politics

හිරෝෂිමා හි පැවැත්වෙන G7 සමුළුවට පෙර ජපන් සහ දකුණු කොරියානු නායකයෝ හමුවෙති

politics /

බෙන් මැක්ග්‍රාත් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 මැයි මස 08 දින Japanese, South Korean leaders meet ahead of G7 summit in Hiroshima යන සිරසින් යුතුව පලවූ බෙන් මැක්ග්‍රාත් සහෝදරයා විසින් ලියන ලද ලිපියේ සිංහල පරිවර්තනය යි. පරිවර්තනය කිත්රුවන් මොලදණ්ඩ විසිනි.

ජපාන අගමැති ෆුමියෝ කිෂිඩා ඉරිදා සෝල් නුවරදී දකුණු කොරියානු ජනාධිපති යූන් සුක්-යෙයෝල් හමුවිය.  එක්සත් ජනපදය විසින් මෙහෙයවනු ලබන චීනය සමඟ යුද්ධය ගොඩනැගීමේ කොටසක් ලෙස නායකයින් දෙදෙනා සහයෝගීතාව වර්ධනය කර ගනිමින් සිටී. කිෂිඩාගේ දෙදින සංචාරය ටෝකියෝවේ දී යූන් හමුවීමෙන් මාස දෙකකටත් අඩු කාලයකට පසුව සිදු වූ අතර වසර 12 කට පසු ජපාන අගමැතිවරයෙකු විසින් දකුණු කොරියාවට ගිය පළමු ද්විපාර්ශ්වික සංචාරය වේ.

Image
අගමැති ෆුමියෝ කිෂිඩා (වමේ) 2023 මැයි 7 ඉරිදා සෝල්හිදී දකුණු කොරියානු ජනාධිපති යූන් සුක් සමඟ අතට අත දෙයි. [AP Photo/Jung Yeon-je]

ඒකාබද්ධ ප්‍රකාශයක් නිකුත් නොකරන අතරම, නායකයන් දෙදෙනා උතුරු කොරියාව “දකුණු කොරියාවේ සහ ජපානයේ පමණක් නොව සමස්ත ලෝකෙය්ම සාමයට සහ ආරක්ෂාවට බරපතල තර්ජනයක්” ලෙස හෙලා දකිමින් සමීප මිලිටරි සහයෝගීතාව සාධාරණීකරණය කිරීමට අවස්ථාව යොදා ගත්හ. චීනය සහ රුසියාව ගැන සඳහනක් කරමින් කිෂිඩා කියා සිටියේ, “අප වටා ඇති ජාත්‍යන්තර තත්ත්වය මත ජපානය සහ දකුණු කොරියාව අතර සහයෝගීතාව වඩ වඩාත් අත්‍යවශ්‍ය කරයි” යනුවෙනි.

පිටට පෙන්වන ඉලක්කය උතුරු කොරියාව වූවද, ටෝකියෝ සහ සෝල් , චීනය සමඟ යුද්ධය සූදානම් සූදානම් කිරීම සඳහා එක්සත් ජනපදය සමග එකමුතුව ක්‍රියා කරයි. යූන් ඉරිදා ප්‍රකාශ කළේ, “ජාත්‍යන්තර ප්‍රජාවේ සාමය සහ සමෘද්ධිය සඳහා පදනමක් ලෙස සේවය කර ඇති ලිබරල් ප්‍රජාතන්ත්‍රවාදය තර්ජනයට ලක්ව ඇති තත්වයක් තුළ, විශ්වීය වටිනාකම් බෙදාහදා ගන්නා දකුණු කොරියාවට සහ ජපානයට ශක්තිමත් සහයෝගීතාවයකින් යූතුව කටයුතු කිරීමට සිදුවනු ඇති.” බවයි.

දකුනු කොරියාව සහ ජපානය “විශ්වීය වටිනාකම්” බෙදාහදා ගන්නා බවට වන ප්‍රකාශය, “ජාත්‍යන්තර පර්යාය” උඩු යටිකුරු කරන බවට නිතිපතා චෝදනාවට ලක් කරනු ලබන චීනය හා රුසියාව සමග ආසියා-පැසිෆික් කලාපයේ වර්ධනය වෙමින් පවතින යුද සන්ධාන, පරස්පර (contrast-විසංසන්දනය) කිරීමට අදහස් කරයි. යථාර්ථයේ දී, එක්සත් ජනපදය, එහි සහචරයින්ගේ පිටුබලය ඇතිව, විශේෂයෙන් ම තායිවානය සම්බන්ධයෙන්, “එක් චීනයක්” ප්‍රතිපත්තියට අභියෝග කරමින් සහ එම දිවයින යුද්ධ අවදානමට ලක් කරමින්, බීජිනය සමඟ කලාපයේ ආතතීන් තියුනු ලෙස ඉහළ නංවා ඇත.

කිෂිඩා, සෝල් වෙත “වැඩ-සංචාරය” සිදු කරනු ලබන්නේ, මැයි 19 සිට 21 දක්වා, හිරෝෂිමා හි පැවැත්වීමට නියමිතව ඇති G7 සමුලුවටට ආසන්නයේදීය. මෙම සමුළුවේ දී, ජපානය, යුක්රේනයේ රුසියාවට එරෙහි එක්සත් ජනපද/නේටෝ යුද්ධයට දැඩි අවධාරනයක් තබමින් සහ චීනය සමග ගැටුම අවුලුවාලීමට සැලසුම් කරමින් සිටී .   ජපානය දකුනු කොරියාවට ආරාධනා කිරීමත් සමග, කිෂිඩා-යූන් සමුළුවේ ඉලක්කය, පාර්ශ්වීය ව, ඉදිරියේදී පැවැත්වෙන තුන්දින රැස්වීමේදී දෙදෙනාම එකම මතයක පිහිටා සිටීම සහතික කිරීම බවට සැකයක් නැත.

G7 සාමාජිකයින්ට සහ දකුණු කොරියාවට අමතරව, අනෙකුත් ආරාධිත සහභාගිවන්නන් අතර ඉන්දියාව, ඕස්ට්‍රේලියාව, බ්‍රසීලය, වියට්නාමය සහ ඉන්දුනීසියාව ඇතුළත් වේ.  ඕස්ට්‍රේලියාව, විශේෂයෙන්, චතුරස්‍ර ආරක්ෂක සංවාදයේ (QUAD-එක්සත් ජනපදය, ජපානය, ඕස්ට්‍රේලියාව සහ ඉන්දියාව) සහ ඔ්කස් ගිවිසුම (AUKUS- ඕස්ට්‍රේලියාව, එක්සත් රාජධානිය සහ එක්සත් ජනපදය) යන දෙකෙහිම සාමාජික රටක් වන අතර වඩාත් ආක්‍රමණශීලී ලෙස චීනය සමඟ ආතතීන් අවුලුවා ගෙන ඇත.

තවද, මෙම යුද ප්‍රයත්නවල කොටසක් ලෙස ටෝකියෝ සහ සෝල් සබඳතා වැඩිදියුණු කර ගනිමින් සිටී. දකුණු කොරියාවේ, ටර්මිනල් හයි ඇල්ටිටියුඩ් ඒරියා ඩිෆෙන්ස් බැටරියක් (Terminal High Altitude Area Defense battery  -THAAD) සහ ජපානයේ රේඩාර් පද්ධති ඇතුළත් කලාපය තුළ එහි බැලස්ටික් මිසයිල නාශක පද්ධතිය ඉදිකිරීමේදී විශේෂයෙන්ම ටෝකියෝ සහ සෝල් අතර සහයෝගීතාවය තීරණාත්මක සේ එක්සත් ජනපදය සලකයි.

කෙසේ වෙතත්, මෑත වසරවලදී, වෙළඳ ආරවුල් සහ 1910 සිට 1945 දක්වා කොරියාව පාලනය කළ ජපන් යටත් විජිත රජය යටතේ බලහත්කාරයෙන් ශ්‍රමයට ගොදුරු වූ කොරියානුවන් සම්බන්ධ අධිකරණ නඩුවක් හේතුවෙන් ජපන් සහ දකුණු කොරියානු සබඳතා පීඩනයට බඳුන්ව තිබුනි. 2018 දී දකුණු කොරියානු ශ්‍රේෂ්ඨාධිකරණය මිට්සුබිෂි බැර කර්මාන්ත (Mitsubishi Heavy Industries) සහ නිපෝන් වානේ ( Nippon Steel) යන ජපන් සමාගම් වලට නියෝග කළේ  විපතට පත් වූවන්ට වන්දි ගෙවන ලෙසයි.  

ටෝකියෝවෙන් හෝ සමාගම්වලින් කිසිදු සම්බන්ධයකින් තොරව බලහත්කාර ශ්‍රම වින්දිතයින්ට ගෘහස්ථ අරමුදලකින් වන්දි ගෙවන බව ඔහුගේ ආන්ඩුව ප්‍රකාශ කිරීමත් සමඟ යූන් මාර්තු මාසයේදී ද්විපාර්ශ්වික සබඳතා වඩා යහපත් වීමට මග පෑදීය. එම මාසයේ ටෝකියෝ නුවරදී කිෂිඩාව මුණගැසුණු යූන් පසුව හමුදා තොරතුරු පිළිබඳ සාමාන්‍ය ආරක්ෂා ගිවිසුම (GSOMIA) ලෙස හඳුන්වන බුද්ධි තොරතුරු බෙදාගැනීමේ ගිවිසුමක් “සාමාන්‍යකරණය” කිරීමට එකඟ විය. වොෂින්ටනයට සමගාමීව, ටෝකියෝ සහ සෝල් ද නිතිපතා ත්‍රෛපාර්ශ්වික මිසයිල සහ සබ්මැරීන් නාශක අභ්‍යාස පැවැත්වීමට එකඟ වී ඇත.

යූන්ගේ වොෂින්ටන් සංචාරය සහ එක්සත් ජනපද ජනාධිපති ජෝ බයිඩන් සමඟ ඔහුගේ සමුළුව ගැන ද, යූන් සහ කිෂිඩා සාකච්ඡා කළහ. ද්විපාර්ශ්වික න්‍යෂ්ටික උපදේශක කණ්ඩායම (NCG) ස්ථාපිත කරමින්, එක්සත් ජනපද න්‍යෂ්ටික අවි ගබඩාව සම්බන්ධයෙන් එක්සත් ජනපදය හා දකුනු කොරියාව අතර සහයෝගීතාවය සහ සැලසුම් වැඩි කරන ඊනියා “වොෂින්ටන් ප්‍රකාශනය” ජනාධිපතිවරුන් දෙදෙනා අප්‍රේල් 26දා නිවේදනය කළහ. සන්ධානය තුළ න්‍යෂ්ටික අවි සම්බන්ධ ගැටළු සඳහා වන ප්‍රමුඛ ආයතනය වන නේටෝවේ න්‍යෂ්ටික සැලසුම් සමූහයට අනුව NCG ආකෘතිය සකස් කර ඇත.

අනාගතයේදී ජපානය කණ්ඩායමට එක්වීම සම්බන්ධයෙන් තමාට කිසිදු ගැටළුවක් ඇති නොවන බව යූන් කලින් ප්‍රකාශ කර තිබුණි.  ඔහු ටෝකියෝවේ සහභාගීත්වය ප්‍රතික්ෂේප නොකරන බව පවසමින් ඔහු ඉරිදා මෙම ප්‍රකාශය නැවත අවධාරණය කළේය.  යූන් ප්‍රකාශ කළේ, “වොෂින්ටන් ප්‍රකාශය අවසන් කර නොමැති අතර ඒකාබද්ධ සැලසුම් කිරීම සහ ක්‍රියාත්මක කිරීම පිළිබඳ විස්තර පිරවීම සඳහා අපි දිගටම සාකච්ඡා කළ යුතුය .  සාකච්ඡාව සාර්ථකව පවත්වාගෙන යන විටවිට  සහ ජපානය මේ කාරණය සම්බන්ධයෙන් එක්සත් ජනපදය සමඟ සහයෝගයෙන් කටයුතු කිරීමට සූදානම් වූ පසු, අපට ඕනෑම වේලාවක (ජපානය සමඟ) සහයෝගයෙන් කටයුතු කළ හැකිය.” යන්නයි.

මීට අමතරව, වොෂින්ටන් ප්‍රකාශනයේ කොටසක් ලෙස, එක්සත් ජනපදය ඉක්මනින්ම ඔහායෝ පන්තියේ න්‍යෂ්ටික බලැති බැලස්ටික් මිසයිල සබ්මැරීනයක් දකුණු කොරියාවට යැවීමට අදහස් කරයි.  ස්ථාපිත භාවිතයට අනුකූලව, සබ්මැරීනය පැමිණෙන විට එය න්‍යෂ්ටික අවි රැගෙන යනු ඇත්ද යන්න වොෂින්ටනය තහවුරු කර හෝ ප්‍රතික්ෂේප කර නැත.  සබ්මැරීනය පැමිණෙන දිනයක්ද එක්සත් ජනපදය විසින් ප්‍රකාශයට පත් කර නැත.  ආතතීන් සහ න්‍යෂ්ටික යුද්ධයේ අන්තරාය තියුනු ලෙස ඉහල නංවමින්, අනාගතයේ දී මෙම ආකාරයේ යෙදවීම් වඩාත් නිතර නිතර සිදු කෙරෙනු ඇති බවට යූන් සහ බයිඩන් එකඟ වූහ.

වැඩි දියුණු කරන ලද සබ්මැරීන සහ මිසයිල අභ්‍යාස හරහා හෝ ටෝකියෝව NCG හා සම්බන්ධ වීමෙන් ජපානයේ මැදිහත්වීම මගින් අදහස් වන්නේ, එයට එරෙහිව භාවිතා කරන ලද පරමාණු බෝම්බ දෙකක් ඇති  එකම රට,  කලාපය තුළ එක්සත් ජනපද න්‍යෂ්ටික අවි යෙදවීම තුල  එහි භූමිකාව තවදුරටත් වර්ධනය කරනු ඇති බවයි. ජපානයේ හිටපු අගමැති සහ චීන විරෝධී යුධකාමී  ෂින්සෝ අබේ 2022 පෙබරවාරි මාසයේදී එක්සත් ජනපද න්‍යෂ්ටික අවි සඳහා සත්කාරකත්වය සැපයීම සම්බන්ධයෙන් ජපානය තුල විවාදයක් ආරම්භ කළ බව සැලකිය යුතු කරුණකි.

හිරෝෂිමා හි G7 සමුළුව පැවැත්වීමෙන් ටෝකියෝ මෙම යථාර්ථය එහි හිස මත මුනින් හරවයි. සමුලුවේ වෙබ් අඩවියට අනුව, G7 හි “මිලිටරි ආක්‍රමණ, න්‍යෂ්ටික අවි පිලිබඳ ඕනෑම ආකාරයක තර්ජන, මෙන්ම ජාත්‍යන්තර පර්යාය පෙරලා දැමීමේ උත්සාහයන් නිශ්චිතවම ප්‍රතික්ෂේප කිරීමට ඇති දැඩි අධිෂ්ඨානය” පෙන්වීම සඳහා ආන්ඩුව එහි ස්ථානය ලෙස හිරෝෂිමාව තෝරා ගත්තේය. එය කියා සිටින්නේ “ජී 7 නායකයින් න්‍යෂ්ටික අවි භාවිතයේ යථාර්ථයන් සමඟ දැන හඳුනා ගෙන සාමය සඳහා ඔවුන්ගේ ආශාව බෙදා හදාහදා ගනු ඇත. ජපානය බලාපොරොත්තු වන්නේ එය, න්‍යෂ්ටික අවිවලින් තොර ලෝකයක් සාක්ෂාත් කර ගැනීමේ පියවර ශක්තිමත් කරනු ඇති බවයි.”

 1945 හිරෝෂිමාවට පරමාණු බෝම්බ හෙලීමේ එක්සත් ජනපද අධිරාජ්‍යවාදයේ බිහිසුණු අපරාධය ටෝකියෝව කුහක ලෙස ගසාකන්නේ එක්සත් ජනපද සහ ජපන් අධිරාජ්‍යවාදය සහ දකුණු කොරියාව වැනි ඔවුන්ගේ සහචරයින් විසින් සූදානම් කරන නව අපරාධ වසන් කිරීමට ය. කිෂිඩා-යූන් සමුලුව මෙන්ම එලඹෙන G7 සමුලුව යන දෙකේම වඩාත් සමීප සහයෝගීතාවයේ ප්‍රතිඵලය,   රුසියාවට එරෙහි යුද්ධය සහ චීනය සමග සැලසුම්ගත ගැටුම වේගවත් කිරීම සඳහා පමණක් වනු ඇත.මේ කරුණු දෙකම න්‍යෂ්ටික අග්නි ජාලාවක් ඇවිලවීමට  තුඩු දීමේ  හැකියාව පවතී.

#theSocialistLK #WSWS

හිරෝෂිමා හි පැවැත්වෙන G7 සමුළුවට පෙර ජපන් සහ දකුණු කොරියානු නායකයෝ හමුවෙති Read More »

නේටෝ බලවතුන් යුක්රේනයට දිගු දුර මිසයිල යැවීමට පියවර ගනී

politics /

ඇන්ඩෘ ඩැමන් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 මැයි 10 දින NATO powers move to send long-range missiles to Ukraine යන සිරසින් යුතුව පලවූ ඇන්ඩෘ ඩැමන් සහෝදරයා විසින් ලියන ලද ලිපියේ සිංහල පරිවර්තනය යි. පරිවර්තනය කිත්රුවන් මොළදණ්ඩ විසිනි. 

Image
එක්සත් රාජධානියේ “Storm Shadow” දිගු දුර මිසයිලය  [Photo by Rept0n1x / CC BY-SA 3.0]

ක්‍රිමියාවට පහර දීමේ හැකියාව ඇති දිගු දුර මිසයිල යුක්රේනයට යැවීමට බ්‍රිතාන්‍යය සූදානම් වන බව අඟහරුවාදා එක්සත් රාජධානියේ ආරක්ෂක නිලධාරියෙක් වොෂින්ටන් පෝස්ට් වෙත සහතික කළේය.

වොෂින්ටන් පෝස්ට් වෙත අදහස් දැක්වූ එම  බ්‍රිතාන්‍ය නිලධාරියා මෙම ක්‍රියාව අනෙකුත් නේටෝ සාමාජිකයින්ට ද තමන්ගේ ම දිගු දුර මිසයිල යුක්‍රේනයට ලබා දීමට පසුබිම සකසන බව පෙන්වා දුන්නේ ය.

“එය එක්සත් රාජධානියට අසාමාන්‍ය ලෙස කළ හැකි දෙයකි… අපි යමක් ලබා දෙන්නේ නම් එය අන් අයට තරමක් පහසු වන බව අපි දනිමු,” ඔහු පැවසීය.  “විවිධ රටවල් අතර නියත වශයෙන් ම වෙනස්වූ අවදානම් දරා ගැනීමක් තිබේ.  අපි හැම විට ම ආරම්භකත්වය ගෙන සිටිමු. ”

“බ්‍රිතාන්‍යය යුක්රේනයට දිගු දුර මිසයිල සැපයීමේ අපේක්ෂාව ගැන විමසූ විට පෙන්ටගනයේ නිලධාරීන් කිසිදු සැලකිල්ලක් නොදැක්වූ බව” පෝස්ට් සඳහන් කළේ ය.

මෙම නිවේදනයේ අදහස වන්නේ  එක්සත් ජනපදය විසින් දිගු දුර ATACMS මිසයිල සැපයීම සහ එසේම එක්සත් ජනපදය විසින් දීර්ඝ කාලයක් තිස්සේ සූදානම් වෙමින් සිටි  F-16 ප්‍රහාරක ජෙට් යවන බවට කල නිවේදනය සඳහා මග හෙලි කර ගැනීමයි.  

එක්සත් ජනපදයේ ප්‍රධාන මිත්‍රයාගේ මෙම පියවර, නේටෝ නිලධාරීන් මෑතකදී කොන්දේසි විරහිතව බැහැර කළ තවත් ක්‍රියාවක් සලකුනු කරයි.

මැයි මාසයේදී එක්සත් ජනපද ජනාධිපති ජෝ බයිඩන්, “අපි රුසියාවට පහර දෙන රොකට් පද්ධති යුක්‍රේනයට යැවීමට සැරසෙන්නේ නැත.” යි නිශ්චිතවම ප්‍රකාශ කළේ ය.

කෙසේ වෙතත්, ක්‍රිමියාවට පහර දීමට එක්සත් රාජධානියේ ආයුධ පද්ධති භාවිතා කරන බව පෝස්ට් පැහැදිලි කළේ ය. “යුක්රේන පාලනය යටතේ පවතින භූමිය සහ ක්‍රිමියාවේ විශාලතම නගරය සහ රුසියාවේ කළු මුහුදේ බලඇණියේ මූලස්ථානය වන සෙවාස්ටොපෝල් අතර දුර, “Storm Shadow” දිගු දුර මිසයිලයේ පරාසය තුළ පවතී”.

එක්සත් රාජධානියේ නිවේදනය, යුක්රේනයට ප්‍රධාන යුද ටැංකි 200කට අධික ප්‍රමාණයක් යැවීමට මේ වසර මුල දී නේටෝ බලධාරීන් විසින් ගනු තැබූ තීරණයේ ස්වභාවයක් අනුගමනය කරයි. 2022 මාර්තු මාසයේදී බයිඩන් විසින් යුක්රේනයට යුධ ටැංකි යැවීම වීම බැහැර කරන ලදී:

අපි ප්‍රහාරාත්මක උපකරණ යැවීමට සූදාවම් වනවා ය යන අදහස සහ ඇමරිකානු ගුවන් නියමුවන් හා ඇමරිකානු කාර්ය මණ්ඩලය සමඟ ගුවන් යානා , යුධ ටැංකි සහ නැව් කණ්ඩායම් සමග පිවිසීම යන අදහස තේරුම් ගන්න – ඔබ ඔබම සුළු කොට නොතකන්න , ඔබ සියල්ලන්ම කුමක් කීවත්  ප්‍රශ්නයක් නැත – එය ‘ III වන ලෝක යුද්ධය’ ලෙස හැඳින්වේ.’

ජූනි මාසයේදී ප්‍රංශ ජනාධිපති එමානුවෙල් මැක්‍රොන්, “අපි යුද්ධයට අවතීර්ණ නොවෙමු… මේ අනුව, ප්‍රහාරක ගුවන් යානා හෝ යුද ටැංකි ඇතුළු ඇතැම් ආයුධ සැපයීම නොකිරීමට එකඟ වී ඇත යි ප්‍රකාශ කළේ ය.”

එක්සත් රාජධානිය විසින් Challenger යුධ  ටැංකි [ තුන්වන පරම්පරාවට අයත් නවීනතම යුධ ටැංකි වර්ගයක් ] යවන බව ප්‍රකාශ කිරීමෙන් පසු, මැක්‍රොන් ට්විටර් හි ප්‍රකාශ කළේ, යුක්රේනයට “ප්‍රංශය සැහැල්ලු සටන් ටැංකි සපයනු ඇත” යනුවෙනි.  දින කිහිපයකට පසු, ජර්මනිය සහ එක්සත් ජනපදය යන දෙකම ඔවුන්ගේම ප්‍රධාන යුද ටැංකි වන පිලිවෙලින් Leopard 2 සහ Abrams යුක්‍රේනයට යවන බව නිවේදනය කළහ.

එක්සත් ජනපදය ක්‍රිමියානු අර්ධද්වීපයේ ප්‍රහාර සෘජුවම අනුමත කිරීම සහ පහසුකම් සැලසීම දෙසට ක්‍රමානුකූලව ගමන් කර ඇත.

සැතපුම් සියගණනක් ගැඹුරට පහර දිය හැකි ATACMS යුධෝපකරණ ලබා නොදී එක්සත් ජනපදය HIMARS දිගු දුර මිසයිල ලෝන්චර යවන බව මැයි මස දී බයිඩන් නිවේදනය කළේය.

 HIMARS සඳහා එතෙක් සපයා තිබූ යුධෝපකරණවල පරාසය දෙගුණ කරමින් යුක්රේනයට බිම දියත් කරන ලද කුඩා විෂ්කම්භ බෝම්බය (GLSDB) යවන බව ජනවාරි මාසයේදී එක්සත් ජනපදය නිවේදනය කළේය.

 පෙබරවාරියේදී, දේශපාලන කටයුතු පිලිබඳ එක්සත් ජනපද උප රාජ්‍ය ලේකම් වික්ටෝරියා නුලන්ඩ් ක්‍රිමියාව තුල යුක්‍රේන ප්‍රහාර විවෘතව අනුමත කලාය. “ඒවා නීත්‍යානුකූල ඉලක්ක” නුලන්ඩ් පැවසීය. “යුක්රේනය ඔවුන්ට පහර දෙනවා. අපි ඒකට සහයෝගය දෙනවා.” ඇය පැවසුවාය.

පෙබරවාරියේ, නිව් යෝර්ක් ටයිම්ස් වාර්තා කළේ, ” බයිඩන් පරිපාලනය අවසානයේ පිළිගැනීමට පටන් ගෙන ඇත්තේ, කියෙව් විසින් රුසියානු ආරක්ෂිත භූමියට පහර දෙනු ලැබීම, එවැනි පියවරක් උත්සන්න වීමේ අවදානම වැඩි කළත්, යුක්‍රේනයට බලය අවශ්‍ය විය හැකි බවයි.” “බයිඩන් පරිපාලනය යුක්රේනය, අර්ධද්වීපයට ප්‍රහාර එල්ල කිරීමට උපකාර කරමින් තවමත් එහි නිර්භීතම පියවරක් වනු ඇත්තේ කුමක් දැයි සලකා බලයි.”යනුවෙන් ටයිම්ස් තවදුරටත් සදහන් කළේය.

එලඹෙන “වසන්ත ප්‍රහාරය” සීමිත මිලිටරි ජයග්‍රහණ පමණක් ලබා ගනු ඇති බව පැහැදිලි වෙමින් පවතින හෙයින්, එක්සත් ජනපදය හා නේටෝ බලවත්හු යුද්ධයට සෘජුවම සම්බන්ධ වීම පිලිබදව ඉතිරිව ඇති සියලු සීමා කිරීම් අත්හැරීමට වේගයෙන් ගමන් කරමින් සිටිති.

