politics

ජීන් ෂෝල් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 මැයි මස 05 දින Israel’s military deliberately brings Palestinian conflict to boiling point යන සිරසින් යුතුව පලවූ ජීන් ෂෝල් සහෝදරයා විසින් ලියන ලද ලිපියේ සිංහල පරිවර්තනය යි. පරිවර්තනය මිගාර මල්වත්ත විසිනි.

විශ්ලේෂකයින් විසින් නව  ඉන්ටිෆාඩාවක්වක්  [1987 සිට බටහිර ඉවුර සහ ගාසා තීරය ඊශ්‍රායල විසින් ආක්‍රමණයට එරෙහිව පලස්තීන නැගිටීම]  හෙවත් නැගිටීමක් ගැන පුරෝකථනය කරනු ලබන්නේ, ඊශ්‍රායල ආරක්ෂක හමුදාවන්ගේ ප්‍රකෝපකාරී සහ සාපරාධී ක්‍රියා ඊශ්‍රායල/පලස්තීන ගැටුම අති උනුසුම් තලයකට ගෙන එද්දීයය.   

පසුගිය දිනවලදී, අත්අඩංගුවට ගෙන, විධිමත් ලෙස චෝදනා  කර අධිකරණයට ඉදිරිපත් කිරීමට උත්සාහයක් වත් නොකොට, ඊශ්‍රායල පුරවැසියන් මරන ලැදැයි චෝදනා නගමින්, අවම වශයෙන් පලස්තීනුවන් හතර දෙනෙකුවත් ආරක්ෂක හමුදා විසින් මරා දමා ඇත. 

ප්‍රදේශයේ ජනතාව භීතියට පත් කරන සමූහ වැටලීම් මෙහෙයුම් වලදී සිදු කරනු ලබන මෙම මරා දැමීම්, වරදකරු බව ඔප්පු වන තුරු නිර්දෝෂී බව ද ඇතුලත් ධනේශ්වර යුක්තිය පිළිබඳ සියලු සම්මතයන් පසෙක ලා ඇත.  ඒවා අගමැති බෙන්ජමින් නෙතන්යාහුගේ අන්ත දක්ෂිනාංශික සභාගය,  සියොන්වාදී දේශපාලන ප්‍රභූවේ- ආගමික හා අනාගමික- සියලුම කන්ඩායම් විසින්  සහ ශ්‍රේෂ්ඨාධිකරණයද අයත් ඊශ්‍රායලයේ අධිකරණ පද්ධතිය මගින් අනුමත කරනු ලබයි.

බ්‍රහස්පතින්දා උදෑසන, රහසිගත ඒකක ඇතුළු සොල්දාදුවන් 200 ක් උතුරු බටහිර ඉවුරේ නබ්ලස් හි  පැරණි නගරය  වෙත කඩා වැදී, මුවවත් මස්රි, ඊබ්‍රාහිම් ජබර් සහ හසන් කට්නානිට වෙඩි තබා මරා දැමූ අතර තවත් හතර දෙනෙකුට තුවාල සිදු කළහ.  මෙම පුද්ගලයින් තිදෙනා වටලනු ලැබ ඇති (enclave) ගාසා තීරයේ  ප්‍රදේශය පාලනය කරන මුස්ලිම් සහෝදරත්වයට අනුබද්ධ හමාස් සංවිධානයේ සන්නද්ධ අංශය වන කසාම් බළකායේ සාමාජිකයින් වූහ.  එය බටහිර ඉවුරේ ඊශ්‍රායල දෛනිකවම පාහේ සිදුකරන ඝාතන වටලෑලෑම් වලින් එකක් පමණි.

මිලිටරි ප්‍රකාශකයෙකු කියා සිටියේ, අසල ජනාවාසයක -ජාත්‍යන්තර නීති යටතේ නීති විරෝධී වන පලස්තීන භූමියේ ඉදිකරන ලද ජනාවාස 200කින් එකක- ජීවත් වූ ඊශ්‍රායල-බ්‍රිතාන්‍ය කාන්තාවක් සහ ඇගේ දියණියන් දෙදෙනෙකු මරා දැමූ ජෝර්දාන් මිටියාවතේ වෙඩි තැබීමේ ප්‍රහාරය, අප්‍රේල් 7 දා මිමින් දෙදෙනෙකු විසින්  සිදු කර ඇති බවයි. නමුත් තුන්වැන්නා ගැන සහ තුවාල ලැබූ දෙදෙනා ගැන ඔහු නිහඬ විය.  රාමසාන් සමයේදී වාඩිලාගෙන සිටින නැගෙනහිර ජෙරුසලමේ අල්-අක්සා පල්ලියේ බැතිමතුන්ට ඊශ්‍රායල ප්‍රහාර එල්ල කිරීමට පළිගැනීමක් ලෙස මෙම කාන්තාවන් තිදෙනාට වෙඩි තැබීම සිදු කළ බව කසාම් බළකාය ප්‍රකාශ කළේය.

පලස්තීන රෙඩ් ක්‍රෙසන්ට් සංගමයට අනුව, බදාදා වැටලීමේදී, බොහෝ දුරට කඳුළු ගෑස් ආශ්වාස කිරීමෙන් හා තවත් සිව් දෙනෙකු වෙඩි වැදීමෙන්, 166 දෙනෙකුට පමණ තුවාල  සිදුවිය.  වැටලීමේ තීව්‍රතාවය සහ පලස්තීන සටන්කාමීන් සමඟ ඇති වූ දරුණු ගැටුම් හේතුවෙන් පාසල්වල පන්ති අත්හිටුවීමට සිදුවිය.

බදාදා ද ඊශ්‍රායලය ගාසා තීරයට මිසයිල ප්‍රහාර එල්ල කර, 58 හැවිරිදි හෂිල් මුබාරක් මරා දමා ගාසා නගරයේ තවත් පස් දෙනෙකුට තුවාල සිදු කිරීමෙන්, එම ඉලක්ක 16 , මිලීෂියා හමුදා ස්ථාන බවට ටෙල් අවිව් කළ ප්‍රකාශය බොරු කළේය.  ඊශ්‍රායල ප්‍රහාරය එල්ල වූයේ ගාසා තීරයෙන් එල්ල වූ රොකට් ප්‍රහාරයකින් පසුව දකුණු දිග ස්ඩෙරොට් නගරයේ විදේශිකයින් තිදෙනෙකු තුවාල ලැබීමෙන් පසුවය.  ඊශ්‍රායල සිරකඳවුරක රඳවා තබා ගැනීමට විරෝධය පළ කරමින් දින 86ක් උපවාසයේ නිරත වූ 44 හැවිරිදි පලස්තීන සිරකරු ඛාදර් අද්නාන්ගේ අඟහරුවාදා මරණයට ප්‍රතිචාර වශයෙන් ගාසා රොකට් ප්‍රහාර එල්ල විය.

ජෙනින් අසල බටහිර ඉවුරේ අරාබා  ගම්මානයේ වැසියෙකු වන අද්නාන්, ඊශ්‍රායල බලධාරීන්ට විරුද්ධව කටයුතු කිරීම සඳහා ප්‍රසිද්ධියට පත් වූ අතර, බොහෝ දුරට චෝදනාවක් හෝ නඩු විභාගයකින් තොරව වසර අටක් පමණ රැඳවුම් භාරයේ ගත කළේය.  2004 දී දින 25 ක්, 2011 සහ 2012 දී දින 66 ක්, 2015 දී දින 55 ක්, 2018 දී දින 58 ක් සහ 2021 දී දින 25 ක් වශයෙන් අවස්ථා හයක දී, ඔහු නිදහස් ලබා ගැනීම සඳහා උපවාස කර ඇත.

චෝදනාවකින් හෝ නඩු විභාගයකින් තොරව රඳවා තබා ගැනීම සඳහා සාමාන්‍යයෙන් මාස හයක කාලයක් සඳහා නිකුත් කරනු ලබන  වන එවැනි නියෝග දින නියමයක් නොමැතිව අලුත් කළ හැකි අතර, නීතිඥවරුන්ට ඒවාට එරෙහි සාක්ෂි දැකීමට අවසර නැත.  HaMoked නම් ඊශ්‍රායල උපදේශක කණ්ඩායමට අනුව, දැන් චෝදනාවකින් හෝ නඩු විභාගයකින් තොරව රඳවාගෙන සිටින පලස්තීනුවන් සංඛ්‍යාව 1,000 කට වඩා වැඩි වී ඇති අතර එය දෙවන ඉන්ටිෆාඩාවෙන් පසු ඉහළම අගයයි.

මෙවර ඊශ්‍රායල හමුදා අධිකරණයක් විසින් අද්නාන්ට “ත්‍රස්තවාදයට සම්බන්ධ වැරදි” සඳහා චෝදනා එල්ල කළේ ඔහු පලස්තීන ඉස්ලාමීය ජිහාද් නම් තහනම් සංවිධානයක ජ්‍යෙෂ්ඨ සාමාජිකයෙකු බවට චෝදනා කරමිනි. ඊශ්‍රායලයේ හමුදා උසාවිවල වලදී පලස්තීනුවන් ආසන්න වශයෙන් සියයට සියයක්ම වරදකරුවන් වූවද, අද්නාන්ට නඩු විභාගයක් නොතිබුණි.

වෛද්‍ය ප්‍රතිකාර හෝ ඔහුගේ පවුලේ අයගේ පැමිණීම ප්‍රතික්ෂේප කිරීමෙන් පසු ඔහු මිය ගිය අතර, හමුදා අභියාචනාධිකරණය ඔහුගේ මරණයට දින කිහිපයකට පෙර ඔහු නිදහස් කිරීම ප්‍රතික්ෂේප කළේය.  ඔහු වෛද්‍ය ප්‍රතිකාර ප්‍රතික්ෂේප කළ බව බන්ධනාගාර බලධාරීන් බොරුවට ප්‍රකාශ කලෝලෝය.

