේ යුද්ධයක් අවුලුවාලීමේ දී, ඇමරිකානු පාලක පන්තිය ක්‍රියා කරන්නේ මුලුමනින්ම නොසැලකිලිමත්කමින් හා ම්ලේච්ඡත්වය සමගිනි.

බයිඩන් ගේ කතාව මුලු ලෝකයටම අනතුරු ඇඟවීමකි. එක්සත් ජනපද අධිරාජ්‍යවාදය සිවිල් ජනතාවට එරෙහිව අසීමිත මිලිටරි ප්‍රචන්ඩත්වයේ සහ සාමූහික දඬුවම්වල මූලධර්මයන් වැලඳගෙන ඇත. එය නතර නොකලහොත්, දැන් ගාසා තීරයට එල්ල කර ඇති මිනීමැරුම් ප්‍රහාරය ලොව පුරා මිලියන ගනනකගේ ඉරනම වනු ඇත.

සෑම අධිරාජ්‍යවාදී ආන්ඩුවකින්ම සහ සෑම ප‍්‍රධාන මාධ්‍ය ආයතනයකින්ම පොම්ප කරන ප‍්‍රචාරක ධාරාව මගින් කම්කරුවන් හා තරුනයින් බිය ගැන්විය නොහැක. අධිරාජ්‍යවාදයට එරෙහි අරගලයේ දී සෑම ජනවර්ගයකටම, ආගමකටම හා ජාතිකත්වයකටම අයත් කම්කරුවන් හා තරුනයින් එක්සත් කරමින් ගෝලීය මහා යුද විරෝධී ව්‍යාපාරයක් ගොඩනැගීම හදිසි අවශ්‍යතාවයකි.

ගාසා තීරයට එල්ල කරන ඊශ්‍රායල් ප්‍රහාරයට බයිඩන් අසීමිත සහයෝගය ප්‍රකාශ කරයි Read More »

ඊශ්‍රායල හමුදාව ගාසා තීරය වටලයි

class struggles, Democratic Rights, Fascism, politics, War, World War / October 17, 2023

ඇලෙක්ස් ලැන්ටියර් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 ඔක්තෝබර් 10 දින ඉංග්‍රීසියෙන් පලවූ ‘Israeli army lays siege to Gaza’ යන ඇලෙක්ස් ලැන්ටියර් විසින් ලියන ලද ලිපියේ සිංහල පරිවර්තනයයි. පරිවර්තනය කිත්රුවන් මොලදන්ඩ විසිනි.

ගාසා තීරයේ , පලස්තීන සටන්කාමීන් විසින් කලාපය අවහිර කරමින් ඊශ්‍රායල ආක්‍රමණික හමුදාවන්ට එරෙහිව ප්‍රහාරයක් දියත් කර දින තුනකට පසු ඉරිදා, ඊශ්‍රායල අගමැති බෙන්ජමින් නෙතන්යාහුගේ පාලන තන්ත්‍රය ගාසා තීරය වැටලීමක් නිවේදනය කළේය. ගාසා තීරයේ පලස්තීනුවන්ගෙන් ජීවිතවලින් “පෙර නොවූ විරූ මිලක්” ලබා ගැනීමට නෙතන්යාහු ප්‍රතිඥා දීමෙන් පසුව, ඔහුගේ සියොන්වාදී තන්ත්‍රය ලේවැකි මහජන මර්දනයක් සූදානම් කරමින් සිටී.

ඉහල ඊශ්‍රායල නිලධාරීන්ගේ ෆැසිස්ට්වාදී දැක්ම ආරක්ෂක අමාත්‍ය යෝආව් ගැලන්ට් විසින් පැහැදිලිව ප්‍රකාශ කරන ලදී. දැනට ගාසා තීරයට මහා පරිමාණ බෝම්බ ප්‍රහාර එල්ල කරමින් සිටින , බීර්ෂෙබා හි ඊශ්‍රායල ආරක්ෂක හමුදාවේ (IDF) දක්ෂිණ අණදෙන නිලධාරීන්ගේ සඳුදා උදෑසන රැස්වීමකින් පසු ගැලන්ට් මෙසේ ප්‍රකාශ කළේය: “මම ගාසා තීරය සම්පූර්ණයෙන් වැටලීමට නියෝග කර ඇත. විදුලිය නැත. ආහාර නැත. ඉන්ධන නැත. සියල්ල වසා ඇත.”

මිලියන 2ක් වූ ගාසා තීරයේ මුළු ජනගහනයම ඉලක්ක කර ගැනීමේ ඔහුගේ තීරණය සාධාරණීයකරණය කිරීම සඳහා, ගැලන්ට් ඔවුන් සතුන්ට සංසන්දනය කරමින් මෙසේ පැවසීය: “අපි සටන් කරන්නේ මිනිස් සතුන් සමඟ , අපි ඒ අනුව ක්‍රියා කරනවා.”

ඊශ‍්‍රායලය විසින් ගාසා තීරයට එල්ල කරන වත්මන් බෝම්බ ප‍්‍රහාර ගාසා තීරයට එරෙහි සැලසුම් සහගත ප‍්‍රහාරයේ “ආරම්භය පමනක්” බව ඊයේ ජාතික රූපවාහිනියේ විකාශය වූ කතාවක දී නෙතන්යාහු අවධාරනය කලේය. ඔහු ප්‍රකාශ කළේ, “හමාස් සංවිධානය ක්‍රියාත්මක වන සෑම ස්ථානයක්ම නටබුන් බවට පත් වන බව මම කීවෙමි. එය අද සිදුවෙමින් පවතී. අනාගතයේදී එය තවත් සිදුවනු ඇත.” ඔහු පලස්තීනුවන් “සතුන්” ලෙස හඳුන්වමින් ගැලන්ට්ගේ භාෂාව ප්‍රතිරාවය කළේය.

නෙතන්යාහු ට්විටර් හි සටහනක් තබමින්, “ඉදිරි දශක කිහිපය තුළ ඔවුන්ගෙන් සහ ඊශ්‍රායලයේ අනෙකුත් සතුරන්ගෙන් මතක සිටින මිලක් අපි ලබා ගන්නෙමු. ඔවුන් ම්ලේච්ඡයන්ය.”

නෙතන්යාහුගේ සහ ගැලන්ට්ගේ මෙම පහත් පෙළේ තර්ජන ඊස්රායලයේ, මැද පෙරදිග හා ජාත්‍යන්තරව කම්කරුවන්, තරුනයින් සහ සමාජවාදී අදහස් ඇති බුද්ධිමතුන් විසින් අනතුරු ඇඟවීමක් ලෙස ගත යුතුය. ඊශ්‍රායල ආක්‍රමණයට එරෙහි ප්‍රතිරෝධය තලා දැමීම සඳහා, ගාසා තීරයේ ජනගහනයෙන් සැලකිය යුතු කොටසක් ඝාතනය කිරීම හෝ අවතැන් කිරීම, ඉතාමත් නිර්දය පියවරයන් ක්‍රියාත්මක කිරීමට නෙතන්යාහු අදහස් කරයි. ලේ වැගිරීමේ දැවැන්ත උත්සන්න වීම නැවැත්වීමට නම්, මෙම ප්‍රහාරය සහ ඊශ්‍රායලයේ පලස්තීනුවන් මර්දනය කිරීම නැවැත්වීමට කම්කරු පන්තියේ, ඊශ්‍රායලයේ සහ ජාත්‍යන්තරව ව්‍යාපාරයක් ගොඩනැගීම අවශ්‍ය වේ.

නෙතන්යාහුගේ අන්ත දක්ෂිනාංශික තන්ත්‍රය ගාසා තීරයට එරෙහිව දේශපාලනිකව සාපරාධී යුද්ධයක් දියත් කිරීමට සැලසුම් කරයි. ඊයේ, හියුමන් රයිට්ස් වොච් හි ඊශ්‍රායල සහ පලස්තීන අධ්‍යක්ෂ ඕමාර් ෂකීර් මෙසේ පැවසීය: “ආරක්ෂක ඇමති ගැලන්ට්ගේ ප්‍රකාශ පිළිකුල් සහගත ය. වාඩිලාගෙන සිටින ප්‍රදේශයක ජනගහනයට ආහාර සහ විදුලිය අහිමි කිරීම සාමූහික දඬුවමක් වන අතර එය යුධ අපරාධයක් වන කුසගින්න, යුද්ධයේ ආයුධයක් ලෙස භාවිතා කරයි. ජාත්‍යන්තර අපරාධ අධිකරණය, යුද අපරාධයක් කිරීමට කරන මෙම කැඳවුම සැලකිල්ලට ගත යුතුය.”

අසල්වැසි ඊජිප්තුවේ නිලධාරීන් අනතුරු අඟවන්නේ IDF විසින් ගාසාවේ සමස්ත පලස්තීන ජනතාව ඝාතනය කිරීමට හෝ පලවා හැරීමට ඉඩ ඇති බවයි. රජයට අයත් අහ්රම් (Ahram) ඔන්ලයින් මෙසේ ලිවීය: “පලස්තීන සිවිල් වැසියන් ඊජිප්තු දේශසීමා දෙසට තල්ලු කිරීමට සහ මහා පරිමාණයෙන් අවතැන් වීම සඳහා කෙරෙන කුලප්පු කිරීමේ කැඳවීම්වලට එරෙහිව ඉහළ මට්ටමේ ඊජිප්තු මූලාශ්‍ර සඳුදා අනතුරු ඇඟවීය …ඊජිප්තුව පලස්තීන ජනතාවගේ ජීවිත ආරක්ෂා කර ගැනීමට සහ තත්වය උත්සන්න වීම වැලැක්වීම සඳහා ජාත්‍යන්තර ප්‍රජාවේ සියලුම අදාළ පාර්ශ්ව සමඟ සිය සන්නිවේදන තීව්‍ර කළේය.”

යථාර්ථය නම්, නෙතන්යාහු ආන්ඩුව ගාසා තීරයට එල්ල කරන ප්‍රහාරයට සහාය දෙන සහ සක්‍රීය කරන කේන්ද්‍රීය බලවේගයන් වන්නේ නේටෝව ප්‍රමුඛ අධිරාජ්‍යවාදී බලවතුන්ය. ඊයේ ප්‍රංශ ජනාධිපති එමානුවෙල් මැක්‍රොන්, ජර්මානු චාන්සලර් ඔලාෆ් ෂෝල්ස්, ඉතාලි අගමැතිනී ජෝර්ජියා මෙලෝනි, බ්‍රිතාන්‍ය අගමැති රිෂි සුනක් සහ ඇමෙරිකා ජනාධිපති ජෝ බිඩෙන් ගාසා අර්බුදය සම්බන්ධයෙන් ඒකාබද්ධ සාකච්ඡාවක් පැවැත්වීය. පසුව , ඔවුහු නෙතන්යාහු අනුමත කරමින් සහ ගාසාවේ හමාස් බලධාරීන් හෙලා දකිමින් නරුම ප්‍රකාශයක් නිකුත් කළහ.

“ඊශ්‍රායල් රාජ්‍යයට අපගේ ස්ථීර සහ එකමුතු සහයෝගය සහ හමාස් සහ එහි බිහිසුණු ත්‍රස්තවාදී ක්‍රියාවන්ට අපගේ නිසැක හෙළා දැකීම” අවධාරණය කරමින් එය ප්‍රතිඥා දුන්නේය: “ ඉදිරි දිනවලදී, ඊශ්‍රායලයට තමන්ව ආරක්ෂා කර ගැනීමට හැකි බව සහතික කිරීම සඳහා අපි මිත්‍ර පාක්ෂිකයින් ලෙස සහ ඊශ්‍රායලයේ පොදු මිතුරන් ලෙස එක්සත්ව හා සම්බන්ධීකරණයෙන් සිටිමු.”

දැඩි ලෙස සන්නද්ධ නෙතන්යාහු ආන්ඩුව හුදෙක් “තම ආරක්‍ෂාව සඳහා කරන” බව පවසමින් “ත්‍රස්තවාදීන්” ලෙස ගාසා තීරයේ පීඩිත ජනතාව වෙත එල්ල කරන මෙම අපවාදය පිළිකුල් සහගත දේශපාලන බොරුවකි. ප්‍රධාන නේටෝ බලවතුන් විසින් පොම්ප කරන ලද , ඩොලර් බිලියන ගනනක මුදල් වලින් සන්නද්ධ වූ සියොන්වාදී තන්ත‍්‍රය විසින් දශක ගනනාවක් තිස්සේ ලේ වැකි ප‍්‍රචන්ඩත්වයට ලක් කල පලස්තීනුවන්ගේ නැගිටීමක් පිලිබඳව ලොව පුරා ජනතාව සහාය පල කරති.

සිකුරාදා රාත්‍රියේ සිට සෙනසුරාදා දක්වා , සටන ආරම්භයේ සිට ගාසා තීරයේ සිය ගුවන් හමුදාව ඉලක්ක 2,400කට පහර දුන් බවට ඊයේ IDF පුරසාරම් දෙඩුවේය. මධ්‍යධරණී මුහුදේ ඊශ්‍රායල යුද නැව් ද ගාසා තීරයට මිසයිල ප්‍රහාර එල්ල කරන අතර, ඊශ්‍රායල හමුදා සුදු පොස්පරස් බෝම්බ භාවිතා කරන බවට වාර්තා තිබේ. එයට ගොදුරු වූවන්ට වේදනාකාරී පිළිස්සුම් ලබා දෙන තහනම් රසායනික අවියකි. බෝම්බ ප්‍රහාර හේතුවෙන් දැනටමත් 123,000කට අධික පිරිසක් අවතැන්ව ඇති බව ගාසා බලධාරීන් ඊයේ වාර්තා කළේය.

IDF හමුදා විසින් නිතිපතා නිවාස සංකීර්ණ සහ රෝහල් පවා ඉලක්ක කරන බැවින්, ඊශ්‍රායල බෝම්බ හෙලීම යටතේ ජීවිතය ගැන මොහොමඩ් සයිඩම්, ලි මොන්ඩි ( Le Monde) පුවත් පතට පැවසුවේ, “මුලදී එය වෙනත් ඕනෑම උග්‍රවීමක් වැනිය. නමුත් පසුව එය භයානක විය. අපට ඉතා ආසන්නයෙන් පිපිරුම් ඇසේ, භූමිකම්පාවක් සිදු වූ විට මෙන් බිත්ති කම්පනය වේ. අපට නිදා ගත නොහැක, සහ අපගේ ධෛර්යය ඉතා කුඩා ශබ්දයකින් පවා බිඳ වැටේ.”

ගාසා තීරයේ අවතැන් වූවන් රැකබලා ගන්නා එක්සත් ජාතීන්ගේ සහන සහ වැඩ සංගමයේ (unrwa) ප්‍රකාශක අද්නාන් අබු හස්නා පැවසුවේ තම ආයතනය අති මහත් දුෂ්කරතාවයකට පත්ව ඇති බවයි. “අප තවමත් 2014 හෝ 2021 දී යුද්ධ කළමනාකරණය කර ගැනීමට සමත් වී නැත. මේ සියල්ල unrwa හි හැකියාවන් ඉක්මවා ඇත.”