පසුගිය සතියේ රුසියානු ජනාධිපති ව්ලැඩිමීර් පුටින්ගේ නිල නිවසට ඉහළින් ඩ්‍රෝන යානා දෙකක් පුපුරා ගියේය. ඩ්‍රෝන් ප්‍රහාරයෙන් පසුව, එක්සත් ජනපද රාජ්‍ය ලේකම් ඇන්ටනි බ්ලින්කන් “එය තමන්ව ආරක්ෂා කර ගන්නේ කෙසේද යන්න තීරණය කිරීම අපි යුක්‍රේනයට භාර දෙමු” පවසමින් රුසියානු ජනාධිපතිවරයා ඝාතනය කිරීමේ ඔනෑම උත්සාහයක් බැහැර කිරීම ප්‍රකික්ෂේප කළේය.

මෙම ප්‍රකාශයන් එක්සත් ජනපද දේශපාලන සංස්ථාපිතය ග්‍රහණය කරගෙන සිටින දැවැන්ත නොසැලකිලිමත්කම සහ මංමුලා සහගත බව ගැන කථා කරයි. සමහර විට අද දින දක්වා, රුසියාවට එරෙහි  නේටෝ යුද්ධයක් සඳහා වූ වඩාත්ම විවෘතම  කැඳවීම තුලින් මෙම මනෝභාවය වඩාත් පැහැදිලිව පෙන්නුම් කරනු  ලැබ ඇත්තේ යුදවාදී ඉතිහාසඥ තිමෝති ස්නයිඩර් විසිනි.

 ටයිම්ස් සඟරාවේ ආගන්තුක අදහස් දැක්වීමක “අපි අමතක කරනවා, න්‍යෂ්ටික බලවතුන් යුද්ධ පරාජය කර ඇති බව”, ස්නයිඩර් නිගමනය කරන්නේ, “රුසියානුවන් න්‍යෂ්ටික යුද්ධයක් ගැන කතා කරන විට, ආරක්ෂිතම ප්‍රතිචාරය වන්නේ ඔවුන්ගේ සාම්ප්‍රදායික පරාජය සහතික කිරීමයි.” (පැහැදිලි කිරීමකින් තොරව, සිරස්තලය “පුටින් සටන් කරයි, සහ පරාජය වෙමින් පවතී, ඔහුගේ අවසාන යුද්ධය” ලෙස වෙනස් කරන ලදී.)

 ස්නයිඩර් මැසිවිලි නගමින් කියා සිටින්නේ “ඇමරිකානුවන්ගේ උත්සන්න වීමේ බිය පසුගිය වසරේ යුක්රේනයට ජයග්‍රහණය කිරීමට ඉඩ සලසන ආයුධ සැපයීම ප්‍රමාද කළ බවයි. ඍණාත්මක ප්‍රතිවිපාක නොමැතිව එකින් එක, උත්සන්න විය හැකි යැයි සැලකෙන ආයුධ පද්ධති දැන් ලබා දී ඇත.” බවයි.

රුසියාවේ “පරාජය” ඉල්ලා, ස්නයිඩර් පහත සඳහන් අසාමාන්‍ය ප්‍රකාශය කරයි: “රුසියාවට පසුබසින සොල්දාදුවන් සඳහා කාල කලාප 11 ක් සහ ප්‍රචාරක ප්‍රතිනිර්මාණයන් සඳහා ඕනෑ තරම් ක්‍රියාකාරකම් ඇත.”

න්‍යෂ්ටික සන්නද්ධ රුසියාවේ “පරාජය” සඳහා කැඳවුම් කරමින් ස්නයිඩර් ප්‍රකාශ කරන්නේ, “කිසිදු විකල්පයක් උපද්‍රවවලින් තොර නොවේ” යනුවෙනි. තාප න්‍යෂ්ටික යුද්ධයක දී “අපගේ හිසකෙස් අවුල් නොකරනු ඇතැයි මම නොකියමි” යනුවෙන් “ඩොක්ටර් ස්ට්‍රැන්ජලෝව්” හි ජෙනරාල් “බක්” ටර්ගිඩ්සන් විසින් කරන ලද ප්‍රකාශය ප්‍රතිනිර්මාණය කරයි.

මෙම ප්‍රලාපයන් මතු වූ දිනයේම, නේටෝ මහලේකම් ජෙන්ස් ස්ටෝල්ටන්බර්ග් වොෂින්ටන් පෝස්ට් වෙත සම්මුඛ සාකච්ඡාවක් ලබා දුන් අතර, ගැටුමේ දී නේටෝවේ කේන්ද්‍රීය අරමුන 2014 දී යුක්රේනයට අහිමි වූ ප්‍රදේශ, ප්‍රධාන වශයෙන් ක්‍රිමියානු අර්ධද්වීපය නැවත අත්පත් කර ගැනීම බව ඔහු පැහැදිලි කළේය.

ස්ටෝල්ටන්බර්ග් ප්‍රකාශ කළේ, “යුක්රේනයේ යුද්ධය මූලික වශයෙන් නේටෝව වෙනස් කර ඇත, නමුත් යුද්ධය ආරම්භ වූයේ 2022 දී නොවන බව ඔබ මතක තබා ගත යුතුය. යුද්ධය ආරම්භ වූයේ 2014 දී ය. එතැන් සිට, සීතල යුද්ධයේ අවසානයෙන් පසු, නේටෝව අපගේ සාමූහික ආරක්ෂාවේ විශාලතම ශක්තිමත් කිරීම ක්‍රියාත්මක කර ඇත. ” යනුවෙනි.

ස්ටෝල්ටන්බර්ග් තවදුරටත් මෙසේ පැවසීය: “අපගේ ඉතිහාසයේ පළමු වතාවට, සන්ධානයේ නැගෙනහිර කොටසේ සටන් කිරීමට සූදානම් භටයෝ, පෝලන්තය, ලිතුවේනියාව යන බෝල්ටික් රටවල සිටිති.. ඇත්ත වශයන්ම බෝල්ටික් මුහුදේ සිට කළු මුහුද දක්වා පහළට සටන් කණ්ඩායම් අටක් ඇත. අපගේ හමුදාවන්ගේ ඉහළ සූදානම. ඒ වගේම ආරක්ෂක වියදම් වැඩි කිරීම. 2014 වන තෙක් නේටෝ සහචරයින් ආරක්ෂක අයවැය අඩු කරමින් සිටියහ. 2014 සිට යුරෝපය සහ කැනඩාව පුරා සිටින සියලුම මිත්‍ර රටවල් ඔවුන්ගේ ආරක්ෂක වියදම් සැලකිය යුතු ලෙස වැඩි කර ඇත. තවද අපි අපගේ විධාන ව්‍යුහය නවීකරණය කර ඇත, අපට තවත් ක්‍රියාකාරකම් ඇත. අපි සයිබර් වැනි නව හමුදා වසම් පිහිටුවා ඇත. එබැවින් සමස්තයක් වශයෙන්, මෙය 2014 දී ආරම්භ වූ නේටෝවේ දැවැන්ත පරිවර්තනයකි.

ඔහු තවදුරටත් පැවසුවේ, “එක්සත් ජනපදයට නේටෝව තුළ සිටින 30ක් තරම් වන මිතුරන් සහ හවුල්කරුවන්  වෙනත් කිසිදු ප්‍රධාන බලවතෙකුට නැත. රුසියාවට හෝ චීනයට ඊට සමාන දෙයක් නැත. නේටෝ සහචරයින් එක්ව ලෝකයේ මිලිටරි ශක්තියෙන් සියයට 50 ක් සහ ලෝකයේ ආර්ථික ශක්තියෙන් සියයට 50 ක් නියෝජනය කරයි.”

මෙම ඡේදය  “ප්‍රකෝප නොකළ යුද්ධයක්” බවට නේටෝ බලවතුන්ගේ ආඛ්‍යානය බිඳ දමයි. ඒ වෙනුවට, නේටෝ බලවත්තු එම වසරේ ඔවුන්ට සිදු වූ භෞමික පාඩු ආපසු හැරවීමේ අරමුන ඇතිව ගැටුම අවුලුවා තීව්‍ර කළ බව පැහැදිලි කරති.

#theSocialistLK #WSWS

නේටෝ බලවතුන් යුක්රේනයට දිගු දුර මිසයිල යැවීමට පියවර ගනී Read More »

ජපානයේ කාර්යාලයක් විවෘත කිරීමෙන් නේටෝව ආසියා-පැසිෆික් කලාපයේ රැඳීම පුළුල් කරයි

politics /

බෙන් මැක්ග්‍රාත් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 මැයි 07 දින NATO to expand Asia-Pacific presence by opening office in Japan යන සිරසින් යුතුව පලවූ බෙන් මැක්ග්‍රාත් සහෝදරයා විසින් ලියන ලද ලිපියේ සිංහල පරිවර්තනය යි. පරිවර්තනය මිගාර මල්වත්ත විසිනි.

ලබන වසරේ ජපානයේ ටෝකියෝ නුවර සම්බන්ධීකරණ කාර්යාලයක් විවෘත කිරීමට නේටෝව අදහස් කරන බවට පසුගිය සතියේ පුවත් පළ විය.  මෙම කාර්යාලය ආසියා-පැසිෆික් කලාපයේ නේටෝවේ පළමුවැන්න වනු ඇති අතර චීනයට එරෙහි එක්සත් ජනපදයේ නායකත්වයෙන් යුත් යුද්ධයක් සඳහා සූදානම් වීම තුල, සංවිධානයේ වැඩෙන භූමිකාව නියෝජනය කරයි.  ටෝකියෝ සහ නේටෝ යන දෙපාර්ශ්වයම සැලසුම් තහවුරු කර ඇත.

Image

නේටෝවේ මහලේකම් ජෙන්ස් ස්ටෝල්ටන්බර්ග් ජනවාරි මාසයේ ඔහුගේ ජපාන සංචාරයේදී ජපාන අගමැති ෆුමියෝ කිෂිඩා සමඟ කාර්යාලය විවෘත කිරීම ගැන සාකච්ඡා කළ බව මැයි 3දා නිකේයි ඒෂියා (Nikkei Asia) වාර්තා කළේය.  නිව් යෝර්ක්  හි එක්සත් ජාතීන්ගේ සංවිධානයේ සහ වියානාහි යුරෝපයේ ආරක්ෂාව සහ සහයෝගීතාව සඳහා වූ සංවිධානයේ (Organization for Security and Co-operation in Europe) මෙන්ම යුක්රේනය, මෝල්ඩෝවා, ජෝර්ජියා, බොස්නියාව සහ හර්සගොවිනා සහ කුවේට් යන රටවල ද මේ හා සමාන කාර්යාල පවතී. ටෝකියෝව තවදුරටත්, නේටෝවට ස්වාධීන දූත මෙහෙවරක් නිර්මාණය කිරීමට අදහස් කරන්නේ එහි වත්මන් දූත මෙහෙවර බෙල්ජියමේ තානාපති කාර්යාලයෙන් වෙන් කර නව තානාපතිවරයකු යැවීමෙනි.

මෙම පියවර ජපානය නේටෝ සන්ධානයට එක්වන බවක් අදහස් නොවුනත්, ටෝකියෝවේ නව නේටෝ කාර්යාලය, චීනයට එල්ල කරන ලද ප්‍රධාන ප්‍රකෝපරනයකි. යුක්රේනයේ රුසියාවට එරෙහි එක්සත් ජනපද/නේටෝ යුද්ධය, පාර්ශ්වීය වශයෙන්, රුසියාව දෙසට නේටෝ දේශසීමා ආක්‍රමණය කිරීම මගින් උසි ගන්වන ලදී.  ජපානය වැනි රටවල් සමඟ නේටෝවේ සහයෝගීතාවය, තායිවානය සම්බන්ධයෙන් “එක් චීනයක්” ප්‍රතිපත්තියට අභියෝග කරමින් බීජිනය  අවුස්සාලීමේ ප්‍රයත්නයන් සමඟ ගත් කල, යුද්ධයේ අන්තරාය ඉහල නංවනවා පමනි.

ටෝකියෝව සහ නේටෝව අතර සම්බන්ධතා ලක්ෂ්‍යය  ලෙස ක්‍රියා කරන ජපානයේ ඩෙන්මාර්ක තානාපති පීටර් ටක්සෝ-ජෙන්සන් පැහැදිලි කළේ, සම්බන්ධතා කාර්යාලය විවෘත කිරීමේ තීරණය චීනයට එරෙහිව යොමු වූ බවත්, එය චීනය බටහිරට ආර්ථික අභියෝගයක් වීම වළක්වන බවත් ය.

ඔහු නිකේයි ඒෂියා වෙත පැවසුවේ, “2022 දී, (නේටෝ) මැඩ්රිඩ් සමුළුවේදී, මිත්‍ර නායකයින් තීරණය කළේ රුසියාව තවදුරටත් හවුල්කරුවෙකු නොව සතුරෙක් බවත්, චීනයේ නැග්ම මුලු යුරෝපීය රටවලම ආරක්ෂාව කෙරෙහි බලපෑමක් ඇති කළ හැකි හා ඇති වනු ඇති බවට පිළිගැනීමක් තිබූ ” බවත්ය.   

බීජිං විදේශ අමාත්‍යාංශයේ ප්‍රකාශිකා මාඕ නින්ග් ටෝකියෝ හි නව සම්බන්ධතා කාර්යාලය සදහාවූ සැලසුම් විවේචනය කරමින්, ””ආසියා-පැසිෆික් කලාපයේ නේටෝවේ අඛණ්ඩ නැගෙනහිර ප්‍රසාරණය, කලාපීය කටයුතුවලට ඇඟිලි ගැසීම්, කලාපීය සාමය සහ ස්ථාවරත්වය විනාශ කිරීමට උත්සාහ කිරීම, සහ රටවල් කාණ්ඩ, ගැටුම් සඳහා තල්ලු කිරීම කලාපය තුළ රටවල් වලින් ඉහළ සුපරීක්ෂාකාරී අවධානය ඉල්ලා සිටී” සේ ප්‍රකාශ කලාය.

නේටෝව සහ ජපානය ජූලි 11 සහ 12 ලිතුවේනියාවේ විල්නියස් හි පැවැත්වෙන නේටෝ සමුළුවට පෙර තනි තනිව සකස් කළ හවුල්කාරිත්ව වැඩසටහනක් (Individually Tailored Partnership Program-ITPP) අත්සන් කිරීමට ද අදහස් කරයි.  ජපානය මෙන්ම දකුණු කොරියාව, ඔස්ට්‍රේලියාව සහ නවසීලන්තය ද සමුළුවට සහභාගී වීමට නියමිතයි.  නේටෝ හි ආසියා-පැසිෆික් හවුල්කරුවන් හෝ AP4 ලෙස හඳුන්වනු ලබන නේටෝව සහ මෙම රටවල් හතර අතර සහයෝගීතාව වැඩි කිරීමට මෙම සම්බන්ධීකරණ කාර්යාලය පහසුකම් සපයනු ඇත.  පසුගිය වසරේ මැඩ්රිඩ් හි පැවති රැස්වීම, නේටෝ සමුළුවකට සහභාගී වීමට මෙම ජාතීන් හතරට ආරාධනා කළ පළමු අවස්ථාව විය.

ඔවුන්ගේ සහයෝගීතාවයේ කොටසක් ලෙස, ජපානය සහ නේටෝව, “සයිබර් තර්ජන, කඩාකප්පල්කාරී තාක්ෂණයන් සහ චේතනාන්විත වැරදි තොරතුරු ක්‍රියාකාරකම්” සම්බන්ධයෙන් එක්ව කටයුතු කරනු ඇත.  වෙනත් වචන වලින් කිවහොත්, සමාජවාදී, අධිරාජ්‍ය විරෝධී සහ යුද විරෝධී දෘෂ්ටිකෝණ ඇතුළු ඊනියා “වැරදි තොරතුරු” වෙත ප්‍රවේශ වීමෙන් කම්කරුවන් හා තරුනයන් අවහිර කරමින් අධිරාජ්‍යවාදී ප්‍රචාරක ව්‍යාප්ත කිරීම සඳහා අන්තර්ජාලය සහ සමාජ මාධ්‍ය යොදා ගැනීම සහතික කිරීමට ඔවුන් දෙපාර්ශ්වය කටයුතු කරනු ඇත.

කාර්යාලය විවෘත කිරීම, එක්සත් ජනපදය චීනය වට කිරීමට අදහස් කරන සන්ධාන මාලාවක් වර්ධනය කරන සහ ඒකාබද්ධ කරන පුලුල් න්‍යාය පත්‍රයක කොටසකි.  මේවාට එක්සත් ජනපදය, ඕස්ට්‍රේලියාව, ඉන්දියාව සහ ජපානයෙන් සමන්විත චතුර් ආරක්ෂක සංවාදය (Quadrilateral Security Dialogue-Quad) සහ ඕස්ට්‍රේලියාව, එක්සත් රාජධානිය සහ එක්සත් ජනපදයෙන් සැදුම්ලත් ඔ්කස්  (AUKUS) සන්ධානය ඇතුළත් වේ. වොෂින්ටනය සහ සියොල්, වොෂින්ටනයේ න්‍යෂ්ටික අවි ගබඩාව සැලසුම් කිරීම සහ භාවිතය සම්බන්ධව වැඩි සහයෝගීතාවයක්ද මෑතකදී නිවේදනය කලෝය.

මීට අමතරව, වොෂින්ටනයේ පීඩනය යටතේ, ටෝකියෝ සහ සෝල් වසර ගණනාවක් තිස්සේ දෙරට අතර පැවති ආතතීන් ලිහිල් කිරීමට කටයුතු කර ඇත.  කිෂිඩා සහ දකුණු කොරියානු ජනාධිපති යූන් සුක්-යෙයෝල් අතර මාර්තු මාසයේදී ටෝකියෝවේ පැවති සමුළුවකින් පසු දෙපාර්ශ්වයම, සහයෝගීතාව වැඩි කිරීමට, මිලිටරි බුද්ධි තොරතුරු  බෙදාගැනීමේ ගිවිසුමක් සාමාන්‍යකරණය (normalisation) කිරීමට සහ එක්සත් ජනපදය සමඟ තවත් හමුදා අභ්‍යාස වලට එකඟ විය.

ජපානය ද එක්සත් රාජධානිය ඇතුළු අනෙකුත් රටවල් සමඟ සිය සහයෝගීතාව වැඩි කරයි.  ටෝකියෝ ජනවාරි මාසයේදී ලන්ඩන් සමඟ අන්‍යෝන්‍ය ප්‍රවේශ ගිවිසුමකට අත්සන් තැබුවේ එක් එක් රටවලින් හමුදා භටයින්ට අනෙකට ඇතුළු වීමට පහසු ප්‍රවේශයක් ලබා දෙමිනි.  ටෝකියෝව පිලිපීනය සමඟද මීට සමාන ගිවිසුමක් ගැන සලකා බලයි.

ජපානයේ නේටෝ කාර්යාලය විවෘත කිරීම,  ටෝකියෝවේ ඉලක්කය වන නැවත හමුදාකරණයට  දායක වීමකි.  2014 දී එවකට ෂින්සෝ අබේ පාලනය ඊනියා “සාමූහික ආත්මාරක්ෂාව” සඳහා ඉඩ සැලසීම සඳහා ව්‍යවස්ථාවේ “නැවත අර්ථකථනයක්” නිවේදනය කළේය.  ඊළඟ වසරේ, පාලක ලිබරල් ප්‍රජාතන්ත්‍රවාදී පක්ෂය (LDP) මෙම වෙනස නීති පොතට ඇතුලත් කිරීමට කිරීමට පාර්ලිමේන්තුව හරහා නීති සම්පාදනය කළේය.  මෙමගින්, ටෝකියෝව තර්ක කරන ආකාරයට, ජපානයට “ආත්ම ආරක්‍ෂාව” යන නාමයෙන් මිත්‍රයෙකු සමඟ එක්ව යුද්ධයට යාමට ඉඩ සලසයි. එමගින් ජපානයට මිලිටරි හෝ යුද්ධයක් පවත්වාගෙන යාම පැහැදිලිවම තහනම් කරන ව්‍යවස්ථාවේ 9 වැනි වගන්තිය මගහරී .

නේටෝව සමග වැඩ කිරිම මගින්, ටෝකියෝව එහි වැඩෙන මිලිටරි දෘඩ-කියාපෑම  (assertiveness) සහ ආක්‍රමණශීලීත්වය මෙම ව්‍යාජ සහ ව්‍යවස්ථා විරෝධී “සාමූහික ආත්මාරක්ෂාව” (collective self-defence) යන සංකල්පය සමඟ පෙළගැසෙන බව කියාපානු ඇත.

 මීට අනුකූලව, නේටෝ සහයෝගී ආරක්ෂක අංශයේ අධ්‍යක්ෂ ලුතිනන් ජෙනරාල් ෆ්‍රැන්චෙස්කෝ ඩියෙලා ප්‍රමුඛ නේටෝ නියෝජිත කණ්ඩායමක් අප්‍රේල් 24-26 දක්වා ජපානයට ගොස් ප්‍රධාන පෙළේ ජපාන හමුදා නිලධාරීන් පිරිසක් හමුවූහ .  මෙම සාකච්ඡා අතරතුර ඩියෙලා කියා සිටියේ: “අපගේ ආරක්ෂාව ගැඹුරින් අන්තර් සම්බන්ධිත වන අතර, සහ අපගේ සහයෝගීතාවයද එසේ විය යුතුය, එය නිදහස්, සාමකාමී සහ සමෘද්ධිමත් ලෝකයක් පිළිබඳ අපගේ හවුල් දැක්ම අපගේ හවුල් වටිනාකම් තුළ මුල්බැස ඇත.”  

නේටෝව සහ එහි සාමාජික රටවල් මෙන්ම ජපානය ද “හවුල් (පොදු) වටිනාකම්” නියෝජනය කරන බවට කරන ප්‍රකාශ රුසියාවට සහ චීනයට එරෙහිව එල්ල වේ.  වොෂින්ටනය, ටෝකියෝවව සහ ඔවුන්ගේ සහචරයින් කියා සිටින්නේ ආසියාවේදී,  චීනය “නිදහස් සහ විවෘත” ඉන්දු පැසිෆික් කලාපයට තර්ජනයක් නියෝජනය කරන බවයි.  යථාර්ථය නම්, එක්සත් ජනපදය විසින් පිහිටුවන ලද සහ ආධිපත්‍යය දරන පශ්චාත් දෙවන ලෝක යුද්ධයේ පටිපාටියට එකඟ නොවීම ගැන අධිරාජ්‍යවාදී බලවතුන් විසින් බීජිනය හෙලා දැකීමයි.  වොෂින්ටනය චීනයේ දොරකඩට ප්‍රකෝපකාරී සහ භයානක “නාවික ගමනාගමන නිදහස” ( මැයෙන්) මෙහෙයුම් සිදු කරන අතර, ඒවාටට බීජිනයෙන් වන ඕනෑම ප්‍රතික්‍රියාවක් චීන “ආක්‍රමනකාරීත්වයේ” සාක්ෂියක් ලෙස හෙලා දකිනු ලැබේ.

තවද, නේටෝව සහ, සියල්ලටත් වඩා, එක්සත් ජනපදය “ප්‍රජාතන්ත්‍රවාදී වටිනාකම්” නියෝජනය කරයි යන ප්‍රකාශයන් යථාර්ථය හමුවේ වාෂ්ප වී යයි .  එක්සත් ජනපදයේ, සංක්‍රමණිකයන්ට සරණාගතභාවය ලබා ගැනීමේ අයිතිය ප්‍රතික්ෂේප කරනු ලැබෙන අතර පොලිසිය නිතිපතා කම්කරුවන්ට සහ දුප්පතුන්ට වෙඩි තබයි.  ප්‍රංශයේ ධනවතුන්ගේ ජනාධිපති එමානුවෙල් මැක්‍රොන් වැඩ වර්ජන කරන කම්කරුවන්ට සහ විරෝධතාකරුවන්ට එරෙහිව පොලිස් රාජ්‍ය මර්දනය යොදා ගනිමින් පාලනය කරයි.  එක්සත් රාජධානියේ, මාධ්‍යවේදී ජුලියන් අසාන්ජ් එක්සත් ජනපද අධිරාජ්‍යවාදයේ අපරාධ හෙලිදරව් කිරීම නිසා බෙල්මාර්ෂ් බන්ධනාගාරයේ සිරමැදිරියක සිර කර  සිටින අතර, චාල්ස් රජුගේ මෑතදී පැවති රාජාභිෂේක උත්සවය සඳහා රජය පවුම් මිලියන සිය ගනනක් නාස්ති කරනු ලැබීය.

ජපානයේ, නැවත හමුදාකරණය ප්‍රවර්ධනය කිරීම සඳහා අතීත යුද අපරාධ වසන් කරනු ලැබේ.  අනෙකුත් පක්ෂවල සැබෑ විරුද්ධත්වයක් නොමැතිව පාලක එල්ඩීපීය, ප්‍රජාතන්ත්‍රවාදී අයිතීන් දැඩි ලෙස සීමා කරන ව්‍යවස්ථාමය සංශෝධන හඹා යමින් සිටින අතර මාධ්‍යවේදීන් බාධක හා හිරිහැර වලට පවා මුහුන දෙයි.

අවසාන වශයෙන්, වොෂින්ටනයේ, ටෝකියෝවේ සහ නේටෝවේ ඉලක්කය “ප්‍රජාතන්ත්‍රවාදී වටිනාකම්” ආරක්ෂා කිරීම නොව, න්‍යෂ්ටික අවි සමඟ සටන් කරනු ලබන නව ලෝක යුද්ධයක අවදානමට ලක් කරමින්, චීනයේ වියදමින් ඉන්දු පැසිෆික් කලාපය යලි බෙදීම ය.

#theSocialistLK #WSWS 

ජපානයේ කාර්යාලයක් විවෘත කිරීමෙන් නේටෝව ආසියා-පැසිෆික් කලාපයේ රැඳීම පුළුල් කරයි Read More »

ඇමරිකානු අධිරාජ්‍යවාදය යුක්රේනයේ නව ලේ වැගිරීමක් ඉල්ලා සිටී

politics /

 අන්ඩ්‍රේ ඩැමන් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 මැයි 08 දින American imperialism demands new bloodbath in Ukraine යන සිරසින් යුතුව පලවූ අන්ඩ්‍රේ ඩැමන් සහෝදරයා විසින් ලියන ලද ඉදිරිදර්ශන ලිපියේ සිංහල පරිවර්තනය යි. පරිවර්තනය මිගාර මල්වත්ත විසිනි.