අද්නාන්ගේ මරණය බටහිර ඉවුරේ පුලුල් කෝපයට තුඩු දුන් අතර  නගර කිහිපයක් මහා වැඩ වර්ජන ප්‍රකාශ කළේය.  වසර 40 කට පමණ පසු උපවාසයක් අතරතුර මිය ගිය පළමු පලස්තීන ජාතිකයා ඔහු වන අතර, 1967 සිට ඊශ්‍රායල අත්අඩංගුවේ සිටියදී මියගිය පලස්තීන සිරකරුවන්ගේ සංඛ්‍යාව 237 දක්වා ඉහළ ගොස් තිබේ.

2019 දී ශ්‍රේෂ්ඨාධිකරණය විසින් අනුමත කරන ලද ප්‍රතිපත්තියක් අනුව සිරගෙදරදී හෝ ආරක්ෂක සිදුවීම් අතරතුර මිය ගිය පලස්තීනුවන් සිය ගණනකගේ සිරුරු  මෙන්ම ඔහුගේ සිරුර ද  භූමදාන කටයුතු සඳහා ඔහුගේ පවුලේ අයට භාර දීම ඊශ්‍රායලය මෙතෙක් ප්‍රතික්ෂේප කර ඇත.

ඊශ්‍රායලය විසින් පලස්තීන සිරකරුවන්ට  වධහිංසා, කුරිරු සහ අවමන් සහගත ලෙස සැලකීම සහ මෙම අපරාධ සැඟවීමට දරන ප්‍රයත්නයන් පිළිබඳව පසුගිය මාසයේ, ප්‍රමුඛ පලස්තීන මානව හිමිකම් සංවිධාන දෙකක් වන අල්-හක් සහ ඇඩමීර් එක්සත් ජාතීන්ගේ මානව හිමිකම් කවුන්සිලයේ විශේෂ වාර්තාකරු (Special Rapporteur) වෙත සාක්ෂි සපයන ලදී.  ඊශ්‍රායල බන්ධනාගාරවල සිටින වෛද්‍ය කාර්ය මණ්ඩල පලස්තීන රැඳවියන්ගේ සිරුරු මත  වධහිංසා පැමිණවීමේ සාක්ෂි නොසලකා හැර, ප්‍රශ්න කිරීමට ඉදිරියට යාමට අවසර දෙන බව ඔවුහු පැවසූහ.  වසර ගණනාවක් පුරා සිරකරුවන්ගේ මරණවලට හේතු වූ ඊශ්‍රායල ආන්ඩුවේ “වෛද්‍ය ප්‍රතිකාර සඳහා ඇති සීමාවන්” ඔවුන් ඉස්මතු කර දැක් වූහ.

ඊශ්‍රායලයේ ජාතික ආරක්ෂාව පිලිබඳ ෆැසිස්ට්වාදී ඇමති, ඉටමාර් බෙන්-ග්විර් (Itamar Ben-Gvir,) පලස්තීන සිරකරුවන්ට ම්ලේච්ඡ ලෙස සැලකීම වේගවත් කර ඇත්තේ, ඔවුන් ස්නානය කළ හැකි කාලය සීමා කරමින්ද,  පිළුණු සහ ශීතලෙන් මිදී ගිය පාන් ඔවුන්ට දෙමින්ද,  සිර මැදිරි නිතර වැටලීම් සහ සෝදිසි කිරීම් සිදු කරමින්ද, සහ හුදකලා සිරගත කිරීම් භාවිතය වැඩි කිරීම මගින්ද, වැනි දෑ සිදු කරමිනි.  ඊශ්‍රායල ජාතිකයන් ඝාතනය කරන පලස්තීනුවන්ට මරණ දණ්ඩනය ලබාදීමේ පනත් කෙටුම්පතක් මේ වන විට පාර්ලිමේන්තුව හරහා ගමන් කරමින් පවතී.

බ්‍රහස්පතින්දා, වෙනම සිදුවීමකදී, නබ්ලස් අසල හුවාරා නගරයේ දී, 26 හැවිරිදි ඉමාන් සියාඩ් ඔඩේ නමැති තරුණියකට සොල්දාදුවන් විසින් වෙඩි තබා ඝාතනය කරන ලද්දේ, මෙම සිද්ධියෙන් සුළු තුවාල ලැබූ සොල්දාදුවෙකුට පිහියෙන් ඇන ඇති බව පවසමිනි.  පෙබරවාරි මාසයේදී, හුවාරා නගරය හරහා ගමන් කරමින් සිටියදී ඊශ්‍රායල ජාතිකයන් දෙදෙනෙකු වෙඩි තබා මරා දැමීමෙන් පසු සිය ගණනක් ඊශ්‍රායල පදිංචිකරුවන් විසින් සංහාරයක් වැනි ප්‍රහාරයක් සිදු කරන ලදී.

විනිසුරුවන් සහ අලුගෝසුවන් ලෙස ක්‍රියා කරන්නේ ත්‍රිවිධ හමුදාව සහ පොලිසිය පමණක් නොවේ.  වාඩිලාගන ඇති  බටහිර ඉවුරේ ජනාවාසවල වෙසෙන ඊශ්‍රායල සිවිල් වැසියන් ද දණ්ඩමුක්තිය සහිතව (ප්‍රතිවිපාක රහිතව) එසේ සිදු කරති.  2010 සහ 2019 අතර කාලය තුළ අවම වශයෙන් පලස්තීනුවන් 22 දෙනෙකු ඝාතනය කරමින්, අවම වශයෙන් තවත් 1,258 දෙනෙකු තුවාල ලැබූ, අවම වශයෙන් පදිංචිකරුවන්ගේ ප්‍රහාර 2,955 ක් මානුෂීය කටයුතු සම්බන්ධීකරණය සඳහා එක්සත් ජාතීන්ගේ කාර්යාලය වාර්තා කර ඇති අතර, එම කාලය තුළ, පදිංචිකරුවන්ගේ ප්‍රහාරවලින් සියයට හතක්  පමණක් අපරාධ චෝදනාවලට ලක් කරද ,ඉන් සියයට 3 ක පමණක් චෝදනා ඔප්පු වූ බව ඊශ්‍රායල මානව හිමිකම් සංවිධානයක් වන යෙෂ් ඩින් (Yesh Din)  පවසයි .

මේ වසරේ මාස හතරක කාලය තුළ ඊශ්‍රායල හමුදාව අවම වශයෙන් පලස්තීනුවන් 102 දෙනෙකු මරා දමා ඇති අතර ඔවුන්ගෙන් 20 දෙනෙකු කුඩා දරුවන් වේ. පදිංචිකරුවන් පලස්තීනුවන් පස් දෙනෙකු මරා දමා ඇත.  එම කාලය තුළ අවම වශයෙන් ඊශ්‍රායල ජාතිකයන් 19 දෙනෙකු, යුක්රේන ජාතිකයෙකු සහ එක් ඉතාලි ජාතිකයෙකු ඝාතනය කර තිබේ.

ඊශ්‍රායල ෆැසිස්ට් නායකයන්ට මේ කිසිවක් ප්‍රමාණවත් නොවේ.  යුදෙව් බලයේ නායක බෙන් ග්වීර්, මිලිටරියේ ප්‍රතිචාරය “දුර්වල” ලෙස හංවඩු ගැසූ අතර, “ගාසාවේ දුර්වල ප්‍රතිචාරයට” විරෝධය පළ කරමින් බදාදා නෙසෙට් ඡන්ද වර්ජනය කරන ලෙස ඔහුගේ අන්ත දක්ෂිනාංශික ඔට්ස්මා යෙහුඩිට් කන්ඩායමට නියෝග කළේය.  අනෙකුත් දක්ෂිනාංශික නායකයින් ආන්ඩුව විවේචනය කළේ, “දුර්වල ප්‍රතිපත්තියට නිසා අපිට වන්නට සිදුවනු ඇත  ” යනුවෙන් පවසමිනි.

නෙතන්යාහු  මෙම හැඟීම් ප්‍රතිරාවය කරමින්, නබ්ලස් හි ” සාර්ථක පලිගැනීම” ගැන  හමුදාවට ප්‍රශංසා කරමින්, අරමුන වන්නේ පලස්තීනුවන් අත්අඩංගුවට ගැනීම නොව ඔවුන් මරා දැමීම බව පැහැදිලි කළේය.  “අපට හානි කරන අයට සහ අපට හානි කිරීසමට උත්සාහ කරන අයට අපගේ පණිවිඩය නම් එය දිනක්, සතියක් හෝ මාසයක් ගතවනු ඇති නමුත්, අපි ඔබ සමඟ ගනුදෙනු බේරා ගන්නා බවට නිසැක වන්න,” ඔහු පැවසීය.  “ඔබ සැඟවීමට උත්සාහ කරන්නේ කොතැනක වුවත් කමක් නැත, අපි ඔබව සොයා ගන්නෙමු.  අපට හිංසා කරන තැනැත්තා ඔහුගේ දිවි හානිකර ගනී. ”

විපක්ෂ ජාතික එක්සත් පක්ෂ නායක බෙනී ගැන්ට්ස් (Benny Gantz) නෙතන්යාහු දුර්වල නායකත්වය හෙලා දුටුවේ, පලස්තීනුවන් හා ගාසා තීරය සම්බන්ධයෙන් ආරක්ෂක අමාත්‍යාංශයේ ප්‍රධානියා ලෙස කලින් පැවති “වෙනස්වීමේ ආන්ඩුව” ගැන පුරසාරම් දොඩවමිනි. නෙතන්යාහුගේ අධිකරණ කුමන්ත්‍රණයට එරෙහි සමාජ විරෝධතාවල ස්වයං-ප්‍රකාශිත නායකයින්ට ඊශ්‍රායලයේ අන්ත දක්ෂිනාංශික ආන්ඩුව සමඟ අත්‍යවශ්‍ය වෙනස්කම් නොමැති බව ඔහුගේ ප්‍රකාශ අවධාරනය කරයි.