ඊශ්‍රායලයේ ගාසා තීරය අවහිර කිරීම , 2007 දී ආරම්භ වූ දා සිට සියොන්වාදී පාලන තන්ත්‍රය ගාසා තීරයේ ජනතාවට එරෙහිව නැවත නැවතත් යුද්ධයක් දියත් කර ඇත. 2014 දී ඊශ්‍රායලය විසින් ගාසා තීරයට එල්ල කරන ලද බෝම්බ ප්‍රහාරවලින් පුද්ගලයන් 2,251 ක් මිය ගිියේය. 2018 දී, අවම වශයෙන් පලස්තීනුවන් 270 ක් මිය ගොස් 7,000 ක් තුවාල ලැබූ අතර, ඔවුන්ගෙන් බොහෝ දෙනෙක් සදාකාලික ආබාධිත තත්ත්වයට පත් වූහ. ඊශ්‍රායලයේ වත්මන් මායිම් තුළ තිබෙන තම මුතුන් මිත්තන්ගේ දේශයට ආපසු යාමට ඇති අයිතිය ඉල්ලා ගාසා හි වැසියන් විසින් සාමකාමී පාගමනක් කල විට, ඊට ඊශ්‍රායල හමුදා වෙඩි තැබීය.

ගාසා තීරයේ වත්මන් නැගිටීම ත්‍රස්තවාදී ක්‍රියාවක් නොව, ගාසා තීරයේ මහජනතාව විසින් නීත්‍යානුකූලව දකින්නේ මෙම අපරාධවලට එරෙහි වීරෝධාර ක්‍රියාවක් ලෙසය.

“පළස්තීන ප්‍රතිරෝධය , ඊශ්‍රායල හමුදාව සමඟ නව බලවේග පිලිබඳ සබඳතාවක් ඇති කිරීමට සමත් වී ඇත. නමුත් එහි දහස් ගුණයක් උසස් ආයුධ සහ තාක්‍ෂණය ඇත.” චිත්‍රපට නිෂ්පාදක ඉයාඩ් ඇලස්ටොල් ගාසාව ඇතුළත සිට ලි මොන්ඩි පුවත් පත වෙත පැවසීය. “මෙය ගාසා තීරයට එහි යම් ගෞරවයක් ලබා දී ඇත. එය , එක්සත් ජාතීන්ගේ සංවිධානයේ අරාබි රටවල් අපට ලබා දීම ප්‍රතික්ෂේප කළ දෙයකි.”

ඊශ්‍රායල ආක්‍රමණය අවසන් කිරීම සහ 2007 සිට ගාසා තීරය අවහිර කිරීම , එහි ප්‍රහාරයේ අරමුන බව ප්‍රකාශ කර ඇති හමාස් සංවිධානය, ඊශ්‍රායල ඉලක්ක වෙත දිගටම ප්‍රහාර එල්ල කරමින් සිටී. එහි රොකට් ජෙරුසලම, ටෙල් අවිව්, ස්ඩෙරොට්, අෂ්ඩෝඩ්, අෂ්කෙලොන්, රිෂොන් ලෙසියන් සහ බෙයර්ෂෙබා ඇතුළු ඊශ්‍රායලය පුරා නගරවලට පතිත විය. ඊශ‍්‍රායල ජාතිකයන් විශාල සංඛ්‍යාවක් බෝම්බ වලින් ආරක්ෂා විය හැකි කූඩාරම්වල සිටින අතර ඊශ‍්‍රායලයේ පාසල් සහ විශ්ව විද්‍යාල ඊයේ සහ අද වසා දමා ඇත.

ගාසා තීරය ඊශ්‍රායලයෙන් වෙන් කරන කුප්‍රකට දේශසීමා තාප්පයේ ආරක්ෂිත කැමරා විනාශ කරන පලස්තීනුවන් සහ ඔවුන් ඊශ්‍රායල යුද ටැංකිවලට ඩ්‍රෝන් ප්‍රහාරවලින් පහර දෙන අයුරු වීඩියෝ ඔන්ලයින් මගින් පෙන්නුම් කෙරුණි. ඊශ්‍රායල හමුදා හිස්බුල්ලා සටන්කාමීන් තිදෙනෙකුට වෙඩි තබා මරා දැමීමත් සමඟ ඊශ්‍රායල හමුදා සහ ලෙබනනය අතර ඊශ්‍රායලයේ උතුරු මායිම දිගේ ද සටන් ආරම්භ වූ අතර හිස්බුල්ලා ඒකක ඊශ්‍රායල හමුදා ස්ථාන වෙත ප්‍රතිප්‍රහාර එල්ල කළේය.

IDF පැහැදිලිවම ගාසා තීරයට ගොඩබිම් ප්‍රහාරයක් සූදානම් කරමින් සිටී. ඔවුන් පෙර නොවූ විරූ ලෙස 300,000ක අතිරේක භට පිරිසක් කැඳවමින්, ඊශ්‍රායල-ගාසා දේශසීමාවේ කාලතුවක්කු ස්ථානගත කිරීම් සූදානම් කරමින්, ටැංකි සහ සන්නද්ධ පිරිස් ප්‍රවාහනය කරමින් සිටිති. එවැනි ප්‍රහාරයක් මිලියන 2 ක ජනගහණයෙන් යුත් කුඩා ප්‍රදේශයක, එය රටක් නම්, ලෝකයේ තුන්වන වැඩිම ජනගහණයෙන් යුත් රට වනු ඇත. නොවැලැක්විය හැකි ලෙසම බිහිසුණු සිවිල් ජීවිත හානිවලට තුඩු දෙනු ඇත.

ගාසා තීරයට එරෙහි ඊශ්‍රායල රාජ්‍ය ප්‍රචණ්ඩත්වය උත්සන්න වීම ලොව පුරා වැඩෙන විරුද්ධත්වය සහ කෝපය අවුලුවයි.

පලස්තීනුවන්ට සහාය දැක්වීම සඳහා මැදපෙරදිග සහ ජාත්‍යන්තරව විරෝධතා පැවැත්වේ. ගාසා තීරයට එරෙහි මර්දනයට එරෙහිව යේමනයේ අගනුවර වන සානා වෙත දස දහස් ගණනක් ද බැග්ඩෑඩ්, ඉස්තාන්බුල් සහ ටෙහෙරානයේදී තවත් දහස් ගණනක් ද පෙළපාලි ගියහ. නිව් යෝර්ක්, ලන්ඩන්, සිඩ්නි සහ අනෙකුත් නගරවල කුඩා විරෝධතා පැවති අතර, බ්‍රහස්පතින්දා පැරිසියේදී ගාසාව ආරක්ෂා කිරීමේ විරෝධතා කැඳවන ලදී. ඉරාක පූජක මොක්ටාඩා අල්-සද්ර් සිකුරාදා බැග්ඩෑඩ් හි “මිලියනක මිනිසුන්ගේ පා ගමනක්” කැඳවා තිබේ.

තීරනාත්මක ප්‍රශ්නය වන්නේ, නෙතන්යාහුගේ අන්ත දක්ෂිනාංශික ආන්ඩුවේ ප්‍රජාතන්ත්‍ර විරෝධී පිලිවෙත් මගින්, මේ වසර මුලදී ඊශ්‍රායලය තුළ මහජන විරෝධතා අවුලුවාලූ ,කම්කරු පන්තිය තුල වැඩෙන ව්‍යාපාරය පලස්තීන ජනතාව ආරක්ෂා කිරීම සඳහා සමාජවාදී හා ජාත්‍යන්තරවාදී ඉදිරි දර්ශනයකින්, සන්නද්ධ කිරීමයි.

ඊශ්‍රායල හමුදාව ගාසා තීරය වටලයි Read More »

නෙතන්යාහු ආන්ඩුව භංග වේවා! ගාසා තීරයට එරෙහි, අධිරාජ්‍යවාදී පිටුබලය ලබන සියොන්වාදී ප්‍රහාරය නවතනු!

Democratic Rights, Fascism, politics, War, World War / October 16, 2023

හතරවන ජාත්‍යන්තරයේ ජාත්‍යන්තර කමිටුව

මෙහි පලවන්නේ ලෝක සමාජවාදී වෙබ් අඩවියේ 2023 ඔක්තෝම්බර් 09 දින ඉංග්‍රීසියෙන් පල වූ Down with Netanyahu’s government! Stop the imperialist-backed Zionist onslaught against Gaza! යන ඉදිරිදර්ශන ලිපියේ සිංහල පරිවර්තනයයි. පරිවර්තනය උපුටා ගත්තේ එම වෙබ් අඩවියේ සිංහල අංශයෙනි.

1. ඊශ්‍රායල වාඩිලා ගැනීමට එරෙහිව ගාසා තීරයේ ඇති වූ මහජන නැගිටීමෙන් පසු පලස්තීන ජනතාවට එරෙහිව නෙතන්‍යාහු ආන්ඩුව යුද ප්‍රකාශ කිරීම හතරවන ජාත්‍යන්තරයේ ජාත්‍යන්තර කමිටුව (හජාජාක) තරයේම හෙලා දකී. නාසීන් සිහිගන්වන ඊශ්‍රායල පාලන තන්ත්‍රයේ උමතු අග්නිය, ගාසා තීරයේ ජනගහනයෙන් විශාල කොටසක් සමූලඝාතනය කිරීමේ ඉල්ලීමකට වඩා අඩු දෙයක් නොවේ. දැන් ඊශ්‍රායල සන්නද්ධ හමුදාවන් විසින් සැලසුම් කර ක්‍රියාවට නංවන ජන සංහාරක ව්‍යාපාරයට බයිඩන් පරිපාලනය සහ යුරෝපීය සංගමයේ ආන්ඩු විසින් දෙන සම්පූර්න සහයෝගය දීමේ ප්‍රකාශයන් හජාජාක දැඩි ලෙස හෙලා දකී. කලාපයට ඇමරිකානු ගුවන් යානා ප්‍රවාහක නෞකාවක් යැවීම පලස්තීන ජනතාවට එරෙහි දැවැන්ත ප්‍රහාරය සමග අධිරාජ්‍යවාදී සහයෝගීතාවයේ තුච්ඡ ප්‍රදර්ශනයකි.

2. මර්දනයට එරෙහි අරගලයේදී පලස්තීන කම්කරුවන් හා තරුනයන් ආරක්ෂා කිරීම ජාත්‍යන්තරවත් ඊශ්‍රායලය තුලමත් කම්කරු පන්තියේ වගකීමකි. අධිරාජ්‍යවාදී මධ්‍යස්ථානවල සහ ලෝකය පුරා, ඊශ්‍රායල ආන්ඩුවට ආයුධ සහ මූල්‍ය ආධාර නැව්ගත කිරීමට එරෙහිව විරෝධතා සහ විරුද්ධත්වය ගොඩනැගිය යුතුය. ගාසා තීරයේ සහ බටහිර ඉවුරේ වාඩිලාගැනීම අවසන් කරන ලෙස ඉල්ලා සෑම රටකම මහජන පෙලපාලි පැවැත්විය යුතුය.

3. පාලනතන්ත්‍රයේ විසකුරු ස්වෝත්තමවාදය ප්‍රතික්ෂේප කරන ලෙස අපි විශේෂයෙන්ම ඊශ්‍රායල කම්කරු පන්තියට සහ යුදෙව් ජනතාව අතර සිටින සියලුම ප්‍රගතිශීලී කොටස්වලට ආයාචනා කරමු. ඊශ්‍රායල කම්කරුවන් හා තරුනයන් තම අවශ්‍යතා නියෝජනය නොකරන නෙතන්‍යාහු ආන්ඩුවේ සාපරාධී ක්‍රියාවන්ගෙන් වෙන් වී, ඒවා හෙලා දැකිය යුතුය.

4. ඉතිහාසය පුරා සෑම විටම සිදු වූ පරිදි, මහජනතාවගේ සෑම ප්‍රතිරෝධී ක්‍රියාවක්ම පාලක ප්‍රභූන්ගේ උමතු කෝපය අවුස්සයි. බයිඩන්, ෂොල්ස්, මැක්‍රෝන් සහ සෙසු අයට ඔවුන්ගේ මුහුනු නිල් පාට වන තුරු ‘ත්‍රස්තවාදය’ යැයි කෑ ගැසුවාවේ. එහෙත් කුරිරු සියොන්වාද-ගැති ප්‍රචාරයන් නොතකා, ලොව පුරා කම්කරුවන්ගේ, තරුනයන්ගේ සහ පීඩිතයන්ගේ දයාව පලස්තීනුවන් වෙත පවතී. සිදුවෙමින් පවතින්නේ ම්ලේච්ඡ යටත් කරගැනීමකට එරෙහි මහජන නැගිටීමක් බවත්, තම අවශ්‍යතා සහ ප්‍රතිපත්තිවලට එරෙහිව නැගෙන විරුද්ධත්වයේ ඕනෑම ප්‍රකාශයක් “ත්‍රස්තවාදය” යනුවෙන් පාලක පන්තිය විසින් හඳුන්වන බවත් පැහැදිලිය.

5. යුක්‍රේනයේ යුද්ධය සම්බන්ධයෙන් මෙන්ම, පලස්තීනයේ සිදුවීම් ද, ධනේශ්වර මාධ්‍ය තුල, ඒවායේ සමස්ත ඓතිහාසික සන්දර්භයෙන් උගුල්ලා දමා ඇත. අලුතින් පිහිටුවන ලද ඊශ්‍රායල රාජ්‍යය විසින් පලස්තීනය ආක්‍රමනය කර එහි ජීවත් වූවන් ඔවුන්ගේ නිජබිමෙන් නෙරපා හැර අදට වසර 75 කි. බටහිර ඉවුර ඊශ්‍රායල ආක්‍රමනය සහ ඈඳා ගැනීම ආරම්භ කල 1967 දී සිදුවූ සය දින යුද්ධයෙන් වසර 56 කි. හියුමන් රයිට්ස් වොච් හි වදන්වලින් කියතොත් ගාසා තීරය “එලිමහන් සිරගෙයක්” බවට පත් කල ගාසා තීරයට එරෙහි 2006 ඊශ්‍රායල යුද්ධය සහ ඉන් අනතුරුව සිදුකල වටලෑමෙන් වසර 17 කි. දශක ගනනාවක් පුරා, පලස්තීනුවන් සංකේන්ද්‍රනය වී ඇති ප්‍රදේශවලට මෙන්ම—1982 දී පලස්තීනුවන් සමූලඝාතනය කරන ලද සබ්‍රා සහ ලෙබනනයේ ෂටිලා සරනාගත කඳවුරුවලදී මෙන්—ඔවුන් පලා ගිය, වඩ වඩාත් කුඩාවන බිම් කැබලි මතට ගනන් කල නොහැකි නොගිනිය හැකි තරම් ඝාතන සහ බෝම්බ ප්‍රහාර එල්ල වී ඇත.