Image

යුක්රේන යුද්ධයේ මරණ සංඛ්‍යාව ඉහල යද්දී, එක්සත් ජනපදය කියෙව් වෙතින් යලිත් නව  මිලිටරි  ප්‍රහාරයක් ඉල්ලා සිටී.  ඇමරිකානු පාලක පන්තිය අවසාන  යුක්‍රේනුවා දක්වා සටන් කිරීමට අධිෂ්ඨාන කර ඇත.

අද වන විට, නේටෝ බලවතුන් යුක්රේනයට, යුක්රේනයේ පූර්ව යුද දළ දේශීය නිෂ්පාදිතයෙන් හතරෙන් තුනකට සමාන ඩොලර් බිලියන 150කට අධික ආයුධ සහ අනෙකුත් ආධාර යවා ඇත.  ප්‍රහාරක උපකරණ ලබා නොදෙන බව කලින් ප්‍රකාශ කිරීමෙන් පසුව, නේටෝ බලවතුන් විසින් යුක්‍රේනය වෙත ටැංකි සිය ගනනකින් සහ සන්නද්ධ වාහන වලින් මෙන්ම නේටෝවේ අවි ගබඩාවේ ඇති වඩාත්ම දියුණු මිසයිල පද්ධති වලින් යුත් ප්‍රහාරක උපකරණ රැල්ලක් යවා ඇත. 

දැන් අධිරාජ්‍යවාදී බලවතුන් ඉල්ලා සිටින්නේ  බොහොමයක් වීදියෙන් අල්ලාගෙන, අලුතින් බලහත්කාරයෙන් බඳවා ගත් යුක්‍රේන හමුදා අතට මෙම ආයුධ පත් කළ යුතු බවත්, දැඩි ලෙස ආරක්ෂිත රුසියානු ස්ථානගත වීමි වෙත ඔවුන් තල්ලුකර දමන  ලෙසත් ය.  එක්සත් ජනපදය සහ නේටෝව යුද්ධයේ ඕනෑම සාකච්ඡාමය සමථයකට පත්වීමක් වැළැක්වීය. සාකච්ඡා පැවැත්විය හැක්කේ ඔවුන්ගේ යුද අරමුනු සාක්ෂාත් කරගත් පසු පමණක් බව ප්‍රකාශ කර ඇත.

බොහෝ හුවා දක්වන ලද ප්‍රතිප්‍රහාරයේ එකම නිශ්චිත ප්‍රතිඵලය වනු ඇත්තේ යුක්‍රේන සහ රුසියානු යන දෙපාර්ශ්වයේම තව දුරටත් සිදු වන දැවැන්ත ජීවිත විනාශයකි.

මරණ සංඛ්‍යාව දැනටමත් අති විශාල ය.  නොවැම්බර් මාසයේදී යුරෝපීය කොමිසමේ සභාපති උර්සුලා වොන් ඩර් ලේයන් පැවසුවේ “මේ දක්වා යුක්රේන හමුදා භටයන් 100,000 ක් මිය ගොස් ඇති” බවයි.  සෑම දිනකම හමුදා සියගණනක් මිය යාමත් සමඟ යුක්රේනියානුවන් අතර සැබෑ මරණ සංඛ්‍යාව 200,000 ඉක්මවයි.

යුක්‍රේන හමුදා ප්‍රහාරක අංශයට මාරු වීමට උත්සාහ කිරීමත් සමඟ, මෙම මරණ සංඛ්‍යාව තවත් වැඩි වනු ඇත. ප්‍රහාරක යුක්‍රේන හමුදා අතර සිදුවන හානිය, ආරක්ෂක අංශයේ සිටින රුසියානු හමුදාවන්ට වඩා විශාල ලෙස වැඩි වනු ඇත.

සෙලෙන්ස්කි ආන්ඩුව වඩ වඩාත් මර්දනකාරී පියවර ගනිමින් සිටින අතර, එය තරුණයන් දස දහස් ගනනක් ඔවුන්ගේ මරණය දක්වා තල්ලු කර දමයි.  සියලුම නේටෝ-විරෝධී දේශපාලන පක්ෂ යුක්රේනයේ තහනම් කර ඇති අතර, කියෙව්හි යුද-ගැති නැඹුරුවට ඇති ඕනෑම විසම්මුතියකට තියුනු ලෙස දඬුවම් කරනු ලැබේ.  සෙලෙන්ස්කි ආන්ඩුව “ප‍්‍රජාතන්ත‍්‍රවාදය” සඳහා සටන් කරන බව බොරුවට ප‍්‍රකාශ කරන එක්සත් ජනපද මාධ්‍ය විසින් මෙම ක‍්‍රියාවන් වසන් කර ඇත.

නිව් යෝර්ක් ටයිම්ස් සහ වොෂින්ටන් පෝස්ට් හි ඉරිදා ප්‍රකාශයට පත් කරන ලද වාර්තා, සැළසුම් කළ ප්‍රහාරය දියත් කිරීමට වොෂින්ටනය කියෙව්හි සිය සේවාදායක රාජ්‍යයට කෙතරම් බලපෑම් කරන්නේද යන්නට සාක්ෂි දරයි.

“එක්සත් ජනපදය සහ එහි සහචරයින්, මෑත මාසවලදී ඔවුන් රටට වේගයෙන් පොම්ප කල ආයුධ, පුහුණුව සහ පතොරම් සැලකිය යුතු ජයග්‍රහණ බවට පරිවර්තනය කළ හැකිද යන්න පිළිබඳව ප්‍රතිප්‍රහාරය තීරනාත්මක පරීක්ෂණයක් ලෙස  සලකන බැවින්, යුක්‍රේනය එහි බටහිර ආධාරකරුවන්ගෙන් ඉමහත් කෙටි කාලීන පීඩනයක් අත්විඳිමින් සිටී” යි ටයිම්ස් ප්‍රකාශ කළේය.

ප්‍රහාරයේ සැලසුම් ගැන අදහස් දක්වමින්,  “ප්‍රහාරයට පෙර සූදානම – එහි තොරතුරු රහසිගතව පවතී – යුක්‍රේන නිලධාරීන් දුෂ්කර ප්‍රශ්නයක් සමඟ පොරබැදීමට ඇද දමා ඇත: එනම් බටහිර, විශේෂයෙන් වොෂින්ටනය සෑහීමකට  පත් කිරීමට ප්‍රමාණවත් [යුද] ප්‍රතිඵලය කුමක්ද? “යන්න  වොෂින්ටන් පෝස්ට් හි පලකර තිබුණි.

බයිඩන් පරිපාලනය, එහි අනුමත ශ්‍රේණිගත කිරීම් පහත වැටීම සහ යුද්ධය වඩ වඩාත් ජනප්‍රිය නොවීමත් සමඟම, එළඹෙන මධ්‍යවාර මැතිවරණයට පෙර ධනවත් ඉහළ මධ්‍යම පන්තියේ සිය දේශපාලන පදනම බලමුලු ගැන්වීම සඳහා යුක්රේන යුද්ධයේ “පිම්මක්” ලෙස හැඳින්විය හැකි දෙය භාවිතා කිරීමට උත්සාහ කරයි.  

මෙම සමාජ ස්ථරය, උමතු රුසියානු-විරෝධී වෛරයෙන් ඇවිලවූ, යුද ගැති උන්මාදයකට තල්ලු කර ඇත.  නමුත් මෙම මිලිටරිවාදී හිස්ටීරියාව අවුලුවාලීමෙන් පසු, ප්‍රහාරයේ වියහැකි අසාර්ථකත්වයට එක්සත් ජනපදයේ ප්‍රතිචාරය කුමක් වනු ඇත්ද?

ටයිම්ස් සහ පෝස්ට් යන දෙකෙහිම සම්මුඛ සාකච්ඡා වලදී, යුක්රේන නිලධාරීන් සැලසුම් කර ඇති ප්‍රහාරය, කුමන ආකාරයේ ලේ වැකි ප්‍රහාරයක් වුවත්, තීරනාත්මක සාර්ථකත්වයකට තුඩු නොදෙන බවට අනතුරු ඇඟවීමට උත්සාහ කළහ.

යුක්රේන ආරක්ෂක අමාත්‍ය ඔලෙක්සි රෙස්නිකොව් වොෂින්ටන් පෝස්ට් වෙත පැවසුවේ, “අපගේ ප්‍රතිප්‍රහාරක ව්‍යාපාරය පිලිබඳ අපේක්ෂාව ලෝකය තුළ අධිතක්සේරු කර ඇත… බොහෝ මිනිසුන් … විශාල දෙයක් බලාපොරොත්තුවෙන් සිටිති,” ඔහු තවදුරටත් පැවසීය, එය “චිත්තවේගීය කලකිරීමකට” තුඩු දෙනු ඇතැයි ඔහු බිය විය.

“සාර්ථකත්වය” “කිලෝමීටර් දහයක්” අල්ලා ගැනීම තරම් කුඩා විය හැකි බවට රෙස්නිකොව්  අපේක්ෂාව මතු කළේය.

ගාඩියන් සමඟ සම්මුඛ සාකච්ඡාවකදී, චෙක් රාජ්‍යයේ ජනාධිපති පෙට පවෙල් (Petr Pavel ) අනතුරු අඟවමින් කීවේ, එක්සත් ජනපදය සහ නේටෝව සඳහා මෙය “යම් ප්‍රතිඵලයක් පෙන්වීමට ඔවුන් [යුක්‍රේනය ]තල්ලු කිරීමට පෙළඹවීමක් විය හැකිය.”  පාවෙල් ප්‍රකාශ කළේ, “මෙම ප්‍රතිප්‍රහාරය අසාර්ථක වුවහොත් එය යුක්‍රේනයට අතිශයින්ම හානිකර වනු ඇත, මන්ද ඔවුන්ට අවම වශයෙන් මේ වසරේ දි තවත් අවස්ථාවක් නොලැබෙනු ඇත,” යන්නයි.

බයිඩන්  පරිපාලනය යුද්ධය මත එහි සම්පූර්ණ විශ්වසනීයත්වය පරදුවට තබා ඇත.  ප්‍රහාරයට අපේක්ෂිත ප්‍රතිඵලය නොලැබෙනු ඇති බවට හෝ සම්පූර්ණයෙන් අසාර්ථක විය හැකි බවට වූ වියහැකියාවන්, සෘජු නේටෝ මැදිහත්වීමක් සඳහා පීඩනය තීව්‍ර කරනු ඇත.

එක්සත් ජනපද දේශපාලන සංස්ථාපිතය ග්‍රහණය කර ගන්නා යුද උන්මාදය පිලිබඳව, “ප්‍රතිප්‍රහාරය” යන සිරස්තලයෙන් ඈන් ඇපල්බෝම් විසින් ” ද ඇට්ලැන්ටික්”( The Atlantic)  හි කවරයේ කතාවකට ලියන ලද ලිපියක් නිදසුන් ලෙස දැක්විය හැක. 

ඇපල්බෝම් “යුක්රේනයේ සම්පූර්ණ විමුක්තිය” ඉල්ලා සිටියි. යුක්රේනයට “2022 පෙබරවාරියේ සිට අහිමි වූ සියලුම භූමි ප්‍රදේශ” මෙන්ම  ක්‍රිමියානු අර්ධද්වීපය යළි අත්පත් කර ගැනීමට ඉල්ලා සිටියි. මෙම ප්‍රහාරයේ සැලසුම් තුල ඇපල්බෝම්, ප්‍රකාශ කරන්නේ, “යුරෝපය තුල ඇමරිකාවේ ආස්ථානය හා ඇත්ත වශයෙන්ම ලෝකය තුළ ඇමරිකාවේ ආස්ථානය සියල්ල පරදුවට තබා ඇති” බවයි.

යුද්ධයට එක්සත් ජනපද-නේටෝ මැදිහත්වීම දැවැන්ත ලෙස තීව‍්‍ර කිරීමකින් පරිබාහිරව එක්සත් ජනපදයේ දැවැන්ත ඉලක්ක සාක්ෂාත් කරගත නොහැකි බව වඩ වඩාත් පැහැදිලි වෙමින් තිබේ.

රුසියාවේ පළිගැනීම් අවුලුවාලීමේ අරමුණින්, නොසැලකිලිමත් ප්‍රකෝපකරනයක් වූ 

පසුගිය සතියේ ක්‍රෙම්ලිනයට එල්ල වූ ඩ්‍රෝන් ප්‍රහාරය සහ පුටින් ඝාතනය කිරීමට තැත් කිරීම සම්බන්ධ එකම පැහැදිලි කිරීම එය යි.

ඩ්‍රෝන් ප්‍රහාරයෙන් පසු එක්සත් ජනපද රාජ්‍ය ලේකම් ඇන්ටනි බ්ලින්කන්ගෙන් විමසන ලද්දේ, “යුක්‍රේනය විසින් මෙම යුද්ධයේදී නායකත්වයට එල්ල කරන එවැනි ප්‍රහාර සම්බන්ධයෙන් එක්සත් ජනපදයේ ස්ථාවරය කුමක්ද?” යනුවෙනි.

ප්‍රතිචාර වශයෙන්, බ්ලින්කන් පැහැදිලිවම ඝාතනවල නීත්‍යානුකූලභාවය අනුමත කරමින්, “තමන්ව ආරක්ෂා කර ගන්නේ කෙසේද යන්න තීරණය කිරීම අපි යුක්රේනයට භාර දෙමු” යනුවෙන් ප්‍රකාශ කළේය.

මෙම ප්‍රකාශ ධවල මන්දිරයේ පවතින දැවැන්ත නොසැලකිලිමත්කමට සාක්ෂි දරයි.  ලෝකයේ දෙවන විශාලතම න්‍යෂ්ටික අවි ගබඩාව පාලනය කරන රුසියානු ජනාධිපතිවරයාගේ සිදුවිය හැකි ඝාතනය අනුමත කිරීමේදී ඔවුන් සෙල්ලම් කරන්නේ යුක්‍රේනියානුවන්ගේ සහ රුසියානුවන්ගේ ජීවිත සමග  පමණක් නොව මුළු ලෝකයේම ජීවිත සමඟ ය.

මෙය එක්සත් ජනපද භූ දේශපාලන ආධිපත්‍යය සුරක්ෂිත කිරීමේ “තීරණාත්මක දශකය” ලෙස ප්‍රකාශ කරමින්, එක්සත් ජනපදය ගෝලීය යුද්ධයකට සූදානම් වෙමින් සිටින්නේ කෙසේද යත්  යුක්‍රේනයේ විශාල මරණ සංඛ්‍යාව හුදෙක් මූලික ගෙවීමක් වශයෙන් පෙනී යනු ඇත.

ඒවා නතර නොකළහොත් අධිරාජ්‍යවාදීන් සූදානම් වන්නේ පළමු හා දෙවන ලෝක යුද්ධවල බිහිසුණු බව ඊටත් වඩා විශාල හා මාරාන්තික පරිමානයකින් පුනරුච්චාරණය කිරීමට ය.

අධිරාජ්‍යවාදීන්ගේ යුද සැලසුම් නැවැත්වීමට කම්කරු පන්තියේ සවිඥානික දේශපාලන මැදිහත්වීමක් අවශ්‍ය වේ. කම්කරුවන්ගේ ජීවන තත්වයන් කප්පාදු කර නැවත සන්නද්ධ වීම කැඳවා සිටින ආන්ඩුවලට එරෙහිව,  ශ්‍රී ලංකාවේ සිට ප්‍රංශය හා එක්සත් ජනපදය දක්වා ලෝකය පුරා කම්කරුවන්  අරගලයට අවතීර්ණ වෙමින් සිටිති.  යුක්රේනයේ යුද්ධය අවසන් කිරීමේ අරගලය කේන්ද්‍රීය ඉල්ලීමක් ලෙස ගෙන ජාත්‍යන්තර සමාජවාදයේ ඉදිරිදර්ශනයේ පදනම මත මෙම අරගල ඒකාබද්ධ කළ යුතුය. (අවධාරනය සංස්කාරකගෙනි)

#theSocilialistLK #WSWS 

ඇමරිකානු අධිරාජ්‍යවාදය යුක්රේනයේ නව ලේ වැගිරීමක් ඉල්ලා සිටී Read More »

මැලේසියානු ආන්ඩුව චීනය සමඟ ආර්ථික සබඳතා ශක්තිමත් කරයි

politics /

කර්ට් බ්‍රවුන් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 අප්‍රේල් 28 දින Malaysian government strengthens economic ties with China යන සිරසින් යුතුව පලවූ කර්ට් බ්‍රවුන් සහෝදරයා විසින් ලියන ලද ලිපියේ සිංහල පරිවර්තනය යි. පරිවර්තනය මිගාර මල්වත්ත විසිනි.

මාර්තු 29 සිට අප්‍රේල් 1 දක්වා බීජිං හි සිව්දින සංචාරයක නිරත වූ මැලේසියානු අගමැති අන්වර් ඊබ්‍රහිම් එහිදී වාර්තාගත මට්ටමේ චීන ආයෝජන පිළිබඳ පොරොන්දු  ලබා ගත්තේය.  වොෂින්ටනය ඉන්දු-පැසිෆික් කලාපය පුරා චීනයට එරෙහි සිය මිලිටරි හා ආර්ථික ප්‍රහාරය තීව්‍ර කරන විට ඔහුගේ සංචාරය චීනය සහ එක්සත් ජනපදය අතර බල තුලනය කිරීමේ ක්‍රියාවක් ලෙස ඉදිරියට ගෙන ගියේය.

Image

චීනයේදී, අන්වර් මැලේසියාවේ පෙට්‍රෝ රසායනික, මෝටර් රථ, මූල්‍ය සහ අනෙකුත් අංශවල ආයෝජනය කිරීමට චීන රජය සමඟ පොරොන්දු වූ අවබෝධතා ගිවිසුම් (MOUs) 19කට අත්සන් තැබීය.  ඒ අතරම, එක්සත් ජනපදය සහ චීනය අතර වැඩෙන ගැටුමේදී තම රට මධ්‍යස්ථව සිටින බව අන්වර් කනස්සල්ලෙන් ප්‍රකාශ කළේය.

අවබෝධතා ගිවිසුම්වලින් සඳහන් කෙරෙන්නේ වගකීම් මිස සැබෑ ආයෝජන නොවන අතර ම, චීන ආන්ඩුවෙන් සහ සංගතවලින් පොරොන්දු වී ඇති සම්පූර්ණ පොරොන්දුව වන RM (RM යනු මැලේසියාවේ මුදල් ඒකකය වන රිංගිට් ය) බිලියන 170 (එජ ඩොලර් බිලියන 38.5) යනු මැලේසියාව මෙතෙක් ලබා ඇති ආයෝජන පොරොන්දු අතරින් විශාලතම පොරොන්දුව වේ. එය මැලේසියාවේ දළ දේශීය නිෂ්පාදිතයෙන් (GDP) සියයට 10කට පමණ සමාන මුදලකි. අවබෝධතා ගිවිසුම්වල ප්‍රතිඵලයක් ලෙස ඉදිරි වසරවලදී මැලේසියාවට චීන ආයෝජන දෙගුණයක් වනු ඇතැයි අපේක්ෂා කෙරේ.

ඊට සමගාමීව, ආරවුල් උත්සන්න කිරීමෙන් තොරව, මතභේදකාරී දකුණු චීන මුහුදේ භෞමික හිමිකම් පිලිබඳව චීන රජය සමඟ සාකච්ඡා කිරීමට හෝ එය විසඳීමට ඇති කැමැත්ත අන්වර් ඇඟවුම් කළේය. දකුනු චීන මුහුද සහ තායිවානය ඇතුලු විවිධ පුපූරනසුලු තත්වයන් මත චීනය අකුසෙන් පාරා යුද්ධයකට දැක්කීම සඳහා බයිඩන් පරිපාලනය විසින් වඩ වඩාත් ප්‍රකෝපකාරී පියවර ගෙන ඇති සන්දර්භය තුල, එය වැදගත් වේ.

චීනයට ගිය ඉහළ පෙළේ නියෝජිත කණ්ඩායමක් අන්වර් විසින් මෙහෙයවන ලදී.  ජාත්‍යන්තර වෙළඳ හා කර්මාන්ත අමාත්‍ය ටෙන්කු සෆ්රුල් අසීස්,  විදේශ කටයුතු අමාත්‍ය සැම්බ්‍රි අබ්දුල් කදීර්, තවත් අමාත්‍යවරුන් 4 දෙනෙකු සහ විවිධ රාජ්‍ය සහ පෞද්ගලික අංශයේ වෙළඳ නියෝජිතයින් පිරිසක් ඔහු සමඟ එක්ව සිටියහ. 

අන්වර් සහ ජ්‍යෙෂ්ඨ චීන විධායකයින් 36 දෙනෙකු අතර පැවැති වටමේස රැස්වීමක් හා දෙරටේ ව්‍යාපාරික නියෝජිතයින් 1,000 කට අධික සංඛ්‍යාවක් සහභාගී වූ මැලේසියාව-චීන ව්‍යාපාරික සංසදය මෙහි ප්‍රධාන සිදුවීම් අතරට ඇතුළත් විය.

2022 වසරේ ඩොලර් බිලියන 110.6 ක මුළු වෙළඳාම ද ඇතුළු ව, 2009 වසරේ සිට චීනය මැලේසියාවේ විශාලතම වෙළඳ හවුල්කරුවා ය. එමෙන්ම, ඩොලර් බිලියන 12.5 ක් කරා නැඟුනු ආයෝජන සමඟින් චීනය 2022 දී මැලේසියාවේ විශාලතම සෘජු ආයෝජකයා වූයේය. එතෙකුදු වුව, එක්සත් ජනපද රාජ්‍ය දෙපාර්තමේන්තු වෙබ් අඩවියට අනුව, චීනය සහ සිංගප්පූරුවට පසුව එක්සත් ජනපදය තවමත් මැලේසියාවේ තුන්වන විශාලතම වෙළඳ හවුල්කරු වේ.

RM බිලියන 170 ආයෝජන යෙදවීමේදී, එහි තනි විශාලතම මුදල වන RM බිලියන 80ක් යොදවා ඇත්තේ, සිංගප්පූරුවට යාබද දකුණුදිග ප්‍රාන්තයක් වන ජොහෝර් ප්‍රාන්තය තුල පෙට්‍රො රසායන පිරිපහදුවක් පිහිටුවීම සඳහා රොන්ග්ෂෙන්ග් පෙට්‍රොකෙමිකල් (Rongsheng Petrochemical) සමාගම විසිනි.

RM බිලියන 32 ක දෙවන විශාලතම පොරොන්දුව ලබා දී ඇත්තේ, පෙරාක් (Perak) ප්‍රාන්තයේ විදුලි වාහන නිෂ්පාදන කම්හලක් සඳහා, චීන මෝටර් රථ නිෂ්පාදක සමාගමක් වන සෙජියැං ගීලි (Zhejiang Geely) විසිනි. සෙජියැං ගීලි සමාගම  මේ වසරේ දී RM බිලියන 2 ක ප්‍රාරම්භක ආයෝජනයක් යොදවන බවට භාර ගෙන ඇත.

නොවැම්බරයේ සිට බලයේ සිටින අන්වර්ගේ අස්ථාවර සභාග ආන්ඩුව, උද්ධමනය, විශේෂයෙන්ම වැඩි වෙමින් පවත්නා ආහාර මිල, පහල වැටුප් සහ දැරිය නොහැකි නිවාස මිල ගණන් මගින් ඇවිලෙන සමාජ අර්බුදයක් මධ්‍යයේ ආයෝජන ආකර්ෂණය කර ගැනීමට මංමුලා සහගත උත්සාහයක යෙදී සිටියි.

අන්වර් සහ ඔහුගේ ආන්ඩුව ආයෝජන බැඳීම් දැඩි ලෙස ප්‍රවර්ධනය කර ඇත.  නිසැකව ම, මෙය, දැන් ඩොලර් බිලියන 346 ක් පමණ දක්වා නැඟී ඇති, රාජ්‍ය නය පිම්බී යමින් පවත්නා ඉහළ මට්ටම පිලිබඳ උත්සුකතාවන් ආමන්ත්‍රණය කිරීමට ආන්ඩුව උත්සාහ කරන බවට ගෝලීය මූල්‍ය වෙලඳපොලවල් වෙත කෙරෙන සංඥාවක කොටසකි.

පෙබරවාරි මාසයේදී, රජය සිය වාර්ෂික අයවැය ඉදිරිපත් කිරීමෙන් දින තුනකට පසුව,  ෆිච් (Fitch ) ණය ශ්‍රේණිගත කිරීමේ සමාගම අනෙකුත් “BBB” ශ්‍රේණිගත ආන්ඩුවලට සාපේක්ෂව මැලේසියාවේ රාජ්‍ය ණය ප්‍රමාණය ඉහල මට්ටමක පවතින බැව් සටහන් කළේය.  ෆිච් අනතුරු ඇඟවූයේ “දළ දේශීය නිෂ්පාදිතයේ වර්ධනයට තවදුරටත් කම්පනයන්ට මුහුන පෑමට සිදුවීම හෝ මූල්‍යමය අපගමනයන් නය/දළ දේශීය නිෂ්පාදිතය අඛණ්ඩව ඉහළ යාමට හේතු විය හැකි බවට අවදානමක් දිගටම පවතී.” යන්නයි.

මැලේසියානු ආන්ඩුවේ ජ්‍යෙෂ්ඨයෝ, රජයේ නය ඉහල මට්ටම සහ 2022 දී සිය නය වගකීම් පැහැර හරින ලද, සහ එහි ප්‍රතිඵලයක් ලෙස කම්කරුවන් සහ දුගීන් මර්දනකාරී කප්පාදු පියවරයන්ට එරෙහිව සටන් කිරීම නිසා දේශපාලන කැලඹීමක් ඇති වූ, ශ්‍රී ලංකාවේ තත්වය අතර සමාන්තරයන් දක්වා ඇත්තාහ.