ඊශ්‍රායලයේ සහ වාඩිලාගෙන සිටින ප්‍රදේශ වල පලස්තීනුවන්, ම්ලේච්ඡ මිලිටරි මර්දනය , විවෘතව අනීතික බලහත්කාරකම් පාන්නන් (vigilante) සහ පදිංචිකරුවන්ගේ ප්‍රචණ්ඩත්වය යටතේ පවතින්නේ, ඒ සියල්ල ඊශ්‍රායල ශ්‍රේෂ්ඨාධිකරණය විසින් අනුමත කර ඇති තතු තුලය.  බටහිර ඉවුරේ සහ ගාසා තීරයේ මිලිටරි ආඥාදායකත්වය ආරක්ෂා කරන අතරම යුදෙව් ඊශ්‍රායලීන් සඳහා ප්‍රජාතන්ත්‍රවාදී අයිතීන් ආරක්ෂා කිරීම කළ නොහැක්කකි.

ප්‍රධාන කර්තව්‍යය වන්නේ විරෝධතා ව්‍යාපාරයේ ප්‍රතිගාමී සියොන්වාදී නායකත්වය ජය ගැනීම සහ පලස්තීන ජනතාවගේ ජාතික අයිතීන් ඇතුළු රැකියා, ජීවන තත්වයන් සහ ප්‍රජාතන්ත්‍රවාදී අයිතීන් ආරක්ෂා කිරීමේ පොදු අරගලයක් තුල අරාබි සහ යුදෙව් කම්කරුවන් එක්සත් කිරීමට සටන් කිරීමයි.  මෙය කළ හැක්කේ ජාත්‍යන්තර සමාජවාදයේ ක්‍රියාමාර්ගය හා ඉදිරිදර්ශනය මත පදනම්ව පමනි.

#theSocialistLK #WSWS 

නන්දන නන්නෙත්ති විසිනි.

සසප සහෝදරවරුනි, ධනේශ්වර විරෝධී සියලු හිතවතුනි,

අපි පන්ති අරගලයේ තීරනාත්මක අවධියකට පිවිස සිටිමු. ලෝක යුද්ධයකට හා විප්ලවය හා ප්‍රතිවිප්ලවය මුහනට මුහුන ලා සිටින තත්වයට ලෝකය වේගයෙන් ඇදී යමින් පවතී. ජාතිකවාදී කුමන ව්‍යාාරයකට හෝ ප්‍රතිවිප්ලවය මුවහත් කිරීම හැර මාවතක් නැති බව දැන් හොඳට ම පැහැදිලි ය.

එහෙත් කම්කරු පන්තියේ තීරනාත්මක මැදිහත් වීමකින් තොරව මහජනතාවගේ එකදු ප්‍රශ්නයක්වත් විසදෙනු නැත. හතර වන ජාත්‍යන්තරයේ ජාත්‍යන්තර කමිටුවේ ජාත්‍යන්තර විප්ලවවාදි ක්‍රියා මාර්ගයෙන් කම්කරු පන්තිය සන්නද්ධ කිරීමෙන් මෙපිට කම්කරු පන්තියට වර්ධන වන මහජන අරගල මාලාව තුල කේද්‍රීය ක්‍රියා කලාපයක් ඉටු කල නො හැකි ය‍. ඒ සදහා කම්කරු පන්තියේ පවතින විඥානයට එරෙහි සටන තියුනු සහ වේගවත් කල යුතු ය. 

ධනපති පන්තිය පැත්තෙන් නම් තම පන ගලවා ගැනීම සදහා එම සටන දිය කර හැරීම අවශ්‍ය ය. ජාත්‍යන්තර කමිටුවේ ශාකා ඒවායේ පදනම්වලින් ලිස්සා යැවිය හැකි තත්වයක් පක්ෂ තුලින්ම මතු කර ගැනීම සදහා කම්කරු පන්තිය මත ධනවාදය යොදන පීඩනය ඉමහත් ය.

ශ්‍රී ලංකාවේ දී මෙම පීඩනයේ ඉලක්කගත ගොදුර සමාජවාදී සමානතා පක්ෂය (සසප) යි. ඒ නිසා, අන් කවරදාටත් වඩා ජාත්‍යන්තර පන්ති අරගලයේ හා පක්ෂයේ ඉතිහාසය  මත පදනම් වීමත්, ප්‍රතිපත්ති හා මූලධර්ම කෙරේ දෘඩතර වීමත් අත්‍යවශ්‍ය ය.

හරියට ම මේ මොහෙතේ පක්ෂ නිලධාරී තන්ත්‍රය පක්ෂය දිය කර හරිමින් සිටීම පුලුල් ලෙස සාකච්ඡා කල යුතු කරුනකි. එය වඩා න්‍යායාත්මක, ක්‍රියා මාර්ගික හා ඉදිරි දර්ශනාත්මක කර්තව්‍යයකි. පක්ෂ තන්ත්‍රය එම කර්තව්‍යය ඉස්මතු කරන සාමාජිකයන්ට එරෙහිව, පක්ෂය තුලත්, ඉන් පිටතත් ප්‍රචාරය කරන භයංකර බොරු හා විකෘති කිරීම් හෙලි කරගෙන ඒවා ජය ගැනීම සදහා යොමු වීම තීරනාතමක ය.

පක්ෂයේ එවකට ප්‍රධාන ලේකම්, ස්වයං-නීරනය පිලිබඳ ජාත්‍යන්තර කමිටුවේ ඉදිරි දර්ශනය ප්‍රතික්ෂෙප කර ඇතැයි චෝදනා කර, 2021 නොවැම්බර් 15 දින සිට සති තුනකට මගේ පක්ෂ සාමාජිකත්වය තහනම් කරමින් එම කාලය තුල නිදහසට කරුනු දැක්වීම නො කෙරුනේ නම් “සාමාජිකත්ව තහනම දිගටම බලපවත්වන බව” එම නොවැම්බර් 16 දින මට දැනුම් දෙන ලදී. මේ වනාහි එක්සත් ජනපදයේ පිටුබලය සහිතව සිරිසේන-වික්‍රමසිංහ ආන්ඩුව බලයට පිවිසි  2015 වසරේ සිට පක්ෂය තුල දියත් කල දඩයමක කුලුගැන්වීම බව ඉදිරි කාලයේ දී ඔබට වටහා ගැනීමට අවස්ථාව ලැබෙනු ඇත. 

කෙසේ වෙතත් මම නායකත්වය වෙත නිසි කාල සිමාව තුල පිලිතුරු සැපයු වෙමි. එයින් නායකත්වයේ චොදනාවල ව්‍යාජත්වය හෙලි කෙරුනු අතර ඒ නිසා ම එය ඉවත දමන ලදී. එහෙත් ඊට එරෙහිව “නන්දන සහෝදරයාගේ මේ සියලු විකෘතිකරනයන් පිලිබද සැලකිල්ලෙන් බලන විට” පෙනී යන්නේ “ පක්ෂය ජාත්‍යන්තරවාදී පදනම්වලින් ඉවතට හරවා විවිධාකාර වාම පුද්ගලයින්ට ගැලතිය හැකි අම්බලමක් බවට පක්ෂය පරිවර්තනය කිරීම සදහා ෆේස්බුක් පිටු පාවිචිචි කරමින් සුලු ධනේශවර පීඩනයට යටත් වීමයි,” යනුවෙන් සදහන් වසන්ත රුපසිංහගේ නමින් ලියූ, 2021 දෙසැම්බර් 20 දිනය සහිත ලිපියක්, ප්‍රධාන ලේකම්ගේ අනුමැතියෙන් බෙදා හැරියේ ය. 

නිලධරයේ අරමුන වූයේ මාර්තු මාසයේ පැවැත් වීමට නියමිත වූ සම්මේලනයට සහභාගි වීමෙන් මා වැලැක් වීම ය.

පක්ෂ සාමාජිකයන් 17 දෙනෙකු අත්සන් කර සසප මධ්‍යම කාරක සභාවට යැවූ 2022 පෙබරවාරි 7 දිනය දරන ලිපියකින් මෙම සූදානමට විරුද්ධ මැදිහත් වීමක් සිදු විය. එහි මෙසේ සදහන් වේ. “නන්දන සහෝදරයා නියම කර ඇති කාල සීමාව තුල මධ්‍යම කාරක සභාව වෙත සිය පිලිතුර යොමු කර ඇත. නමුත් දේශපාලන කමිටුව කිසිදු හේතු දැක්වීමකින් පවා තොරව තහනම දිගටම පවත්වා ගනිමින් පෙබරවාරි 12,13,14 දිනයන්හි පැවැත් විමට යොදාගෙන තිබෙන ජාතික සම්මේලනයට හා ඒ සදහා පැවැත්වෙන සාකච්ඡාවට සහභාගී වීමෙන් ඔහු වැලැක් වීමට තීන්දු කර ඇත.”

“සම්මේලනයට සහභාගී වීමට අවස්ථාව සලසන ලෙස නන්දන විසින් කරන ලද ඉල්ලීමට ප්‍රතිචාර ලෙස, – ලැබී ඇති සාමාජිකත්ව වරම අයතා ලෙස භාවිත නො කිරීම,  සාකච්චාව තුල කඩාකප්පල් ක්‍රියා නො කිරීම, සම්මේලනයේ න්‍යාය පත්‍රයට හා පත්කෙරෙන සභාපති මඩුල්ලට යටත්ව ක්‍රියා කිරීම යන කොන්දේසිවලට යටත්ව – සම්මේලනයට හා සාකච්ඡාවට සහභාගි වීමට අවසර දීමට DN සහෝදරයාගේ අනුමැතියෙන්, දේශපාලන කමිටුව තීන්දු කල බව 29 දින ලිපියකින් ඔහු වෙත දැනුම් දී ඇත. 31 දින තමන් මේ කොන්දේසි පිලිගන්නා බව නන්දන මධ්‍යමකාරක සභාවට හා ජාත්‍යන්තර කමුටුවට වාර්තා කර ඇත.” 