6. මේ සියල්ලේදී ම ඊශ්‍රායලයට අධිරාජ්‍යවාදී බලවතුන්ගේ සහාය ලැබී ඇත, සියල්ලටත් වඩා එක්සත් ජනපදයේ මැද පෙරදිග ප්‍රධාන කුලී හේවායා ලෙස ඊශ්‍රායලය ක්‍රියා කර ඇත. අරාබි ධනේශ්වර පාලන තන්ත්‍රයන් අධිරාජ්‍යවාදය සහ ඊශ්‍රායලය සමග එකඟතාවන්ට එලැඹ පලස්තීන ජනතාව සමූල ඝාතනයට හා පහර කෑමට ඉඩ හැර ඇති අතර, එක්සත් ජාතීන්ගේ සංවිධානය, ඈඳාගැනීමට එරෙහිව තමන්ගේම යෝජනා ක්‍රියාත්මක කිරීම ප්‍රතික්ෂේප කර ඇත. කෙසේ වෙතත්, මේ සියල්ල තිබියදීත්, ඊශ්‍රායල රාජ්‍යයට හෝ එහි ආධාරකරුවන්ට ඔවුන්ගේ ප්‍රජාතන්ත්‍රවාදී සහ සමාජ අයිතීන් සඳහා පලස්තීනුවන්ගේ උත්සාහයන් යටපත් කිරීමට නොහැකි වී තිබේ.

7. මෙය තීරනාත්මක මොහොතකි. මාස ගනනාවක් තිස්සේ, නෙතන්‍යාහු සහ ඔහුගේ ෆැසිස්ට් සභාග හවුල්කරුවන් වන බසාලෙල් ස්මොට්‍රිච් විසින් නායකත්වය දෙන ආගමික සියොන්වාදය සහ ඉටමාර් බෙන් ග්විර් විසින් මෙහෙයවන ලද යුදෙව් බලය, ඊශ්‍රායල ආරක්ෂක හමුදාවන්ගේ (අයිඩීඑෆ්) ප්‍රහාරයන්ට නායකත්වය දී ඇත. පොලිසිය සහ [ඉස්‍රායෙල] පදිංචිකරුවන්ගේ කන්ඩායම්, බටහිර ඉවුරේ, ගාසා තීරයේ සහ ඊශ්‍රායලයේම නගර සහ ගම්වලට දිනපතා ප්‍රහාර එල්ල කර ඇති අතර, අල් අක්සා පල්ලියේ ප්‍රකෝප කිරීම්වලට සම්බන්ධව සිටිති.

8. පලස්තීන ජනතාවගේ ප්‍රතිරෝධය, ඊශ්‍රායල නීතියෙන් පවා අපරාධකරුවෙකු ව සිටින නෙතන්‍යාහුට දේශපාලන ව්‍යසනයකි. සිරගෙට නොයා සිටීම සඳහා මෙම දුෂ්ඨ මැරයා බලයේ එල්ලී සිටින බව ඊශ්‍රායලයේ දේශපාලන ජීවිතය තුල සත්‍ය කාරනාවකි. දේශීය විරෝධයේ අවධානය වෙනතකට යොමු කිරීම සඳහා භාවිතා කල හැකි ප්‍රචන්ඩ ප්‍රතිචාරයක් ම අවුලුවාලීම සඳහා නෙතන්‍යාහු පලස්තීනුවන්ට එරෙහිව ප්‍රකෝප කිරීම් සිදු කරන බව, මිලියන සංඛ්‍යාත ඊශ්‍රායල ජාතිකයින් විසින් ද පිලිගෙන ඇත. කෙසේ වෙතත්,, නෙතන්‍යාහුගේ ගනන් බැලීම් ඉමහත් ලෙස ඉක්මවා යමින් ඔහුගේ සාපරාධී සැලසුම් වලට පලස්තීන ප්‍රතිචාර දක්වා ඇත.

9. සතුරු හමුදා විසින් වට කර තිබියදීත්, නිරන්තර සෝදිසි කිරීම්වලට සහ ඉලක්කගත ඝාතනවලට ලක්ව තිබියදීත්, හමාස් විසින්, නොබිඳිය හැකි යැයි කියනු ලබන යුදෙව් ජනාවාසයකදී දහස් ගනනකගේ මිලිටරි ප්‍රහාරයක් දියත් කර ඇත. මෙවන පරිමානයක මෙහෙයුමක් සැලසුම් කර රහසිගතව තබා ගත හැකිව තිබුනේ ගාසා තීරයේ මිලියන දෙකක වැසියන්ගේ අතිමහත් සහයෝගය නිසාය. එය වනාහි, 1943 දී වොර්සොව් යුදෙව් ජනාවාසයෙහි යුදෙව් රැඳවියන්ගේ නැගිටීම සහ 1944 දී ජර්මානු නාසි ආක්‍රමනයට එරෙහිව වෝර්සෝ කම්කරු පන්තියේ දැවැන්ත කැරැල්ලේ ආදර්ශය උද්දීපනය කරන, දැවැන්ත සන්නද්ධ පීඩකයෙකුට එරෙහිව සිදු කරන ලද සැබෑ මහජන නැගිටීමකි.

10. ඊශ්‍රායල පාලක පන්තිය දැන් සිටින්නේ, පලස්තීනුවන් බලහත්කාරයෙන් පලවා හැරීම හරහා සුවිශේෂී යුදෙව් රාජ්‍යයක් සුරක්ෂිත කර පවත්වා ගත හැක්කේ සමූහ ඝාතනයෙන් සහ වාර්ගික ශුද්ධ කිරීමකින් පමනක් බවට වන ප්‍රතිගාමී ඉදිරිදර්ශනයක ය. කිලෝමීටර් 43 ක් දිග සහ කිලෝමීටර් 10 ක් පලල ගාසා තීරය “සුන්බුන් ගොඩක්” බවට පත් කිරීමට නෙතන්‍යාහු ප්‍රතිඥා දී ඇති අතර එහි සිරගත ජනතාවට “ඉවත්ව යනු” යැයි කියා සිටින්නේ ඔවුන්ට එසේ ඉවත්ව යා නොහැකි බව දැන දැනම ය.

11. මුර්ග මිලිටරි ප්‍රතිචාරය දැනටමත් ආරම්භ වී ඇත. “අයෝමය අසිපත් මෙහෙයුමෙ හි [Operation Iron Swords]’ දෙවන දිනයේ ඊශ්‍රායලය ගාසා තීරයේ ඉලක්ක 800 කට ප්‍රහාර එල්ල කිරීම, එහි විදුලි සැපයුම නවතා දැමීම, වටලනු ලැබූ භූමිය තුලට සහ ඉන් පිටතට භාන්ඩ ප්‍රවාහනය නැවැත්වීම සහ අනාරක්ෂිත සිවිල් වැසියන් සිය ගනනක් සිටින, සුන්බුන් වූ රෝහල් සහ නේවාසික මහල් නිවාස දැකගත හැකි විය. ගුවන් බෝම්බ ප්‍රහාරයෙන් ආරක්ෂාව පතා පලායන පලස්තීනුවෝ, යූඑන්ආර්ඩබ්ලිව්ඒ [ආසන්න පෙරදිග පලස්තීන සරනාගතයින් සඳහා වන එක්සත් ජාතීන්ගේ සහන සහ වැඩකටයුතු පිලිබඳ ඒජන්සිය] විසින් පවත්වාගෙන යනු ලබන පාසල් වෙත රොක් වී සිටිති. (යූඑන්ආර්ඩබ්ලිව්ඒ– එක්සත් ජාතීන්ගේ මහා මන්ඩලයේ අනුබද්ධ ආයතනයකි)

12. එක්සත් ජනපදයේ බයිඩන් පරිපාලනය, ලෝකයේ සියලුම ප්‍රධාන බලවතුන්ගේ සහ ජන මාධ්‍යවල ප්‍රධානීන් විසින් නෙතන්‍යාහුගේ යුද ප්‍රකාශය සඳහා සපයන පොදු පිටුබලය පිටුපස ඇති සම්පූර්න යථාර්ථය මෙයයි. ලොව පුරා සමාජ නොසන්සුන්තාව සහ වැඩවර්ජන ක්‍රියාකාරකම් උග්‍රවන මොහොතක, මහජන විරෝධයේ ඕනෑම ප්‍රකාශනයක් ලබා දෙන ආදර්ශයන් ගැන සෑම තැනකම සිටින පාලක පන්තිය භීතියට පත්ව සිටිති.

13. අධිරාජ්‍යවාදී නායකයින් සහ ඔවුන්ගේ මාධ්‍ය හොරනෑ විරුද්ධ වන්නේ ‘ත්‍රස්තවාදයට’ නොව, වාඩිලාගැනීමට සහ ඊශ්‍රායලය විසින් දිනපතා ඇති කරන ත්‍රස්තවාදයට එරෙහි මහජන විරෝධයට ය. පලස්තීනුවන්ට එරෙහි ජන සංහාරයට සහය දැක්වීම සහ ඉරානය, සිරියාව සහ ලෙබනනයට එරෙහි කලාපීය යුද්ධයක් දක්වා මෙය දිගු කිරීම දක්වා ම ඔවුන් එසේ කරනු ඇත. වෝල් ස්ට්‍රීට් ජර්නලයේ කතුවැකිය මෙසේ ලියයි:

‘කරුනාකර ඊශ්‍රායලයේ ‘අවහිර කිරීම’ හෝ ‘ආක්‍රමනය’ තවදුරටත් හෙලා දැකීමක් නොකරන්න… ධවල මන්දිරයේ පෙලඹවීම වනු ඇත්තේ ඊශ්‍රායලයට නිදහසේ ප්‍රතිචාර දැක්වීමට සතියක් හෝ ඊට වැඩි කාලයක් ලබා දීම සහ පසුව නෙතන්‍යාහු ආන්ඩුවට සන්සුන් වීමට බල කිරීමයි. එය සැමවිටම එක්සත් ජනපද රටාවයි, නමුත් මෙවර එය එසේ නොවිය යුතුය. තවද පුලුල් යුද්ධයක් ඇති වුවහොත්, හමාස් සහ හිස්බුල්ලා සංවිධානයේ යුද ශක්තිය විනාශ කිරීමට අවශ්‍ය ආයුධ සහ රාජ්‍ය තාන්ත්‍රික සහාය ඊශ්‍රායලයට සැපයීමට එක්සත් ජනපදයට සිදුවනු ඇත.’

14. බයිඩන් පරිපාලනයේ එවැනි පසුබැසීමක් සිදුවේ යයි මාධ්‍ය බිය විය යුතු නැත. ඊයේ, ආරක්ෂක ලේකම් ලොයිඩ් ඔස්ටින් තහවුරු කලේ, එක්සත් ජනපදය ඩොලර් බිලියන 50 ක ෆෝඩ් ගුවන් යානා ගෙනයන නෞකාව ඇතුලුව ප්‍රහාරක නෞකා කන්ඩායමක් කලාපයට යවන බවත්, “ඉදිරි දිනවලදී” යුධෝපකරන සපයන බවත්‍ ය. මෙය හුදෙක් ඊශ්‍රායලය සමග “සහයෝගීතාව” නොව, යුද්ධයට සහභාගි වීමට සූදානම් වීමකි. ඊශ්‍රායලයේ මිලිටරි ප්‍රතිචාරයට පූර්න සහයෝගය දැක්වීමේදී පලස්තීනුවන් අසීමිත ලෙස ඝාතනය කිරීම ගැන වචනයක්වත් නොකියයි. සටන් විරාමයක් තබා සංයමයක් ඉල්ලා සිටීමක් හෝ නැත. අධිරාජ්‍යවාදී කවයන් තුල දැන් ප්‍රකාශ කෙරෙන එකම කනස්සල්ල, ඊශ්‍රායලයට යුධෝපකරන සැපයීම නිසා, යුක්‍රේනය තුලින් රුසියාවට එරෙහිව තීව්‍ර කෙරෙන එක්සත් ජනපද-නැටෝ යුද්ධයට අවශ්‍ය යුධෝපකරන සැපයීම අඩු විය හැකිය යන්න ගැනය.

15. පලස්තීන ජනතාවට සහය දැක්වීමේ සෑම සියලු ප්‍රකාශනයක්ම අපකීර්තියට පත් කිරීම සඳහා, අධිරාජ්‍යවාදී ආන්ඩු සහ මාධ්‍ය අනිවාර්යයෙන්ම ‘යුදෙව්-විරෝධී’ චෝදනාව එල්ල කරයි. මෙම කාලකන්නි අවලාද කුහකත්වයේ ගිලී ඇත. එය තම අවශ්‍යතා ඉටු වන්නේ නම්, පාලක ප්‍රභූන්ට හිට්ලර්ගේ වන්දිභට්ටයන් හා නව-නාසිවාදීන් සමග සන්ධානගත වීමේ ගැටලුවක් නැත. ජර්මානු ආන්ඩුව, නාසි තන්ත්‍රයේ අපරාධ යුක්තිසහගත කිරීමට සහ සුදු හුනු ගෑමට දක්ෂිනාංශික විද්වතුන්ගේ ප්‍රයත්න අනුමත කරයි. සති දෙකකටත් අඩු කාලයකට පෙර, අගමැති ටෲඩෝ සහ ජර්මානු තානාපතිවරයා සමග සමස්ත කැනේඩියානු පාර්ලිමේන්තුව, සමූල ඝාතන යුදෙව් සංහාරයට සහභාගී වූ නාසි වොෆන්-එස්එස් හි හිටපු සාමාජිකයෙකු වන යාරොස්ලාව් හුන්කාට නැගීසිට ඔල්වරසන් දුන්හ.

16. නෙතන්‍යාහු පාලනය ඕනෑම අපරාධයකට සමත් ය. නමුත් එය අනවභාවනීය එකක් නොවේ. එහි ලේවැගිරෙන රෞද්‍ර යුද හඬ තැලීම් වලින් ආන්ඩුවේ භීතිය සහ මංමුලා සහගත බව සැඟවිය නොහැක. එය පලස්තීන මහජනතාවගේ ප්‍රතිරෝධයට පමනක් නොව, ඊශ්‍රායල කම්කරු පන්තියේ වැඩෙන විරුද්ධත්වයට ද මුහුන දෙයි. වසර පුරා නෙතන්‍යාහු ආන්ඩුවට සහ එහි අධිපතිවාදී පියවරයන්ට එරෙහිව ඊශ්‍රායල කම්කරුවන්ගේ හා තරුනයන්ගේ මහා පෙලපාලි පැවතුනි. පලස්තීනුවන්ගේ පිඩනයට පත්කිරීම පිලිබඳ ප්‍රශ්නය මතු කිරීම ප්‍රතික්ෂේප කල නිල නායකත්වය විසින් මෙම පෙලපාලි යටපත් කරන ලදී. නෙතන්‍යාහුගේ යුද ප්‍රකාශය ඊශ්‍රායල යුද සැලසුම් පිටුපස පුරෝකථනය කල හැකි ලෙස පෙල ගැසී සිටින ප්‍රධාන සියොන්වාදී විපක්ෂ නායකයන් වන යෙෂ් ඇටිඩ් හි යාර් ලැපිඩ් සහ ජාතික සමගි පක්ෂයෙහි බෙනී ගැන්ට්ස් ද තරයේම හෙලිදරව් කර ඇත. නෙතන්‍යාහු සමඟ ජාතික සමගි ආන්ඩුවක් පිහිටුවීම සඳහා දැඩි සාකච්ඡා පැවැත්වෙමින් තිබේ.