ජනාධිපති ෂී ජින්පින් සමඟ පැවති මිනිත්තු 45 ක ආවෘත රැස්වීමකට පෙර, ඔහුගේ හඳුන්වාදීමේ ප්‍රකාශයේදී, අන්වර් සාමාන්‍ය සාම්ප්‍රදායික රාජ්‍ය තාන්ත්‍රික ඇමතුම් ඉක්මවා ගිය ප්‍රශංසාවක් ෂී ජින්පින්ට පුද කරමින්,  ඔහු “දූරදර්ශී” වූ බවත් “චීනයේ ගමන් මග වෙනස් කළා පමණක් නොව, චීනයෙන් ඔබ්බට, කලාපයට සහ ලෝකයට විහිදෙන දර්ශන සමගින් ලෝකයට සහ මානව වර්ගයාට බලාපොරොත්තුවේ කිරණක් ලබා දුන්” බවත් කියා සිටියේය.

ආසියාව සඳහා වූ Bo’ao සංසදයේදී අදහස් දක්වමින් අන්වර්, රටවල් 150කට වැඩි ප්‍රමාණයක් ආවරණය කිරීමට අදහස් කරන ගෝලීය යටිතල පහසුකම් වැඩසටහන වන චීනයේ “බෙල්ට් ඇන්ඩ් රෝඩ් ඉනීෂියේටිව් (තීරය සහ මාර්ග මුලපිරීම)” (BRI), “උසස් පරමාදර්ශ ප්‍රායෝගික යථාර්ථයට, සහයෝගීතාවයට සහ ඒකාබද්ධතාවයට පරිවර්තනය කිරීම” ලෙස පැසසුමට ලක් කළේය.  BRI යනු එක්සත් ජනපදයේ ආර්ථික බල පරාක්‍රමයට කෙරෙන සෘජු අභියෝගයකි.

බීජිං හි සිංහුවා විශ්ව විද්‍යාලයේ ප්‍රසිද්ධ දේශනයක් අතරතුර, නැගී එන එක්සත් ජනපද-චීන ගැටුම පිළිබඳ ප්‍රශ්නයකට පිළිතුරු දෙමින් අන්වර් මධ්‍යස්ථභාවය අයැදිමින් කියා සිටියේ, මැලේසියාව තම තීරණ පිළිබඳව “අන කිරීමට” කිසිදු බලවතෙකුට ඉඩ නොදෙන බවත්, තම රට චීනය තරඟකරුවෙකු ලෙස හෝ තර්ජනයක් ලෙස නොසලකන බවත්ය.    

අන්වර් චීනය සමඟ මැලේසියාවේ දකුණු චීන මුහුදේ ආරවුල සම්බන්ධයෙන් ද එවැනිම ක්‍රියා මාර්ගයක් අනුගමනය කිරීමට උත්සාහ කලේය.  සරවක් වෙරළට ඔබ්බෙන් මැලේසියානු රජයේ බලශක්ති සමාගමක් වන පෙට්‍රෝනාස් විසින් සංවර්ධනය කරන ලද ගෑස් නිධියක් සම්බන්ධයෙන් චීන රජය උත්සුකතාවයන් පළ කර ඇති බව ඔහු සඳහන් කලේය.

මෙම ප්‍රදේශය මේ වසරේ සිට දිනකට ගෑස් ඝන අඩි මිලියන 900ක් නිෂ්පාදනය කිරීමට අපේක්ෂා කරන නමුත් එය චීනය විසින් හිමිකම් කියන දකුණු චීන මුහුදේ කොටසකි.  අන්වර් පැවසුවේ මැලේසියානු රජය මේ සම්බන්ධයෙන් “සාකච්ඡා කිරීමට සූදානම්” බවයි.

අප්‍රේල් 8 වැනිදා මැලේසියානු විපක්ෂ නායක මුහයිදින් යසින්, මෙම මතභේදයට තුඩු දී ඇති ප්‍රදේශය සම්බන්ධයෙන් ස්වෛරීභාවය අත්හල බවට අන්වර්ට චෝදනා කළේය.  ඊට ප්‍රතිචාර වශයෙන්, මැලේසියානු විදේශ කටයුතු අමාත්‍යාංශය චෝදනාව ප්‍රතික්ෂේප කළ අතර, “… ආරවුල් කවර හෝ ආකාරයකින් උත්සන්න වීම සහ තර්ජනය හෝ බලය යෙදවීමක් වළක්වා ගනු වස්, දකුණු චීන මුහුද සම්බන්ධ ගැටලු සාමකාමී ආකාරයකින් සාකච්ඡා කළ යුතු හෝ විසඳා ගත යුතු” බව ප්‍රකාශ කලේය.

මෙම පියවරයන් වොෂින්ටනයේ සතුරු ප්‍රතිචාර අවුලුවාලීම නිසැකය.  එක්සත් ජනපදයේ ප්‍රධාන තර්ජනයක් විය හැක්කේ මැලේසියානු බැංකු වලට එ.ජ. ඩොලර් නාමෝද්දේෂිත බැංකු පද්ධතියට ප්‍රවේශ වීම අවහිර කිරීමයි.

මැලේසියානු රිංගිට් සහ චීන යුවාන් යොදා ගනිමින් ආයෝජන ගනුදෙනු සිදුකිරීමේ යෝජනාවක් තමන් ෂී ජින්පින් සමඟ ඉදිරිපත් කළ බව අන්වර් පැවසීය.  එක්සත් ජනපද ඩොලරය මත ආසියාවේ යැපීම අඩු කිරීම සඳහා මැලේසියාව සමඟ “ආසියානු මූල්‍ය අරමුදලක්” පිහිටුවීම පිළිබඳ සාකච්ඡා සඳහා චීනය විවෘත බව අන්වර් පසුව පාර්ලිමේන්තුවට පැවසීය.

බයිඩන් පරිපාලනය සමනය කිරීමේ උත්සාහයක් ලෙස, වෙළඳ ඇමති සෆ්රුල් අප්‍රේල් 6දා CNBC (Consumer News and Business Channel හෙවත් පාරිභෝගික පුවත් සහ ව්‍යාපාරික නාලිකාව) වෙත පැවසුවේ, බලවතුන් දෙදෙන අතර නැගෙන භූ මූලෝපායික ආතතීන් මධ්‍යයේ, එක්සත් ජනපදය හා චීනය යන බලවතුන් දෙදෙනා සමගම වැඩ කිරීමට මැලේසියාව අධිෂ්ඨාන කරගෙන සිටින බවයි.

කෙසේ වෙතත්, විචාරකයින් මේ සම්බන්ධයෙන් කනස්සල්ල පල කර ඇත.  චීනයට එරෙහි එක්සත් ජනපද සම්බාධක නිසා චීනයේ සැපයුම් දාමයේ කොටසක් වන සමහර මැලේසියානු සමාගම්වලට බලපෑම් ඇති විය හැකි විභවයක් පවතින බව මලයා විශ්ව විද්‍යාලයෙහි  චීන අධ්‍යයන ආයතනයේ අධ්‍යක්ෂ  නිවො චාව් බින් (Ngeow Chow Bing) අල් ජසීරා පුවත් සේවයට පැවසීය.

මැලේසියාවේ ජාතික විශ්ව විද්‍යාලයේ ජාත්‍යන්තර සම්බන්ධතා පිිළිබඳ ජේෂ්ඨ කථිකාචාර්ය හූ චීව් පිං (Hoo Chiew Ping) අල් ජසීරා පුවත් සේවය  වෙත පැවසුවේ, මැලේසියාව චීනය සමඟ, විශේෂයෙන් තාක්ෂණික අංශයේ සහයෝගීතාව ඉහල නැංවීමට අපේක්ෂා කරන්නේ නම්, එක්සත් ජනපදයේ පීඩනයක ශක්නුතාව පිලිබඳව සලකා බැලිය යුතු බවයි. එය ක්‍රියාත්මක කිරීමට නම් ” එවැනි සහයෝගීතාවයක් දේශපාලනිකව ද්විපාර්ශ්වික සබඳතාවලට බලපාන්නේ නැති බව එක්සත් ජනපදයට සහ චීනයට ඒත්තු ගැන්වීමට තවමත් හැකි විය යුතු අතරම ජාතික අවශ්‍යතා සඳහා තාක්ෂණික සහයෝගීතාව ඉදිරියට ගෙන යාමේ සියුම් පථය ඔස්සේ ගමන් කිරීමට” අවශ්‍යය යන්නයි.

ඇමරිකානු ගෝලීය බලයට පැවැත්මේ තර්ජනය ලෙස නම් කර ඇති චීනය සමග වොෂින්ටනය එහි ගැටුම උග්‍ර කරන විට එම තුලනය කිරීමේ ක්‍රියාව තව තවත් දුෂ්කර වනු ඇත.

#theSocialistLK #WSWS

මැලේසියානු ආන්ඩුව චීනය සමඟ ආර්ථික සබඳතා ශක්තිමත් කරයි Read More »

ජපාන අගමැති රුසියාව සහ චීනය ඉලක්ක කර ගනිමින් අප්‍රිකාවේ සංචාරය කරයි

politics /

බෙන් මැක්ග්‍රාත් විසිනි

මෙහි පලවන්නේ ලෝක සමාජවාදී වෙබ් අඩවියේ 2023 මැයි මස 03 දින Japanese prime minister visits Africa, targeting Russia and China යන සිරසින් යුතුව පලවූ බෙන් මැක්ග්‍රාත් සහෝදරයා විසින් ලියන ලද ලිපියේ සිංහල පරිවර්තනය යි. පරිවර්තනය කිත්රුවන් මොලදණ්ඩ විසිනි.

ජපාන අග්‍රාමාත්‍ය ෆුමියෝ කිෂිඩා අද අප්‍රිකාවේ සංචාරයක් අවසන් කරන අතර එයට ඊජිප්තුව, ඝානාව, කෙන්යාව සහ මොසැම්බික් යන රටවල නැවතුම් ඇතුළත් විය.  ඔහුගේ සංචාරය ජපානයේ පැවැත්ම පුළුල් කරන අතර, කලාපය තුල චීන සහ රුසියානු බලපෑම යටපත් කිරීම මෙන් ම රුසියාවට එරෙහිව නේටෝව විසින් මෙහෙයවන ලද යුක්රේනය තුල එක්සත් ජනපද යුද්ධයට සහයෝගය ලබා ගැනීම අරමුණු කර ගෙන තිබිනි.

Image

සෙනසුරාදා තම සංචාරයේ පලමු අදියර සඳහා ඊජිප්තුවට පැමිණීමට පෙර, කිෂිඩා සංචාරය සඳහා වූ තම එල්ලය පැහැදිලි කලේ ය, “මම යුක්රේන තත්ත්වය සහ ජාත්‍යන්තර ගැටලු පිළිබඳව සාකච්ඡා පැවැත්වීමට සහ [කලාපයේ රටවල් සමඟ] අපගේ සහයෝගීතාව තහවුරු කිරීමට කැමත්තෙමි.” එය වසර හතකට පසු ජපාන අගමැතිවරයකු අප්‍රිකාවේ ඕනෑම රටකට ගිය පළමු අවස්ථාව වන අතර වසර නවයකට පසු මහාද්වීපය තුල පළමු බහු ජාතික සංචාරය විය.

ඉරිදා, කිෂිඩා ඊජිප්තු ආඥාදායක ආඤාදායක අබ්දෙල් ෆටා එල්-සිසි හමුවූ අතර, “ජපානය සහ ඊජිප්තුව කලාපය තුළ සහ ජාත්‍යන්තර සමාජය තුළ සහයෝගයෙන් කටයුතු කරන ඉතා වැදගත් හවුල්කරුවන් ය. මෙම තත්වයන් මත පදනම්ව, ද්විපාර්ශ්වික සබඳතාව උපායමාර්ගික හවුල්කාරිත්වයක් දක්වා වැඩිදියුණු කිරීමට අපි එකඟ වීමු”.යි පසුව ප්‍රකාශ කලේ ය. නායකයන් දෙදෙන ඊනියා “නීතියේ ආධිපත්‍යය මත පදනම් වූ ජාත්‍යන්තර පර්යාය” සඳහා තමන්ගේ කැපවීම ද තහවුරු කළහ.

කිෂිඩා එක්සත් ජනපද-නේටෝ යුද ප්‍රයත්නයට සහය දිනාගැනීමේ අපේක්ෂාවෙන් සහ එක්සත් ජනපද අධිරාජ්‍යවාදයේ ප්‍රහාරක සුනඛ භූමිකාව රඟ දක්වමින් අනෙකුත් නායකයින් හා නිලධාරීන් හමුවේ මෙම ප්‍රකාශයන් පුනරුච්චාරනය කලේ ය. රුසියාව විසින් යුක්රේනය ආක්‍රමනය කිරීම හෙලා දැකීමෙන් අප්‍රිකාවේ රටවල් කිහිපයක් වැලකී සිටීම නිසා රුසියාව හුදකලා කිරීමට ටෝකියෝව උත්සාහ කරයි. තෙල්, ධාන්‍ය සහ වෙනත් වෙලඳාම සඳහා මෙම රටවල් මොස්කව් මත රඳා පවතී. කලාපයේ කිෂිඩාගේ සංචාරයේ අවසාන අදියර වන මොසැම්බික් ද මෙයට ඇතුළත් විය.

ජපානය, එක්සත් ජනපදය සහ ඔවුන්ගේ සහචරයෝ, පශ්චාත් දෙවන ලෝක යුද්ධ සමයේ වොෂින්ටනය විසින් පිහිටුවන ලද නියෝගයට එකඟ වීම ප්‍රතික්ෂේප කිරීම සම්බන්ධයෙන් රුසියාව සහ චීනය හෙලා දැකීමට “නීතියේ ආධිපත්‍යය” වැනි වාක්‍ය ඛණ්ඩ නරුම ලෙස භාවිතා කරති.  විශේෂයෙන් ම ඊජිප්තුව වැනි රටවල “නීතියේ ආධිපත්‍යය” පිලිබඳ ටෝකියෝවේ අවධාරනය මුලුමනින්ම කුහක ය.  එල්-සිසි 2013 දී බලයට පත් වූයේ ලේ වැකි හමුදා කුමන්ත්‍රනයකින් වන අතර පාලනය ගෙන යන්නේ දේශපාලන මර්දනය හරහා ය.

තව ද, යුක්රේනයේ යුද්ධය පිලිබඳ එක්සත් ජනපද බොරු හෙලිදරව් කරමින්, අප්‍රේල් මස මුලදී කාන්දු වූ එක්සත් ජනපද මිලිටරි ලේඛන, කයිරෝව විසින් මෙය ප්‍රතික්ෂේප කල ද, පෙබරවාරියේ දී ඊජිප්තුව රුසියාවට රහසිගතව රොකට් 40,000ක් සැපයීමට සැලසුම් කරමින් සිටි බව පෙන්වීමට අදහස් කරන ලදී.  වොෂින්ටනයේ පීඩනය යටතේ, එක්සත් ජනපදයේ සමීප මිතුරෙකු වන අතර ම මොස්කව් සමඟ හොඳ සබඳතා ඇති අල්-සිසි පාලන තන්ත්‍රය මාර්තු මාසයේ දී ආපස්සට හැරී යුක්‍රේනයට ආයුධ සපයන බවට ප්‍රතිඥා දුන්නේ ය. කිෂිඩාගේ සංචාරයේ අරමුන වන්නේ එක්සත් ජනපදය විසින් මෙහෙයවන යුද්ධයට කයිරෝවේ සහයෝගය තව දුරටත්  සහතික කිරීමයි.

මීට අමතරව, ජපානය ආයෝජන සහ ජපන් ජාත්‍යන්තර සහයෝගිතා නියෝජිතායතනය (JICA) වැනි ඊනියා ආධාර ආයතනවල මැදිහත්වීම හරහා සමස්ත කලාපය පුරා සම්පත් වෙත ප්‍රවේශය දිනා ගැනීමට ද උත්සාහ කරයි.

අප්‍රිකාවේ චීන ආයෝජන කලාපය තුළ තම අවශ්‍යතා යටපත් කිරීම ගැන, ටෝකියෝ කනස්සල්ලට පත්ව සිටී.  පසුගිය වසර විස්සක් පුරා අප්‍රිකාවේ චීන ආයෝජන නාටකාකාර ලෙස ඉහල ගොස් ඇත. එය, 2003 දී ඩොලර් මිලියන 75 සිට 2021 දී ඩොලර් බිලියන 5 දක්වා වැඩි වී තිබිනි. චීනය මහාද්වීපය පුරා යටිතල පහසුකම් සහ අනෙකුත් ආර්ථික ව්‍යාපෘති සඳහා විශාල වශයෙන් ආයෝජනය කරයි. මෙයින් බොහෝමයක් පැමිණෙන්නේ බීජිංහි “තීරය සහ මාවත” ලෙසින් ගෙන ඇති මූලිකත්වයේ ඵලයක් ලෙස ය. එමෙන් ම චීනය අප්‍රිකාව සමඟ වැඩි වෙලඳාමක් කරන අතර, එය 2019 දී මහාද්වීපයේ අපනයන හා ආනයනවලින් සියයට 20 කට වඩා වැඩි ප්‍රමානයක් සඳහා වගකියන අතර ජපානයේ කොටස සියයට 3 කට වඩා අඩු ය.

ඝානාවේ දී කිෂිඩා, ඉදිරි වසර තුන තුල, සහේල් කලාපයේ “සාමය සහ ස්ථාවරත්වය” ප්‍රවර්ධනය කිරීම සඳහා ඩොලර් මිලියන 500ක් පොරොන්දු විය. “ආර්ථිකය, සංවර්ධනය සහ මිනිසුන්ගේ අන්තර්ක්‍රියා ඇතුළු පුළුල් පරාසයක ක්ෂේත්‍ර හරහා සහයෝගීතාව තවදුරටත් ශක්තිමත් කිරීමට ආවේශයක් ලෙස අපි මෙම සංචාරය භාවිතා කරන්නෙමු” යි කිෂිඩා කියා සිටියේ ය.

ජපානය සිය සම්පත් අවශ්‍යතා සපුරාලීම සඳහා ආනයන මත දැඩි ලෙස රඳා පවතී.  ඝානාවට බහුවිධ ඛනිජ සම්පත් ඇති අතර අප්‍රිකාවේ දෙවන විශාලතම රන් නිෂ්පාදකයා මෙන් ම එයට තෙල් හා ස්වාභාවික වායු සංචිත ද ඇත.  කෙන්යාව යනු ජපන් සමාගම් සඳහා වැදගත් පදනමක් වන අතර, JICA වෙබ් අඩවියට අනුව, එය “නැගෙනහිර අප්‍රිකානු කලාපයට දොරටුවකි.”

මොසැම්බික් යනු අප්‍රිකාවේ තිබෙන සම්පත් වලින් වඩාත් පොහොසත් රටකි. චීනය මෙම අප්‍රිකානු රටේ මොසැම්බික්හි ස්වභාවික වායු සංචිත නිස්සාරනය ද අඩංග් කර ගත් විශාලතම ආයෝජකයෙකි. චීනය අනෙකුත් රටවල් සමඟ,  මොසැම්බික් හි උතුරු කොටසේ පිහිටා ඇති “කොරල් දකුනු ප්‍රදේශයේ ස්වාභාවික පාවෙන ද්‍රව වායු” ( Coral South Floating Liquefied Natural Gas (FLNG) ) ව්‍යාපෘතිය සඳහා ආයෝජනය කර ඇත.  එය අප්‍රිකාවේ විශාලතම FLNG ව්‍යාපාරය වන අතර ලෝකයේ දෙවන විශාලතම ව්‍යාපාරයයි.  එය පසුගිය නොවැම්බර් මාසයේ ස්වභාවික ද්‍රව ගෑස් අපනයනය කිරීම ආරම්භ කලේ ය. 

ආර්ථික ආධාර මෙන් ම JICA වැනි සංවිධාන ජපාන විදේශ ප්‍රතිපත්තියේ වැදගත් කාර්යභාරයක් ඉටු කරන අතර ටෝකියෝවේ 2015 දී එහි නිල සංවර්ධන ආධාර ප්‍රඥප්තිය සංශෝධනය කිරීම සහ සංවර්ධන සහයෝගිතා ප්‍රඥප්තිය නිර්මාණය කිරීම හරහා, ආත්මාරක්ෂක බලකායන් වන මිලිටරිය බලයන් සමඟ වඩාත් සමීපව ඒකාබද්ධ වී ඇත.

ටෝකියෝ මෙම ඊනියා සංවර්ධන වැඩසටහන්වලට සහය දැක්වීම සඳහා සිය සන්නද්ධ හමුදා විදේශයන්හි යෙදවීම ඇතුළුව, යලි මිලිටරිකරණය කිරීමේ එහි උත්සාහයේ කොටසක් ලෙස විදේශීය “ආධාර” භාවිතා කරයි.  මෙය මෑතකදී සුඩානයේ දී ඉතා පැහැදිලිව ප්‍රදර්ශනය වූ අතර, මෙම ගැටුම් පවතින රටෙන් ජපන් ජාතිකයන් ඉවත් කිරීම සඳහා ටෝකියෝ ගුවන් සහ ගොඩබිම් හමුදා පිටත් කර යවන ලදී.  සුඩානයෙන් පිටතට පියාසර කරන ලද බොහෝ දෙනා ජයිකා (JICA)සේවකයෝ වූහ. 

වඩාත් පුළුල් ලෙස සැලකුවහොත් ,ටෝකියෝව අප්‍රිකාව කෙරෙහි අවධානය යොමු කිරීම, අප්‍රිකාව, ලතින් ඇමරිකාව සහ පැසිෆික් දූපත් ඇතුළු සමකය ආසන්නයේ සහ පහළින් සංවර්ධනය වෙමින් පවතින රටවල් වෙත යොමු කර “ගෝලීය දකුණ” දිනා ගැනීමේ උපාය මාර්ගයේ කොටසකි. ටෝකියෝව මාර්තු මාසයේදී, රජයේ සංවර්ධන සහයෝගීතාව පිළිබඳ වාර්ෂික ධවල පත්‍රිකාව නිකුත් කල අතර, එහි මෙම කලාපය කෙරෙහි අවධානය යොමු කරමින් භූ දේශපාලනයේ දී මෙය ඉටු කරන කාර්යභාරය අවධාරනය කලේ ය.

ප්‍රධාන කැබිනට් ලේකම් හිරෝකාසු මට්සුනෝ එම අවස්ථාවේ දී ප්‍රකාශ කළේ, “ප්‍රධාන රටවල් හතේ කණ්ඩායමේ මේ වසරේ සභාපතිවරයා ලෙස, දේශගුණික විපර්යාස, බලශක්තිය , ආහාර, සෞඛ්‍ය සහ සංවර්ධනය වැනි ගැටළු විසඳීමට ක්‍රියාකාරීව දායක වෙමින් ගෝලීය දකුණේ අපගේ සම්බන්ධය ශක්තිමත් කිරීමේ උත්සාහයට ජපානය නායකත්වය දෙනු ඇත. යන්නයි.  මැයි 19 සිට 21 දක්වා ජපානයේ හිරෝෂිමා හි පැවැත්වීමට නියමිත G7 සමුලුවේ දී, රුසියාවට එරෙහි යුද්ධය සහ චීනය සමඟ ඒ හා සමාන ගැටුමක් අවුලුවාලීම කෙරෙහි දැඩි අවධාරනයක් තබනු ඇත.

ගෝලීය දකුණ කෙරෙහි මෙම අවධානය යොමු කිරීමේ කොටසක් ලෙස, ජපාන විදේශ අමාත්‍ය යොෂිමාසා හයාෂි දැනට පැරගුවේ, පේරු, චිලී සහ බාබඩෝස් හි තමන්ගේ ම සංචාරයක යෙදී සිටී.  පැරගුවේ යනු, බීජිං වෙනුවට තායිපේ චීනයේ නීත්‍යානුකූල රජය ලෙස පිළිගන්නා රටවල් 13 න් එකකි.  හයාෂි මෙක්සිකෝව, ඉක්වදෝරය, බ්‍රසීලය සහ ආර්ජන්ටිනාව යන රටවලට ද ජනවාරි මාසයේ දී සංචාරය කලේ ය.

මෙසේ ලෝක දක්ෂිනාංශික රටවල් කෙරෙහි අවධානය යොමු කිරීම පෙන්නුම් කරන්නේ, රුසියාවට එරෙහි ප්‍රහාරය පුලුල් කිරීම සහ චීනයට එරෙහිව යුද්ධයක් දියත් කිරීමේ අරමුන ඇතිව, න්‍යෂ්ටික ගිනි    ජාලාවක් දක්වා පිපිරවිය හැකි, සීඝ්‍රයෙන් වේගවත් වන එක්සත් ජනපදයේ නායකත්වයෙන් යුත් යුධ සැලසුම් වලට ලොව පුරා සියලුම ජාතීන්ට එකතු වීමට බල කෙරෙන බවයි.  

#theSocialistLK #WSWS 

ජපාන අගමැති රුසියාව සහ චීනය ඉලක්ක කර ගනිමින් අප්‍රිකාවේ සංචාරය කරයි Read More »

සසප ප්‍රධාන ලේකම් දීපාල් ජයසේකරට පිලිතුරක්: සසප වාම කන්ඩායමේ අරගලය

lead article, politics /

නන්දන නන්නෙත්ති විසිනි.

සමාජවාදී සමාන පක්ෂය විසින් පසු ගිය මැයි 6 දින විශේෂ ලිපි 3ක් ලෝක සමාජවාදී වෙබ් අඩවියට මුදා හලේ ය. ඒවා සංජය ජයසේකර හා නන්දන නන්නෙත්ති යන පක්ෂයේ නායකත්වයේ වැඩ කටයුතු කල සහෝදරවරුන් දෙදෙනා පක්ෂයෙන් නෙරපා හැරීම පිලිබඳව ය. 