“එහෙත් එම 2දා දහවල් 12.35ට ප්‍රධාන ලේකම්  විජේ සහෝදරයාගේ ඊමේල් පනිවිඩයකින් ඔහුගේ සහභාගීත්වය යලි තහනම් කර ඇත.” 

දේශපාලන කමිටුවේ ව්‍යවස්ථාවට පටහැනි ප්‍රජාතන්ත්‍ර විරෝධී තීන්දුව ප්‍රතික්ෂේප කල, සාමාජිකයනගේ ලිපිය සදහන් කලේ, “අපි දේශපාලන පැහැදිලිකම සදහා ප්‍රජාතන්ත්‍රීය මධ්‍යගතවාදයේ පදනම මත සිදු කෙරෙන න්‍යායායික දේශපාලනික සාකච්චාවන්හි බරපතල අදාලත්වය අවධාරනය කරමු” යනුවෙනි. “ සම්මේලනය මෙසේ පැවැත් වීමට උත්සාහ කරන්නේ දේශපාලන කමිටුව විසින්, පක්ෂයේ මධ්‍යම කාරක සභිකයන් තිදෙනෙකු හා සාමාජිකයන් සෑහෙන කන්ඩායමකට එරෙහිව බරපතල චෝදනා එල්ල කර ඇති තත්වයක දී ය,” යි එය පෙන්වා දුන්නේ ය. 

වසන්ත රුපසිංහගේ ලිපියේ ඉහත උපුටා ඇති කොටස මගින්  දේශපාලන කමිටුව එල්ල කරන චෝදනා ගැන සදහන් කරමින් එය කියා සිටියේ මේ තත්වය නිසා ම සම්මේලනයට පෙර මේවා විසදා ගැනීම අවශ්‍ය බව ය.

සම්මේලනය කැදවීම පන්ති අරගලයේ නව විප්ලවවාදී අරගලයට සූදානම් වීම පිනිස වෙනුවට වැරදි රැකගෙන පවත්වා ගැනීම සදහා, කූටෝපායන් ක්‍රියාත්මක කරන ගමන් ම ඉටු කල වතාවතක් විය. ඒ අවබොධයෙන්, උක්ත ලිපිය මෙසේ කියා සිටියේ ය. “මෙම සම්මේලනය පෙබරවාරි 12 දින සිට පැවැත්වෙන බව සාමාජිකයන්ට දැනුම් දුන්නේ ජනවාරි 27දා ය…හලාවතට දැනුම් දී ඇත්තේ පෙබරවාරි 4දා ය.”

“සසප ව්‍යවස්ථාවේ 7 (ආ) ඡේදය අනුව අනුව මධ්‍යම කාරක සභාව විසින් ජාතික සම්මේලනය පැවැත්වීමේ නිවේදනය අවම වශයෙන් දින 60කට පෙරාතුව නිකුත් කල යුතු ය.”

“7 (ඊ) න්‍යාය පත්‍රයේ ද, ලිපි ලේඛනවල ද කෙටුම්පත් සමුලුවට දින 20කට පෙර නියෝජිතයන් වෙත ලබා දිය යුතු ය.”

“ මෙහි දී අපගේ අවධානය යොමු වන විශේෂ කරුන නම් ජාත්‍යන්තර කමිටුව බැරෑරුම්ව සලකන්නේ යයි කියන ව්‍යවස්ථාව එහි ශාකාවක් විසින් එසේ නො සලකන්නේ ඇයි ද යන්න ය.” 

“මේ අයුරින් සම්මේලනය පැවැත්වීම ව්‍යාකූලත්වයෙන් ව්‍යාකූලත්වය සදහා ආරාධනා කිරීමකි. ඒ නිසා සම්මේලනයට අවශ්‍ය කාලය ලැබෙන පරිදි කල් දැමිය යුතු යයි පහත අත්සන් කරන අපි යෝජනා කරමු.”

ලිපිය කුනු කූඩයට ගොස් තිබිනි. ඊලග 10දා එහි ඉංග්‍රීසි පිටපතක් ජාත්‍යන්තර කමිටුව වෙත යොමු කල අතර පසු දින ම ලංකා ශාඛාව සමග සාකච්ජා  කර සම්මේලනය කල් දැමීමටත්, නන්දන සම්මෙලනයට හා පූර්ව සම්මේලන සාකච්චාවලට සහභාගි කර ගැනීමටත් එය එකග කරවා ගත්තේ ය. 

නමුත් නායකත්වයේ අරමුන වූයේ කෙසේ හෝ නන්දන නැවත මධ්‍යම කාරක සභාවට පත්වීම වැලැක් වීමත් සම්මේලනය තුල දී පක්ෂයේ දේශපාලන හා න්‍යායික අර්බුදය ඉස්මතු වීම වලක්වා ගැනීමත් ය. 

ස්වයං-නීර්න අයිතිය පිලිබඳව සංකල්පය ජාත්‍යන්තර කමිටුවේ දේශපාලන ආස්ථානයේ  පදනම් වලින්  ගලවා දමමින් පක්ෂ තන්ත්‍රය එය දිගින් දිගටම නවකයන්, තත්වාරක්ෂකයන් හා වසර ගනනක කාලයක් න්‍යායිකව සන්නද්ද නො කෙරුනු සාමාජිකයන් ව්‍යාකූල කිරීම සදහා යොදා ගත්තේ ය. පක්ෂයේ පදනම් ලියවිල්ලේ ස්වයං-නීරනය සම්බන්ධයෙන් සදහන් 30-4-5-6 ඡේද උල්ලංගනය කලේ ය යන චෝදනාව මගේ ලිපියෙන් ඛන්ඩනය කල නමුත් තන්ත්‍රය එම ලිපිය සාමාජිකත්වයෙන් සඟවා තමන් ම ගෙතූ වැරදි ඒ මත පටවා ඒ වෙනුවෙන් මා දඩු ගැසීම ඉල්ලා සිටියේ ය.

මොන තරම් ප්‍රතිගාමී සංකල්පවලින් සාමාජිකත්වය දූෂනය කලේද යත් ස්වයං-නීර්නය “සටන් පාඨයෙන් අදහස් කරන්නේ සිංහල දෙමල ධනපති පන්තියට එරෙහිව සිංහල දෙමල කම්කරු පන්තියේ ස්වයං-නීර්නය අයිතිය තහවුරු කිරීමට සටන් කිරීමයි” යනුවෙන් රූපසිංහගේ ඉහත ලිපියේ ඔවුහු ලියූහ.  මෙය ඉතිහාසය, සංකල්ප හා ආස්ථානයන් විකෘති කිරීමකි. ඔවුන් හිතන්නේ කුමක් උවත්,  එවන් ආස්ථානයක් නිශ්චිතවම සමපාත වන්නේ  පීඩිත දෙමල ජාතියට සිංහලයන්ට වඩා වෙනස් පීඩනයක් නැත යන ඉතිහාස විරෝධී, සිංහල-බෞද්ධ වර්ගවාදී, ප්‍රතිගාමීත්වයේ බලහත්කාරය සමඟ ය.  මාක්ස්වාදී ව්‍යාපාරයට තුල මෙම සටන් පාඨය අධිරාජ්‍යවාදය විසින් දුර්වල ජාතීන් යටත් කර තැබීම හා ජාතික රාජ්‍යය තුලම මහ ජාතියේ පාලනය විසින් සුලු ජාතික කන්ඩායම් යටත් කර තැබීමට එරෙහි වීම ප්‍රකාශයට පත් කරයි. 90දශකයේ මුල් භාගයේ සිට මෙම සංකල්පය හා එහි භාවිතය ජාත්‍යන්තර කමිටුව නැවත සලකා බලන විට, පක්ෂ නිලධරය කියාපාන ලෙස, එය එහි ප්‍රජාතන්ත්‍රවාදී අන්තර්ගතයෙන් උගුලා දැමූවේ නැත.         

මගේ පිලිතුර අද ප්‍රථම වතාවට සසප සාමාජිකත්වය දැක ගනී. එය මෙහි පහලින් පල කිරීම සඳහා යොමු කරමි. එහි ඇත්තේ සම්පූර්න ලිපියේ මාතෘකාවට අදාල සාවද්‍ය චොදනා පත්‍රයක් යන කොටස පමනි. එය වුව, දේශපාලන ප්‍රශ්න දේශපාලනිකව නිරාකරනය කර ගැනීම සඳහා සසප වාම කන්ඩායම ගෙන ගිය දෘඩතර අරගලයට සාක්ෂි දරමින්, එය පක්ෂයේ හා පන්තියේ පැවැත්මට අවශ්‍ය අවධානය දිනාගනු ඇතැයි සිතමි. 

***

සාවද්‍ය චෝදනා පත්‍රයක්

ඔබේ නිවේදනයට අනුව,“හතරවන ජාත්‍යන්තරයේ ජාත්‍යන්තර කමිටුවේ ද සමාජවාදී සමානතා පක්ෂයේ ද ඉතා වැදගත් ප්‍රතිපත්තිමය කාරනාවක්– ජාතීන්ගේ ස්වයං නීර්නය අයිතිය පිලිබද ඉල්ලීම යොදා ගැනීම ප්‍රතික්ෂේප කිරීමට ගෙන ඇති තීන්දුව–විකෘත කිරීමට හා ඒ මගින්, එම පිලිවෙත සම්බන්ධයෙන් බරපතල ව්‍යාකූලත්වයක් සමාජගත කිරීමට දරන උත්සාහය සසප දේශපාලන කමිටුව ඒකමතිකව හෙලා දකී.“

එය මෙසේ ද පවසා ඇත.“ජාතීන්ගේ ස්වයං නීර්නය සසප විසින් ආරකෂා කෙරේ යන ඔබේ ආස්ථානය… ජාත්‍යන්තර පදනම් ලියවිල්ලේ විශේෂයෙන්ම 30-4 හා 30-6 දක්වා ඡේදවල ආස්ථානයන්ට පැහැදිලිවම පටහැනි ය.“ 

ඔබ යොදා ගනුයේ 2021 නොවැම්බර් 5 දින මුහුනු පොතේ මගේ පිටුවේ ඇරඹුනු සංවාදයකි.ඊට පදනම් වූයේ මවිසින් එහි පල කෙරුනු සසප මූලධර්ම ප්‍රකාශයේ පහත සදහන් කොටස ය.   