17. ඊශ්‍රායලයේ කම්කරුවන් හා තරුනයන්ගෙන් සැදුම්ලත් මහජනතාවගේ සතුරා වන්නේ පලස්තීනුවන් නොව නෙතන්‍යාහු ආන්ඩුව සහ ඊශ්‍රායල පාලක පන්තියයි. ඊශ්‍රායලය තුල ප්‍රජාතන්ත්‍රවාදී පාලන ක්‍රම පෙරලා දැමීමේ පියවර ගැනීම, සමාජ අසමානතාවයේ ආන්තික වර්ධනයට හා සමාජ වැඩසටහන් මත තීව්‍ර වන ප්‍රහාරයට සම්බන්ධ වේ.

18. වත්මන් තත්වයේ මහා ඓතිහාසික හා දේශපාලන විරෝධභාසය මෙයයි: සියොන්වාදී පීඩනයට එරෙහිව පලස්තීන ජනතාවගේ ප්‍රජාතන්ත්‍රවාදී අයිතීන් වෙනුවෙන් සටන් නොකර ඊශ්‍රායල කම්කරු පන්තියට තමන්ගේම ප්‍රජාතන්ත්‍රවාදී අයිතීන් ආරක්ෂා කර ගත නොහැක. එමෙන්ම ඊශ්‍රායල කම්කරු පන්තිය සමග සටන් සන්ධානයක් ඇති කර නොගෙන පලස්තීනුවන්ට ප්‍රජාතන්ත්‍රවාදී අයිතීන් සහ සමාජ සමානාත්මතාවය සඳහා ඔවුන්ගේ අභිලාෂයන් සාක්ෂාත් කරගත නොහැක. එකම ශක්‍ය ඉදිරිදර්ශනය මිථ්‍යාමය “ද්විත්ව-රාජ්‍ය විසඳුම” නොව, යුදෙව් හා අරාබි කම්කරුවන්ගේ ඒකාබද්ධ සමාජවාදී රාජ්‍යයකි.

19. පලස්තීනුවන්ගේ අරගලය කෙතරම් වීරෝදාර වුවත්, ඔවුන් මුහුන දෙන නොඉවසිය හැකි කොන්දේසි සමාජවාදය සඳහා කම්කරු පන්තියේ ජාත්‍යන්තර ව්‍යාපාරයක් වර්ධනය කිරීමෙන් තොරව විසඳෙන්නේ නැත. මෙය ඊශ්‍රායලයේ යුදෙව් කම්කරුවන්ට හා තරුනයන්ට ද නොඅඩු ලෙස සත්‍ය වේ. යුදෙව්-විරෝධයේ නව වර්ධනයක් මගින් ඉතා තථ්‍ය අන්තරායක් මතු කෙරේ. එහෙත් එය පැන නගින්නේ ගාසා තීරයේ සහ වාඩිලාගෙන සිටින බටහිර ඉවුරේ මහජනතාවගේ ප්‍රජාතන්ත්‍රවාදී ප්‍රයත්නයන් නිසා නොව, ධනවාදය හා අධිරාජ්‍යවාදය විසින් උසිගන්වන ලද ප්‍රතිගාමී ජාතික ස්වෝත්තමවාදයෙනි.

20. පලස්තීනයේ නැගිටීම, ලෝකය පුරා මහජන වැඩ වර්ජන හා විරෝධතා ස්වරූපයෙන් වර්ධනය වෙමින් පවතින කෝපය හා විරුද්ධත්වය පුපුරා යාමේ කොටසකි. සවිඥානික සමාජවාදී හා විප්ලවවාදී වැඩපිලිවෙලකින් සහ ඉදිරිදර්ශනයකින් මෙහෙයවනු ලබන මෙම සමාජ ව්‍යාපාරය අධිරාජ්‍යවාදී යුද්ධය, අසමානතාවය සහ සියලු ආකාරයේ පීඩනයන් අවසන් කිරීමට බලමුලු ගැන්විය යුතුය. ජාත්‍යන්තර කමිටුව විසින් නායකත්වය දෙන ට්‍රොට්ස්කිවාදී හතරවන ජාත්‍යන්තරයේ ඉදිරිදර්ශනය සහ වැඩපිලිවෙල මෙයයි.

නෙතන්යාහු ආන්ඩුව භංග වේවා! ගාසා තීරයට එරෙහි, අධිරාජ්‍යවාදී පිටුබලය ලබන සියොන්වාදී ප්‍රහාරය නවතනු! Read More »

Stop Israeli genocide!

Democratic Rights, english, Fascism, lead article, News, politics, War, World War / October 15, 2023

By David North

The following statement appeared originally on X/Twitter.

A crime of monumental dimensions, comparable to those committed by the Nazis, is now unfolding before the eyes of the world. More than two million people are being deliberately subjected to starvation and dehydration.

The international working class must come to the defense of Gaza and demand the following:

1) The US and European governments must be compelled to end their support for and complicity in the Gaza genocide!

2) Food, water, electricity, medical care and all other necessities must be made available immediately!

3) The siege must be lifted!

4) All military attacks must stop!

5) The Israeli IDF must be forced to demobilize at once and withdraw all its forces from the border with Gaza!

[This statement was published originally by WSWS here today]

Read the following essential statements and articles too:

Tens of thousands protest Israeli war crimes across US

US, European powers fully implicated in Israeli mass murder

French President Macron endorses Israeli war on Gaza

German parliament in a war frenzy

Spontaneous protests in solidarity with Palestinians in German cities

Oppose the outlawing of solidarity protests in defense of Gaza!

Israel: Gantz joins Netanyahu in National Unity government to wage war on Palestinians

Ocasio-Cortez says pro-Palestinian demonstrations should be “shut down” as opposition to Israeli war crimes grows

Biden proclaims unlimited support for Israeli onslaught on Gaza

Canadian politicians and media rally behind Israel’s murderous response to Palestinian uprising

Who is responsible for the violence in Israel and Gaza?

Israeli army lays siege to Gaza

Down with Netanyahu’s government! Stop the imperialist-backed Zionist onslaught against Gaza!

Netanyahu regime staggered by Palestinian uprising

Stop Israeli genocide! Read More »

පලස්තීන නැගිටීමෙන් නෙතන්යාහු තන්ත්‍රය සැලී යයි

Democratic Rights, Fascism, News, politics, War, World War / October 13, 2023

ඇලෙක්ස් ලැන්ටියර් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 ඔක්තෝබර් 08 දින පල වූ ‘Netanyahu regime staggered by Palestinian uprising‘ යන ඇලෙක්ස් ලැන්ටියර් විසින් ලියන ලද ලිපියේ සිංහල පරිවර්තනය යි. පරිවර්තනය මිගාර මල්වත්ත විසිනි.

“කපටිකමෙන් සහ ප්‍රචන්ඩත්වයෙන් වහලෙකුට විලංගු ලන වහල් හිමිකරුවෙක් සහ, කපටිකමෙන් හෝ ප්‍රචන්ඩත්වයෙන් විලංගු බිඳ දමන වහලෙක් යන මේ දෙදෙනා සදාචාරය පිලිබඳ උසාවියක් ඉදිරියේ සමානයන් වෙතැයි අපට කීමට කිසිදු නීචයෙක් ඉදිරිපත් නොවෙත් වා! ” – ලියොන් ට්‍රොට්ස්කි, 1938

සිකුරාදා රාත්‍රියේ දී, ගාසා තීරයේ පලස්තීන හමුදා, රොකට් ප්‍රහාර මාලාවක් සමග ගාසා තීරය වට කර සිටින ඊශ්‍රායල හමුදාවන් එල්ල කරමින් හදිසි ප්‍රහාරයක් දියත් කලහ. සෙනසුරාදා රාත්‍රිය වන විට ඊශ්‍රායල ජාතිකයන් 200ක් මිය ගොස් 1100 ක් තුවාල ලබා තිබූ අතර පලස්තීනුවන් 232ක් මිය ගොස් 1697ක් තුවාල ලබා තිබුනි. මුලදී ඊට සූදානම්ව නොම සිටි ඊශ්‍රායල ආරක්ෂක හමුදා (IDF) ප්‍රතිප්‍රහාර එල්ල කරමින් සිටින අතර ඊශ්‍රායල අගමැති බෙන්ජමින් නෙතන්යාහු ගාසා තීරයේ රුධිරයෙන් “පෙර නොවූ විරූ මිලක්” ලබා ගැනීමට ශපථ කර ඇත.

සිකුරාදා රාත්‍රියේ ආරම්භ වූයේ, ප්‍රචන්ඩ සහ ම්ලේච්ඡ ලෙස පීඩාකාරී ඊශ්‍රායල වාඩි ලා ගැන්මට එරෙහි පලස්තීන ජනතාවගේ නැගිටීමකි. නෙතන්යාහු ආන්ඩුව, ෆැසිස්ට් වැනි ඊශ්‍රායල පදිංචිකරුවන් විසින් පලස්තීන ඉඩම් නිරන්තර සොරකම් කිරීම අනුමත කිරීමද, ගාසා තීරය අවහිර කිරීම ද, එහි පාලක හමාස් පක්ෂයේ සාමාජිකයින් ඉලක්ක කර ඝාතනය කිරීම ද, අල්-අක්සා පල්ලියේදී මුස්ලිම්වරුන්ට එරෙහිව ප්‍රකෝප කිරීම් සංවිධානය කිරීමද සිදු කර ඇත. එය, ගාසා තීරයට දරාගත නොහැකි කොන්දේසි පැනවීම මගින් සන්නද්ධ ප්‍රතිරෝධය අනිවාර්යය කලෙහි ය.

ගාසා තීරයට ඊශ්‍රායලය එල්ල කරන ප්‍රහාරයට කිසිදු පැකිලීමකින් තොරව සහාය දෙන අතරම පලස්තීන ප්‍රතිරෝධය “ත්‍රස්තවාදයක්” ලෙස හෙලා දකින යුරෝපා සංගමයේ නායකයින් සහ ජනාධිපති ජෝ බයිඩන්ගේ දුෂ්ට හා අශ්ලීල කුහක ප්‍රකාශයන් ලෝක සමාජවාදී වෙබ් අඩවිය හෙලා දකියි.

ගාසා තීරයට එරෙහි ඊශ්‍රායල මිලිටරි මෙහෙයුම් සඳහා “අචල සහ නොසැලෙන” සහයෝගය සදහා ප්‍රතිඥා දෙමින් බයිඩන් මෙසේ පැවසීය: “එක්සත් ජනපදය ගාසාවේ සිට හමාස් ත්‍රස්තවාදීන් විසින් ඊශ්‍රායලයට එරෙහි මෙම බිහිසුනු ප්‍රහාරය අවිවාදිතව හෙලා දකින අතර, . ඊශ්‍රායල රජයට සහ ජනතාවට අවශ්‍ය සියලුම අදාල ආධාරක විධි ඉදිරිපත් කිරීමට අපි සූදානම් බව මම අගමැති නෙතන්යාහුට පැහැදිලි කලෙමි. ත්‍රස්තවාදය කිසිවිටෙක යුක්ති සහගත නොවේ. ඊශ්‍රායලයට තමන් සහ තම ජනතාව ආරක්ෂා කිරීමට අයිතියක් ඇත.”

ජර්මානු විදේශ ඇමති ඇනලේනා බෙයර්බොක් මෙසේ ප්‍රකාශ කලාය: “ඊශ්‍රායලයේ සිවිල් වැසියන්ට එරෙහිව හමාස් සංවිධානයේ පිලිකුල් සහගත ප්‍රචන්ඩත්වය, පෙර නොවූ විරූ මෙන්ම අයුක්ති සහගත ය. මෙම ත්‍රස්තවාදය වහා නැවැත්විය යුතුය. ඊශ්‍රායලයට අපගේ පූර්න සහයෝගීතාව ඇත.”

මෙම ප්‍රකාශවල කුහකකම විශ්ම සහගතය. සෑම විටම මෙන් අධිරාජ්‍යවාදී බලවතුන්ගේ සහයෝගය ලැබී ඇත්තේ පීඩකයන්ට ය. පීඩිතයන්ගේ ප්‍රතිරෝධයේ කිසියම් ම ප්‍රකාශනයක් ආවේශගත හෙලාදැකීම් වලින් පිලිගනු ලැබේ. ඊස්රායල් ආන්ඩුව අපරාධකරුවෙකු විසින් මෙහෙයවනු ලබන බවත්, ඔහුගේ සභාගය ෆැසිස්ට්වන් වර්ගවාදීන් විසින් ආධිපත්‍යය දරන බවත්, එය ව්‍යවස්ථාව යටපත් කිරීමේ උත්සාහයක නියැලී සිටින බවත් මාධ්‍ය නොසලකා හරියි.

යුක්රේන යුද්ධය පිලිබඳ එහි ආවරනය තුල, රුසියාව “නීත්‍යානුකූල නොවන ලෙස ක්‍රිමියාව ඈඳා ගැනීම” ලෙස ඔවුන් පුරුද්දක් ලෙස හඳුන්වන දෙය හෙලා දැකීමට මාධ්‍ය කිසිවිටකත් අසමත් නොවේ. එක්සත් ජනපදය පුන පුනා ප්‍රකාශ කර ඇත්තේ ක්‍රිමියාව යලි අත්පත් කර ගැනීම සඳහා, “අවැසි තාක් කල්” යුක්රේනයේ යුද්ධයට සහය දෙන බවයි. එහෙත් පලස්තීන භූමියේ විශාල බිම් කොටස් ඊශ්‍රායලය විසින් නීති විරෝධී ලෙස ඈඳා ගැනීම, එය කිසිවිටෙක හෙලා දකින්නේ නැත.

ගාසා තීරයේ පලස්තීන ජනගහනයට සහ හමාස් ආන්ඩුවට ඩොලර් බිලියන සිය ගනනක් තරම් ආයුධ සපයන බලවත් අධිරාජ්‍යවාදී ආධාරකරුවන් නොමැත. සෑම වසරකම ඩොලර් බිලියන ගනනින් එක්සත් ජනපද මිලිටරි ආධාර ලබන ඊශ්‍රායල හමුදාවේ වාඩිලෑමකට එරෙහිව පලස්තීනුවන් ආයුධ අතට ගන්නා විට, ඔවුන් අතිමහත් අවාසි සහගත තත්ත්වයන්ට මුහුන පාමින් සිටින බව ඔවුහු දනිති.

එහෙත් නේටෝ රටවල ප්‍රතිගාමී දේශපාලඥයින් සහ වහල් මාධ්‍ය විසින් පලස්තීන හමුදාවන් වීරයන් ලෙස ගෞරව නොදක්වන අතර, ඒ වෙනුවට ත්‍රස්තවාදීන් ලෙස හෙලා දකී. යථාර්ථය නම්, ඊශ්‍රායල රාජ්‍යය , වසර ගනනාවක් තිස්සේ ජනාකීර්න ගාසා තීරයට එල්ල කරන ලද ඉවක් බවක් නොමැති ප්‍රහාරවලින් සිවිල් වැසියන් සිය හෝ දහස් ගනනක් ඉලක්ක කර මරා දමා ඇති බවයි.