එම ලිපි අතර “නන්දන නන්නෙත්තිගේ සහ සංජය ජයසේකරගේ පක්ෂ විරෝධී වැඩකටයුතු පිලිබඳ සසප මධ්‍යම කාරක සභා යෝජනාව” යන නමින් ලේඛනයක් ද,‘නන්දන නන්නෙත්ති සහ සංජය ජයසේකර නෙරපීම පිලිබඳව සසප සාමාජිකයන් වෙත ලිපියක්‘ යනුවෙන් සසප ප්‍රධාන ලේකම් දීපාල් ජයසේකරගේ ලිපියක් ද පලකර ඇත. 2022 නොවැම්බර් මාසයේ සම්මත කර ලද ඉහත කී මධ්‍යම කාරක සභා යෝජනාව සම්බන්ධයෙන් කරුනු පැහැදිලි කරමින් හා එහි සඳහන් චෝදනාවල සැබෑ ස්වභාවය හෙලිදරව් කරමින්,  මා විසින් පක්ෂ නායකත්වය වෙත 2023 ජනවාරි මස මුල යවන ලද හා පක්ෂ තන්ත්‍රය විසින් සාමාජිකත්වයෙන් වහංගු කරන ලද ලිපිය මෙහි පල කිරිම සඳහා යොමු කරමි.

මෙම පිලිතුරු ලිපිය අප පලකරන්නේ පක්ෂ නිලධාරී තන්ත්‍රයේ බාල කූටෝපායික හැසිරිම හෙලි දරව් කිරිම සදහා සහ මෙම අහිතකර වර්ධනයන් පිටු දැකීම සඳහා අවශ්‍ය සාකච්චාවට අවකාශය විවෘත කර ගැනීම පිනිස ය.

මතුව ඇත්තේ විනය ප්‍රශ්නයක් යයි තන්ත්‍රය කරන යෝජනාව කේඩරයත්, කම්කරු පන්තියත් අත්‍යවශ්‍ය දේශපාලන සූදානම් කිරීමේ කර්තව්‍යයෙන් ඉවත හරවා ගැනීමේ ප්‍රයත්නයකි. සැබවින්ම නම්, පක්ෂ තන්ත්‍රය හා වාම කන්ඩායම අතර දිගු කාලීන දේශපාලන මතභේද පැවතිනි. 

ඒවායින් ප්‍රධාන ඒවා මෙසේ ය: 

  1. පක්ෂයේ කේඩර සහෝදරවරු පන්ති අරගලයේ ඉතාම වාසිදායක තත්ත්ව යටතේත් පක්ෂය හැර යාමේ දී දේශපාලන තක්සේරුවක් සදහා වාම කන්ඩායමේ ඉල්ලීම ප්‍රතික්ෂේප කිරීම.
  2. පක්ෂය තුල වැඩෙමින් පැවෙති මූලධර්ම හා බුද්ධි විරෝධය, පසුගාමීත්වය සහ ලෝක සමාජවාදී වෙබ් අඩවියේ සිංහල අංශයේ ලිපිවල වැඩෙමින් පැවති න්‍යායික හා දේශපාලන දුප්පත්කම හා තත්කාර්යවාදය සම්බන්ධ ප්‍රශ්න විසඳාගැනීමේ අරගලය පෙරට නොගැනීම.

උදා: 

  • මුස්ලිම්වරුන්ගේ මෘත දේහ බලහත්කාරයෙන් ආදාහනය කිරීමට සසප වාම කන්ඩායම දැක් වූ විරුද්ධත්වය නො තකා හැර රාජපක්ෂ ආන්ඩුවේ ප්‍රතිගාමී වර්ගවාදී උදඝෝෂනයට පක්ෂය නතු කිරීම;
  • මූලධර්ම හා විප්ලවවාදී සම්ප්‍රදාය සම්බන්ද ප්‍රශ්නවලින් පීලි පැනීම: නිදසුනක් ලෙස රංජන් රාමනායකව ‌බෞද්ධ සංස්ථාපිතය හා රාජ්‍යය එකාබද්ධව දඩයම් කරද්දී ඊට විරුද්ධ විය යුතු යයි වාම කන්ඩායම යෝජනා  කිරිම මධ්‍යම පන්තියට යටවීමක් ලෙස තන්‍ත්‍රය විසින් නම් ක⁣ර වරෝධය යටපත් කලේය. 
  1. පීඩිත ජාතීන්ගේ  ස්වයං-නීර්නය දිනා ගැනීම කම්කරු පන්තියේ ආඥාදායකත්වය යටතේ පමනක් කල හැකිය යන ජාත්‍යන්තර කමිටුවේ ඉදිරි දර්ශනය ව්‍යාකූල කිරීමට නායකත්වය වැඩ කිරීම.
  2. ගුරු අරගලයේ දී ජෙනරල් ස්ට්‍රයිකයන් සදහා පක්ෂය හෝ පන්තිය සූදානම් නැතැයි නායකත්වය දැරූ අදහස.
  3. කොවිඩ් කාලයේ සිසුන්ගේ ආරක්ෂාව සහතික වන තුරු පාසැල් විවෘත නොකරනුයි ජාත්‍යන්තර කමිටුව ආරම්භ කල උද්ඝොෂනයෙන් පසු බැසීම.
  4. අව්‍යාජ ක්‍රියාකාරි කමිටු සදහා ජාත්‍යන්තර කමිටුවේ පිලිවෙත මත පක්ෂය පදනම් කර ගැනීමට වාම කන්ඩායම දැරූ ප්‍රයත්නය. එමෙන්ම, ක්‍රියාකාරී කමිටු ගොඩ නැගීම සදහා කම්කරු පන්තිය තුල කල යුතු අරගලය වෙනුවට නැති කමිටු ගැන වාර්තා ලියා තමන් ම රවටා ගැනීමට වාම කන්ඩායම පෑ විරෝධය, හා අව්‍යාජ ක්‍රියාකාරී කමිටුවක් වූ ‘කලාවේ හා ප්‍රකාශනයේ නිදහස ආරක්ෂා කිරීමේ ක්‍රියාකාරී කමිටුව’ දැනුවත්ව විසුරුවා හැර නිලධරය එහි නම අවභාවිත කිරීම.
  5. පක්ෂය ගොඩ නැගීමේ හා ඒ සදහා වෙබ් අඩවිය වර්ධනය කිරීමේ දී ඊට අවශ්‍ය න්‍යායික ‌ දේශපාලනික විශ්ලේශන වර්ධනය කිරීම හා ඒවා කම්කරු පන්තියට ඒත්තු ගැන්වීමට සක්‍රීයව මැදිහත්වීම  වෙනුවට ලයික් එකතු කිරීම වැනි ප්‍රචාරකවාදී ආදේශකයන්ට නිලධරය හැරීම. 
  6. කර්තෘ මන්ඩලයේ කලා අනු කමිටුව වසර ගනනාවක් විසුරුවා හැර ලෝසවෙඅට ලංකා ශාඛාවෙන් කෙරෙන කලා විචාර හා සංස්කෘතික රචනා සඳහා වන සාකච්ජා අහුරා පක්ෂ⁣යේ එම ක්ශේෂ්ත්‍රවල ප්‍රතිපදානයන් කිරීම නොසලකා හැරීම
  7. ලෝකල් සභා, දේශපාලන මන්ඩලය හා සාමාජික රැස්වීම්  දක්වා පක්ෂ මන්ඩල තුල දේශපාලන, න්‍යායික හා සංවිධානාත්මක මතභේද සාකාච්ජා කිරිම අධිකාරාත්මක ලෙස, නිලධාරීවාදී ආකාරයෙන්, ප්‍රජාතන්ත්‍රවාදී  මධ්‍යගතවාදයට පටහැනිව, යටපත් කිරීම. පක්ෂ ප්‍රාදෙශීය ලෝකල් සභා අතර පක්ෂ සහෝදරවරුන්ට දේශපාලන හා සංවිධානාත්ක ප්‍රශ්න සාකච්ජාව තහනම් කිරීම. පක්ෂ ව්‍යවස්ථාව හා සම්ප්‍රධායන් නො කතා කටයුතු කරමින් සහ ප්‍රජාතන්ත්‍ර විරෝධී නිලධාරි තන්ත්‍රයක වුවමනාවන්ට පක්ෂය යටත් කිරීමට වාම කන්ඩායම දැරූ විරෝධය.
  8. අවස්ථා කීපයකදීම ව්‍යාජ වම සමග සන්ධානගත වීමට නායකත්වයේ නැඹුරුව වාම කන්ඩායම විසින් ප්‍රතික්ෂේප කිරීම.
  9. 2022 වසරේ ලෝක පන්ති අරගලයේ සන්ථිතියේ ඉහලම තුඩක් ලෙස ලංකාවේ පැන නැගි දැවැන්ත කම්කරු හා මහජන අරගලවලට විප්ලවවාදී සමාජවාදි නායකත්වය දීම සඳහා සක්‍රීය මැදිහත්වීම් නොකර එම පන්ති අරගවලින් වියෝව, එම අරගලය මධ්‍යම පන්තියට හා ව්‍යජ වමට ඩැහැගැනීමට ඉඩහැරීමේ පක්ෂ නිලධාරයේ කට්ටිවාදී විනාශකාරී  භාවිතාවට වාම කන්ඩායම එරෙහි වී ක්‍රියාමාර්ග ගැනීම.

මෙම කරුනු වල දේශපාලන අන්තර්ගතයන්  ඉදිරියේ දී සවිස්තරාත්මකව සාකච්ඡා කිරීමට අප කන්ඩායම සූදානම් ය. 

මේ නිසා, මෙම ලිපිය කම්කරුවන්ට හා පීඩිතයන්ට අවශ්‍ය වැදගත් පාඩම්වලින් සමන්විත වන බව අපි විශ්වාස කරමු. මන්ද, ලෝක කම්කරු පන්තියේ, විශේෂයෙන් ලංකාව ඇතුලු දකනු ආසියාවේ විප්ලවවාදී නායකත්වයේ අර්බුදය විසඳී⁣මේ දැවැන්ත ඓතිහාසික අභියෝගයට සමස්ත වැඩකරන පන්තිය මුහුන දී සිටින බැවිනි.

Image
නන්දන සසප උද්ඝෝෂනයක

ප්‍රිය ජයසේකර සහෝදරයා,

මා පක්ෂයෙන් නෙරපන ලද බව දැනුම් දෙමින් ඹබ විසින්  එවන ලද 2022 නොවැම්බර් 19

දිනැති ලිපිය සම්බන්ධයෙනි.

පක්ෂ නායකත්වය විසින් ගනු ලැබ ඇත්තේ දේශපාලනිකව මෙන් ම සදාචාරාත්මකව ද පිලිගත නො හැකි හා 4වන ජාත්‍යන්තරයේ ප්‍රතිපත්තීන් හා පක්ෂයේ ව්‍යවස්ථාවමත් නො තකා හැරුනු තීන්දුවකි. ඒ සම්බන්ධයෙන් ම‌ගේ ව්රුද්ධත්වය ප්‍රකාශ කරන අතර එය නිවැරදි කිරීමට පියවර ගන්නා මෙන් ඉල්ලමි.

පක්ෂය පදනම් වන බොල්ෂෙවික් මූලධර්ම උල්ලංගනය කර ඇතැයි ඔබ මට චෝදනා කර ඇති අතර ඒ අනුව නෙරපා හැරීම සිදු කර ඇතැයි කියයි.ඔබේ ලිපියේ සදහන් කර ඇති පරිදි
“… දේශපාලනික න්‍යායික හෝ සංවිධානාත්මක මතභේද සාකච්ඡා කල යුත්තේ පක්ෂය තුල පමනි.” එය වැලැක් වූයේ මෙම ප්‍රකාශයෙන් මට දමා ගසන ඔබම නො වේ ය යි ඔබට කිව හැකි ද? 

නායකත්වය සාකච්ඡා කිරීම සදහා ඉඩ දුන්නේ නැත. මා ලියූ ලිපි සාකච්ඡාවට බදුන් නො කලේ ය. ඒවා සාකච්චා කිරීම ලජ්ජාවක් ය යි දේශපාලන කමිටුව කිය යි. මම අවසන් වරට සහභාගී වූ මධ්‍යම කාරක සභාවේ දී මේ පිලි බද සූදානම් කරන ලද සාකච්චාවක් හා කරුනු ඉදිරිපත් කිරීම සදහා මට විනාඩි 45ක කාලයක් දෙන ලෙස ඉල්ලීමි. සංජය සහෝදරයා හැර කිසිවෙකු එය අනුමත කලේ නැත. සාමාජික රැස්වීමවලදී චෝදනා කන්දකට පිලිතුරු දීමට මට ලැබුනේ අන් සියල්ලන්ට ලබා දුන් විනාඩි පහ ය. එය සාමාජිකත්වයට හදුන්වා දුන්නේ ප්‍රජාතන්ත්‍රවාදය ලෙස ය. ජාත්‍යන්තර කමිටුව මැදිහත් වී සම්මේලනය කල් දැමුව ද සාකච්ඡාවක් වැලැක් වීමට නාකත්වය හිතා මතා කටයුතු කලේ ය.මාස තුනකට ම පැවැත් වූයේ එකම එක සාමාජික රැස්වීමකි. එය විකෘති කිරීම්, අපහාස හා අවලාදවලින් පිරවී ය.

මගේ ලිපි සාමාජිකයන්ගෙන් වසන් කර ඒවායේ ඇතැම් කරුනු විකෘති ලෙස ඉදිරිපත් කරමින් සාමාජිකයන් මුලා කලේ ය. අවසානයේ දී ඔබ ඉතාම කුමන්ත්‍රනකාරී ලෙස 2022 ජුනි 18 දින මගේ සාමාජිකත්වය තහනම් කලේ ය.කිසිදු පරීක්ෂනයකින් හෝ සාකච්ඡාවකින් තොරව මා නෙරපා හරිනු ලැබ ඇත. මෙය කුමන්ත්‍රනයක ප්‍රතිඵලයකි.

අම්බලන්ගොඩ ලෝකල් සභාව තුල කුමන්ත්‍රනය දියත් වන විට මම  ඔබට දැනුම් දිනිමි.මැයි 19 දින මා එවූ එම ලිපිය බලන්න.එය සොයා බලා ප්‍රශනය විසදනවා වෙනුවට මාගේ සාමාජිකත්වය තහනම් කිරීම සදහා සැලසුමක් ක්‍රියාවට දැමුනි. ජුනි 18 මගේ සාමාජිකත්වය අත් හිටුවන්නේ තුන්වන සම්මේලනය තුල හා එය සූදානම් කිරීමේ දී කූටෝපායයන් යොදා ගත්තේ ය යි මා කී නිසා ය. මා ඉල්ලා සිටියේ සාකචඡාවකි.

සංජයත් මමත් ලිකිතව හා වාචිකව සාකච්ඡාවක් ඉල්ලා එක දිගට කල අරගලය ඔබ මුලුමනින් ම නො තකා හලේ ය.ඒ අතර ම සාකච්චාවකට අප සූදානම් නැතැයි සාමාජිකයන් අතර ප්‍රචාරය කරමින් අප හුදකලා කිරීමට දැනුවත් ව වැඩ කලේ ය. මේ නිසා මා අභ්‍යන්තර ප්‍රශ්න සාකච්චා කිරීමේ බොල්ෂෙවික් සම්ප්‍රදාය නො තකා පක්ෂයේ නායක සහෝදරවරු ප්‍රසිද්දියේ විවේචනය කර ඇතැයි ඔබ කරන චෝදනාව අතිෂය වංචනික ද කුහක ද වේ. මාලන් හා රොහන්ත යන සහෝදරවරු සංජය හා මා සීඅයිඒයට සම්බන්ධ කිරිමට ගත් උත්සාහය ගැන මා ගත් ආරක්ෂක පියවර නිදසුනක් ලෙස ඔබ හුවා දක්වයි. නමුත් ඔවුන් එසේ කිරීම ගැන ඔබට කියන්නට දෙයක් නැත. පරික්ෂන නැත. ඔබ දැන් උත්සාහ කරන්නේ මේ දුෂ්ට ක්‍රියාව ආරක්ෂා කිරීමට ය.

ගෝටාගෝගමක්‍රියාකාරියෙකුවූචාමරජීවන්තදෙද්දූවගේනම්පුද්ගලයා 2009-2020 අතරකාලයේපැෆරල්ආයතනයේවොලන්ටියර්කෙනෙකුලෙසසේවයකිරීමහේතුවෙන්ඔහුටසීඅයිඒසම්බන්ධයක්ඇතිබවට“News Atlas” තර්කකරතිබිනි.ඒනිසාගොටාගෝගමයනුඅමරිකානුතන්ත්‍රමාරුවැඩපිලිවෙලක්යයිඑයතරකකරතිබිනි. මෙහිසදහන්දෙද්දූවසංජයගේfb මිතුරෙක්විය. මාලන්අදාලවීඩියෝවWhatsApp මගින්ලෝකල්සාමාජිකයන්අතරබෙදාහැරඑයසංජයටසීඅයිඒසබදකම්ඇතයනදූෂමානහාදඩයක්කාරීප්‍රචාරයක්සදහායොදාගත්තේය. සංජය 2021 ජුලි 17 දිනඅදාලවීඩියෝවසමගසියfbහිපලකලඉතාපැහැදිලිවිශ්ලේෂනයක්මගින්මාලන්පසුබැස්සවීය. එහෙත්රොහන්තසංජයහාමායනඅපදෙදෙනාමමෙමචෝදනාවටයටත්කොටප්‍රචාරයකරනලදී. මටමේගැනකියන්නටතැනක්නොතිබුනේහුදෙක්පක්ෂයතහනම්කිරීමනිසානොවමේවාටපක්ෂනායකත්වයේඅනුමැතියලැබෙනබවඅත්දැකීමෙන්තහවුරුකරගෙනපැවතිනිසාය. නිදසුනක්ලෙසතුන්වනසම්මේලනයතුලදීමාපක්ෂයටබැදෙනඅයපොලිස්ඔත්තුකරුවන්ලෙසනම්කරපලවාහරිනබවටරොහන්තකලඅබූතහාකුමන්ත්‍රනකාරීප්‍රකාශයනායකත්වයනිහඩවමඅනුමතකලේය.

Image
සංජය  සසප උද්ඝෝෂනයක

මේ නිසා මට මේ භයානක දඩයමෙන් ආරක්ෂා වීම සදහා පක්ෂ සාමාජිකයන්ට හා කම්කරුවන්ට දැනුම් දීමට පැවති එකම මාවත fb එක ය. දැන් ඔබ දඩයම අනික් පැත්තෙන් ඉදිරියට ගෙන යයි. නන්දන මේ සහෝදරවරුන්ට අස්ථාන චෝදනා කර ඔවුන් සහ පක්ෂය ප්‍රතිගාමීන්ගේ දඩයමට විවෘත කරන්නේ යයි ඔබ කියන්නේ ඒ අනුව ය. මෙවැනි දේ කරන මිනිසුන්ට මා මරා දැමීමට වුව පුළුවන් ය යි මම ලිවෙමි. දැන් ඔබ එය ද විකෘති ලෙස යොදා ගනිමින් මම පක්ෂය දඩයමට විවෘත කරන බවක් ඉස්මතු කරයි.

නමුත් ජයසේකර සහෝදරයා සත්‍ය සත්‍ය ම ය. විශේෂයෙන් පන්ති අරගලයේ වත්මන් කොන්දේසි තුල පක්ෂ නායකත්වය නිවැරදි වීමට සූදානම් නැත්නම් සත්‍ය ඊට එරෙහිව පෙනී සිටීම නො නැවැත්විය හැකි ය. නමුත් ඔබ කියන්නේ මෙයයි. “
අපි හැම අතින් ම නුඹ වනසනවා. නුඹ ඊට ඉඩ දිය යුතු යි. විනය යනු එය යි.” කම්කරු පනතියට නම් විනය වනාහී ධනවාදයෙන් නිදහස් වීමට අවශ්‍ය ඉදිරි දර්ශනය මත ක්‍රියාකාරී වීම සදහා වන අව්‍යාජ ප්‍රජාතන්ත්‍රවාදී සාකච්ඡාවන් තුලින් අත්පත් කරගන්නා අවබෝධය යි. ඒ සදහා ඉඩ ප්‍රස්ථාවන් විවෘත කර ගැනීමේ මාවතයි.

ඔබ මෙය පිලිගන්නේ නැත. කතා කිරීමට ඉඩ දුන් විට (හුදෙක් විනාඩි 5ක්! අප ඉල්ලා සිටියේ කාරනා පැහැදිලි කිරීමට කාලයක්!) ප්‍රශ්නය වෙනුවට ප්‍රජාතන්ත්‍රවාදයක් ගැන කතා කරන්නේ ය යි ඔබ කොපයෙන් පවසයි. සාමාජිකයන්ට ඔබ කියන්නේ එයයි. එහෙත් දිගු කාලයක් තිස්සේ ප්‍රජාතන්ත්‍රවාදී, න්‍යායික හා දේශපාලන සාකච්ඡා ලිස්සා යැවීම මගින් පක්ෂයට කර ඇති හානිය ඔබට නො පෙනේ.

මා පක්ෂයේ සහෝදරවරුන් ලෝක සමාජවාදී වෙබ් අඩවියට කල ප්‍රකාශ එලෙස පල කිරීම පිලිබදව පක්ෂය හෙලා දැක්කේ ය යි ඔබේ ලිපිය තව දුරටත් කියයි. ඒ කෙසේ ද? පක්ෂ මධ්‍යම කරක සභිකත්වය දරන වතු කම්කරුවෙකු සාමාන්‍ය වතු කම්කරුවෙකු වෙනුවට ප්‍රකාශ නිකුත් කිරීම ගැන සදහන් කිරීම හෝ සෞඛ්‍ය ක්‍රියාකාරී කමිටුවේ නමින් වෙනත් සංවිධානවල කම්කරුවන් සියය ගනනක් ඉන්නා ඡායා රූප පල කිරීම මගින් ලෝක සමාජවාදී වෙබ් අඩවියත්, පක්ෂයත් සමාජයත් රැවටීම සහ ලොසවෙඅ අප්‍රසාදයට ලක් කිරීම අනුමත කල යුතු ද? මිහිපිට නැති ක්‍රියාකාරී කමිටු ගැන වාර්තා කීයක් ලෝක සමාජවාදී වෙබ් අඩවිය වෙත ලියා යවා ඇත් ද? එයින් වෙබ් අඩවියට කරන හානිය ඉවසා සිටිය යුතු ද? මේවා කම්කරු පන්තියේ විඥානය වර්ධනය කිරීමේ ලා කවර ස්ථානයක් බජනය කරන්නේ දැයි ඔබට පැහැදිලි කල හැකි ද?

කම්කරුවන් දිනා ගැනීම සදහා අරගලය වෙනුවට පැවැත්ම සදහා මාක්ස්වාදයට හා ජාත්‍යන්තර කමිටුවට ආධුනික හා ප්‍රතිපත්ති විරහිත වෙනත් උපායන් සොයා ගැනීමට ඔබ කරන දේ යුක්ති සහගතය යි ඔබ සිතන්නේ ද?

පස් වන අවධිය ලෙස අප විසින් නම් කරනු ලැබ නියම කරගත් පිලිවෙත නො තකා අප්‍රේල් සිට මතු වූ අරගලයේ දී පක්ෂය ගෙන ගිය උදාසීන පිලිවෙත පිටුපස මෙම නො තැකීම පැවතුනු බව මට පැහැදිලිව කිව හැකි ය. මෙය සාකච්චා කිරීම අවශ්‍යය ය. ඔබට අනුව එක කොන්දේසියක් යටතේ පමනක් පක්ෂය තුල එවැනි සාකච්ඡාවකට ඉඩ ඇත. එය නායකත්වය කුමක් කලත් නො කලත් දෙකම යුක්ති සහගත කිරීම ය. ජාත්‍යන්තර කමිටුවේ පිලිවෙත මත මෙම ගැටලු සාකච්චා කිරීමට ඉඩ නැත. සංජය හා මා නෙරපීම ගැන එකදු දේශපාලන හේතුවක්වත් ඔබ ඉදිරිපත් නො කරයි. එනම් අප නෙරපා දැමීම පිටුපස ඇත්තේ නිශ්චිත පන්තිමය වුවමනාවන්ට යටත් ව දේශපාලන ප්‍රශ්න සාකච්ඡා කිරීම වැලැක් වීමයි.

තනිකරම විනය පිලිබද ප්‍රශ්න නිසා නෙරපා හැරීම කල බව ඔබ කියයි. විනය ප්‍රශ්නය කුමන දේශපාලන ප්‍රශ්නයක ප්‍රකාශනයක් ද?

අප වනාහී කම්කරු පන්තියේ විප්ලවවාදී දේශපාලන පක්ෂය යි. එහි මතු වන ගැඹුරු ගැටලු දේශපාලනයෙන් තොරව පැන නගින්නෙ ය යි පිලි ගන්නා තැනැත්තා ඉතා දුප්පත් විප්ලවවාදියෙකි. මේ ප්‍රශ්න ඉතා සහෝදරාත්මකව හා අව්‍යාජ ලෙස සාකච්ඡා කර නිරාකරනය කර ගැනීම අවශ්‍යය ය. එය මග හැරීම පහසුම හා විනාශකාරී ම මාවත  ය. එබැවින් නිසි පරීක්ෂනයක් හා පුලුල් සාකච්චාවක් ජාත්‍යන්තර කමිටුවේ නියෝජිතයන්ගේ ද සහයෝගය ඇතිව කිරීමට මම යෝජනා කරමි. ජාත්‍යන්තර කමිටුව ඉදිරියේ මෙම ප්‍රශ්න ගැඹුරින් පැහැදිලි කරිමට මම සූදානමින් සිටිමි. ඒ හැරත් මා පක්ෂයෙන් එලියේ තැබීම මගින් මෙම ප්‍රශ්න මග හැරීමට ඔබට ඉඩ ලැබෙනු ඇතැයි නො සිතන මෙන් මම ඔබෙන් ඉල්ලමි. එලියේ සිටියත් මට හැකි හැම ශක්තියක් ම යොදා ජාත්‍යන්තර කමිටුවේ පිලිවෙත රකින බව සදහන් කිරීමට මට ඉඩ දෙන්න.