ප්‍රජාතන්ත්‍රීය මධ්‍යගතවාදය

“කම්කරු පන්තියේ විප්ලවවාදී අරගලය සදහා සංවිධානයක් අවශ්‍ය වන අතර එය විනයකින් තොරව නො පවතිනු ඇත. එහෙත් විනය නිලධාරවාදී ලෙස ඉහලින් පැටවිය නො හැකි ය.එය වැඩි දියුනු කල යුත්තේ මූලධර්ම  හා ක්‍රියා මාර්ග මත නිදහස ලෙස ඇති කරගන්නා එකගතාවයක පදනමෙන් ය.ප්‍රජාතන්ත්‍රවාදී මධ්‍යගතවාදයේ මූලධර්ම මත පදනම් වන සසප සංවිධානාත්මක ව්‍යුහය තුල ප්‍රකාශයට පත්වන්නේ මෙම වැටෙහීම යි. ප්‍රතිපත්ති හා සුදුසු උපායන් සූත්‍රගත කිරීමේ දී,පක්ෂය තුල පූර්න ප්‍රජාතන්ත්‍රවාදය පැවතිය යුතු ය.පක්ෂ ව්‍යවස්ථාවේ සදහන් කරුනු අවස්ථා හැර, අනෙකුත් අවස්ථාවල සසප ප්‍රතිපත්ති හා වැඩ කටයුතු පිලිබද අභ්‍යන්තර සාකච්ඡාව,සීමා පැනවීමකින් තොරව සිදු විය යුතු ය.නායකයන් සාමාජිකයන් විසින් තෝරා පත් කරගන්නා අතර විවේචනයට හා පාලනයට විවෘත විය යුතු ය.නායකත්වයට ඉදිරිපත් වන විවේචන්යට මුහුන දී ගත නො හැකි අපේක්ෂකයන් එකසත් ජනපද ට්‍රොස්කිවාදී ව්‍යාපාරයේ මූලාරම්භකයා වූ ජේම් පී කැනන්ගේ වචන සැලකිල්ලට ගත යුතු ය.‘සත්‍ය කිසිවෙකුටත් හානි නො කරයි,ඔහුට සුදුසු තැනම හිමි කර දෙයි.එහෙත් ප්‍රතිපත්ති සූත්‍රගත කිරීමේ දී පුලුල් සාකච්ඡා ද,විවෘත හා අව්‍යාජ විවේචන ද අවශ්‍ය වන ආකාරයට ම ඒවා ක්‍රියාත්මක කිරීමේ දී දැඩි විනයක් ද අවශ්‍ය වේ.පක්ෂය තුල ප්‍රජාතන්ත්‍රවාදී ලෙස ඇති කර ගත් තීන්දුවලට සෑම සාමාජිකයෙක් ම බැදී සිටී. තීන්දු ක්‍රියාත්මක කිරීමේ දී,මධ්‍යගතවාදයේ මෙම අත්‍යවශ්‍ය අංගයට විරුද්ධ වන හා විනයගත වීමේ ඉල්ලීම සිය පුද්ගලික නිදහසට අකුල් හෙලීමක් ලෙස සලකන අය විප්ලවවාදී සමාජවාදීන් නො ව, පන්ති අරගලයේ ඇගවුම් හා ඉල්ලීම් වටහා නො ගන්නා අරාජකවාදීන් හා පුද්ගලවාදීන් ය.”

ඹබේ විරෝධය එල්ල වන්නේ පුලුල් සාකච්ඡා,අව්‍යාජ විවේචන හා දැඩි විනය යන ඉහත උපුටා දැක් වූ බොල්ෂෙවික්වාදයේ ප්‍රමුඛ මූල ධර්මයන්ට ය යි මම කියමි.මා විමසීමට මොන ම උත්සාහයකින් හෝ තොරව පොලිස් ඔත්තුකාරයකු පිලිබද ලැබුනු සඥාවකට ප්‍රතික්‍රියා කරන ආකාරයෙන්, ඔබ ක්‍රියාත්මක වූයේ එබැවිනි.

ඉහත දැක් වූ පෝස්ටුව යටතේ සිදු වූ- ඔබ විසින් විකෘත කෙරෙන, සීවලි අත්තනායක නම් පුද්ගලයෙකු සමග කෙරුනු-අදාල සාකාච්ඡාව ඒ අයුරින් ම උපුටා ඇක්වීමට මට ඉඩ දෙන්න.

සීවලී අත්තනායක: සුළු ජාතීන්ගේ සවයං නීරන අයිතිය වර්තමානයේ සසප පිලිගන්නවා ද?ලංකාවට අදාලව.

නන්දන නන්නෙත්ති: ඔව්.

අත්තනායක: ලංකාවට අදාලව.

නන්දන: ඔව්.

අත්තනායක: ජය වේවා මගේ පැරනි කම්කරු මාවතට.

නන්දන: නො වැටහේ. 

අත්තනායක: 88/89න් පසුව විශ්ව විද්‍යාලය තුල කම්කරු මාවත සමගින් වැඩ කලා.පසු කාලයේ ඔවුන් දෙමල ජනතාවගේ සවයං නීර්න අයිතිය පිලි නො ගන්නා බව දැනගන්න ලැබුනා.

නන්දන: විකොස හා සසප කවර කලෙකවත් පීඩිත මහ ජනතාවගේ ප්‍රජාතනත්‍ර අයිතීන් නො තකා ක්‍රියා කර නැත.නමුත් සවයං නීර්නයේ නාමයෙන් අධිරාජ්‍ය ගැති කුඩා වැයික්කි ඇටවීමේ කුමන්ත්‍රන අපි ස්ථිරසාරව ප්‍රතික්ෂේප කරමු.වත්මන් භූගෝලීය ආර්ථිකය එවැනි රාජ්‍ය කෑලිවල පීඩිත ජනයාගේ කිසිදු අයිතියක් ආරක්ෂා නො කෙරෙන බව ගැන කෙතරම් නම් නිදසුන් තිබේ ද?රැඩිකල් ජාතිකවාදී ව්‍යාපාර හැමෙකක් ම පසු ගිය දශක කීපයේ ම ඒ හෝ මේ අධිරාජ්‍යවාදී කල්ලි සමග පෙල ගැසුනි. 

අත්තනායක: සසපයේ ස්ථාවරය වෙනස් වී ඇති බව ඉතාම පැහැදිලියි.ස්තුතියි.ජාතීන්ගේ සවයං නීරන අයිතිය සහ නිජ භූමි සංකල්පය පිලිබද පක්ෂයේ ස්ථාවරය කුමක් ද?

නන්දන: පීඩිත ජනතාවගේ සවයං නීර්නය අයිතිය ආරක්ෂා කිරීම කම්කරු පන්තියේ කර්කව්‍යය යි යන ස්ථාවරය කිසි කලෙක වෙනස් වී නැති බව කිව යුතු ය.එවැනි කුමන හෝ අවස්ථාවක් ගැන ඔබට සදහන් කල හැකි ද? 

අත්තනායක:සිවිල් යුධ සමයේ ජනඝාතක යුද්ධයට එරෙහිව හඩ නැගූ කම්කරු මාවත අද ඒ ස්ථාවරයේ ම සිටිනවා ද?

නන්දන:ඔව් අදත් හෙටත් කවදටත් එය සිංහල පාලක පන්තියේ ආක්‍රමනයට එරෙහිව කම්කරු පන්තිය බලමුලු ගන්වයි.

නන්දන: කියවන්න ශ්‍රී ලංකාවේ සමාජවාදී සමානතා පක්ෂයේ ඓතිහාසික හා ජාත්‍යන්තර පදනම්.ජාතික ප්‍රශනය.මෙය wsws.org වෙතින් බලා ගත හැකි ය.(පදනම් ප්‍රකාශනයේ ජාතික ප්‍රශ්නය යනු 30-1 සිට30- 6 දකවා වන සම්පූර්න කොටසයි.)  

අත්තනායක:කම්කරු පන්තියේ මූලිකත්වයෙන් ඉන්දු උප උප මහද්වීපයේ සමාජවාදී සමූහාන්ඩු සංගමයක කොටසක් ලෙස දෙමල ඊලාම් ශ්‍රී ලංකා සමාජවාදී සමූහාන්ඩු සංගමයක් ගොඩ නැගීම වෙනුවෙන් සසප අදත් පෙනී සිටිනවා ද?

නන්දන: ඔව්

අත්තනායක:ස්තුතියි සහෝදරයා.ඉවසීමෙන් පිලිතුරු දීම පිලිබදව. 

(මෙම සංවාදයෙන් පෙනී යන කරුනක් නම් ජාතික ප්‍රශ්නය පිලිබද අපේ ආස්ථානය ඇතැම් විට සමාජගත වී ඇත්තේ විකෘති ආකරයකට බව ය.මෙම සංවාදයට සහභාගී වූ අයට එය නිවැරදි කර ගැනීමට හැකි වී  යයි මම සිතමි.) 