සෙනසුරාදා රාත්‍රියේ ත්‍රාසය දනවන ජාතිය ඇමතීමකින්, නෙතන්යාහු “ගාසාවේ පදිංචිකරුවන්ට” පැවසුවේ “දැන් ඉවත්ව යනු, මන්ද අපි සෑම තැනකම සහ පූර්න බලයෙන් යුතුව ක්‍රියා කරන්නෙමු” යනුවෙනි. ඔහුගේ ආන්ඩුව ගාසා තීරය අවහිරකරමින් කිසිවෙකුට පිටව යාමට ඉඩ නොදෙන බැවින්, මෙය, ගාසා තීරයේ සමස්ත ජනගහනයම නීත්‍යානුකූල ඉලක්කයක් ලෙස නෙතන්යාහු දකින බව ප්‍රකාශ කිරීමකි. නෙතන්යාහු, “හමාස් සංවිධානයට අවශ්‍ය වන්නේ අප සියල්ලන්ම ඝාතනය කිරීමට” බව ප්‍රකාශ කරමින්, “ කටුක අවසානය දක්වා ඔවුන් සමග සටන් කිරීමට” ප්‍රතිඥා දුන් අතර හමාස් ක්‍රියාත්මක වන නගර “විනාශයේ නගර” බවට පත් වනු ඇති බව කියා සිටියේය.

ගාසා තීරය විනාශ කිරීමේ මෙම ම්ලේච්ඡ තර්ජනය නෙතන්යාහුගේ පාලන තන්ත්‍රයේ ෆැසිස්ට් ආකාර ස්වභාවයට සාක්ෂි දරයි. සියොන්වාදී පාලන තන්ත්‍රය දශක ගනනාවක දකුනට මාරුවීමේ අවසාන ප්‍රතිඵලය වී ඇත්තේ, ආගමික සියොන්වාදී පක්ෂය වැනි ප්‍රචන්ඩ අන්ත දක්ෂිනාංශික කන්ඩායම්, ඔහු විසින් ඔහුගේ ආන්ඩුව තුල සංස්ථාපිත කිරීමයි. එහි සාමාජිකයින් විසින් අල්ලා ගත් ප්‍රදේශවලින් පලස්තීනුවන් නෙරපා හැරීම සඳහා කැඳවීම් කරමින්, 1994 කුලදෙටු ගුහාවේ සංහාරය (Cave of Patriarchs massacre) වැනි පලස්තීනුවන් ඝාතනය කිරීම් ප්‍රවර්ධනය කරමින්, අල්-අක්සා පල්ලිය විනාශ කරන ලෙස බලකර සිටිමින්, ඇමරිකාවේ උපන් ෆැසිස්ට්වාදී මීර් කහාන් ( Meir Kahane) ගේ උරුමය ප්‍රවර්ධනය කරමින් ක්‍රියාත්මක වෙයි.

ඔහුගේ යුද්ධය සඳහා නෙතන්යාහුගේ සාධාරනීකරනය පදනම් වී ඇත්තේ ඔහු විසින් ජනඝාතක සංවිධානයක් ලෙස සලකන හමාස්ගේ අරමුනු මුසාකරනය කිරීම මත ය. යථාර්ථය නම්, හමාස් හමුදා අංශය වන අල්-කසාම් බලකාය විසින් නිකුත් කරන ලද ප්‍රකාශය අවධාරනය කරන්නේ, යුදෙව්වන්ට නොව ඊශ්‍රායල් වාඩි ලා ගැනීමට එරෙහි එහි විරෝධය යි. ඊශ්‍රායල හමුදා සහ පදිංචිකරුවන් (settlers) විසින් පලස්තීනුවන් ඝාතනය කිරීම, පලස්තීනුවන් දිගු කාලීනව සිරගත කිරීම, පලස්තීන ඉඩම් සොරකම් කිරීම සහ අල්-අක්සා පල්ලියේ ප්‍රකෝප කිරීම් හෙලා දකිමින්, එය අවසන් කරන්නේ:

“ඊශ්‍රායල් වාඩි ලා ගැනීම ගාසා තීරය වැටලීම පවත්වා ගෙන යමින් අපගේ පලස්තීන ජනතාවට එරෙහි අපරාධ දිගටම කරගෙන යන අතර, එක්සත් ජනපදයේ සහ බටහිර සහයෝගය සහ ජාත්‍යන්තර නිශ්ශබ්දතාවය මධ්‍යයේ ජාත්‍යන්තර නීති සහ යෝජනා සම්පූර්නයෙන් නොසලකා හරියි; ඒ සියල්ල සදහා තිත තැබීමට අපි තීරනය කලෙමු. පලස්තීන ජනතාවට එරෙහි ඊශ්‍රායල අපරාධ සහ අල්-අක්සා පල්ලියේ උල්ලංඝනය කිරීම් වලට ප්‍රතිචාර වශයෙන් ගෙන එන ඊශ්‍රායල වාඩිලා ගැනීමට එරෙහිව මිලිටරි මෙහෙයුමක් අපි නිවේදනය කරමු” යනුවෙනි.

එවැනි මෙහෙයුමක් රහසිගතව සූදානම් කර එය – යොම් කිප්පූර් යුද්ධයෙන් වසර 50 කට පසු – ඔක්තෝබර් 6දා දියත් කිරීමට හමාස් සතු හැකියාව ඊශ්‍රායල රාජ්‍යයේ අර්බුදයේ ගැඹුර හෙලිදරව් කරයි. එය ෆැසිස්ට් ආකාර කොටස් විසින් ඉහවහා ගොස් ඇති අතර, නෙතන්යාහුගේ දූෂන සම්බන්ධයෙන් වසර ගනනාවක නඩු විභාගයක් සමග සටනේ යෙදී ඇත. එසේම එය , අධිකරනයේ නෛතික ස්වාධීනතාවයට වල කැපීම සඳහා ව්‍යවස්ථාමය ප්‍රතිසංස්කරනයක් ක්‍රියාත්මක කිරීමට උත්සාහ කර එහි අසාර්ථකත්වය මධ්‍යයේ, මෙම වසර මුලදී කම්කරුවන්ගේ හා තරුනයන්ගේ මහජන විරෝධතාවලට මුහුන දුන්නේය. ෆැසිස්ට් ආකාර ත්‍රස්තය හරහා පලස්තීන විරෝධය යටපත් කිරීමේ එහි උත්සාහය අසාර්ථක ව ඇත.

1943 දී වෝර්සෝ ගෙටෝවේ (ghetto-විශේෂයෙන් යුරෝපයේ යුදෙව්වන් කොටුකල නාගරික මුඩුක්කු වන් ප්‍රදේශ) යුදෙව්වන්ගේ නැගිටීමෙන් සහ 1944 වෝර්සෝ කැරැල්ලෙන් , අල්ලා ගත් පෝලන්තයේ නාසි අන දෙන නිලධාරීන් පුදුමයට පත් වූ ආකාරයටම, පලස්තීන නැගිටීම ගැන නෙතන්යාහු රජය මවිතයට පත් විය. උඩඟුකම සහ වාර්ගික වෛරය නිසා අන්ධව සිටි එය, තම මර්දනය මගින් පලස්තීනුවන්ගේ කොන්ද බිඳ දමා ඇති බැවින් ප්‍රතිරෝධය අශක්‍ය යැයි විශ්වාස කලේය. එහි වරද හෙලිදරව් වී දැන් එය – දස සහ සිය දහස් ගනනක් ඝාතනය කරමින් නැගිටීම් වලට ප්‍රතිචාර දැක්වූ නාසීන් වාඩිලා ගත් පෝලන්තයේ දී මෙන් – රුධිර ස්නානයක් කරා ගමන් කරමින් සිටී.

මෙම පිලිවෙත අරාබි හා ජාත්‍යන්තර කම්කරු පන්තියේ පෘථුල විරෝධයට මුහුන දෙයි. අධිරාජ්‍යවාදී බලවතුන්ගේ නිර්ලජ්ජිත බොරු නොතකා, ලොව පුරා බිලියන සංඛ්‍යාත ජනතාව අතර පලස්තීනුවන් කෙරෙහි පුලුල් සහයෝගයක් පවතී.

කෙසේ වෙතත්, මෙම සහයෝගය සහ විරෝධය දේශපාලනිකව බලමුලු ගැන්විය යුතුය. විශේෂයෙන්ම, ඊශ්‍රායලයේ කම්කරුවන් හා තරුනයන් නෙතන්යාහු ආන්ඩුවේ මිනීමැරු පිලිවෙත්වලට එරෙහිව තමන් වෙන් කර ගනිමින් විරුද්ධ විය යුතු අතර මර්ධනයට හා වාඩිලෑමට එරෙහිව පලස්තීනුවන්ගේ සටනට සහාය දිය යුතුය.

දූෂිත අරාබි සහ මැද පෙරදිග ධනේශ්වර තන්ත‍්‍ර , අධිරාජ්‍යවාදී පිටුබලය ලත් ලේවැකි මර්දනයක් දියත් කිරීමේ නෙතන්යාහුගේ සූදානමට හවුල් ය. නෙතන්යාහු විසින් නොසලකා හරිනු ඇති, උත්සන්න වීම අඩු කිරීම සහ සංයමය සඳහා තුර්කියේ, ඊජිප්තුවේ, සවුදි අරාබියේ සහ කලාපයේ වෙනත් තැන්වල ධනේශ්වර ආන්ඩු, ආයාචනා කරති. ඒ අතරම, ඔවුන් සියල්ලෝම තමන්ගේ මිලිටරි සහ මූලෝපායික හේතු උදෙසා ඊශ්‍රායල පාලන තන්ත්‍රය සමඟ සමීප සබඳතා වර්ධනය කර ගැනීම සඳහා මං සොයමින් සිටිති.

ඊශ්‍රායලය තුල නෙතන්යාහුගේ ප්‍රහාරය නැවැත්විය හැකි බලවේගය වන්නේ, ගාසා තීරයට එල්ල කරන ප්‍රහාරය නැවැත්වීමට, නෙතන්යාහු පාලනය බිඳ දැමීමට සහ ගාසා තීරයේ සහ බටහිර ඉවුරේ ඊශ්‍රායල වාඩිලා ගැන්ම අවසන් කිරීමට, ඒකාබද්ධ අරගලයක් පෙරට ගන්නා ඊශ්‍රායල, පලස්තීන සහ ජාත්‍යන්තර කම්කරු පන්තියයි.

පලස්තීන නැගිටීමෙන් නෙතන්යාහු තන්ත්‍රය සැලී යයි Read More »

ඉන්දීය ආරක්ෂක ඇමතිගේ ශ්‍රී ලංකා සංචාරය අවලංගු කෙරුනේ ඇයි?

lead article, politics, Trade War, War, World War / September 10, 2023

එල්.පී. උදයප්‍රේම විසිනි.

ඉන්දීය ආරක්ෂක අමාත්‍ය රාජ්නාත් සිං සැප්තැම්බර් 2-3 දිනවල ශ්‍රී ලංකාවේ සිදු කිරිමට නියමිතව පැවති සිය සංචාරය හදිසියේ අවලංගු කලේ ය. ඉන්දීය ආරක්ෂක අමාත්‍යාංශය, එහි විදේශ අමාත්‍යාංශය මෙන්ම ලංකාවේ බලධාරීන් ද, මේ වන තෙක් ඊට හේතු වූ කරුනු සඳහන් කොට නැත.

Singh — ඉන්දීය ආරක්ෂක අමාත්‍ය රාජ්නාත් සිං (වමේ) සහ එක්සත් ජනපද ආරක්ෂක ලේකම් ජෙනරාල් ලොයිඩ් ඔස්ටින් (දකුනේ) අතර 2021 මාර්තු මස පැවති සාකච්ඡාවේදී ඉන්දියාව සහ එක්සත් ජනපදය ඔවුන්ගේ හමුදා කටයුතු පුළුල් කිරීම කෙරෙහි අවධානය යොමු කලහ.

එක්සත් ජනපදය, ජපානය, ඕස්ට්‍රේලියාව හා ඉන්දියාව එක් වී තනාගෙන තිබෙන ක්වෝඩ් (QUAD) මිලිටරි සංවිධානය යටතේ ඉන්දියාව, සමස්ත දකුනු ආසියාව ඒ තුලට ඇද ගැනීමට වෙර දරයි. තම ආරක්ෂක ඇමතිවරයා දෙදින නිල සංචාරයක් සඳහා ලංකාවට එවීමට තීන්දු කොට, දෙ රටේ ආරක්ෂක සම්බන්ධතා යලි අලුත් කරගැනීමට යත්න දරන්නේ එබැවිනි. ජනාධිපති හා ආරක්ෂක අමාත්‍ය රනිල් වික්‍රමසිංහ, සහ අගමැති දිනේෂ් ගුනවර්ධන ඇතුලු ආන්ඩුවේ බලධාරීන් සමග සිදු කරනු ලබන සාකච්ඡා මගින් එකී සම්බන්ධතා තර කර ගැනීමට සැලසුම් කර තිබුනි.

රාජ්නාත් සිංගේ සංචාරය සූදානම් කෙරුනේ, ජනාධිපති වික්‍රමසිංහ ඉන්දියාවට කල සංචාරයේ දී, ආරක්ෂක සම්බන්ධතා වැඩිදියුනු කිරීමට අගමැති මෝදි සමග ඇති කරගත් එකඟතාවයන්ගේ දිගුවක් ලෙස ය.

අමාත්‍ය රාජ්නාත් සිංගේ මේ සංචාරය හදිසියේ අවලංගු කෙරුනේ, චීන ෂී යැන් 6 (shi yan 6) පර්යේෂන නෞකාව ලංකාවට පැමිනීමට අවසර ගෙන සිටින තතු යටතේ, ඒ පිලිබඳ ව විශේෂයෙන් ම ඉන්දියාවේ බලධාරීන් අතර බලගතු විරුද්ධත්වයක් පැන නැගී ඇති තත්ත්වයක දී ය.

Ship — *ෂී යැන් 6 (shi yan 6) පර්යේෂන නෞකාව*

ඉන්දියාවේ මතභේදයන්ට තුඩු දී තිබෙන ෂී යැන් 6 චීන පර්යේෂන නෞකාවට, ඔක්තෝබර් 26දා සිට නොවැම්බර් 10දා දක්වා දින 17ක් ලංකාවේ රැඳී සිටීමට හා ක්‍රියාකාරකම්වල නිරත වීමට ආරක්ෂක අමාත්‍යාංශය අවසර දී තිබෙන්නේ ඒ තතු තුල ය. ඊටත් වඩා, ගිය වසරේ චීන යුවාන් වැන්ග් 5 නෞකාව හම්බන්තොට වරායේ නැංගූරම් ලෑමට එරෙහි ව දිල්ලි ආන්ඩුව බලගතු විරුද්ධත්වය පෑමෙන් අනතුරුව ය.

වසර ගනනාවක සිට ම චීනය හා ලංකාව අතර වැඩෙන මිලිටරි සබඳතාවන්ට ඉන්දියානු බලධාරීන්ගේ බලගතු විරුද්ධත්වයක් එල්ල වී තිබේ. සැප්තැම්බර් 01දා Economynext වෙබ් අඩවියේ සඳහන් කර තිබුනේ, ඉන්දීය සාගරයේ චීන ක්‍රියාකාරිත්වය ඉහල නැඟීම පිලිබඳ ව ඉන්දියාවේ අවධානය යොමු වී පවතින බවයි. ඉන්දියාවේ ‘ද වීක්’ (The week) සඟරාව, චීන නෞකාවේ සිද්ධිය පිලිබඳ සඳහනේ දී, ඉන්දියාවේ ආරක්ෂක අංශයේ ප්‍රධානියෙකුගේ ප්‍රකාශයක් උපුටමින් අවධාරනය කර තිබුනේ, ‘ඉන්දියාවේ හා ලංකාවේ ද්විපාර්ශවික සබඳතාවල ඉරි තැලීමක් වන බව’ යි.