ජාත්‍යන්තර කමිටුවේ ප්‍රකාශය අනුව [කම්කරු පන්තික] නැගිටීමක් සහිත කාල පරිච්ඡේදයකට අප ඇතුල් වී ඇති බවත් අප්‍රේල් සිට මාස 4ක් ඇදුනු අරගලය ව්‍යාජ වම්මුන් විසින් පාවා දෙනු ලැබූ බවත් ඔබ කියා ඇත. අරගලය ආරම්භයේ දී ම ඔබ එය අපට අදාල එකක් නො වේ යයි එයින් ඉවත්ව සිටීමට වැඩ කලේ ය. ජාත්‍යන්තර කමිටුවේ මැදිහත්වීම නො තකා නායකත්වය දිගින් දිගටම ඇල් මැරුනු ප්‍රතිචාර දැක්වී ය. එවැනි අරගලයක පැන නැගීම විශ්වාස නො කල ඔබ ඒ සදහා සූදානමකින් හෝ සාකච්ඡාවකින් තොරව සුලු සුලු වැඩ කලේ ය. ඒවා මහා මැදිහත් වීම් ලෙස ඔබ හුවා දක්වයි. දැන් ව්‍යාජ වම්මු පාවා දී ඇතැයි කියන නායකත්වය එයින් ලබා ගත්තේ මොනවා ද හා එය ප්‍රමානවත් ද ? ඒ උපරිමය ද? අවමය ද? ඔබට තක්සේරුවක් නැති අතර අත්‍යවශ්‍ය සකච්චාව සදහා ඔබ සූදානම් නැති බවට ද මෙම නෙරපා හැරීම සාක්ෂියකි.

2012 ඉජිප්තුවේ සිදුවීමවල දී ලංකාවේ තරම් කේඩරයක් සිටියේ නම් තත්වය වෙනස් කරන බව ඩේවිඩ් නෝත් සහෝදරයා එදා කීය. ඉජිප්තුවේ සිද්ධීන් මෙහි දී ද දිග හැරුනි. අපගේ සම්මේලනය 1917 [අප්‍රේල්] සම්මේලනයට සමාන ය යි ඩේව් සහෝදරයා කීවේ ඒ අර්ථයෙන් ම ය. ඔබ එය ගත්තේ අපි ලෙනින්ගේ බොල්ශෙවික් පක්ෂය මෙන් වැඩ කර ඇතැයි සහතිකයක් ඩේව්ගෙන් ලැබුනේ යයි යන ආකාරට ය. නමුත් ඔබ ඉතිරි කරගත්තේ “අපි වැඩ කලා. ව්‍යාජ වම්මු පාවා දුන්නා” වැනි සුලු දෙයකි. අප මැදිහත් වී කොලඹ ක්‍රියාකාරී කමිටුව ගොඩ නො නැගුවේ නම් ජාත්‍යන්තර කමිටුව මැදිහත් වී සම්පාදනය කල ඉදිරි දරශනවල ප්‍රායෝගික සත්‍යතාව ගැන බලගතු නිදසුනක් පක්ෂය සතු වී නැති බව මම ඉස්තිරසාර ලෙස කියමි.

සසපජාත්‍යන්තරකමිටුවේමෙහෙයවීමයටතේ  වැදගත්ඉදිරිදර්ශනයක්හාක්‍රියාමාර්ගයක්ඉදිරිපත්කලේය.

එහෙත් එම ඉදිරි දර්ශනය සාක්ෂාත් කිරීමේ දී අපේ නම නැතිව බැහැයි කියමින් ගෝටාගම තුල මැදිහත් වී ලක්ෂ සංඛාත මහජනයාට සමීප වන්නට තිබූ අවස්ථාව මග හැර ව්‍යාජ වම්මුන්ට සිත් සේ ඒතුල වැජබෙන්නට අවස්ථාව සැලසී ය. පක්ෂයේ මැදිහත් වීම අපේක්ෂා කල කුඩා වාමාංශික කන්ඩායමක් හරහා සංජයට අවස්ථාව ලැබීමත් අපට ඉක්මනින්ම ඔවුන්ගෙන් කිහිප දෙනෙකු දිනා ගැනීමට හැකි වීමත් හාස්කමක් නො ව පක්ෂය දිගු කාලයක් ගෙන ගිය සප්‍රතිපත්තික අරගලයේ ප්‍රතිපලයකි. අප ඔවුන් දිනා ගත්තේ පක්ෂය විසින් වර්ධනය කෙරුනු ඉදිරි දර්ශනය සදහා අරගලය තුල මැදිහත් වීමේ දී ය. ඒ අතර සිටි සහෝදරවරුදශකගනනක්පක්ෂයහදුනාගෙනසිටිඅතරඑහිලිපිලේඛනඇසුරුකරතිබිනි. අරගලයේඅද්දැකීම්දසහිතවසිටිමොවුන්දැඩිඅසීරුතාවකින්තොරවමදිනාගැනීමටඅපටහැකිවිය.  

දැන් සංජය හා නන්දන “කම්කරු පන්තියේ විප්ලවවාදී නායකත්වය ගොඩ නැගීමේ අරගලයෙන් පක්ෂය ඉවතට හරවීම හා පක්ෂය දුර්වල කිරීම පිනිස මධ්‍යම පන්තික කොටස් හරහා පෙරී විත් පක්ෂය මත ක්‍රියාත්මක වන සතුරු පන්ති පීඩනයේ ප්‍රකාශනයක්” නිසා ඊට විරුද්ධ “රුදුරු සටනක්” ඔබගේ ලිපියෙන් කැදවයි. මෙය පැහැදිලි නො කෙරුනු ප්‍රකෝපකාරී ප්‍රකාශයකි. අදාල දෙදෙනාම සාකච්චාවකින් හෝ විනය පරීක්ෂනයකින් හෝ තොරව පක්ෂයෙන් නෙරපා මේ සටන කෙරෙන්නේ කෙසේ දැයි ඔබ කල්පනා කර නැත. සාමාජිකත්වය නො මග යවන හා පක්ෂය දුර්වල කරන මෙම පිලිවෙතින් පක්ෂය මුදා ගත යුතු ය.

ඔබ දිගින් දිගටම ඉතා අනතුරුදායක් ලෙස පක්ෂ ව්‍යවස්ථාව විකෘති කරයි. සාමාජිකත්වය ව්‍යාකූලත්වයේ හෙලන එය පක්ෂයේ අනාගතය ද විකෘති කරන්නේ ය. එක් අවස්ථාවක ව්‍යවස්ථාව සහමුලින්ම නොතකා හරින ඔබ තමන්ට වාසිදායක් යයි හැගුනු විට එය තමන්ට කැමති අර්ථයකින් යොදා ගනී.

පක්ෂ ව්‍යවස්ථාවේ 10
ඡේදය උපුටා ගනිමින් ඔබේ ලිපිය පවසන පරිදි සාමාජිකයෙකු
“.. තමන් සාමාජිකත්වය දරන .. මන්ඩලයක තීරන උල්ලංගනය කර ඇත්නම් ද සසප හා කම්කරු පනතියේ අවශ්‍යතාවයන්ට අනර්ථකාරී යයි සැලකිය හැකි අන්දමින් කටයුතු කර ඇත්නම් ද ..හෙලා දැකීම ද තෙමසක් නො ඉක්මවන කාලයක් සදහා සාමාජිකත්වය අත්හිටුවීම හෝ නෙරපා හැරීම ඇතුලත් වන්නේ ය.” මම මෙය පිලිගනිමි.

එහෙත් එහි “ඈ” ඡේදය අනුව ඒ සදහා විනය පරීක්ෂනයක් පැවැත් වෙන බව සාමාජිකයාට ලිඛිතව දැනුම් දිය යුතු ය. විනය තීරන ගැනීමට පෙර සියලු චොදනාවලින් ආරක්ෂා වීම සදහා මන්ඩලය ඉදිරියේ පෙනී සිටීමට සාමාජිකයෙකුට අයිතිය තිබේ. ඔබ මේ සියල්ල කුනු කූඩයට දමා මෙම ඡෙදය සාමාජිකයන්ගෙන් වසන් කර ඇත. මේ අනුව පක්ෂයේ හා කම්කරු පන්තියේ අවශ්‍යතා ආරක්ෂා කිරීම පිලිබද ව්‍යවස්ථාවේ සදහන් කරුනමත් ඔබ විසින් උල්ලංගනය කරන්නේ ය යි මම කියමි. මේ ආකාරයට පුහුනු වන කේඩරයක් පක්ෂයේ කර්තව්‍යයන් වටහා ගන්නේ නැත. මෙවැනි වංචාවන්ට ඔබ යොමු වන්නේ කුමන දේශපාලන අවශ්‍යතාවක් නිසාදැයි දැනගැනීමට සාමාජිකයන්ට පමනක් නො ව කම්කරු පන්තියට ද අයිතියක් ඇත.

1990 මාර්තු 8 දින ඩේවිඩ් නොත් සහෝදරයා දේශපාලන කමිටුවට කල අනතුරු ඇගවීම සටහන් කරමින් මෙම ලිපිය අවසන් කිරීමට මම කැමත්තෙමි.

“අපි විකොස ගැටලු පරික්ෂා කලහොත් පක්ෂයේ මෑත අත් දැකීම් තුල අප සලකුනු කල අන්තරායන් පොදුවේ පැන නගින්නේ තම පක්ෂය ද ඇතුලුව ජාතික හා ජාත්‍යන්තර ව්‍යාපාරයේ අත් දැකීම් මත දැඩිව පදනම් වී ගැනීමට අසමත් වීම තුල බව පැහැදිලි වනු ඇත.

“ඔබ භාවිතය වර්ධනය කරන්නේ ව්‍යාපාරයේ සමස්ථ අත් දැකීම් සමග ඒවායේ සම්බන්ධතාව පරික්ෂාවට බදුන් කිරීමෙන් තොරව ය. විකොස මෙම ඓතිහාසික අත් දැකීම් තුල මුලු ඇද ගැනීමට අසමත් වන ප්‍රමානයට එය පන්ති පීඩනය මගින් ජාත්‍යන්තර කමිටුවෙන් ඇතට දුවවනු ලබමින් පවතී. මෙය කිසි සේත් ම ආපසු හැරවිය නො හැකි සංතතියක් හෝ විකොස වැඩ කටයුතුවල ආදිපත්‍ය දරන ගති ලක්ෂනයක් යයි අපි කිසිසේත් නො කියමු. (අද?)

“එහෙත් අවුරුදු 50ට පෙර තමාගේ මරනයට මදකට කලින් ට්‍රොට්ස්කි සදහන් කල පරිදි ‘ සෑම සීරීමේ තුවාලයකම ඔඩු දිවීමේ හැකියාවක් ද ඇතුලත් ය. අප කල් ඇතුවම තුවාලයේ විෂබීජ හරනය කලේ නැති නම් පැසවා ඔඩු දිවීමේ ද, මරනයට පත් වීමේ ද අන්තරාය පවතී. පක්ෂය 98% හරිය. වැරදී ඇත්තේ 2% යනුවෙන් අප සිතාගතහොත් එය වැරදි ය…

“..මාක්ස්වාදියා නිරන්තරව ම වෛශයික ‌ඓතිහාසික ගමන් මගට බලපෑමට උත්සාහ කරමින් තම පිලිවෙත වඩාත් ප්‍රගාඩ ‌ඓතිහාසික සංතතීන්ට සමපාත වන තාක් දුරට, එවන් ප්‍රයත්නයන්ට සැලකිය යුතු ජයග්‍රහන අත්පත් කරගත හැකි ය.”

සහෝදරත්වයෙන්,  

නන්දන නන්නෙත්ති 

 13.01.2023

#theSocialistLK

සසප ප්‍රධාන ලේකම් දීපාල් ජයසේකරට පිලිතුරක්: සසප වාම කන්ඩායමේ අරගලය Read More »

සසප නිලධරය පසුගාමීත්වය හා මූලධර්ම විරෝධය ඔසවා තබයි

lead article, politics /

ලංකාවේ සමාජවාදී සමානතා පක්ෂයේ (සසප) දේශපාලන මණ්ඩලය, නන්දන නන්නෙත්ති සහ සංජය ජයසේකර යන සහෝදරවරුන් පක්ෂයෙන් එලවා දැමීමෙන් මාස ගනනාවට පසු, ඒ සම්බන්ධව පක්ෂ නායකත්වය මේ සමග පලවන ලිපිය සමග තවත් ලිපි දෙකක් ලෝක සමාජවාදී වෙබ් අඩවයේ (ලොසවෙඅ) සිංහල අංශයට මුදා හැර ඇත.

Image
සසප වාම කන්ඩායම ගොඨාගෝගම විප්ලවවාදී මැදිහත්වීමක, 2022 ජුනි 15

මේ ලිපි සාවදානව කියවන ලෙස සියලු කම්කරුවන්ගෙන්, පක්ෂයට හා ජාත්‍යන්තර කමිටුව හිතැති හා ප්‍රගතිශීලී වුවමනාවන් ඇති සියලු දෙනාගෙන් අපි ඉල්ලා සිටිමු. 

පක්ෂ තන්ත්‍රය ප්‍රජාතන්ත්‍ර විරෝධීව හා මූලධර්ම විරහිතව එම සහෝදරවරුන්  ‘විරේක’ කර, ඔවුන් හා පක්ෂය තුල වාම ප්‍රවණතාවය විප්ලවවාදී ජාත්‍යන්තරවාදී දේශපාලනයේ ක්ෂීරපතයෙන් අතුගා දැමීම සඳහා ගන්නා ලද සෑම ප්‍රයත්නයක්ම ව්‍යවර්ථ වූ කල සිහි විකල් වූ ස්වරූපයකින් ගෙන ඇති මෙම පියවර, කම්කරු පන්තියේ විප්ලවවාදී නායකත්වයේ අර්බුදය තීව්‍ර කරන පක්ෂ නිලධරයට එරෙහිව, ට්‍රොට්ස්කවාදී මූලධර්ම ආරක්ෂා කිරීම සඳහා විවෘත වේදිකාවක් සකසා තිබේ.

ඒ නයින් මෙයින් ඇරඹෙන සාකච්ජාව වර්තමාන පන්ති අරගලය වර්ධනය සඳහා අත්‍යවශ්‍යම එකක් වන බව අපට සහතික ය.

සසප නායකත්වයේ ලිපිය සදහන් කර ඇත්තේ නන්දන හා සංජය සහෝදරවරුන් දොට්ට දැමීම ගැන පමනි. නමුත් මෙම නිලධරය මෙම සහෝදරවරුන් දොට්ට දැමීමෙන් පසු රත්මලාන ලෝකල් සභාවේ සුනිල්, කොලොන්නාවේ මිගාර, අම්බලන්ගොඩින් අමරතුංග යන සහෝදරවරුද නෙරපූහ. ලිපියේ සඳහන් කර ඇති ගෝඨාගෝගම තීරනාත්මක දේශනයට සම්බන්ධ වූ ආනන්ද වක්කුඹුර සහෝදරයාගේ සාමාජිකත්වය ඒ හේතුව නිසාම අත්හිටුවූයේ ය.  මීට පෙර ගම්පහ දිමුතු දොට්ට දැමුහ. පැරනිම සහෝදරයෙකු වන බුලත්සිංහල පදිංචි විලියම් සහෝදරයා කිලෝ මීටර් 300 පමන දුර බන්ඩාරවෙල ශාඛාවට අනුබද්ධ කිරීම මගින් පක්ෂ වැඩවලින් ඉවත් කර තැබීමට ක්‍රියා කළෝය.  සංජය හා නන්දන යන සහෝදරවරු ඇතුලු පක්ෂයේ වාම කන්ඩායමේ තවත් සහෝදරවරු ගනනාවක් නෙරපීමේ තර්ජනයට යටත්ව සිටිති.

පක්ෂයේ අවසාන සම්මේලනයට ආසන්නව, ඊට පෙර හා පසු කාලය තුල පක්ෂය හැර ගිය හා නෙරපූ ගනන 20 ක් පමන වේ. කේඩර පක්ෂයක මෙම සංඛ්‍යාව විශාල ප්‍රතිශතයකි. පන්ති අරගලයේ ගෝලීය පරිමානව දැවැන්ත උත්ගතය මධ්‍යයේ ලංකාවේ කම්කරුවන්, තරුනයක් විප්වවාදී විභවයන් ගන්නා තතු යටතේ පක්ෂය තුල මේ වර්ධනයන් පිලිබඳව පක්ෂ නිලධරය කිසිදු දේශපාලන ඇගයීමක් සිදුකර නැත.

ව්‍යවස්ථාව  නොතකා, ප්‍රජාතන්ත්‍රවාදී සාකච්ජාවට පයින් ගසා, 2015 දී හා 2022 දී කැඳවූ පක්ෂ සම්මේලන, වාම කන්ඩායමේ සාමාජිකයන්ගේ උත්සුකයන් මැද, ජාත්‍යන්තර කමිටුවේ (ජා.ක) මැදිහත් වීමෙන් මාස කිහිපකින් කල් දැමූ නමුත්, දේශපාලන ප්‍රශ්න පක්ෂ අභ්‍යන්තරයේ දේශපාලනිකව  විසඳා ගැනීමට ජා.ක දෙන ලද උපදෙස් ගසා දැමූ මෙම නිලධරය පක්ෂයේ ප්‍රජාන්ත්‍රවාදි මධ්‍යගතභාවය උල්ලංගනය කිරීම පිලිඹඳ නන්දන/සංජයට එරෙහිව නන්දෙඩවීමේ කිසිදු සුජාතභාවයක් නැත.

සංජය හා නන්දන යන සහෝදරවරුන් පක්ෂයෙන් නෙරපීමට පෙර එම සහෝදරවරු ඇතුලු වාම කන්ඩායම පක්ෂ නිලධරය සමඟ විවිධ දේශපාලන ප්‍රශ්න සම්බන්ධයෙන් පක්ෂ මණ්ඩ තුල කල දීර්ඝ දේශපාලන අරගලය පිළිබඳව කෙල පිඩක් හෝ නොසෙල් වීමට නිලධරය ප්‍රවේසම් වී ඇත.  ඊට අදාල එම සහෝදරවරුන් ඉදිරිපත් කරන ලද ලේඛනවල අර්ථ විකෘත කිරිම හෝ ඒවා අඩු තරමින් පක්ෂ සමාජිකයන් වෙතවත් ඉදිරිපත් නොකිරීමට නිලධරය කටයුතු කලෝය. 

අතිශයින් ආත්මීය පුද්ගල අවලාද නැගීම් දක්වා පල්ලම බැස ඇති බවට සාක්ෂි දරන මෙම ලිපියම පෙන්වන්නේ මෙම නිලධරය පක්ෂයට ආකර්ෂනය වූ පසුගාමී ස්ථර වෙත ආමන්ත්‍රනය කිරීම යි. මෙමගින් පක්ෂ නිලධරය පක්ෂය කම්කරු පන්තික පදනමින් බැහැරව ප්‍රතිගාමීත්වය හා ජාතිකවාදය දෙසට ව්‍යාපාරය තල්ලු කිරීමේ අන්තරාය ප්‍රදර්ශනය කරමින් සිටී.

සංජය සහෝදරයාගේ වෘත්තීය එල්ල කර ගනිමින් පලමු වරට මෙම ලිපියේ කර ඇති චෝදනා ඇස් නිලංකාර කරවන සලුය. මෙය ජුගුප්සාජනක ලෙස හෙලිදරව් කරන්නේ එම සහෝදරයා සමඟ සම්බන්ධතාවයේදී  පක්ෂ නිලධරයේ මධ්‍යම පන්තික තට්ටුව අවිඥානිකව මෙහෙයවනු ලැබූ මනෝගතිය නොවේද?

ජාත්‍යන්තර කමිටුව වෙත මොනම හැරීමකින් හෝ දැනුම් දීමකින් පවා තොරව ලොසවෙඅ සිංහල අංශයේ මෙම මනෝබද්ධ හා ජාතිකවාදී ප්‍රකාශ පල කිරීම කුමන ජාත්‍යන්තර මාක්ස්වාදී විනයක් දැයි මොවුන් විසින් පෙන්වා දෙනු ලැබිය යුතු ය.

පක්ෂයේ මූලධර්ම විරහිත නිලධරයේ මෙම ක්‍රියාකලාපය හෙලදරව් කරමින්, පලකර ඇති මෙම ලිපි පිලිබඳව හා අදාල ලේකන සමගින් පක්ෂයේ වාම කන්ඩායම ගෙනගිය අරගලය පිලිඹඳව සාකච්ජාව අප ඉදිරියට ගනු ඇත. මෙම කෙටි සටහන එයට ප්‍රවේශයකි.

සසප මුදාහල එකී ප්‍රකාශය පහත පල කෙරේ:

නන්දන නන්නෙත්ති සහ සංජය ජයසේකර නෙරපීම පිලිබඳ ශ්‍රී ලංකාවේ සමාජවාදී සමානතා පක්ෂයේ ප්‍රකාශය

සමාජවාදී සමානතා පක්ෂය – ශ්‍රී ලංකාව

06 මැයි 2023

2022 නොවැම්බර් 12 දා, හතර වන ජාත්‍යන්තරයේ ජාත්‍යන්තර කමිටුවේ ශ්‍රී ලංකා ශාඛාව වන සමාජවාදී සමානතා පක්ෂය (සසප), යුක්තියුක්ත නිශ්චිත හේතු මත, නන්දන නන්නෙත්ති සහ සංජය ජයසේකර පක්ෂයෙන් නෙරපා දැමීය.

පක්ෂයේ මධ්‍යම කාරක සභා රැස්වීමක දී ඒකච්ඡන්දයෙන් සම්මත කරන ලද, ඔවුන් නෙරපීම පිලිබඳ යෝජනාව, මෙම පුද්ගලයන් දෙදෙනාගේ විනය විරෝධී සහ දේශපාලනිකව සතුරු ක්‍රියාවන් සවිස්තරව ගෙනහැර දැක්වීය. සසප ප්‍රධාන ලේකම් දීපාල් ජයසේකර, ඔවුන් නෙරපීම ගැන සංජයට හා නන්දනට ලිඛිතව දැනුම් දෙමින් මධ්‍යම කාරක සභා යෝජනාවේ පිටපතක් ද ඔවුන් වෙත යැවීය.

නෙරපීම සිදු කෙරුනේ, මාස ගනනාවක් තිස්සේ ඔවුන් විසින් පක්ෂ විනය උල්ලංඝනය කරමින් ගනන් බලා සිදු කරන ලද ක්‍රියාවන් මාලාවකට පසුව ය.

නීතිඥ වෘත්තියට පිවිසුන දා පටන්, සංජය විශ්වාස කලේ, නීතිඥයකු ලෙස තමන්ට පවතින ඉහල සමාජ තත්වය හේතුකොට ගෙන සමාජවාදී සමානතා පක්ෂය තුල ඔහුට විශේෂ සැලකිල්ලක් ලැබිය යුතු බවයි. සිය නීති උපාධිය පක්ෂයේ නීතිරීතිවලට ගරු කිරීමේ මුලු වගකීමෙන් තමන්ව නිදහස් කරනු ඇතැයි ඔහු ඒත්තු ගෙන සිටියේය. එවන් නීතිරීති සාමාන්‍ය පක්ෂ සාමාජිකයන්ට පමනක් බලපාන බවත් එහෙත් තමන් වැනි නීතිඥයන්ට අදාල නොවන බවත් සංජය විශ්වාස කලේය.

නීති උපාධිය ලැබුනු තැන් පටන්, සංජය, තමන්ගේ ම බුද්ධිප්‍රභාව පිලිබඳ ගරුත්වයෙන් යුක්තව, උඩඟු ලෙස හැසිරෙන්ට පටන් ගත්තේ, පිල් විදහා ගත් අධිපෝෂිත මොනරකු මෙනි.

ඔහු පක්ෂය දැකගත්තේ, ස්වකීය පුද්ගලික දේශපාලන අභිලාෂයන් සඳහා වූ වාහනයක් ලෙස යි. එහෙත් ඔහු විමතියට පත් කරමින්, ඔහුගේ වෘත්තීය සුදුසුකම් නිසා සසප බිය ගත්තේ නැත. සසප අවධාරනය කලේ, පක්ෂ සාමාජිකත්වයට අදාල නීතිරීති සෙසු සාමාජිකයන්ට මෙන්ම සංජයට ද බලපාන බවයි. විශේෂයෙන් ම, පක්ෂයේ අවසරයකින් තොරව, තමන්ගේ ම දේශපාලන රැස්වීම් සංවිධානය කිරීමට සංජයට කිසිදු “අයිතියක්” නැති බව සසප නායකත්වය ඔහුට අනතුරු ඇඟවීය.

රාජපක්ෂට එරෙහි පසුගිය වසරේ මහජන විරෝධතා මධ්‍යයේ, කොලඹ ගාලු මුවදොර පිටියේ තමන්ගේ ම ප්‍රසිද්ධ රැස්වීමක් සහ දේශනයක් පැවැත්වීමට සංජය තීන්දු කලේය. පක්ෂ විනය මෙලෙස බරපතල ලෙස උල්ලංඝනය කිරීම ඔහු සාධරනීකරනය කලේ, එම “දේශනය පක්ෂයට නොව, මාගේ පුද්ගලික තත්වය හේතුකොටගෙන මට ලැබුනු මා සඳහා සංවිධානය කෙරුනු” අවස්ථාවක් බව ප්‍රකාශ කරමිනි.

විවිධ කාරනා සම්බන්ධයෙන් පක්ෂයේ ක්‍රියාමාර්ගය සහ ඉදිරිදර්ශනය පිලිබඳව සසප සමග ඔහුට පවතින මතභේද පෙන්නුම් කරමින් සිය පේස්බුක් පිටුවේ ප්‍රසිද්ධ ප්‍රකාශ පල කිරීම ඒ් වන විටත් අරඹා තිබූ නන්දන සමග සංජය පෙලගැසුනි. නන්දනගේ මෙම භාවිතය පක්ෂ විනය උල්ලංඝනය කිරීමක් විය. පේස්බුක් තුල විවෘතව ප්‍රකාශ කර ඇති ඔහුගේ අදහස් පක්ෂයේ දිගුකාලීනව තහවුරු කෙරුනු ආස්ථානවලට එරෙහිව යන්නේ කෙසේද යන්න, පක්ෂ සාමාජිකත්වය තුල බෙදාහැරි අභ්‍යන්තර ලියවිලි හරහා, පෙන්වා දෙමින්, සසප නායකත්වය මෙම කාරනා පැහැදිලි කල නමුත්, නන්දන සිය ප්‍රසිද්ධ ප්‍රකාශ ඉවත් කර ගැනීම ප්‍රතික්ෂේප කලේය.