පසු දින පක්ෂයේ හිතවතෙකු ලෙස සිටින නාලක මලලගම “සසප (විකොස) පීඩිත ජාතීන්ගේ ස්වයං නීර්නය වෙනුවෙන් පෙනී සිටින්නේ නැත“ යි සිය මුහුනු පොතේ විශේෂ සටහනක් තැබී ය.මෙය සසප ඉදිරි දර්ශනයට හතුරු ප්‍රකාශයකි.

අපි සටන් පාඨයක් ලෙස ‘ජාතීන්ගේ සවයං නීර්න අයිතිය‘ තව දුරටත් භාවිත නො කරමු.ඊට බල පෑවේ ස්පාටසිස් කන්ඩායමට දුන් පිලිතුරේ අප තහවුරු කල පරිදි  නව බෙදුම්වාදී ජාතික ව්‍යාපාර හා අධිරාජව්‍යවාදීන් විසින් මෙහි අර්ථය විකෘති කරනු ලැබීම නිසා එයින් ව්‍යාකූලත්වයක් ජනිත වීම ය.පීඩිත ජාතීන්ගේ ප්‍රජාතන්ත්‍ර අයිතීන් අතර මූලික කරුනක් වන සවයං නීර්න අයිතිය නො තකා සිටීමක් එයින් නො හැගවේ.

මම මෙසේ ලිවීමි.“සමසමාජ පක්ෂය ධනපති ආන්ඩුවට රිංගා පීඩිත ජාතීන්ගේ ස්වයං නීර්න අයිතිය පිලිබද කම්කරු පන්තියේ ඉදිරි දර්ශනය පාවා දුනි.එය 30 අවුරුදු යුද්ධයක හා ධනවාදයේ පැවැත්ම දිගු කර ගැනීමේ ඇරඹුම විය.විකොස (සසප) ඊට එරෙහිව එම ඉදිරි දර්ශනය ආරක්ෂා කල එකම පක්ෂය යි.එම තතු තුල පහත සදහන් මලලගමගේ ප්‍රචාරය දැන දැන ම ඉවසා සිටීම නො නවතින විප්ලවය පාවා දීමකි.“ 

එල්ටීටීඊ වාර්ගික බෙදුම්වාදී ව්‍යාපාරය අවසන් විග්‍රහයේ දී සමසමාජ පාවා දීමේ ප්‍රතිඵලයක් ය යන පාඩම සමසමාජ පක්ෂයට එල්ලවන චෝදනාවකට වඩා බෙහෙවින් ම වැඩි දෙයකි.එය, ට්‍රොට්ස්කිවාදයට මුහුන දීමට සිදු වූ චෝදනාවක් වන අතර ලෝක කම්කරු පන්තියේ ජීවිතය සමග එක එලලේ ම බැදී ගත්, අමතක කල නො හැකි ඓතිහාසික, න්‍යායික,දේශපාලනික ප්‍රශ්න ඉස්මතු කල සිද්ධියකි. 

කම්කරු පන්තිය තුල මුල් බැස ගෙන පැවති සමසමාජ පක්ෂය- ට්‍රොට්ස්කිවාදී පක්ෂයක් ධනපති ආන්ඩුවකට ඇතුලු වූ ප්‍රථම අවස්ථාව සටහන් කරමින්- පීඩිත ජාතියට එරෙහි වාර්ගික, ආගමික ව්‍යවස්ථාවක් නිර්මානය සදහා මූලිකත්වය ගැනීමෙන්, පීඩිත දෙමල ජාතිය කම්කරු පන්තියෙන් විරසක කිරීමට කොන්දේසි නිර්මානය කලා පමනක් නො වේ.විප්ලවවාදී,සමාජවාදී කම්කරු පන්තියේ හා තරුනයන්ගේ පරම්පරාවක් නො නවතින විප්ලවයේ ක්‍රියා මාර්ගයට එරෙහිව පිහිටුවීමට ද කොන්දේසි නිර්මනය කලේ ය.දෙමල කතා කරන පීඩිත ජනයාගේ ප්‍රජාතන්ත්‍රීය අයිතියක් ලෙස සවයං නීරනය පිලි ගැනීම පිලිබද කරුන මෙම ඓතිහාසික වරද විසින් ද අප මත විශේෂයෙන් අවධාරනය කරනු ලැබ ඇති බව මගේ වැටහීම යි. 

උක්ත සංවාදයේ දී මෙම පදනමේ පිහිටා මම ආරක්ෂා කලේ,මවිසින් පටහැනි වනු ලැබුනේ යයි ඔබ විසින් කියනු ලබන 30-4-5-6 ඡේදවල ආස්ථාන ය.

නිදසුන් ලෙස 30-4 හි සදහන් වන මෙම ආස්ථානය මගේ ප්‍රකාශය සමග මොනම පරස්පරයක්වත් නැති බව පෙන්වා දිය හැකි ය.  “…ජාතිකවාදයේ නව රූපය, සූරා කන්නන්ගේ යහපත සදහා, පවත්නා රාජ්‍යයන් බෙදා වෙන් කිරීමේ එල්ලය ඇතිව ජනවාර්ගික,භාෂාමය සහ ආගමික පිලිවෙත් දිගේ බෙදුම්වාදය වගා කරයි.මෙවන් ව්‍යාපාර අධිරාජ්‍යවාදයට එරෙහි අරගලයත් සමග ගෑවීවත් නැත.ඒවා මොන ම අර්ථයකින් හෝ පීඩිත මහජනතාවගේ ප්‍රජාතන්ත්‍ර අභිලාශයන් අන්තර්ගත කරගන්නේ නැත.ඒවා කම්කරු පන්තිය බෙදීමට ද පන්ති අරගලය ජන වාර්ගික ප්‍රජා ගනවාදී යුද්ධවලට අපසරනය කිරීමට ද උදව් වේ.කම්කරු පන්තිය ඒකාබද්ධ කිරීමේ අවශ්‍යතාව මුල කරගෙන ජාත්‍යන්තර කමිටුව අවධාරනය කලේ,ජාතික බෙදුම්වාදී ව්‍යාපාරයන්ගේ බෝවීම කෙරෙහි ද,වෙනම ධනේශ්වර රාජ්‍යයන් තැනීම යුක්තිසහගත කිරීම සදහා ඔවුන් හුවා දක්වන ‘ස්වයං නීර්න අයිතිය‘කෙරෙහි ද විවේනාත්මක පමනක් නොව සතුරු වන ආකල්පයක් පවා ගත යුතු බව යි.

30-5 සදහන් කරන පරිදි “මහජනතාවට ම මෙවන් සංසිද්ධියකින් ලබා ගත හැක්කේ නො නවතින ජනවාර්ගික ලේ වැගිරීම්වලින් හා උග්‍ර කෙරුනු සූරා කෑමෙන් පමනක් යුක්ත අනාගතයක් පමනි” 

30-6 “ජාත්‍යන්තර කමිටු සාකච්ඡාවේ කොටසක් ලෙස විකොස නිගමනය කලේ, ප්‍රායෝගික දේශපාලන අර්ථයෙන් ගත් කල, එල්ටීටීඊයේ ජාතික බෙදුම්වාදී ව්‍යාපෘතියට සහාය දීම හැටියට පමනක් අර්ථ ගැන්විය හැකි “දෙමල ජනතාවගේ සවයං නීර්නය” අයිතියට සහාය දීම, තව දුරටත් කිසිදු ප්‍රගතිශීලී අරථයකින් තොර දෙයක් බවයි.” නමුත් “විකොස, දිවයිනේ එක්සත්කම මිලිටරි බලය යොදා බලහත්කාරයෙන් පවත්වාගෙන යාමේ ශ්‍රී ලංකා ආන්ඩුවේ උත්සාහයන්ට සම්මුති විරහිතව විරුද්ද වීමේ සිය පිලිවෙත දිගටම ගෙන ගියේ ය.” 

මෙහි කලු අකුරින් අවධාරනය කරන ‘ස්වයං නීර්න‘ අයිතියට ඉතා පැහැදිලිව සතුරු ආකල්පයක් මවිසින් ප්‍රකාශයට පත් කෙරුනු බව ගැන මම විශ්වාසයෙන් පසු වෙමි. මෙහි අවසන් වාක්‍යය පවසන පරිදි “කොන්දේසි විරහිතව උතුරින් හා නැගෙනහිරින් සන්නද්ධ හමුදා ඉවත් කිරීම සදහා විකොසෙහි ඉල්ලීම,වෙනම ඊලමක් සදහා සහයෝගය දීමක් ඇගවුම් නො කලේ ය.ඒ වෙනුවට,දෙමල ජනතාවට එරෙහි මිලිටරි මැඩලීම කෙරෙහි විරෝධ දැක්වීමේ දී විකොස අපේක්ෂා කලේ ශ්‍රී ලංකා ඊලාම් සමාජවාදී සමූහාන්ඩුවක් සදහා වූ විප්ලවවාදී අරගලයක් තුල කම්කරු පන්තිය හා පීඩිත ජනතාවන් එක්සත් කිරීම ය.“ මෙහි අදහස වන්නේ කම්කරු පන්ති ආඥාදායකත්වය සදහා අරගලය පීඩිත ජාතීන්ගේ සවයං නීර්නය ඇතුලු ප්‍රජතනතවාදී අයිතීන් පිලි ගැනීමේ පදනමේ ගොඩ නගන එකමුතුවෙන් සිදු කරන බව ය.

සසප පීඩිත ජාතීන්ගේ සවයං නීර්නය අයිතිය වෙනුවෙන් පෙනී සිටින්නේ නැතැයි එහි සියලු අත්‍යවශ්‍ය විශේෂන පද ගලවා ඉවත් කර නිවේදනය කිරීම මෙම ඉදිරි දර්ශනයෙන් මතු කෙරෙන කම්කරු පන්තියේ එකමුතුවට හතුරු ය.  