ලෝක බලවතුන් හා ලංකාව අතර මිලිටරි සහයෝගීතා හා ආරක්ෂක සම්බන්ධතා වැඩි දියුනු වීම වර්තමානයේ වෙන කවරදාටත් වඩා වැඩියෙන් දැකිය හැකිය. ඉන්දියානු කලාපයේ මෙය සිදු වන්නේ, ලොව පුරා යුද ආතතිය, විශේෂයෙන්ම චීනයට එරෙහි ව සිදු කරන යුද ප්‍රකෝපකාරීත්වය මධ්‍යයේ ය. චීනයට එරෙහි ඉන්දියාවේ මිලිටරි උත්සුකතා එහි කොටසකි. සැප්තැම්බර් 4දා දිවයින පුවත්පතේ පල කරනු ලැබූ ලිපියකට අනුව, පසුගිය වසර 3 දී, ලංකාවේ වරායට ආ යුද නැව් 126න් 45ක්ම ඉන්දියාවෙන් වීම කැපී පෙනෙන සංසිද්ධියකි.

ඉන්දියාව පෙල ගැසී සිටින්නේ ඇමරිකාව ඇතුලු අධිරාජ්‍යවාදී බලයන් චීනයට එරෙහි ව සකස් කරමින් සිටින ආර්ථික හා මූලෝපායික සැලසුම් සමග ය. එකී පිලිවෙත පිටුපස ශ්‍රී ලංකාව, බංග්ලාදේශය, නේපාලය හා මාල දිවයින යන දුගී රටවල් පෙල ගස්සා ගැනීමට ඉන්දියාව තම ආර්ථික හා මිලිටරි බලයන් ඍජුව හා වක්‍රව යොදා ගනී. ඊට සිත් කාවදින උදාහරනයකි, 2015 ජනවාරි 8දා ජනාධිපති මහින්ද රාජපක්ෂ නෙරපා හැර මෛත්‍රීපාල සිරිසේන බලයට ගෙන ඒමට ලංකාවේ සිදු කල තන්ත්‍ර මාරුව. එය ඉන්දියාවේ අනුදැනුම සහිතව වොෂින්ටනය හරහා සැලසුම්කර ක්‍රියාත්මක කල මෙහෙයුමකි.

ලෝකයේ බලවත් ම මිලිටරි බලයක් ඇති ඉන්දියාවේ එබඳු බලහත්කාරයන්ට දකුනු ආසියාවේ රටවල් නිරන්තරව මුහුන දී සිටිති.

මේ මූලෝපායික අක්ෂයෙන් ස්වාධීන වීමට ලංකාව බඳු බෙලහීන පාලන තන්ත්‍රයන්ට නො හැකි ය. එබැවින් ඔවුන්ගේ කටයුත්ත වී ඇත්තේ ලෝක බලවතුන් අතර දෝලනය වෙමින් තම පැවත්ම සහතික කර ගැනීම ය. රාජපක්ෂ තන්ත්‍රය මෙන් ම රනිල් වික්‍රමසිංහගේ ආන්ඩුව ද මුහුන දී සිටින්නේ එම කොන්දේසිවලට ය.

ජාතික ධනපති පංතියේ ඊනීයා ස්වාධීනත්වයේ වංචනික කතා වෙනුවට ඔවුහු, අධිරාජ්‍යවාදී උවමනා එපාකම් වෙනුවෙන් එලිපිටම පෙනී සිටින පාලක ප්‍රභූවන් බවට හැරී සිටිති. සෑම තැනකම පාලක නඩ කම්කරු පංතිය ප්‍රමුඛ පීඩිත මහජනයාට එරෙහි ඒකාධිපති පාලනයන්ට පාර කපා ගනිමින් සිටින්නේ ඒ නිසා ය. රනිල් වික්‍රමසිංහගේ අධිරාජ්‍ය ගැති, ප්‍රජාතන්ත්‍ර විරෝධී පිලිවෙත් මගින් පෙන්නුම් කෙරෙන්නේ එම සූදානම යි.

අධිරාජ්‍යවාදී ක්‍රමයේ පුපුරා යන අර්බුදය යුද්ධයටත් ලෝක පරිමාන පංති අරගලයටත් තුඩු දී පවතින තතු යටතේ පාලක පංතිය වඩවඩාත් ප්‍රතිගාමීත්වයට ගමන් කරනු ඇත. ඉන්දීය උප මහාද්වීපයේ කම්කරුවන් මෙන් ම සෑම රටකම කම්කරු ජනයා මුහුන දී සිටින්නේ එම අනතුරටය. එම අනතුර පරාජය කල හැක්කේ අධිරාජ්‍යවාදී මූලෝපාය පරාජය කිරීමේ ශක්‍යතාව ඇති ජාත්‍යන්තර කම්කරු පන්තිය, ධනේශ්වරයෙන් ස්වාධීනව සමාජවාදී පිලිවෙත මත සංවිධානය වීමෙනි.

ඉන්දීය ආරක්ෂක ඇමතිගේ ශ්‍රී ලංකා සංචාරය අවලංගු කෙරුනේ ඇයි? Read More »

යුක්‍රේනයේ අමුද්‍රව්‍ය නිධි සඳහා යුද්ධය හා රුසියාව න්‍යෂ්ඨික අවි යෙදවුමකට ප්‍රකෝප කිරීම

politics, War, World War / August 21, 2023

මිගාර මල්වත්ත විසිනි.

මෙම ලිපිය ලෝක සමාජවාදී වෙබ් අඩවියෙහි (wsws.org) පළ වූ අදාල ලිපි සහ වෙනත් මූලාශ්‍ර ද ඇසුරෙන් සම්පාදනය කරන ලද්දකි. මෙය ⁣යුක්‍රේනය තුල ඇමරිකා එක්සත් ජනපදය හා⁣ නැටෝව විසින් රුසියාවට එරෙහිව සිදුකරගෙන යන විනාශකාරී යුද්ධයේ වර්ධනය පිලිබඳ ලියවෙන ලපි මාලාවක කොටසක් වේ.

G7 සමුළුව රුසියාවට එරෙහි යුද සූදානමක

මැයි 19 සිට 21 දක්වා ජපානයේ හිරෝෂිමා හි පැවති G7 සමුළුව රුසියාවට එරෙහි ප්‍රකෝපකරනයේ තවත් ඉදිරි පියවරක් සනිටුහන් කළේය. G7 රාජ්‍ය – එනම්, එක්සත් ජනපදය, ජපානය, ජර්මනිය, එක්සත් රාජධානිය, ප්‍රංශය, ඉතාලිය සහ කැනඩාව – රාජ්‍යතාන්ත්‍රික විසඳුම් සඳහා කිසිදු ඉඩක් නොතබා රුසියාවට අවසාන නිවේදනයක් නිකුත් කළේය.

“අප රුසියාවෙන් ඉල්ලා සිටින්නේ එහි අඛණ්ඩ ආක්‍රමණ නතර කරන ලෙසත්, යුක්රේනයේ ජාත්‍යන්තරව පිළිගත් භූමියෙන් වහාම, සම්පූර්ණයෙන් සහ කොන්දේසි විරහිතව සිය හමුදා සහ හමුදා උපකරණ ඉවත් කර ගන්නා ලෙසත් ය,” යනුවෙන් එම නිවේදනයේ සඳහන් වේ.

මෙයින් කියවෙන්නේ, ක්‍රිමියාවෙන් ඉවත් වීම සහ මූලෝපායික වශයෙන් වැදගත් සෙවාස්ටොපෝල් නාවික කඳවුර අතහැර දැමීමයි. මෙසේ, ඕනෑම සාම සාකච්ඡාවක් සඳහා පූර්ව අවශ්‍යතාවයක් ලෙස G7 සාමාජිකයෝ මොස්කව්හි කොන්දේසි විරහිත යටත් වීම ඉල්ලා සිටිති. මොස්කව් ආරක්ෂාව සහතික කිරීමක් හෝ යුක්රේනය නේටෝවට ඇතුළත් කර ගැනීම අත්හැරීම හෝ වැනි සහන කිසිවක් ඔවුන් ලබා දුන්නේ නැත. ඒ වෙනුවට, එම ප්‍රකාශය “අවශ්‍ය වන තාක් කල්“ – එනම්, රුසියාවේ මිලිටරි පරාජය සිදු වන තාක් – “යුක්‍රේනයට අවශ්‍ය මූල්‍ය, මානුෂීය, මිලිටරි සහ රාජ්‍ය තාන්ත්‍රික සහයෝගය ලබා දීමට ” ප්‍රතිඥා දුන්නේය.

වමේ සිට කැනේඩියානු අගමැති ජස්ටින් ටෘඩෝ, ප්‍රංශ ජනාධිපති එමානුවෙල් මැක්‍රොන්, ජපාන අගමැති ෆුමියෝ කිෂිඩා, එක්සත් ජනපද ජනාධිපති ජෝ බයිඩන්, ජර්මානු චාන්සලර් ඔලාෆ් ෂෝල්ස්, බ්‍රිතාන්‍ය අගමැති රිෂි සුනක් සහ යුරෝපීය කොමිසමේ සභාපති උර්සුලා වොන් ඩර් ලේන් හිරෝෂිමා හි හිරෝෂිමා සමුළුවේදී , 2023 මැයි 19, සිකුරාදා. [AP Photo/Franck Robichon]

යුක්රේනය න්‍යෂ්ටික බලය සහිත F16 ප්‍රහාරක ජෙට් යානාවලින් සන්නද්ධ කිරීමට තීරණය කරන්නේ මෙම සන්දර්භය තුළ ය. F16 යානා, යුද්ධය රුසියානු භූමියේ ගැඹුරට ගෙන යාමට සමත් වනු ඇත. මෙයින් නේටෝ හමුදා සෘජුවම සටනට සම්බන්ධ වන සහ යුරෝපය ගිනිබත් කිරීමට තර්ජනය කරන තවත් මිලිටරි තීව්‍රවීමක් නොවැළැක්විය හැකිය.

මේ සමගම, මොස්කව් හි පාලන තන්ත්‍රය වෙනස් කිරීමට බල කර, රට ආර්ථික හා මූල්‍යමය වශයෙන් අස්ථාවර කිරීමට ඔවුහු අදහස් කරති. රුසියාවට තවදුරටත් සම්බාධක පනවමින්, “යුක්රේනයේ දිගුකාලීන ප්‍රතිසංස්කරණය සඳහා යන වියදම රුසියාව විසින් ගෙවනු ලැබීමටත්,” එහි නායකයන්ගේ “යුද අපරාධ සහ අනෙකුත් කුරිරුකම්” සම්බන්ධයෙන් යුක්තිය පසිඳලීම සහතික කිරීමටත් වග බලා ගැනීමට ඔවුහු තීරණය කළහ.

ව්ලැඩිමීර් පුටින්ගේ පාලන තන්ත්‍රයට තමන්ගේම මරණ වරෙන්තුවක් අත්සන් නොකර මෙම අවසාන නිවේදනය සපුරාලිය නොහැකි බව පැහැදිලිය. මෙම අවසාන නිවේදනයෙන් කියැවෙන්නේ, නේටෝව එහි ඉලක්කය සපුරා ගන්නා තෙක් යුද්ධය දිගටම කරගෙන යන බවයි. මොස්කව්හි රූකඩ පාලනයක් පිහිටුවීම සහ රුසියානු සමූහාණ්ඩුව විනාශ කිරීම සඳහා දැරෙන මෙම ප්‍රයත්නය තුල න්‍යෂ්ටික යුද්ධයක අන්තරාය උත්සන්න වීමේ අවදානම G 7 සමුළුව දැනුවත්ව පිළිගනියි.

“න්‍යෂ්ටික ගැටුමක් තීව්‍ර වීමේ තර්ජනය අහවර වී නැති අතර ම, යුක්‍රේන දේශසීමා හරහා සිදු කරන මෙහෙයුම් හරහා න්‍යෂ්ටික අවියක් භාවිතා කිරීමට පෙළඹවීම ශක්‍ය ක්‍රියාවක් නො වන බව” එක්සත් ජනපදයේ නිලධාරීහු කියති. “පුටින් මහතා බලය දැරීම තර්ජනයට ලක්වුව හොත්, යුක්‍රේනය තුල එහි මිලිටරිය මුලුමනින් ම ඇදවැටීම ආරම්භ වුව හොත් හෝ 2014 දී රුසියානු හමුදා විසින් අල්ලාගත් ක්‍රිමියාව අහිමි වීමට එය මුහුන දුන්න හොත් පමනක්, රුසියාව උපායික න්‍යෂ්ටික අවියක් භාවිතා කරනු ඇතැයි “ ඇමරිකානු ඔත්තු සේවා නිලධාරීන් කියා තිබේ.

ඉන් පැහැදිලි වන්නේ, අධිරාජ්‍යවාදය දැන් සියලු කටයුතු සූදානම් කර දියත් කරනු ලබන්නේ, රුසියාව උපායික න්‍යෂ්ටික අවියක් භාවිතා කිරීමේ දෙසට තල්ලු කිරීමට බව ය.

යුක්‍රේනයේ යුද්ධය හෙවත් “හොඳම මූල්‍ය ආයෝජනය”

මෙලෙස, එක්සත් ජනපදය හා නේටෝ බලවත්හු යුද්ධයට සෘජුවම සම්බන්ධ වීම පිලිබදව ඉතිරිව ඇති සියලු සීමා කිරීම් අත්හැරීමට වේගයෙන් ගමන් කරමින් සිටිති. වර්තමානයේ, ගෝලීය මිලිටරි වියදම් සඳහා වෙන්කර ඇති දැවැන්ත මුදලත්, ඉන් යුක්‍රේන යුද්ධයට වෙන් කෙරෙන මුදලත් සලකා බැලීමේදී, මෑත දී පළ වූ වාර්තාවන්ට අනුව, ගෝලීය මිලිටරි වියදම සදහා වෙන් කරන ලද මුදල ඩොලර් බිලියන 2240ක අති දැවැන්ත අගයක් ගන්නා අතර, මෙයින් නේටෝ සමාජිකයින්ගේ පංගුව ඩොලර් බිලියන 1237 කි. ඉන් ඩොලර් බිලියන 150 ක ප්‍රමාණයක් වෙන්වන්නේ යුක්‍රේන යුද්ධය සඳහාය. මෙය මුළු නේටෝ රටවල මිලිටරි වියදමින් 12% වැඩි ප්‍රමාණයකට සමාන වන අතර, යුක්‍රේනයේ යුද්ධය සදහා වෙන් කෙරෙන මුදලින් අඩකටත් වඩා වැඩි, එනම් ඩොලර් බිලියන 77 ක දායකත්වයක් ලබා දෙන්නේ එක්සත් ජනපදය විසිනි. එය, මෙවර, එක්සත් ජනපදය මිලිටරි වියදම් සඳහා වෙන්කර ඇති ඩොලර් බිලියන 877 ක මුදලින් 9% කට ආසන්න ප්‍රමාණයකට සමාන වේ. 2022 ජනවාරි 24 සහ 2023 පෙබරවාරි 24 දක්වා කාලය තුළ යුක්රේනය විසින් මෙම මෙම මුදල් ප්‍රමාණය ලබා ගෙන ඇත.