නන්දන, මෙම පක්ෂ-විරෝධී ක්‍රියාකාරකම් නව ඉහල මට්ටමකට නංවාලමින්, පසුගිය සැප්තැම්බරයේ දී, පොදුවේ පක්ෂ නායකත්වය ද විශේෂයෙන් මූලික සහෝදරවරුන් ගනනාවක් ද ප්‍රසිද්ධියේ හෙලාදකිමින්, සිය පේස්බුක් පිටුවේ ප්‍රකාශ මාලාවක් පල කලේය. එවන් විවෘත පක්ෂ-විරෝධී ක්‍රියාකාරකම් නතර කරන ලෙසත් පක්ෂයට එරෙහි සිය ප්‍රසිද්ධ ප්‍රහාර ඉවත් කරගන්නා ලෙසත් ඉල්ලා සිටිමින්, පක්ෂ දේශපාලන කමිටුවේ ඒකමතික තීරනයකට අනුව, සසප ප්‍රධාන ලේකම් විසින් ඔහු වෙත යවන ලද ලිඛිත උපදේශය නොතකා, ඔහු, පේස්බුක්හි පක්ෂයට එරෙහිව තව තවත් එවන් ප්‍රසිද්ධ විවේචන පල කරමින්, සිය භාවිතාව අඛන්ඩව ඉදිරියට ගෙන ගියේය.

මෙම සියලු පක්ෂ-විරෝධී ක්‍රියාකාරකම්වල දි, නන්දන, සංජය සමග අප්‍රතිපත්තික කල්ලි සබඳතාවක් පවත්වා ගෙන යමින්, ඔහු සමග සමීපව හා විවෘතව සහයෝගී විය. සංජය ගාලු මුවදොර පිටියේ පැවැත්වූ ඉහත සඳහන් කල ප්‍රසිද්ධ දේශනයට ද නන්දන සහභාගි විය.

නන්දන සහ සංජය පක්ෂ විනය පිලිගැනීම ප්‍රතික්ෂේප කිරීම හමුවේ, ඔවුන්ගේ සාමාජිකත්වය අහෝසි කිරීම හැර වෙනත් විකල්පයක් සසප මධ්‍යම කාරක සභාවට ඉතිරිව තිබුනේ නැත. ඔවුන් සිය වඩවඩා විනාශකාරී හැසිරීමත් පක්ෂ තීන්දුවලට අනුකූල වීම ප්‍රතික්ෂේප කිරීමත් යලි සලකා බලනු ඇතැයි යන බලාපොරොත්තුවෙන් යුතුව, ඔවුන්ව නෙරපීම ප්‍රසිද්ධ නොකිරීමට පක්ෂය තීන්දු කලේය. එහෙත් පසුව ඔප්පු වූයේ මෙම බලාපොරොත්තුව නිෂ්ඵල එකක් බවයි.

ඒ වෙනුවට, නන්දන සහ සංජය සිය විවෘත පක්ෂ-විරෝධී ක්‍රියාකාරකම් උත්සන්න කර තිබේ. ඔවුන්ව ප්‍රසිද්ධියේ හෙලාදැකීමෙන් සසප වැලකී සිටීම නරුම ලෙස ගසාකමින්, ඔවුහු, ජාත්‍යන්තර කමිටුවේ නියෝජිතයන් හා ප්‍රකාශකයන් ලෙස මහජනතාව ඉදිරියේ තමන්ව ප්‍රදර්ශනය කර ගනිමින්, සසප ආධාරකරුවන් අතර ව්‍යාකූලත්වයක් ජනිත කිරීමට උත්සාහ දරා ඇත.

නන්දන සහ සංජය. ඔවුන්ගේ මූලිකත්වයෙන් තනන ලද ඊනියා කොලඹ ක්‍රියාකාරී කමිටුව (කොක්‍රික) සසපට පහර ගැසීමේ මාධ්‍යක් ලෙස යොදා ගනිති. කොක්‍රික සමග සහයෝගයෙන් ක්‍රියා කිරීම එය ප්‍රතික්ෂේප කිරීම නිසා, ස්වකීය ක්‍රියාකාරී කමිටු තනන ලෙස කම්කරුවන්ට ජාත්‍යන්තර කමිටුව/සසප කරන කැඳවුමෙන් සසප “කට්ටිවාදී” ලෙස අපසරනය වී ඇතැයි ද ඔවුහු කියාපාති.

කොක්‍රික, කම්කරුවන් හා ගම්බද දුගීන් විසින් තනන ලද අව්‍යාජ ක්‍රියාකාරී කමිටුවක් නොවේ. කම්කරුවන්ගේ හා ගම්බද දුගීන්ගේ ප්‍රජාතන්ත්‍ර හා සමාජවාදී සම්මේලනයක් සඳහා සසප කර ඇති කැඳවුම සමග එයට කිසිදු සම්බන්ධයක් නැත. ලෝක සමාජවාදී වෙබ් අඩවියේ පල කරන ලද, ශ්‍රී ලංකාවේ දේශපාලන වර්ධනය පිලිබඳ පක්ෂ ප්‍රකාශ සහ සෙසු ලිපි ගනනාවක් හරහා, සසප කම්කරුවන්ට කර ඇති කැඳවුම වී ඇත්තේ, සෑම වැඩපලකම, කම්හලකම, වත්තකම සහ නිවහන් ප්‍රදේශයක ම වෘත්තීය සමිතිවලින් හා ධනේශ්වර පක්ෂවලින් ස්වාධීනව, තමන්ගේ ම ක්‍රියාකාරී කමිටු පිහිටුවන ලෙසයි. ගම්බද දුගීන් සිය ප්‍රදේශවල එවන් ක්‍රියාකාරී කමිටු තනන ලෙස ද සසප කැඳවුම් කර තිබේ.

ඊට ප්‍රතිකූලව, කොක්‍රික යනු දිවයිනේ විවිධ ප්‍රදේශවලින් අහුලා ගන්නා ලද සමහර දේශපාලන ක්‍රියාකාරීන් ද ඇතුලු, පුද්ගලයන්ගේ එකතුවකි. නන්දන සහ සංජය සසපට ප්‍රසිද්ධියේ පහර ගැසීම පිනිස පෙරමුනු සංවිධානයක් ලෙස කොක්‍රික යොදා ගනිමින් සිටිති.

ඔවුන් පක්ෂයෙන් නෙරපීමේ පටන් මේ දක්වා, නන්දන සහ සංජය, පීඩක පක්ෂ නිලධරයක ගොදුරු සහ පුද්ගලික නිදහස වෙනුවෙන් සටන් වදින විරුවන් ලෙස තමන්වම ප්‍රදර්ශනය කර ගැනීමට, සමාජ මාධ්‍ය යොදා ගෙන තිබේ. ඔවුන්ගේ ආයාචනය එල්ල කෙරී ඇත්තේ ජාත්‍යන්තර කමිටුවට එරෙහි ඕනෑම ප්‍රහාරයකට වහාම අනුමැතිය හා ප්‍රසිද්ධිය ලබා දෙනු ඇති, ක්‍රෝධයෙන් දැවෙන සුුලු ධනේශ්වර හා ව්‍යාජ-වාම පුද්ගලයන් පෙලඹවීම සඳහා ය. එහෙත් මෙම උද්ඝෝෂනය සේවය කරන්නේ, ඔවුන් ව්‍යාපාරයේ මූලධර්මවලට හා සම්ප්‍රදායන්ට කෙතරම් නම් පිටස්තර ද යන්න එලිදරව් කිරීමට යි. අනාගත සීතල-යුද කාලීන ප්‍රති-කොමියුනිස්ට් දෘෂ්ටිවාදීන් වූ, ජේම්ස් බර්න්හැම් සහ මැක්ස් ෂැට්මන් විසින් නායකත්වය දෙන ලද සුලු ධනේශ්වර සුලුතරයට එරෙහි අරගලයේ සමාප්තියේ දී, 1940 අප්‍රේල් මස, ඇමරිකාවේ සමාජවාදී කම්කරු පක්ෂයේ සාමාජිකත්වය සම්මත කල යෝජනාවක් තුල, ජේම්ස් පී. කැනන් විසින් පැහැදිලිවම අර්ථනිරූපනය කරන ලද පක්ෂ විනය පිලිබඳ සංකල්පය, සසප අනුගමනය කරයි:

“පක්ෂ අයිතීන් සමග, සාමාජිකත්වයට එක්තරා නිශ්චිත වගකීම් ද ඇත. පක්ෂයේ න්‍යායික හා දේශපාලනික ස්වභාවය නිර්නය කෙරෙන්නේ, කම්කරු පන්තිය තුල අන් සියලු පක්ෂවලින්, කන්ඩායම්වලින් හා ප්‍රවනතාවන්ගෙන් විප්ලවවාදී පක්ෂය වෙන් කරන රේඛා ඇඳ දක්වන පක්ෂ ක්‍රියාමාර්ගය විසිනි. පක්ෂ සාමාජිකත්වයේ ප්‍රථම වගකීම වන්නේ, පක්ෂයේ ක්‍රියාමාර්ගය පක්ෂපාතීව පිලිගැනීම සහ පක්ෂයේ මූලික ඒකකවලින් එකකට නිතිපතා සම්බන්ධ වීම යි. පක්ෂය සෑම සාමාජිකයකුගෙන්ම ඉල්ලා සිටින්නේ, එහි විනය පිිලිගැනීම සහ එහි සම්මේලන මගින් සම්මත කෙරෙන තීන්දු සමග, පක්ෂ නායකත්වය විසින් සූත්‍රගත කෙරෙන හා යොමු කෙරෙන පිලිවෙත් සමග, පක්ෂයේ ක්‍රියාමාර්ගයට අනුකූලව, එහි ක්‍රියාකාරකම්වල අඛන්ඩව යෙදීම යි.

“සංවිධානයට සියයට සියයක් ම පක්ෂපාතිත්වය, එහි සාමාජිකත්වය තුල සෙසු සතුරු කන්ඩායම්වල සියලු ඒජන්තයන් ප්‍රතික්ෂේප කිරීම සහ භින්න පක්ෂපාතිත්වයන් පොදුවේ නොඉවසීම පිලිබඳ වගකීමක් පක්ෂ සාමාජිකත්වය යන්නෙන් ගම්‍ය කෙරෙයි.”

යෝජනාව තව දුරටත් මෙසේ තිරසරව කියා සිටියේය:

“එක් එක් තනි සාමාජිකයාගේ අයිතීන් යන්නෙන් . . . සමස්තයක් ලෙස සාමාජිකත්වයට, නමින් සඳහන් කල හොත් පක්ෂයට ම, තමන්ගේ ම අයිතීන් නැත යන්න ගම්‍ය නොවේ. එහි වැඩකටයුතු කඩාකප්පල් නොකල යුතු හා අවුල් නොකල යුතු යයි ඉල්ලා සිටීමට ද එහි නිරන්තර හා සාමාන්‍ය ක්‍රියාකාරිත්වය සහතික කරගැනීමට එය අවශ්‍ය යයි සලකන සියලු පියවර ගැනීමට ද සමස්තයක් ලෙස පක්ෂයට අයිතිය ඇත.

“ඕනෑම තනි සාමාජිකයකුගේ අයිතීන් සමස්තයක් ලෙස පක්ෂ සාමාජිකත්වයේ අයිතීන්ට පැහැදිලිවම ද්විතීකය. පක්ෂ ප්‍රජාතන්ත්‍රවාදය මගින් අදහස් කෙරෙන්නේ, දෙන ලද සුුුලුතරයක අයිතීන් වඩාත්ම සාවධාන ලෙස ආරක්ෂා කිරීම පමනක් නොව, බහුතරයේ පාලනය ද ආරක්ෂා කිරීම යි. එබැවින් සාකච්ඡා සංවිධානය කොට එහි රූපාකාර හා සීමාවන් නිර්නය කිරීමට පක්ෂයට අයිතිය ඇත.

“පක්ෂයේ වැඩකටයුතු කඩාකප්පල් කිරීමට හා අවුල් කිරීමට එරෙහි අරගලයේ අවශ්‍යතාව මත, සංවිධානයේ නීතිරීතිවලට අනුකූලව හැසිරෙන ලෙස වගකීම් විරහිත පුද්ගලයන්ගෙන් ඉල්ලා සිටීමේ සහ අවශ්‍ය නම්, ඔවුන් සාමාජිකත්වයෙන් ඉවත් කිරීමේ අයිතිය පක්ෂයට දිය යුතු” යයි යෝජනාව දැඩි ලෙස ප්‍රකාශ කර සිටියේය. [ජේම්ස් පී. කැනන්, The Struggle for a Proletarian Party (නිර්ධන පන්තික පක්ෂයක් සඳහා අරගලය). සියලු උපුටා දැක්වීම්වලට මෙම සබැඳියෙන් පිවිසිය හැකිය: https://www.marxists.org/archive/cannon/works/1940/party/ch08.htm ]

සංජය සහ නන්දන එවන් වගකීම් විරහිත පුද්ගලයෝ ය. ඔවුන්ගේ අප්‍රතිපත්තික ක්‍රියාකලාපයට ප්‍රතිචාර වශයෙන්, සසප, සුදුසු පරිදි ම, ඔවුන් සිය සාමාජිකත්වයෙන් නෙරපා දැමීය.

මෙම ප්‍රසිද්ධ ප්‍රකාශය සමගින්, සසප කම්කරු පන්තිය වෙත පැහැදිලි කර සිටින්නේ, මෙම වංචාකාරයන් දෙදෙනාගේ ප්‍රකාශවලට සහ ක්‍රියාවන්ට පක්ෂයේ අනුමැතිය නොලැබෙන බව සහ ඒවාට කිසිදු පිලිගැනීමක් නොදිය යුතු බවයි.

පක්ෂය මෙම ප්‍රකාශයට අතිරේක වශයෙන්, නන්දන සහ සංජය නෙරපීම සඳහා හේතු පැහැදිලි කරන නොවැම්බර් 12 සසප මධ්‍යම කාරක සභා යෝජනාව ද පල කරයි. එමෙන් ම දේශපාලන කාරනා තව දුරටත් විස්තාරනය කරමින්, 2022 දෙසැම්බර් 05 දා පක්ෂ සාමාජිකයන් වෙත සසප ප්‍රධාන ලේකම් විසින් යවන ලද ලිපිය ද අපි ප්‍රසිද්ධ කරන්නෙමු.

#theSocialistLK

සසප නිලධරය පසුගාමීත්වය හා මූලධර්ම විරෝධය ඔසවා තබයි Read More »

උග්‍ර වන දේශපාලන අර්බුදය මධ්‍යයේ තායිලන්ත මැතිවරණය පැවැත්වීමට යයි

lead article, politics /

රොබර්ට් කැම්පියන් විසිනි.

මැයි 14 ට නියමිත තායිලන්තයේ මහ මැතිවරණය පවත්වනු ලබන්නේ මහජන අප්‍රසාදය මෙන්ම චීනය සමග එක්සත් ජනපදය විසින් උසිගන්වන ලද යුද්ධයක වැඩෙන අන්තරාය යටතේ ය.  මීළඟ ආන්ඩුව කුමන පක්‍ෂයක් විසින් පිහිටුවනු ලැබුවද, වැඩකරන ජනතාව මුහුණ දෙන මෙම ප්‍රශ්න වලට සහ අනෙකුත් බරපතල ප‍්‍රශ්නවලට විසඳුම් සෙවීමට එයට නොහැකි වනු ඇත.

Image

අගමැති ප්‍රයුත් චාන්-ඕ-චා දැඩි ලෙස ජනතා අප්‍රසාදයට ලක්ව ඇත.  2014 මිලිටරි කුමන්ත‍්‍රණයක නායකයා වූ ඔහුගේ ආන්ඩුව යටතේ අත්දුටුවේ, මිලියන සංඛ්‍යාත කම්කරු පන්තිය සඳහා නරක අතට හැරෙන කොන්දේසි, ප‍්‍රජාතන්ත‍්‍රවාදී අයිතීන්ට එරෙහි ප‍්‍රහාර සහ COVID-19 වසංගතයට මුහුණ දීමට කිසිදු බැරෑරුම් පියවරක් ගැනීම ප්‍රතික්ෂේප කිරීමයි.  2020 සහ 2021 දී ප්‍රයුත් රජයට එරෙහිව මහජන විරෝධතා පුපුරා ගියේය.

ප්‍රයුත්ට ඇති අප්‍රසාදය විශේෂයෙන් මිලිටරියට සහ රාජාණ්ඩුවට සමීප පාලක කවයන් තුල භේදයකට තුඩු දුන්නේය.  ප්‍රයුත් 2022 අවසානයේ එක්සත් තායි ජාතික පක්ෂයට (United Thai Nation Party-UTN) සම්බන්ධ වීමට පාලක පලං ප්‍රචාරත් පක්ෂය (Palang Pracharath Party  -PPRP) හැර ගියේය. පීපීආර්පී ය නව ආන්ඩුවක් පිහිටුවීම සඳහා සිය අපේක්ෂකයා ලෙස විශ්‍රාමික ජෙනරාල්, නියෝජ්‍ය අගමැති ප්‍රවිට් වොන්ග්සුවොන් සහාය දැක්වීම සඳහා තෝරා ගත්තේය.  2014 කුමන්ත්‍රණයේදී ප්‍රවිට් ද ප්‍රමුඛ භූමිකාවක් ඉටු කළේය.

මෙම බෙදීම් පිළිඹිබු කරමින්, ප්‍රයුත්ට අගමැතිව සිටීමට ඇති සුදුසුකම, ඔහුගේ අට වසරක ධුර කාලය සීමාවට පැමිණීමෙන් පසු, පසුගිය සැප්තැම්බර් මාසයේදී ආණ්ඩුක්‍රම ව්‍යවස්ථා අධිකරණය හමුවට ගෙන එන ලදී.  කෙසේ වෙතත්, එහිදී, ප්‍රයුත්ට 2025 දක්වා ධුරයේ රැඳී සිටීමට ඉඩ සලසන බවට අධිකරණය තීන්දු කරන ලද්දේ, ප්‍රයුත්ගේ ධුර කාලය ආරම්භ වූයේ 2014 දී නොව 2017 දී නව ආණ්ඩුක්‍රම ව්‍යවස්ථාවක් ප්‍රකාශයට පත් කළ විට බව පදනම් කර ගනිමිනි.

බැංකොක්හි සුආන් දුසිත් (Suan Dusit) විශ්ව විද්‍යාලය විසින් පවත්වන ලද මෑත මත විමසුමකින් පෙන්නුම් කළ පරිදි, අනුමැතිය ප්‍රකාශ කර ඇත්තේ අතර, පීපීආර්පී සඳහා  7.49% ක් සහ යූටීඑන් සඳහා  8.48% ක් පමණක් වන ලෙසය. මෙය මිලිටරි පිටුබලය ලබන මෙම පක්ෂ දෙක සඳහා සමස්ත සහයෝගයේ දුබල බව පෙන්නුම් කරයි.

ඊට ප්‍රතිකූලව, ප්‍රධාන විපක්ෂය වන පියු තායි පක්ෂය   (Pheu Thai-PTP) සහාය සියයට 41.37 දක්වා ළඟා වූ අතර, සමස්තයක් ලෙස විපක්ෂ පිල සඳහා සියයට 60 කට වඩා වැඩි සහයෝගයක් ලැබිණි.  තායි ධනේශ්වරයේ ප්‍රධාන කොටස් නියෝජනය කරන පියු තායි ය (පීටීපී ය)  සඳහා ධනවත් ෂිනවත්‍රා පවුල පිටුබලය දෙනු ලබයි.  එය කුමන්ත්‍රණයකින් නෙරපා හරින ලද , 2001 සිට 2006 දක්වා අගමැති ලෙස කටයුතු කළ තක්ෂින් ෂිනවත්‍රා විසින් ආරම්භ කරන ලද ,තායි රක් තායි පක්ෂයේ අනුප්‍රාප්තිකයා වේ.  ඔහුගේ සොහොයුරිය වන යින්ග්ලක් 2011 සිට 2014 දක්වා අගමැති ලෙස කටයුතු කල අතර ඒ හා සමානවම ඇයද  හමුදා කුමන්ත්‍රණයකින් බලයෙන් පහ කරනු ලැබීය.

තක්ෂින්ගේ දියණිය වන පේතොන්ග්ටාර්න්, පියු තායි (පීටීපී) හි අගමැති අපේක්ෂකයා වේ.  පියු තායි (පීටීපී) කියා සිටින්නේ, තමන් මිලිටරි පිටුබලය ලබන කිසිදු කොන්සර්වේටිව් පක්ෂයක් සමඟ සභාගයකට නොඑළඹෙන අතර, ද්විමණ්ඩල ජාතික සභාවේ පහළ මණ්ඩලය වන නියෝජිත මන්ත්‍රී මණ්ඩලයේ පවතින ආසන 500 න් 310 ක් දිනා ගැනීමට බලාපොරොත්තු වන බවයි.

පියු තායි (පීටීපී) යට ,තවත් ධනවත් ව්‍යාපාරිකයෙකු වන පිටා ලිම්ජාරෝඑන්රත්  නායකත්වය දෙන පෙරට යනු පක්ෂය (Move Forward Party-MFP) විසින් සහාය දක්වයි.  එම්එෆ්පී ‘ප්‍රගතිශීලී’ පක්ෂයක් ලෙස පෙනී සිටින අතර එය වාම නැඹුරු තරුනයන්ගේ සහ කම්කරුවන්ගේ සහයෝගය දිනා ගැනීම සඳහා විටෙක නොපැහැදිලි ධනේශ්වර විරෝධී ප්‍රකාශ කරයි.  කෙසේ වෙතත්, එහි අරමුන වන්නේ, මිලිටරි පිටුබලය ලබන ගතානුගතිකයින්ට විකල්පයක් ලෙස පියු තායි (පීටීපී) ව්‍යාජ ලෙස ඔසවා තබාගෙන තායි පාලක පන්තියට එරෙහිව මතු වන අව්‍යාජ ව්‍යාපාරයක් අවහිර කිරීමයි.  මාර්තු මාසයේදී පිටා මෙසේ ප්‍රකාශ කළේ, “පියු තායි (පීටීපී)  හි ඕනෑම [අගමැති] අපේක්ෂකයෙකු සමඟ වැඩ කිරීමට  සූදානම්.” බවයි.

පියු තායි (පීටීපී) සහ එහි ආධාරකරුවන්ට ආන්ඩුවක් පිහිටුවීම සඳහා අවම වශයෙන් ආසන 376ක් දිනා ගැනීමට අවශ්‍ය වනු ඇත.  ජාතික සභාවේ සෙනෙට් සභාව ආසන 250 කින් සමන්විත වන අතර, එහි සියලුම සාමාජිකයින් තායි හමුදාව විසින් පත් කරනු ලැබේ.  ප්‍රයුත් සහ ප්‍රවිට්ගේ මිලිටරි පිටුබලය ලබන පක්ෂවලට ප්‍රබල වාසියක් ලබා දෙමින් නව ආන්ඩුවක් සඳහා සභා දෙකම ඡන්දය දෙනු ඇත.  පාලක ප්‍රභූව තමන්ට කැමති අපේක්ෂකයා තෝරා ගැනීම සහතික කිරීම සඳහා ක්‍රියාත්මක වන ඒකාධිපති ක්‍රියාමාර්ග මෙයින් පෙන්නුම් කරයි.  හමුදාව විසින් පාලනය කරනු ලබන හෝ එහි බලපෑමට ලක් වන අනෙකුත් රාජ්‍ය ආයතන වලට මැතිවරණ ප්‍රතිඵලය වෙනස් කළ හැකිය.  ඒවාට පරිපාලන අධිකරණය, ව්‍යවස්ථා අධිකරණය සහ මැතිවරණ කොමිසම ඇතුළත් වේ.

තවත් කුමන්ත්‍රණයක් සිදු නොවන බවට සහතිකයක් ඇත්තේ  නැත. මාර්තු මාසයේදී ,දේශපාලන ක්‍රියාකාරිකයෙකු වන පත්සරවලී තනකිත්විබුල්පොන් සමග සම්මුඛ සාකච්ඡාවකදී  ප්‍රවිට් මෙසේ ප්‍රකාශ කළේ: “රට එක්සත් නම් සහ ජීවිත හානිවලට තුඩු දෙන ගැටුම් නොමැති නම්, තවත් කුමන්ත්‍රණ සිදු නොවනු ඇත, නමුත් රට කැළඹිලි සහිත නම්, එය [කුමන්ත්‍රණයක්] අවශ්‍ය විය හැක.” යන්නයි.

සමස්ත ක්‍රියාවලිය තරයේම ප්‍රජාතන්ත්‍ර විරෝධී ය.  පියු තායි (පීටීපී) සහ මිලිටරි පිටුබලය ලත් විශාල පක්ෂවල ආධිපත්‍යයට අනුග්‍රහය දක්වමින්, පසුගිය වසරේ ආණ්ඩුක්‍රම ව්‍යවස්ථාවේ වෙනසක් මගින් පක්ෂ-ලැයිස්තු ආසන සංඛ්‍යාව 150 සිට 100 දක්වා අඩු වූ අතර, ඒවා වෙනම ඡන්දයකින් පිරවීමට නියමිතය.  මුළු ලැයිස්තු-ආසන ඡන්ද 100 න් බෙදා සමානුපාතිකව ප්‍රදානය කෙරේ.  අපේක්ෂකයින් 100 දෙනෙකුගෙන් යුත් සම්පූර්ණ පක්ෂ ලැයිස්තුවක් ඉදිරිපත් කර ඇත්තේ පියු තායි (පීටීපී)  සහ යූටීඑන් පමණි.

තවත් කරුණක් වන්නේ සිසුන් සඳහා ජාතික විභාග දිනය වන මැයි 14 වන දින මැතිවරණ දිනය නියම කිරීමයි.  මෙය නිසැකවම තීරණය කරනු ලැබුවේ තරුණයින් ඡන්දය දීමෙන් අධෛර්යමත් කිරීමේ උත්සාහයක් ලෙස වන අතර ඔවුන්ගෙන් බොහෝ දෙනෙක් ඡන්දයේදී විරුද්ධ පක්ෂ තෝරා ගනු ඇත.