මගේ වැටහීම නම්, ස්වයං නීර්නය සම්බන්ධ ප්‍රශ්නයේ දී සංක්‍රමන ක්‍රියා මාර්ගයේ සංකල්පය අදටත් වලංගු ය. “ ප්‍රජාතන්ත්‍රවාදී ක්‍රියා මාර්ගය හුදෙක් ඉවතලෑම කල නො හැකි ය.මහජනතාවන් අරගලය තුල දී එය ඉක්මවා යාම අනිවාර්ය වේ. ජාතික (හෙවත් ආන්ඩුක්‍රම සම්පාදක) මන්ඩලයක් සදහා සටන් පාඨය චීනය හා ඉන්දියාව වැනි රටවල සම්පූර්න බලයෙන් යුතුව වලංගු වේ. මෙම සටන් පාටය ජාතික විමුක්තිය හා කෘෂක ප්‍රතිසංස්කරනය පිලිබද ගැටලුව සමග අවියෝජනීය ලෙස බද්ධ කල යුතු වේ. මුල් පියවරක් ලෙස කම්කරුවන් මෙම ප්‍රජාතන්ත්‍රවාදී ක්‍රියා මාර්ගයෙන් සන්නද්ධ කල යුතු ය.” (ධනවාදයේ මර ලතෝනිය හා හතර වන ජාත්‍යන්තරයේ කර්තව්‍යයෝ)

“ සත්‍ය නම්, ‘ස්වයං නීර්නයේ’ -ජාතික පීඩනය මුලිනුපාටා දැමීම- අත්‍යවශ්‍ය ප්‍රගතිශීලී අන්තර්ගතය සාක් ෂාත් කර ගත හැකි වන්නේ ශ්‍රී ලංකා ඉලාම් සමාජවාදී සමූහාන්ඩුව සදහා වන සසප වැඩපිලිවෙල මගින් පමනි” (ICFI-1998) 

“පලමු වන ලෝක යුද්ධයේ පිපරිම ජාතික සාදකයන් මත ජාත්‍යන්තර තත්වයේ ප්‍රමුඛභාවය ට්‍රොට්ස්කිගේ අවධානය සනාත කලේ යයි” පෙන්වා දෙමින් ඩේව් සහෝදරයා මෙසේ සදහන් කලේ ය. “ සාරාර්ථ වසයෙන් අදිරාජ්‍යවාදී යුද්ධය සලකුනු කලේ ලෝක ධනවාදයේ නිෂ්පාදන බලවේග යල් පිනූ ජාතික රාජ්‍ය සමග සාමාකාමී සමහන් කිරීමේ නො හැකියාව යි. දියුනු හා පසුගාමී යන දෙපාර්ශවයේ ම රටවල කම්කරු පන්තිය පොදු උභතෝකෝටික ප්‍රශ්නයකට මුහුන දුන්නේ ය: මනුෂ්‍ය සමාජයේ සියලු ම අති මූලික ප්‍රශ්නවලට විසදුම් ලෝක ආර්ථිකයේ වර්ධනයේ මට්ටමෙන් ද ජාත්‍යන්තර විප්ලවවාදී අරගලයේ මාධ්‍ය තුලින් ද සොයා ගත යුතු විය” (නො නවතින විප්ලවය, සමාජවාදී ජාත්‍යන්තරයක් සදහා සටන 1993)

“ට්‍රොට්ස්කි මෙම ප්‍රශනය ගැන සුපැහැදිලිව විවාද කලේ ය. සවයං නීර්නය පිලිබද ඉල්ලීම තවමත් ප්‍රගතිශීලී අන්තර්ගතයක් දරා පැවති වර්ගයක බෙදුම්වාදී ව්‍යාපාරයකට සහාය දීමට මාක්ස්වාදී පක්ෂ බෑදී නැත. ඔහුගේ ජීවිත කාලය තුලදී පවා එම ඉල්ලීම සමාජවාදී ක්‍රියා මාර්ගයක පදනම මත කම්කරු පන්තියේ එකමුතුව තහවුරු කිරීමට ඉහලින් පිහිටියේ නැත. සවයං නීර්නය සදහා ඉල්ලීමේ එදා ද අද ද මාක්ස්වාදය හා ජාතිකවාදය සම්මුති ගැසීමක් සලකුනු වූයේ නැත. අන් සියල්ලටමත් වඩා ඔනෑම වර්ගයක බෙදුම්වාදී ව්‍යාපාරයකට සහාය දීමට මාක්ස්වාදී පකෂය බැදී නැත.” (එම)

ට්‍රොට්ස්කි පවසන පරිදි “අපගේ ග්‍රහ ලෝකයේ සියලු ජාතීන්ගේ වර්ධනයේ සැබෑ හා කල්පවතින නිදහස තහවුරු කල හැක්කේ ලොක නිර්ධන පන්තිය විසින් බලයා අල්ලා ගැනීමෙන් පමනි” (එම)

“සමාජවාදීන් සදහා නම් දෙන ලද රාජ්‍යක සීමාවන් තුල රැදෙන ලෙස ජාතික සුලුතරයන්ට බල කිරීම පිනිස රාජ්‍ය බලහත්කාරය භාවිත කරනු ලැබීමට එරෙහි නො වන්නේ නම් සවයං නීර්නය යන්න අර්ථ විරහිත ය. මෙය මෙම සියවසේ අරම්භයේ දී මෙම ඉල්ලීම මතු කරනු ලැබූ විට එහි පැවති අත්‍යවශ්‍ය ප්‍රජාතන්ත්‍රික අන්තර්ගතය වූ අතර අදත් එය එලෙසම පවතී” (මාක්ස්වාදය අවස්ථාවාදය සහ බෝල්කන් අර්බුදය-1994 පිටුව 70)

ධනේශ්වර නිෂ්පාදනයේ පෙර නො වී විරූ භූගොලීය ඒකාග්‍රකරනය ජාතික ප්‍රශ්නයට අදාල ප්‍රධාන ප්‍රවනතා දෙකක් මුදා හලේ ය. 

1. පැරනි ජාතිකවාදී පාලන තන්ත්‍ර ලාභ ශ්‍රමය හා අසීමිත සූරා කැමේ සියලු සාධක සම්පාදනය කිරීම මගින් භූගොලීය ව සංචරනය වන ප්‍රාග්ධනය ආකර්ශනය කර ගැනීම;
2. විදේශ නය ගෙවීම සදහා වෙන් කෙරෙන ස්වභාවික සම්පතත් සහ කර්මාන්ත පිහිටි ප්‍රදේශවල මෙන් ම අන්තර් ජාතික ප්‍රවාහන සඛ්‍යතා, පොදු කර්ය ව්‍යුහයේ සහ ලාභ ශ්‍රමය සහිත ප්‍රදේශවල පාලක කල්ලි මෙතෙක් පැවති ආන්ඩුවල බලපෑමෙන් වෙන් වී තමන් ම විදේශීය ප්‍රාග්ධනය සමග ජාවාරම් කර වැඩි ලාභ  ලැබීම සදහා බෙදුම්වාදය පෙරට දැමී ය.

මෙම ප්‍රවනතාවන්ට එරෙහි අපගේ අරගලය කම්කරු පන්තියේ විප්ලවවාදී නායකත්වය යටගේ සියලු ජාතීන් බලමුලුගැන්වීම වන අතර ජාතික ප්‍රශ්නය නො තකා එම අරගලය සාක්ෂාත් කල හැකි පහසු මගක් නැත.

මා දැන් කිව යුත්තේ ජාතික ප්‍රශ්නයක් කියා විශෙෂ යමක් නැත යන ආකල්පයකින් ඔබ වැඩ කරමින් සිටින බවයි. සියලු මහජනයා මුහුන දී සිටින්නේ ධනවාදයේ අර්බුදයට ය යන කරුන, එහි පරස්පර විරෝධයන් ඉවත ලා, ඔබ, අර්ථකථනය කර ගනී. මෙය අපොහකයට එරෙහි තත්කාර්යවාදී පිලවෙතකට ඔබ මෙහයවයි. එය කම්කරු පන්තියේ පිලිවෙත නො වේ. 

ඔබේ චොදනා පත්‍රයට අදාලව පැහැදිලි පිලිතුරක් මෙයින් සම්පාදනය වී ඇතැයි සිතමි.ප්‍රශනයේ මූලයන් වටහා ගැනීම සදහා අප සාමූහිකව උත්සාහ කල යුතු ව ඇත. ඒ සදහා යොමු වන මෙම ලිපියේ සෙසු කොටස් ඉදිරි සති දෙක තුල ලබා දීමට කටයුතු කරමි. 

සහෝදරත්වයෙන්,

නන්දන නන්නෙත්ති

06.12.2021

 #theSocialistLK

බෙන් මැක්ග්‍රාත් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 මැයි මස 08 දින Japanese, South Korean leaders meet ahead of G7 summit in Hiroshima යන සිරසින් යුතුව පලවූ බෙන් මැක්ග්‍රාත් සහෝදරයා විසින් ලියන ලද ලිපියේ සිංහල පරිවර්තනය යි. පරිවර්තනය කිත්රුවන් මොලදණ්ඩ විසිනි.

ජපාන අගමැති ෆුමියෝ කිෂිඩා ඉරිදා සෝල් නුවරදී දකුණු කොරියානු ජනාධිපති යූන් සුක්-යෙයෝල් හමුවිය.  එක්සත් ජනපදය විසින් මෙහෙයවනු ලබන චීනය සමඟ යුද්ධය ගොඩනැගීමේ කොටසක් ලෙස නායකයින් දෙදෙනා සහයෝගීතාව වර්ධනය කර ගනිමින් සිටී. කිෂිඩාගේ දෙදින සංචාරය ටෝකියෝවේ දී යූන් හමුවීමෙන් මාස දෙකකටත් අඩු කාලයකට පසුව සිදු වූ අතර වසර 12 කට පසු ජපාන අගමැතිවරයෙකු විසින් දකුණු කොරියාවට ගිය පළමු ද්විපාර්ශ්වික සංචාරය වේ.