යන්තම් වසරක යුද්ධයකදී යුක්රේන හමුදාව ඇස්තමේන්තුගත මරණ 200,000ක් හෝ ඊට වැඩි ප්‍රමාණයකට ගොදුරු වී ඇත. මිය ගිය එක් අයෙකු සඳහා 4 දෙනෙකු තුවාල ලැබූ සාමාන්‍ය අනුපාතය සලකා බලන විට, තවත් 800,000 පුද්ගලයින් තුවාල ලබා ඇති බව මෙයින් හැඟවේ. රුසියානු හා යුක්‍රේන සොල්දාදුවන්ගේ ඇස්තමේන්තුගත මරණ සංඛ්‍යාව 350,000 ඉක්මවයි.

එමෙන්ම, යුක්‍රේන ජනතාවගේ ජීවිත කෙරෙහි සාපරාධී නොතැකීමක් ප්‍රදර්ශනය කරමින් එක්සත් ජනපදය, යුක්රේන භූමියේ රුසියාව සමඟ යුද්ධයේදී භාවිතා කිරීම සඳහා පිළිකා ඇති කරන ක්ෂය වූ යුරේනියම් උණ්ඩ එම රටට යැවීමට සූදානම් විය.

වෝල් ස්ට්‍රීට් ජර්නලය වරක් වාර්තා කළේ බයිඩන් පරිපාලනය මෙම විෂ සහිත සහ විකිරණශීලී යුද්ධෝපකරණ යුක්‍රේනයට යැවීමට තීරණය කර ඇති බව සහ එම තීරණය ඉක්මනින් ප්‍රකාශයට පත් කරන බවත්ය.

ක්ෂය වූ යුරේනියම් උණ්ඩ M1 Abrams වැනි ටැංකිවල ප්‍රධාන තුවක්කුවෙන් වෙඩි තබන අතර රුසියාවේ සෝවියට් ටැංකිවල සන්නාහය සිදුරු කිරීමට එය භාවිතා කරනු ඇත.

ජර්නලය වාර්තා කළේ, මෙම ආයුධය යැවීම මඟින් “සෞඛ්‍ය හා පාරිසරික අවදානම් ගෙන යා හැකි ආයුධයක් සපයන බවට වන විවේචනයට වොෂින්ටනය විවෘත වනු ඇත” යන කාරනය සම්බන්ධයෙන් ධවල මන්දිරය තුළ ඇති වූ විවාදයකින් පසුව මෙම තීරණය ගෙන ඇති බවයි.

එක්සත් ජාතීන්ගේ පරිසර වැඩසටහන පසුගිය වසරේ වාර්තා කළේ යුරේනියම්වල “රසායනික විෂ” ක්ෂය වීම “සමේ සංකූලතා, වකුගඩු අකර්මණ්‍ය වීම සහ පිළිකා ඇතිවීමේ අවදානම වැඩි කළ හැකි” බවයි.

මෙවැනි මහා ධනස්කන්ධයක් ආයෝජන කරමින් ද, මිලියන ගණනකගේ ජීවිත මරණයට හා අනතුරට ලක් කරමින් ද, මෙම යුද්ධය දිනෙන් දින ධනපති පන්තිය විසින් උග්‍ර කරනු ලබන්නේ ඉන් මානව සංස්කෘතියට අත්පත් වන ඛේදනීය ඉරණම නොතකා, මෙම යුද්ධය මගින් කොල්ලකා ගත හැකි සුවිශාල සම්පත් තුලින් තම ලාභ අවශ්‍යතාවය ඉටු කර ගැනීමේ අවස්ථාවන් ගණන් බලා ඇති හෙයිනි.

ලෝකයේ විශාලතම රට වන රුසියාව තුල පවතින අතිමහත් ස්වභාවික සම්පත් ප්‍රමාණය පසෙක තැබුවත්, යුක්‍රේනය තුල පමණක් ඇති ස්වභාවික සම්පත් ප්‍රමාණය අති දැවැන්තය.

කර්මාන්ත සඟරාව Mining World ට අනුව, යුක්රේනයේ අමුද්‍රව්‍ය තැන්පතු 20,000ක් පමණ ඇති අතර, ඒවායින් ගවේෂණය කර ඇත්තේ 7,800ක් පමණි.

ජර්මනියේ වෙළඳාම සහ ආයෝජනය (GTAI) ජනවාරි 16 දින “යුක්රේනයේ අමුද්‍රව්‍ය අවදානමේ” යන මාතෘකාව යටතේ එහි වෙබ් අඩවියේ වාර්තා කළේ මෙසේය:

“යුරෝපයේ විශාලතම ලිතියම් නිධියට ඇත්තේ ඩොන්බාස් ප්‍රදේශයේ ඩොනෙට්ස්ක්හි ඉදිරි පෙරමුණේ සිට කිලෝමීටර් කිහිපයක් පමණි. රුසියානු ආක්‍රමණයෙන් මාස දෙකකට පසු ප්‍රකාශයට පත් කරන ලද ” ටැගෙස්පීග්ල්” (Tagesspiegel) හි ලිපියක්, පොට්‍රොව්ස්ක් (Potrovsk) අසල ෂෙව්චෙන්කො (Shevchenko) හි ටොන් 500,000ක ලිතියම් සංචිත සහ අවම වශයෙන් තවත් යුක්‍රේන තැන්පතු දෙකක් පෙන්වා දෙයි.”

ගල් අඟුරු පතල් 41ක්, ගෑස් නිධි 27ක්, තෙල් බිම් 9ක් සහ යපස් නිධි 6ක් ඇතුළුව “ඩොලර් ට්‍රිලියන 12.4ක් වටිනා අමුද්‍රව්‍ය තැන්පතු” යුක්‍රේන හමුදාවේ පාලනයෙන් ඔබ්බට පවතී. යුක්රේනයේ ගල් අඟුරු, ගෑස්, තෙල් සහ තිරිඟු පමණක් නොව දුර්ලභ පස් සහ ලෝහ ද පවතී. ලිතියම්, නව බලශක්ති සහ ප්‍රවාහන තාක්‍ෂණයන් වෙත සංක්‍රමණය වීමේ “සුදු රත්‍රන්” ලෙස හැඳින්වේ. යුරෝපයේ ගවේෂණය කරන ලද ලිතියම් තැන්පතු වලින් තුනෙන් එකක් පමණ යුක්‍රේනය සතුය.

කරුණ දැන් වඩාත් පැහැදිලිය. අධිරාජ්‍යවාදී බලවතුන් මේ දක්වා යුක්‍රේන යුද්ධය සදහා ආයෝජන කර ඇති මුළු මුදල ඩොලර් බිලියන 150 කි. නමුත්, තම ආධිපත්‍යය යටතේ පවතින යුක්‍රේන භූමිය සහ අනාගතයේදී තමන් කොල්ලකෑමට බලාපොරොත්තු වන මහා රුසියානු භූමිය හැර දමා සාපේක්ෂව කුඩා බිම් ප්‍රමාණයක් පමණක් අත්පත් කර ගන්නා, යුක්‍රේනයේ රුසියානු හමුදාව අත පවතින බිම් කොටස පමණක් සැලකිල්ලට ගනු ලැබූව ද එහි ඩොලර් බිලියන 12400 අමුද්‍රව්‍ය තැන්පතු ඇති බවට ගණන් බලා තිබේ. මේ අනුව, ඉහත සඳහන් කරන ලද ඉතිරි භූමි ප්‍රදේශ වල ද ඇති අමුද්‍රව්‍ය වල වටිනාකම ගණනය කල හොත් එය දැවැන්ත අගයක් සහිත වනු ඇත. එහෙයින් අනාගතයේ දී, කොල්ලකාගත හැකි සම්පත් හා අමුද්‍රව්‍ය ප්‍රමාණයේ වටිනාකම හා සැසඳීමේ දී, අධිරාජ්‍යවාදය විසින් මෙම යුද්ධය සඳහා ආයෝජනය කර ඇති මුදල සොච්චමකි.

දිනෙන් දින, ජාත්‍යන්තර මූල්‍ය ප්‍රාග්ධනය තම “ප්‍රජාතන්ත්‍රවාදී” සළුපිළි ඉවතලා, ඉතා නග්න ලෙස තම අවශ්‍යතාවය වෙනුවෙන් පෙනී සිටීමට ඉදිරියට එන අයුරු පැහැදිලිව දැන් දැක ගත හැක. එහි නියෝජිතයන් , එය මෙලෙස වචන බවට පෙරලනු ලබයි.

දකුණු කැරොලිනාවේ රිපබ්ලිකන් සෙනෙට් සභික ලින්ඩ්සේ ග්‍රැහැම් යුක්‍රේන ජනාධිපති වොලොඩිමියර් සෙලෙන්ස්කි කියෙව්හිදී හමුවූ අතර යුක්‍රේනයේ එක්සත් ජනපද-නේටෝ ප්‍රොක්සි යුද්ධයේදී රුසියානුවන්ගේ මරණ සම්බන්ධයෙන් ප්‍රසිද්ධියේ ප්‍රශංසාව පල කළේය. යුක්රේනයේ යුද්ධය සඳහා එක්සත් ජනපදයේ සහයෝගය “අප මෙතෙක් ආයෝජන කළ හොඳම මුදල” බව ද ග්‍රැහැම් පැවසීය.

පසුගිය පෙබරවාරියේ දී, උපායමාර්ගික සහ ජාත්‍යන්තර අධ්‍යයන මධ්‍යස්ථානයේ පසුගිය දශක තුනේ එක්සත් ජනපද යුද්ධවල යෝජකයෙකු වන ඇන්තනි කෝඩ්ස්මන්, “වියදම් කිරීමෙන් ඉතිරිකිරීම: යුක්‍රේනයට දෙන එක්සත් ජනපද ආධාරවල සැබෑ වටිනාකම සහ පිරිවැය-ඵලදායිතාව” යන මාතෘකාවෙන් විවරණයක් පළ කළේය.

ඇස්තමේන්තුගත යුද්ධය සඳහා එක්සත් ජනපදය විසින් වියදම් කරන “බිලියන ගනනක වැඩිවීම” එක්සත් ජනපදයට සැලකිය යුතු ඉතිරි කිරීම් ලබා දෙන “අත්‍යවශ්‍ය ආයෝජනයක්” බව කෝඩ්ස්මන් පැවසීය. මෙම ආයෝජනයන්හි ලාභ සිය දහස් ගනනකගේ ලේ ගංගා දිගේ ගලා එන බව ඔවුහු දනිති.

යුක්‍රේනයේ අමුද්‍රව්‍ය නිධි සඳහා යුද්ධය හා රුසියාව න්‍යෂ්ඨික අවි යෙදවුමකට ප්‍රකෝප කිරීම Read More »

යුක්‍රේනය තුල “ප්‍රොක්සි යුද්ධයේ” සිට නැටෝවේ ඍජු මැදිහත්වීමක් කරා..

politics, War, World War / August 2, 2023

මිගාර මල්වත්ත විසිනි.

මෙම ලිපිය ලෝක සමාජවාදී වෙබ් අඩවියෙහි (wsws.org) පළ වූ අදාළ ලිපි සහ වෙනත් මූලාශ්‍ර ද ඇසුරෙන් සම්පාදනය කරන ලද්දකි. මෙය ⁣යුක්‍රේනය තුල ඇමරිකා එක්සත් ජනපදය හා⁣ නැටෝව විසින් රුසියාවට එරෙහිව සිදුකරගෙන යන විනාශකාරී යුද්ධයේ වර්ධනය පිලිබඳ ලියවෙන ලපි මාලාවක කොටසක් වේ.

ජුලි මැද දක්වා මාසයකට වැඩි කාලයකදී, යුක්රේන සන්නද්ධ හමුදා විනාශකාරී භෞතික පාඩු ලබා ඇති අතර, එක්සත් ජනපද මාධ්‍ය විසින් මාස ගනනාවක් තිස්සේ ප්‍රවර්ධනය කරන ලද යුක්‍රේනයේ “වසන්ත ප්‍රතිප්‍රහාරය” සැලකිය යුතු ඉදිරි ගමනක් ගෙන නොමැති බව පැහැදිලිය.

මෙම ප්‍රහාරයේදී දිනකට යුක්‍රේන භටයින් 1000 පමණ මිය යන ලද බව යුක්‍රේනය ම පිලිගතතේය. එහෙයින්, දැන් හුදෙක් පුහුනුව හා ආයුධ සම්පාදනය අතින් පමනක් නොව, යුද්ධය තීව්‍ර කිරීම සඳහා අවශ්‍ය මිනිස් බලය සැපයීම අතින් ද යුක්‍රේන මිලිටරිය වඩ වඩා ඇමරිකා එක්සත් ජනපදය (එ.ජ) හා නැටෝව මත රැඳී සිටී.

රුසියාවට එරෙහි, මෙම මිලිටරි වටලෑම වඩාත් උච්චස්ථානයකට නංවමින්, එය රුසියානු භූමිය තුළට සිදු කරනු ලබන මිලිටරි ආක්‍රමණයක් දක්වා දිගු කර ගැනීම සඳහා, මෙතෙක් තමන් සිදු කරන ලද “ප්‍රොක්සි” මැදිහත් වීම පසෙක ලා, රුසියාවට එරෙහි ඍජු මැදිහත් වීමක් දක්වා එය වර්ධනය කර ගැනීම අධිරාජ්‍යවාදයේ ඊලඟ පියවරයි.

මුලින්, එ.ජ හා එක්සත් රාජධානිය මෙන් දැඩි ආක්‍රමණශීලි ස්ථාවරයක නොසිටි ප්‍රංශය, අද යුක්‍රේනයට නේටෝ සාමාජිකත්වය ලබා ගැනීම සඳහා පෙරමුණ ගෙන සිටී. එමෙන් ම, එක්සත් ජනපද රාජ්‍ය ලේකම් ඇන්ටනි බ්ලින්කන් යුක්‍රේන විදේශ කටයුතු අමාත්‍ය ඩිමිට්‍රෝ කුලේබා සමඟ ලන්ඩනයේදී හමු වී, තව තවත් ආයුධ සහ මුදල් ඉක්මනින් ගලා එනු ඇති බව හැඟවීය. කුලේබා පසුව ප්‍රකාශ කළේ, යුක්‍රේනයේ නේටෝ සාමාජිකත්වය ලබා දීමේ යෝජනාව විල්නියස් සමුලුවට ඉදිරිපත් කිරීම සූදානම් කිරීමට ඔවුන් එහිදී සාකච්ඡා කළ බවයි. තවද, බයිඩන් ගේ පරිපාලන නිලධාරියෙක් සීඑන්එන් වෙත පැවසුවේ යුක්රේනය නේටෝවට බැඳීමට කඩිනම් සැලැස්මක් “විවෘතව” පවතින බවයි. ඔස්ලෝහි දී හමු වූ නේටෝ විදේශ ඇමතිවරුන්ගේ රැස්වීමකින් පසු නේටෝ මහලේකම් ජෙන්ස් ස්ටෝල්ටන්බර්ග් ප්‍රකාශ කළේ “යුක්‍රේනයට හිමි ස්ථානය ඇත්තේ නේටෝව තුල” බවයි. “අද අපගේ අවධානය යොමු වූයේ යුක්රේනය නේටෝව වෙත සමීප කරවන්නේ කෙසේද” යන්නයැයි ඔහු කියා සිටියේය.