2019 පැවති අවසන් මහ මැතිවරණයට හමුදාවේ දැඩි මැදිහත්වීම් සමග සිදු විය.  තරඟ කළ ආසන ආසන 350 න්,  පියු තායි (පීටීපී)  එසේ වුවත් ආසන 137ක් දිනා ගත් අතර, පීපීආර්පී ජයග්‍රහණය කළේ ආසන 97 කි. මත විමසුම් මගින් එකල  පියු තායි (පීටීපී) ට පක්ෂව සියයට 45ක් සහ පීපීආර්පී සඳහා සියයට 7ක් පෙන්වූ බැවින් විශාල විෂමතා සිදු වී තිබුණි.  හමුදාව විසින් ඡන්ද මිලදී ගැනීම් සහ වෙනත් වංචනික ක්‍රියා පිළිබඳව සමාජ මාධ්‍ය ඔස්සේ පුලුල්ව වාර්තා විය.

මැතිවරනයට මතින්  ලඹ දෙන්නේ, චීනය සමග එක්සත් ජනපදය විසින් උසිගන්වන ලද යුද්ධයක වැඩෙන අන්තරාය වන අතර, එය කිසිදු පාර්ශ්වයක් විසින් පිළිගෙන නොමැත.  අප්‍රේල් 24 වෙනිදා, යූඑස් එස් නිමිට්ස් ගුවන් යානා වාහක ප්‍රහාරක කණ්ඩායම (USS Nimitz aircraft carrier strike group )  තායිලන්තයේ බැංකොක් අගනුවර අසල ලැම්  ෂබැං (Laem Chabang) වරායට පිවිසුණි.  ලෝකයේ බලවත්ම හමුදාවේ විශාලතම යුධ නෞකා වලින් එකක් වන යූඑස් එස් නිමිට්ස් හි සිව්දින සංචාරය, එක්සත් ජනපදය තායි මැතිවරනය කෙරෙහි යොදන පීඩනය අවධාරනය කරයි.

යුද්ධයක් ඇති වූ විට, වියට්නාම් යුද්ධයේදී ඉන්දුචීනය පුරා කළාක් මෙන්, වොෂින්ටනය චීනයට ප්‍රහාර දියත් කිරීම සහ බෝම්බ හෙලීම සඳහා මෙහෙයුම් මධ්‍යස්ථානයක් ලෙස තායිලන්තය භාවිතා කරනු ඇත.  එක්සත් ජනපදය ඉල්ලා සිටින්නේ මීළඟ තායි ආන්ඩුව බීජිනයෙන් ඈත් විය යුතු බවයි.  බැංකොක් චීනය මත ආර්ථික වශයෙන් රඳා පවතින අතර බීජිං සහ වොෂින්ටනය අතර තුලනයක් ඇති කිරීමට උත්සාහ කර ඇත.

යූඑස් එස් නිමිට්ස් තායිලන්තයට පැමිණීමට පෙර ජපානය සහ දකුණු කොරියාව සමඟ යුද අභ්‍යාසවල නිරත විය. මෙම ප්‍රහාරක කණ්ඩායමේ වරායට ආගමනය නිල වශයෙන් පවත්වන ලද්දේ “එක්සත් ජනපද-තායි ආරක්ෂක හවුල්කාරිත්වය ශක්තිමත් කිරීම” සහ “එක්සත් ජනපද-තායි රාජ්‍ය තාන්ත්‍රික සබඳතාවල 190 වැනි සංවත්සරය සැමරීම” සඳහා ය.  ප‍්‍රජාතන්ත‍්‍රවාදය ආරක්ෂා කිරීම ගැන වොෂින්ටනයේ සියලු කතා තිබියදීම, එක්සත් ජනපදය, බැංකොක් සහ බීජිං යන දෙකටම පැහැදිලි පණිවිඩයක් යවමින් සිටින්නේ තම අවශ්‍යතා සපුරාලීම සහතික කිරීම සඳහා අවශ්‍ය නම් තම මිලිටරිය භාවිතා කරන බවයි.

මැතිවරණයක් ආසන්නයේ චීනය මෙවැනි අභ්‍යාස පවත්වා ගුවන් යානා ප්‍රවාහකක නෞකාවක් ඕනෑම රටක වරායකට නැංගුරම් දැමුවහොත්, ජාත්‍යන්තර පුවත්පත් තුළ ඇති වන චීන බලහත්කාරය සහ අධිකාරීවාදය පිළිබඳ සටන්කාමී හෙලාදැකීම් ගැන කෙනෙකුට සිතාගත හැකිය.  එහෙත් චීනය සමග වැඩෙන ගැටුම නොතකා, මෙය, එක්සත් ජනපදය සඳහා ‘එදිනෙදා කටයුත්තක්’ ලෙස ඉදිරිපත් කෙරෙයි.

#theSocialistLK #WSWS

උග්‍ර වන දේශපාලන අර්බුදය මධ්‍යයේ තායිලන්ත මැතිවරණය පැවැත්වීමට යයි Read More »

thesocialist.lk

මැක්‍රොන්ගේ පොලිස් රාජ්‍යය ප්‍රංශ කම්කරුවන්ට එරෙහිව යුද්ධය දියත් කරයි

lead article, politics /

ඇලෙක්ස් ලැන්ටියර් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 මැයි මස 02 දින Macron’s police state wages war on French workers යන සිරසින් යුතුව පලවූ ඇලෙක්ස් ලැන්ටියර් සහෝදරයා විසින් ලියන ලද ඉදිරිදර්ශන ලිපියේ සංහල පරිවර්තනයයි. පරිවර්තනය කිත්රුවන් මොලදණ්ඩ විසිනි. 

Image

කම්කරු පන්තියේ සහයෝගීතාවයේ ජාත්‍යන්තර දිනය වන මැයි දිනයේ දී, ප්‍රන්ස ජනාධිපති එමානුවෙල් මැක්‍රොන්, අතිමහත් මහජන විරෝධය නොතකා ඔහු පනවා ඇති විශ‍්‍රාම වැටුප් කප්පාදුවට එරෙහිව මිලියන ගනනක් විරෝධය පලකරද්දී, දැඩි ලෙස සන්නද්ධ කැරලි මර්දන පොලිස් කණ්ඩායම් ඒ වෙත මුදා හැරියේය.  වීදි වෛද්‍යවරුන් විසින් බරපතල ලෙස තුවාල ලැබූ 30ක් ඇතුළුව තුවාල ලැබූ විරෝධතාකරුවන් 200කට ප්‍රතිකාර කළ අතර බරපතල ලෙස කඳුළු ගෑස් ආශ්වාස කල පිරිස 2,000ක් පමණ විය.

මෙම ප්‍රහාරය හුදෙක් වැටුප් සඳහා වැඩ කරන ජනගහනයෙන් අතිමහත් බහුතරය කෙරෙහි “ධනවතුන්ගේ ජනාධිපතිවරයා” අවඥාවට ලක් කිරීමේ සලකුණකට වඩා වැඩි යමක් විය.  එය ධනේශ්වර ආන්ඩු වැඩෙන මහජන විරෝධයට ප්‍රතිචාර දක්වන ආකාරය පිලිබඳව ප්‍රන්සයේ හා ජාත්‍යන්තරව කම්කරුවන්ට අනතුරු ඇඟවීමකි.  මැක්‍රොන් ආන්ඩුව, ෆැසිස්ට් විචි (Vichy) තන්ත‍්‍රයෙන් පසු මෙතෙක් නොදුටු දේශපාලන මර්දනයක මට්ටමකට හැරී ඇත.

ප‍්‍රන්ස ජනතාවගෙන් සියයට 75කට වැඩි ප‍්‍රතිශතයක් විරුද්ධ වන කප්පාදුවලට කම්කරුවන් අඛණ්ඩව විරෝධතාවයේ යෙදෙද්දී, මැක්‍රොන් විසින් එය පාලනය කරනු ලබන්නේ පොලිස් ප‍්‍රචණ්ඩත්වය යෙදීමෙනි.  මැක්‍රොන්ගේ කප්පාදුවලට එරෙහිව මාස හතරක විරෝධතාවල දී පොලිස් නිලධාරීන් විසින් මුදා හරින ලද සංහාරයේ මට්ටම, සමාජ අසමානතාවයට එරෙහි “කහ කබාය” විරෝධතා මර්දනය කිරීමේ දැවැන්ත ප්‍රමාණයට වේගයෙන් ළඟා වෙමින් තිබේ.  එම විරෝධතා තුලදී, වසරකට වැඩි කාලයක් තුළ, 10,000 කට අධික පිරිසක් අත්අඩංගුවට ගන්නා ලදී. තුවාල ලැබූවන් ගනන 4,400 කි. ආබාධිත වූ පිරිස 30 ක් වූ අතර, අසල සිටි 80 හැවිරිදි සෙයිනාබ් රඩ්වාන් ඝාතනය කරන ලදී.

2023 දී, රටේ සමස්ත වෘත්තීය සමිති සන්ධානය විසින් පවත්වන ලද රටපුරා විරෝධතා වර්ජන 14 කදී, සිය ගනනක් අත්අඩංගුවට ගෙන ඇති අතර තවත් සිය ගනනක් තුවාල ලබා ඇත.  පොලිසිය ප්‍රවෘත්ති කැමරා ඉදිරිපිට සාමකාමී විරෝධතාකරුවන්ට පහර දෙයි, රබර් උණ්ඩවලින් ඔවුන්ගේ ඇස්වලට වෙඩි තබයි, අත්බෝම්බවලින් ඔවුන්ගේ දෑත් පුපුරවා හරියි, ඔවුහු රූගත කරන මාධ්‍යවේදීන්ට සහ පෙලපාලියෙහි පාගමනෙන් යන විට අනාරක්ෂිත විරෝධතාකරුවන් එලියට ඇද පහර දෙති.

මේ අවස්ථාව වන විට මේ ආණ්ඩුව, සම්පූර්ණයෙන්ම ජනගහණයට එරෙහි සංවිධානාත්මක ප්‍රචණ්ඩත්වය පදනම් කරගනිමින් පාලනය ගෙන යයි.

ප‍්‍රන්සයේ මර්දනය, ප‍්‍රජාතන්ත‍්‍රවාදය ආරක්ෂා කිරීම සඳහා යුක්‍රේනයේ දී රුසියාව සමග නේටෝව යුද්ධයක යෙදී සිටී යන බොරුව පුපුරුවා හරියි.  මැක්‍රොන් ප්‍රජාතන්ත්‍රවාදය පාගා දමමින් සිටින්නේ, ඔහු පොහොසතුන් සඳහා සිය බදු කප්පාදුවලට මුදල් සැපයීමට සහ යුද්ධය තීව්‍ර කිරීම සඳහා යුරෝ බිලියන 90 ක මිලිටරි වියදම් ඉහළ නැංවීම සඳහා විශ්‍රාම වැටුප් වලින් යුරෝ බිලියන ගනනක් කපා හරිමිනි.  නේටෝ අධිරාජ්‍යවාදී බලවතුන් රුසියාව සමග යුද්ධයකට තල්ලු කරන එම සමාජ හා පන්ති අවශ්‍යතාම ධනවත්ම අධිරාජ්‍යවාදී රටවල පවා ඔවුන් පොලිස්-රාජ්‍ය පාලනයට තල්ලු කරයි.

නමුත් නැවත නැවතත් ප්‍රචණ්ඩත්වය යොදා තිබියදීත්, මහජන ව්‍යාපාරය පාලනයට ගෙන ඒමට මැක්‍රොන්ට නොහැකි වී තිබේ.  එය බලවත් ඉදිරි ගම්‍යතාවයක් වර්ධනය කර ඇත.

ලෝක සමාජවාදී වෙබ් අඩවිය 2023 මැයි දිනය සඳහා වන එහි කැඳවීමේ දී, යුද්ධයේ උත්සන්න වීමත් සමග විප්ලවවාදී ව්‍යාපාරයක් වර්ධනය වෙමින් පවතින බව ලිවීය:

අධිරාජ්‍යවාදී පාලක ප්‍රභූව යුද මාවතට තල්ලු කරන එම ආර්ථික, භූ දේශපාලනික හා සමාජීය ප්‍රතිවිරෝධතාම කම්කරු පන්තියේ රැඩිකල්කරණයට හා විප්ලවවාදී අරගල පුපුරා යාමට වෛෂයික ආවේගය සපයයි.

ප්‍රංශ කම්කරු පන්තියට එරෙහි දැවැන්ත පොලිස් ප්‍රචණ්ඩත්වය නොවැලැක්විය හැකි ලෙස එක් නිගමනයකට ගෙන එයි: සම්මුතියකට ඉඩක් නැති අතර මැක්‍රොන් සමග සාකච්ඡා කිරීමට කිසිවක් ඉතිරිව නැත.  කම්කරු පන්තියේ ඉදිරි මාවත වන්නේ මහා වැඩවර්ජනයක් හරහා ඔහුව බිමට ඇද දැමීමයි.

ප්‍රංශ ජනතාවගෙන් තුනෙන් දෙකක් ආර්ථිකය අවහිර කිරීමේ මහා වැඩවර්ජනයකට සහාය දක්වන බව මත විමසුම් පෙන්නුම් කරයි.  කෙසේ වෙතත්, මහජන ව්‍යාපාරය නැවැත්වීමට ස්ටැලින්වාදී කොමියුනිස්ට් පක්ෂය සහ වෘත්තීය සමිති දරන උත්සාහයට එරෙහිව කම්කරු පන්තියේ පූර්ණ සමාජ හා කාර්මික බලය මේ සඳහා අවශ්‍ය වනු ඇත.

ප්‍රන්සය තුල වැඩෙන කම්කරු පන්තියේ කෝපය පිලිබඳව ජාත්‍යන්තරව පාලක කවයන් තුල  අනතුරු ඇඟවීම් වැඩෙමින් පවතින බවට බොහෝ ඇඟවුම් තිබේ.  මැක්‍රොන් විසින් කප්පාදුව නීති ගත  කිරීමෙන් පසු විරෝධතා අවසන් වී නැත. එය  ඔහුගේ ආන්ඩුවේ සුජාතභාවය බව නැති කර ඇත්තේ,  ජර්මනිය, බ්‍රිතාන්‍ය සහ යුරෝපය පුරා සහ ඉන් ඔබ්බෙහි රටවල ද වැටුප් කප්පාදුවලට, සමාජ කප්පාදුවලට සහ උද්ධමනයට එරෙහිව වැඩ වර්ජන වර්ධනය වෙමින් තිබියදී ය. විවිධ ධනේශ්වර ආන්ඩු, මැයි දිනයේදී, මැක්‍රොන්ගේ පොලිස් ම්ලේච්ඡත්වය පිලිබඳ දැනුවත්ව සිදු කරන ලද නිශ්ශබ්දතාවය අවසන් කර කනස්සල්ලට පත් ප්‍රකාශ නිකුත් කළහ.

එක්සත් ජාතීන්ගේ මානව හිමිකම් කවුන්සිලයේදී ස්වීඩනය ප්‍රංශයෙන් ඉල්ලා සිටියේ “උද්ඝෝෂණ  වලදී විරෝධතාකරුවන්ට එරෙහිව පොලිසිය සහ ෂොන්ඩාමරී [පොලිස් බලතල සහිත මිලිටරි  සේවයක්]  විසින් අධික ලෙස බලය යෙදවීම සම්බන්ධ චෝදනාවලට විනිවිදභාවයෙන් යුතුව කටයුතු කිරීමට පියවර ගන්නා ලෙසයි.” ප්‍රංශයේ “සාමකාමී පුරවැසියන් විසුරුවා හැරීම ඉලක්ක කරගත් දරුණු සහ සමහර විට ප්‍රචණ්ඩකාරී පියවර” කනස්සල්ලට හේතුවක් බව රුසියාව පැවසීය.

“සංක්‍රමණිකයන්ගේ අයිතීන් උල්ලංඝනය කරන ක්‍රියාමාර්ග නවත්වන ලෙස” චීනය ප්‍රංශයෙන් ඉල්ලා සිටි අතර, “ආගමික වෛරයෙන් පෙලඹී ඇති අපරාධ සහ ප්‍රචණ්ඩත්වයේ තර්ජන මැඩපැවැත්වීමේ ප්‍රයත්නයන්ට” සහාය දෙන ලෙස එක්සත් ජනපදය පැරීසියෙන් ඉල්ලා සිටියේය.

ඩෙන්මාර්කයේ සැක්සෝ බැංකුව (SaxoBank) ද සංක්ෂිප්ත පත්‍රිකාවක් නිකුත් කරමින් අනුමාන කරනු ලබන්නේ, මෙය තමන්ගේ කප්පාදු පිලිවෙත් සඳහා පාර්ලිමේන්තු සහයෝගය නොමැතිකම හේතුවෙන් ඇති වූ දේශපාලන අර්බුදයක් වශයෙන් එයට ප්‍රතිචාර ලෙස ඔහු ඉල්ලා අස්විය හැකි බව යි.

එහෙත් මෙම බලවේග කතා කරන්නේ ප්‍රංශයේ පොලිස් ම්ලේච්ඡත්වය පිලිබඳ හදිසි සැලකිල්ලක් නිසා හෝ වඩාත් ප්‍රජාතන්ත්‍රවාදී ධනේශ්වර තන්ත්‍රයක් මතුවනු දැකීමට ඇති ආශාව නිසා නොවේ; දිනකට, පොලිසිය විසින් සාමාන්‍යයෙන් පුද්ගලයන් තිදෙනෙකු ඝාතනය කරන, ලොව විශාලතම ජේලර්වරයා වන එක්සත් ජනපදය විසින් මෙහෙයවනු ලබන මිලියන ගණනක් සිරකර තබන බන්ධනාගාර පද්ධති මොවුහු ක්‍රියාත්මක කරති. ඒ වෙනුවට, තත්වය කළමනාකරණය කිරීමට සහ ධනේශ්වර මූල්‍ය කතිපයාධිකාරයේ අවශ්‍යතා ඉදිරියට ගෙන යාමට මැක්‍රොන්ට ඇති හැකියාව කෙරෙහි ඔවුන් තුළ ඇති විශ්වාසය බොඳ වෙමින් තිබේ.

වැටුප්  හා සමාජ කප්පාදුවේ එකම ආඥාදායක පිලිවෙත් සිය රට තුල පැටවීමට සහ – නේටෝ අධිරාජ්‍යවාදී බලවතුන් සම්බන්ධවයෙන් නම් – යුක්‍රේනය තුල රුසියාවට එරෙහි යුද්ධය සඳහා ඔවුන්ගේම හැකියාව පිලිබඳව ප‍්‍රන්සයේ විප්ලවවාදී පිපිරුමකින් ඇති වන ඇගවුම් කෙරෙහි  ඔවුහු බිය වෙති.

1968 මැයි ප්‍රන්ස මහා වැඩවර්ජනය කම්කරු පන්තිය විසින් ජාත්‍යන්තර විප්ලවවාදී අරගල රැල්ලක් අවුලුවාලූ ආකාරය ලොව පුරා ධනේශ්වර පාලක ප්‍රභූන්ට අමතකව නැත.  යුරෝපයේ පමනක්, බ්‍රිතාන්‍යයේ, පෘතුගාලයේ, ග්‍රීසියේ සහ ස්පාඤ්ඤයේ ආන්ඩු බිඳ වැටුනු අතර, මිලියන ගනනක් කම්කරුවන් ජර්මනියේ, ඉතාලියේ සහ ඉන් ඔබ්බෙහි වූ වැඩ වර්ජන හා විරෝධතා වලට සම්බන්ධ විය.  මෙය ලොව පුරා තරුණ ශිෂ්‍යයන් සහ කම්කරුවන්ගේ පරම්පරාවක් රැඩිකල්කරණය කිරීමේදී වැදගත් කාර්යභාරයක් ඉටු කළේය.

වසර පනස් පහකට පසුව සහ 1991 දී ස්ටැලින්වාදී නිලධරය විසින් සෝවියට් සංගමය විසුරුවා හැරීමෙන් පසු දශක තුනකට වැඩි කාලයක් තුළ පන්ති අරගලයේ නැගිටීමක් ලොව පුරා සිදුවෙමින් පවතී.  නව නේටෝ-රුසියා ලෝක යුද්ධයකට තව තවත් ගැඹුරට කිඳා බසින තතූ තුල, ගෝලීයකරණය වූ ධනවාදයේ නොවිසදිය හැකි භූ දේශපාලනික හා මූල්‍ය ප්‍රතිවිරෝධතා විසින් මෙහෙයවනු ලබන ධනේශ්වර පාලක ප්‍රභූවකට කම්කරු පන්තිය වෙත ඉදිරිපත් කිරීමට ප්‍රතිසංස්කරන නොමැත.  කම්කරු පන්තියේ වැඩෙන විරුද්ධත්වය සහ කෝපය වෙත ඔවුන් ප්‍රතිචාර දක්වන්නේ පොලිස් ප්‍රචණ්ඩත්වයෙන් පමනි.

කම්කරු පන්තිය මැක්‍රොන් ආන්ඩුව බිම දැමිය යුතුය.  කම්කරුවන් මුහුන දී සිටින්නේ ජාතික ප්‍රජාතන්ත්‍රවාදී ප්‍රතිසංස්කරන සඳහා පාලක පන්තියට බලපෑම් කිරීමට නොව බලය සඳහා ජාත්‍යන්තර අරගලයක් දියත් කිරීමට තමන්ම සංවිධානය වීමේ කර්තව්‍යයට ය.  මෙයට අවශ්‍ය වන්නේ කම්කරු පන්තියේ පුලුල් මහජනතාව සටන්කාමී ක්‍රියාවන් තුල බලමුලු ගැන්වීමටත් ආන්ඩු බිම හෙලීමට සහ කම්කරුවන්ගේ ආන්ඩු බලයට ගෙන ඒම සඳහා මහා වැඩ වර්ජන සූදානම් කිරීමටත් හැකි වන පරිදි ක්‍රියාකාරී කමිටු (සංවිධාන) ගොඩනැගීමයි.

ප්‍රංශයේ ව්‍යාපාරය වැඩි වැඩියෙන් වර්ධනය වන තරමට, එය වෘත්තීය සමිති නිලධරයේ සහ ජීන්-ලූක් මෙලන්චොන් වැනි දේශපාලන චරිතවල ද්‍රෝහීත්වය එලිදරව් කරයි. මෙම ව්‍යාපාරය අඩුවී යනු ඇතැයි සියල්ලෝම බලාපොරොත්තු වෙති.

කම්කරුවන්ට ප්‍රන්ස වෘත්තීය සමිති නිලධරයන් මත විශ්වාසය තැබිය නොහැක. ඔවුන් වෙනත් තැන්වල සිටින තම සගයන්ට වඩා “රැඩිකල්” යයි මවාපෑම් තිබියදීත්, ප්‍රතිවිප්ලවවාදී භූමිකාවක් ඉටු කරයි.  ඔවුන් මැක්‍රොන් පරාජය කිරීමට කම්කරුවන්ට ඉදිරිදර්ශනයක් නොදෙන අතර ඒ වෙනුවට ප්‍රන්සයේ ෆැසිස්ට් පොලිස් රාජ්‍යය සමග “සමතය” (mediation) සඳහා ආයාචනා කිරීමට නැවත නැවතත් වැඩ වර්ජන අත්හිටුවයි.  ප්‍රංශ ජනතාවගෙන් විශාල බහුතරයක් සහ ප්‍රංශ කම්කරුවන්ගෙන් අතිවිශාල බහුතරයක්  මහා වැඩ වර්ජනයක් ඉල්ලා සිටිය දී එය සංවිධානය කිරීමට ඔවුන් අසමත් වීම, ඔවුන් සේවය කරන්නේ කම්කරුවන්ගේ අරගල සංවිධානය කිරීමට නොව අවහිර කිරීමට සහ ප්‍රමාද කිරීමට බව පැහැදිලි කරයි.

හතරවන ජාත්‍යන්තරයේ ජාත්‍යන්තර කමිටුවේ ප්‍රංශ ශාඛාව වන සමාජවාදී සමානතා පක්ෂය (Parti de l’égalité socialiste – PES) මැක්‍රොන් ඉවත් කිරීමට සහ ඔහුගේ කප්පාදු නවතා දැමීමට බල කරන යෝජනා සඳහා ඡන්දය ප්‍රකාශ කරන ලෙස, ප්‍රංශය පුරා සේවා ස්ථානවල සහ පාසල්වල මහා සභා රැස්වීම් පැවැත්වීමට ඉල්ලා සිටී. මෙම රැස්වීම් වලින් කම්කරුවන්ට හා තරුනයින්ට වැඩවර්ජන සහ විරෝධතා ක්‍රියාමාර්ග සම්බන්ධීකරණය කිරීමට සහ මැක්‍රොන් බලයෙන් පහකිරීම සඳහා මහා වැඩ වර්ජනයක් සූදානම් කිරීමට ක්‍රියාකාරී  කමිටු පිහිටුවා ගත හැකිය.

සියල්ලටත් වඩා, ජාත්‍යන්තරව කම්කරු පන්තියේ වැඩෙන වැඩ වර්ජන රැල්ල සහ දේශපාලන විරුද්ධත්වය සමග ප්‍රන්සයේ කම්කරුවන්ගේ අරගල සම්බන්ධීකරණය කිරීමට එවැනි ක්‍රියාකාරී කමිටුවලට හැකිය.  මැක්‍රොන්ට එරෙහි අරගලයේ දී, ප්‍රංශ කම්කරුවන්ගේ හොඳම සහකරුවන් වන්නේ ජාත්‍යන්තරව එම ප්‍රතිගාමී ප්‍රතිපත්ති හා මූල්‍ය ප්‍රභූන්ට එරෙහිව සටන් කරන ඔවුන්ගේ පන්ති සහෝදර සහෝදරියන් ය.

කම්කරුවන්, ක්‍රියාකාරී කමිටුවල ජාත්‍යන්තර කම්කරු සන්ධානය (IWA-RFC) තුල බලමුලු ගන්වා විප්ලවවාදී ඉදිරිදර්ශනයකින් සන්නද්ධව,  මැක්‍රොන් බලයෙන් පහකිරීමේ අරගලය පාලක මූල්‍ය කතිපයාධිකාරය අත්පත් කර ගැනීමේ සහ ගෝලීය වශයෙන් සමාජවාදී සමාජයක් ගොඩනැගීමේ අරගලයේ පළමු පියවර බවට පත් කළ යුතුය.  [අවධාරනය සංස්කාරකගෙනි]

#theSocialistLK #WSWS

මැක්‍රොන්ගේ පොලිස් රාජ්‍යය ප්‍රංශ කම්කරුවන්ට එරෙහිව යුද්ධය දියත් කරයි Read More »

Scroll to Top