නේටෝ සාමාජිකයෙකු වීමට යුක්‍රේනය දරන උත්සාහයට නව යුරෝපා සංගම් කවුන්සිලයේ සභාපති සැන්චෙස් ද සිය උණුසුම් සහාය ප්‍රකාශ කලේය. “ස්පාඤ්ඤය නේටෝ-යුක්රේන කවුන්සිලයක් නිර්මාණය කිරීම හරහා යුක්රේනයේ දේශපාලන සහභාගීත්වය ශක්තිමත් කිරීමට සහාය දක්වයි, යුක්රේනය තවදුරටත් ආරාධිත පක්ෂයක් නොව පූර්ණ සාමාජිකයෙකු වනු ඇත. ප්‍රායෝගික සහයෝගීතාව ශක්තිමත් කිරීමටත්, ඔබේ ආරක්ෂක අංශය නේටෝ ප්‍රමිතීන්ට අනුව අනුවර්තනය කිරීමටත් අපි කැමැත්තෙමු, ”සැන්චෙස් පැවසීය.

යුක්රේනය තම සාමාජිකයෙකු ලෙස නේටෝව පිළිගතහොත්, නේටෝ ගිවිසුමේ 5 වැනි වගන්තිය යටතේ සියලුම නේටෝ රටවල්වලින් රුසියාව සමඟ යුද්ධයට එළඹෙන ලෙස ඉල්ලා සිටීමට ඔවුන්ට හැකි වනු ඇත. 5 වන වගන්තිය අනුව, මිලිටරි ප්‍රහාරයකට ලක්ව සිටින සාමාජිකයෙකුට ආධාර සැපයීමට සියලුම නේටෝ සාමාජිකයෝ බැඳී සිටිති.

කෙසේ වෙතත්, මෙහිදී සැබැවින්ම සිදුවන්නේ වන්නේ යුක්රේනය නේටෝවට ඇතුළු වීම නොව, නේටෝව යුද්ධයට තම මැදිහත්වීම විශාල ලෙස පුළුල් කිරීම හරහා යුක්‍රේනයට “ඇතුළු වීමයි”.

මෙසේ නේටෝ බලවතුන්ට මෙම යුද්ධයට ඍජුව මැදිහත් වීම වඩාත් හදිසි කර්තව්‍යයක් බවට පත්ව ඇත්තේ, මේ මොහොතේ යුද්ධයේම සිදුවන අනපේක්ෂිත වර්ධනය නිසාය.

යුක්රේන මිලිටරිය විසින් බොහෝ ප්‍රබෝධමත් ආකාරයකින් ආරම්භ කරන ලද ප්‍රතිප්‍රහාරය දිග්ගැස්සුනු පරාජයක් බවට පත්ව ඇති තතු යටතේ, හිටපු නේටෝ අණ දෙන නිලධාරියෙකුගේ වචන වලින් පැවසුවහොත්, රුසියාවේ “කොන්ද කැඩීම” වූ එහි ඉලක්කය සහතික කිරීම සඳහා ගැටුමට සෘජුවම මැදිහත් වීමට දැන් නේටෝවට සිදුව ඇත.

ජූලි 11 හා 12 යන දින දෙක තුළ පැවත්වීමට නියමිතව තිබූ ලිතුවේනියාවේ විල්නියස් සමුළුව නේටෝ බලවතුන් විසින් සලකනු ලැබ තිබුනේ ජයග්‍රාහකයන්ගේ සමුලුවක් ලෙස ය. ඒ වෙනුවට, නැටෝ බලවතුන් හමු වූයේ, මිලිටරි අසාර්ථකත්වයේ පසුබිමක සිට ය. සියලු ම නැටෝ පාලන තන්ත්‍ර ගැඹුරු අභ්‍යන්තර අර්බුදවලට මුහුන දී සිටින අතර, ඒවා තමන් විසින්ම අවුලුවා ලනු ලැබූ යුද්ධයේ සුවිසල් අසාර්ථකත්වයෙන් තීව්‍ර කෙරෙනු ඇත.

ලිතුවේනියාවේ විල්නියස් හි නේටෝ සාමාජිකයින් 31 දෙනාගේ රාජ්‍ය නායකයින් සහ ආන්ඩු විසින් එම සතියේ සම්මත කරන ලද ප්‍රකාශය ගෝලීය යුද්ධයේ සැලසුමකි. පිටු 24කින් යුත් ලේඛනයේ කොටසක් පමණක් සමුළුවේ කේන්ද්‍රීය ප්‍රශ්නය වන යුක්‍රේනයේ යුද්ධය සම්බන්ධයෙන් සඳහන් කරයි. ඉතිරිය තුළ, නේටෝව සිය කැමැත්ත සමස්ත ලෝකය මත පැටවීමේ අභිප්‍රාය ප්‍රකාශ කරයි.

ලේඛනයේ, යුක්‍රේන යුද්ධයට අදාල කොටසෙහි, රුසියාව සමග සාකච්ඡාමය විසඳුමක් ඇතිකර ගැනීම සම්පූර්ණයෙන්ම බැහැර කොට ඇත. තවද, ඊටත් වඩා, එහි (පුටින් ආන්ඩුවේ) “යුද අපරාධ” වලට “දන්ඩ මුක්තියක්” තිබිය නො හැකි යයි ද, “වගකිව යුතු සියල්ල චෝදනාවට ලක්කල යුතු” යයි ද නැටෝව විධාන කරයි. සාමය සඳහා පූර්ව කොන්දේසියක් වන්නේ “රුසියාව මුලුමනින් ම හා කොන්දේසි විරහිත ව යුක්‍රේනයෙන් ඉවත් වීම යි”.

“යුක්‍රේනයෙහි අනාගතය පවතින්නේ නැටෝව තුලයි” යැයි ප්‍රකාශය අවධාරනය කරන නමුත්, නේටෝ හි යුක්‍රේනියානු සාමාජිකත්වය සඳහා සමුළුව තුල දී, කාල රාමුවක් එමගින් ඉදිරිපත් නොකෙරුනි. ඒ වෙනුවට එහි සඳහන් කර ඇත්තේ, “මිත්‍ර පාර්ශවයන් එකඟ වන විට හා කොන්දේසි සපුරන විට” අනාගතයේ යම් දිනයක යුක්‍රේනයට සාමාජිකත්වය ලැබෙනු ඇති බවයි.

මෙවැනි පියවරක් නේටෝව විසින් ගැනීම පිටුපස පවතින්නේ පැහැදිලිවම උපායාත්මක හැරීමකි. මේ අවස්ථාවෙහි, කඩිනමින්ම නැටෝ සම්මුතියේ 5වන වගන්තිය ක්‍රියාවට දැමීමට යුක්රේනයට අවස්ථාව ලබාදීම වඩා වාසිදායක නොවන බවට ඔවුන් ගණන් බලා ඇති බව පෙනී යයි. මෙය වඩාත් සැලසුම් සහගත ලෙස නේටෝ හමුදා යුද්ධයට මැදිහත් කරවීමට සුදුසු අවස්ථාවක් නිර්මාණය කරන තුරු කල්මැරීමේ පියවරකි.

සැබවින්ම, රුසියාවට එරෙහිව නේටෝ බලමුලු ගැන්වීම වඩාත් ඉහළ අදියරකට රැගෙන යාමට අධිරාජ්‍යවාදයට අවශ්‍ය වී ඇත. “යුක්‍රේනය වඩවඩා සන්ධානය සමග අන්තර්-මෙහෙයුම්කාරී හා දේශපාලනික ව ඒකාග්‍ර වී ඇති” නිසා, 2008 දී ස්ථාපිත කරන ලද “සාමාජිකත්ව ක්‍රියාකාරී සැලැස්ම සඳහා අවශ්‍ය ප්‍රමානයෙන් ඔබ්බට යමින් යුරෝ-අත්ලාන්තික පූර්න ඒකාග්‍රකරනයට යුක්‍රේනය ගමන් කර ඇතැ”යි විල්නියස් හි “නව ලේඛනයෙහි” දැක්වීමෙන් අදහස් වන්නේ එයයි. එය තවදුරටත් මෙසේ පවසයි:

“යුක්රේනය එහි ජාත්‍යන්තරව පිළිගත් දේශසීමා තුළ එහි ස්වාධීනත්වය, ස්වෛරීභාවය සහ භෞමික අඛණ්ඩතාව දිගටම ආරක්ෂා කරන බැවින්, එයට දේශපාලන සහ ප්‍රායෝගික සහයෝගය තවදුරටත් ඉහළ නැංවීමට අපගේ කැපවීමෙහි අපි ස්ථිරව සිටින අතර, එම සහයෝගය අවශ්‍ය තාක් කල් දිගටම ලබා දෙන්නෙමු.”

ලේඛනයට අත්සන් තබන සෑම රටක් ම, යුද්ධයට සිය “දල දේශීය නිෂ්පාදිතයෙන් අවම වසයෙන් සියයට 2ක්” කැප කරන බවට ප්‍රතිඥා දෙති. එහෙත්, ඒ අතර ම එය, “පවතින ඌනතාවන්වලට පිලියම් යෙදීමට… සියයට 2ට වඩා අවශ්‍ය වනු ඇතැ”යි ද සඳහන් කරයි.

යුරෝපය පුරා හමුදා සහ ආයුධ යෙදවීම් විස්තර කෙරෙන, සම්මන්ත්‍රණයේ දී සම්මත කරගත්, පිටු 4,000කින් යුත් සම්පූර්ණ යුධ සැලැස්මෙහි නේටෝවේ වේගවත් ප්‍රතික්‍රියා බලකාය සොල්දාදුවන් 40,000 සිට 300,000 දක්වා වැඩි කිරීමට නියමිතය.

මේ ආකාරයෙන්, රුසියාවට එරෙහි අතිශය බිහිසුණු යුද්ධයක් සඳහා ඍජු මැදිහත්වීමකට කල් යල් බලන අතරතුර ම, යුක්‍රේනය බළල් අතක් ලෙස යොදවා ගනිමින් පවත්වා ගෙන යන යුද්ධයේ ගිනි මැලය වඩවඩාත් ඇවිලවීම සඳහා අනවරත ලෙස ඉන්ධන යොදමින් සිටී.

සැපෝරීෂියා (Zaporizhzhia ) න්‍යෂ්ටික බලාගාරය (ZNPP) පුපුරුවා හැරීමේ අරමුණින් එහි කැණීම් කරන බවට යුක්රේන ජනාධිපති වොලොදිමීර් සෙලෙනිස්කි රුසියාවට චෝදනා කලේ මෙම පසුබිම යටතේ ය.

“රුසියානු හමුදා සැපෝරීෂියා න්‍යෂ්ටික බලාගාරයේ බල ඒකක කිහිපයක වහලය මත පුපුරණ ද්‍රව්‍ය තබා ඇති” බව කියා සිටි ඔහු රුසියාව බලාගාරයේ “නව නපුරක් කිරීමට” ඉලක්ක කර ඇති බවත්, “එය නැවැත්වීම ලෝකයේ සෑම දෙනාගේම වගකීමයි” බවත් පැවසීය.

සෙලෙන්ස්කි ගේ ප්‍රකාශයන්ට පටහැනිව, IAEA අධ්‍යක්ෂ ජනරාල් රෆායෙල් මරියානෝ ග්‍රෝසි ප්‍රකාශයක් නිකුත් කරමින් කියා සිටියේ, සිය සංවිධානයේ අධීක්ෂණය යටතේ පවතින බලාගාරයේ “පතල් හෝ පුපුරණ ද්‍රව්‍ය පිළිබඳ දෘශ්‍යමාන ඇඟවීම්” නිරීක්ෂණය වී නොමැති බවයි.

තම භූ දේශපාලනික අවශ්‍යතා උදෙසා ව්‍යාජ හේතූන් නිර්මාණය කර ගනිමින්, රටවල් ආක්‍රමණය කිරීමේ කුප්‍රකට ඉතිහාසයකට එක්සත් ජනපදය ප්‍රමුඛ අධිරාජ්‍යවාදයෝ හිමිකම් කියති.

වියට්නාම් යුද්ධයට එක්සත් ජනපදය සෘජුවම සම්බන්ධ වීමට පෙලඹවූ 1964 ටොන්කින් බොක්ක සිද්ධිය ගොතන ලද එකකි. ඇෆ්ගනිස්ථානය, ඉරාකය ආක්‍රමණය කිරීම සහ සමස්ත ‘ත්‍රස්තවාදයට එරෙහි යුද්ධය’ යුක්ති සහගත කිරීමට 2001 සැප්තැම්බර් 11 ප්‍රහාරය යොදා ගනු ලැබුණි. ඉරාක ආක්‍රමණය සඳහා එක්සත් ජනපදය භාවිතා කළ “සමූලඝාතක අවි” පිලිබඳ මුසාව කොල්ලකාරී යුද්ධයක් සාධාරණීකරණය කිරීමට ගෙතූ මුසාවක් බව හෙළිවීමට වැඩි කලක් ගත නොවීය.

සෙලෙන්ස්කිගේ ප්‍රකාශයෙන් පැහැදිලි වන්නේ, නේටෝවේ සෘජු මිලිටරි මැදිහත්වීම සඳහා කඩතුරාවක් ලෙස බලාගාරයේ සිදුවිය හැකි ඕනෑම සිදුවීමක් හෝ ප්‍රකෝපකරනයක් භාවිතා කිරීමට ඔවුන් යොමු වී ඇති බවයි.

මෙහිදී , යුක්රේනයට මිලිටරි පරාජයක් සිදු වුවහොත්, (උපායශීලී න්‍යෂ්ටික අවි රැගෙන යා හැකි F – 16 ප්‍රහාරක ජෙට් යානා ද ඇතුළත් වන) නේටෝ ප්‍රහාරක ගුවන් යානා සම්බන්ධ කර ගනිමින් රුසියානු ගුවන් යානාවලට ප්‍රහාර එල්ල කිරීම සඳහා යුක්‍රේනයට ඉහළින් පියාසර තහනම් කලාපයක් ක්‍රියාත්මක කරන බවට ප්‍රකාශ කිරීමත් සමඟ මේ සදහා නේටෝ බලවතුන්ගේ ප්‍රතිචාර දැක්වීම අන්ත අන්තරායකාරී මට්ටමක පවතී.

“Air Defender 2023” යනු යුද්ධයට නේටෝවේ සෘජු මැදිහත්වීමේ ක්ෂනික ආරම්භක ලක්ෂ්‍යය බවට පත්වේ ද යන්න නොසලකා – ඇත්තෙන්ම මෙය යථා අනතුරක් ලෙස පවතී – මෙම උපාමාරුව තුන්වන ලෝක යුද්ධයක් කරා වර්ධනය වීමේ කොටසක් වනු ඇත.

යුක්‍රේනය තුල “ප්‍රොක්සි යුද්ධයේ” සිට නැටෝවේ ඍජු මැදිහත්වීමක් කරා.. Read More »