ඒකාබද්ධ ප්‍රකාශයක් නිකුත් නොකරන අතරම, නායකයන් දෙදෙනා උතුරු කොරියාව “දකුණු කොරියාවේ සහ ජපානයේ පමණක් නොව සමස්ත ලෝකෙය්ම සාමයට සහ ආරක්ෂාවට බරපතල තර්ජනයක්” ලෙස හෙලා දකිමින් සමීප මිලිටරි සහයෝගීතාව සාධාරණීකරණය කිරීමට අවස්ථාව යොදා ගත්හ. චීනය සහ රුසියාව ගැන සඳහනක් කරමින් කිෂිඩා කියා සිටියේ, “අප වටා ඇති ජාත්‍යන්තර තත්ත්වය මත ජපානය සහ දකුණු කොරියාව අතර සහයෝගීතාව වඩ වඩාත් අත්‍යවශ්‍ය කරයි” යනුවෙනි.

පිටට පෙන්වන ඉලක්කය උතුරු කොරියාව වූවද, ටෝකියෝ සහ සෝල් , චීනය සමඟ යුද්ධය සූදානම් සූදානම් කිරීම සඳහා එක්සත් ජනපදය සමග එකමුතුව ක්‍රියා කරයි. යූන් ඉරිදා ප්‍රකාශ කළේ, “ජාත්‍යන්තර ප්‍රජාවේ සාමය සහ සමෘද්ධිය සඳහා පදනමක් ලෙස සේවය කර ඇති ලිබරල් ප්‍රජාතන්ත්‍රවාදය තර්ජනයට ලක්ව ඇති තත්වයක් තුළ, විශ්වීය වටිනාකම් බෙදාහදා ගන්නා දකුණු කොරියාවට සහ ජපානයට ශක්තිමත් සහයෝගීතාවයකින් යූතුව කටයුතු කිරීමට සිදුවනු ඇති.” බවයි.

දකුනු කොරියාව සහ ජපානය “විශ්වීය වටිනාකම්” බෙදාහදා ගන්නා බවට වන ප්‍රකාශය, “ජාත්‍යන්තර පර්යාය” උඩු යටිකුරු කරන බවට නිතිපතා චෝදනාවට ලක් කරනු ලබන චීනය හා රුසියාව සමග ආසියා-පැසිෆික් කලාපයේ වර්ධනය වෙමින් පවතින යුද සන්ධාන, පරස්පර (contrast-විසංසන්දනය) කිරීමට අදහස් කරයි. යථාර්ථයේ දී, එක්සත් ජනපදය, එහි සහචරයින්ගේ පිටුබලය ඇතිව, විශේෂයෙන් ම තායිවානය සම්බන්ධයෙන්, “එක් චීනයක්” ප්‍රතිපත්තියට අභියෝග කරමින් සහ එම දිවයින යුද්ධ අවදානමට ලක් කරමින්, බීජිනය සමඟ කලාපයේ ආතතීන් තියුනු ලෙස ඉහළ නංවා ඇත.

කිෂිඩා, සෝල් වෙත “වැඩ-සංචාරය” සිදු කරනු ලබන්නේ, මැයි 19 සිට 21 දක්වා, හිරෝෂිමා හි පැවැත්වීමට නියමිතව ඇති G7 සමුලුවටට ආසන්නයේදීය. මෙම සමුළුවේ දී, ජපානය, යුක්රේනයේ රුසියාවට එරෙහි එක්සත් ජනපද/නේටෝ යුද්ධයට දැඩි අවධාරනයක් තබමින් සහ චීනය සමග ගැටුම අවුලුවාලීමට සැලසුම් කරමින් සිටී .   ජපානය දකුනු කොරියාවට ආරාධනා කිරීමත් සමග, කිෂිඩා-යූන් සමුළුවේ ඉලක්කය, පාර්ශ්වීය ව, ඉදිරියේදී පැවැත්වෙන තුන්දින රැස්වීමේදී දෙදෙනාම එකම මතයක පිහිටා සිටීම සහතික කිරීම බවට සැකයක් නැත.

G7 සාමාජිකයින්ට සහ දකුණු කොරියාවට අමතරව, අනෙකුත් ආරාධිත සහභාගිවන්නන් අතර ඉන්දියාව, ඕස්ට්‍රේලියාව, බ්‍රසීලය, වියට්නාමය සහ ඉන්දුනීසියාව ඇතුළත් වේ.  ඕස්ට්‍රේලියාව, විශේෂයෙන්, චතුරස්‍ර ආරක්ෂක සංවාදයේ (QUAD-එක්සත් ජනපදය, ජපානය, ඕස්ට්‍රේලියාව සහ ඉන්දියාව) සහ ඔ්කස් ගිවිසුම (AUKUS- ඕස්ට්‍රේලියාව, එක්සත් රාජධානිය සහ එක්සත් ජනපදය) යන දෙකෙහිම සාමාජික රටක් වන අතර වඩාත් ආක්‍රමණශීලී ලෙස චීනය සමඟ ආතතීන් අවුලුවා ගෙන ඇත.

තවද, මෙම යුද ප්‍රයත්නවල කොටසක් ලෙස ටෝකියෝ සහ සෝල් සබඳතා වැඩිදියුණු කර ගනිමින් සිටී. දකුණු කොරියාවේ, ටර්මිනල් හයි ඇල්ටිටියුඩ් ඒරියා ඩිෆෙන්ස් බැටරියක් (Terminal High Altitude Area Defense battery  -THAAD) සහ ජපානයේ රේඩාර් පද්ධති ඇතුළත් කලාපය තුළ එහි බැලස්ටික් මිසයිල නාශක පද්ධතිය ඉදිකිරීමේදී විශේෂයෙන්ම ටෝකියෝ සහ සෝල් අතර සහයෝගීතාවය තීරණාත්මක සේ එක්සත් ජනපදය සලකයි.

කෙසේ වෙතත්, මෑත වසරවලදී, වෙළඳ ආරවුල් සහ 1910 සිට 1945 දක්වා කොරියාව පාලනය කළ ජපන් යටත් විජිත රජය යටතේ බලහත්කාරයෙන් ශ්‍රමයට ගොදුරු වූ කොරියානුවන් සම්බන්ධ අධිකරණ නඩුවක් හේතුවෙන් ජපන් සහ දකුණු කොරියානු සබඳතා පීඩනයට බඳුන්ව තිබුනි. 2018 දී දකුණු කොරියානු ශ්‍රේෂ්ඨාධිකරණය මිට්සුබිෂි බැර කර්මාන්ත (Mitsubishi Heavy Industries) සහ නිපෝන් වානේ ( Nippon Steel) යන ජපන් සමාගම් වලට නියෝග කළේ  විපතට පත් වූවන්ට වන්දි ගෙවන ලෙසයි.  

ටෝකියෝවෙන් හෝ සමාගම්වලින් කිසිදු සම්බන්ධයකින් තොරව බලහත්කාර ශ්‍රම වින්දිතයින්ට ගෘහස්ථ අරමුදලකින් වන්දි ගෙවන බව ඔහුගේ ආන්ඩුව ප්‍රකාශ කිරීමත් සමඟ යූන් මාර්තු මාසයේදී ද්විපාර්ශ්වික සබඳතා වඩා යහපත් වීමට මග පෑදීය. එම මාසයේ ටෝකියෝ නුවරදී කිෂිඩාව මුණගැසුණු යූන් පසුව හමුදා තොරතුරු පිළිබඳ සාමාන්‍ය ආරක්ෂා ගිවිසුම (GSOMIA) ලෙස හඳුන්වන බුද්ධි තොරතුරු බෙදාගැනීමේ ගිවිසුමක් “සාමාන්‍යකරණය” කිරීමට එකඟ විය. වොෂින්ටනයට සමගාමීව, ටෝකියෝ සහ සෝල් ද නිතිපතා ත්‍රෛපාර්ශ්වික මිසයිල සහ සබ්මැරීන් නාශක අභ්‍යාස පැවැත්වීමට එකඟ වී ඇත.

යූන්ගේ වොෂින්ටන් සංචාරය සහ එක්සත් ජනපද ජනාධිපති ජෝ බයිඩන් සමඟ ඔහුගේ සමුළුව ගැන ද, යූන් සහ කිෂිඩා සාකච්ඡා කළහ. ද්විපාර්ශ්වික න්‍යෂ්ටික උපදේශක කණ්ඩායම (NCG) ස්ථාපිත කරමින්, එක්සත් ජනපද න්‍යෂ්ටික අවි ගබඩාව සම්බන්ධයෙන් එක්සත් ජනපදය හා දකුනු කොරියාව අතර සහයෝගීතාවය සහ සැලසුම් වැඩි කරන ඊනියා “වොෂින්ටන් ප්‍රකාශනය” ජනාධිපතිවරුන් දෙදෙනා අප්‍රේල් 26දා නිවේදනය කළහ. සන්ධානය තුළ න්‍යෂ්ටික අවි සම්බන්ධ ගැටළු සඳහා වන ප්‍රමුඛ ආයතනය වන නේටෝවේ න්‍යෂ්ටික සැලසුම් සමූහයට අනුව NCG ආකෘතිය සකස් කර ඇත.

අනාගතයේදී ජපානය කණ්ඩායමට එක්වීම සම්බන්ධයෙන් තමාට කිසිදු ගැටළුවක් ඇති නොවන බව යූන් කලින් ප්‍රකාශ කර තිබුණි.  ඔහු ටෝකියෝවේ සහභාගීත්වය ප්‍රතික්ෂේප නොකරන බව පවසමින් ඔහු ඉරිදා මෙම ප්‍රකාශය නැවත අවධාරණය කළේය.  යූන් ප්‍රකාශ කළේ, “වොෂින්ටන් ප්‍රකාශය අවසන් කර නොමැති අතර ඒකාබද්ධ සැලසුම් කිරීම සහ ක්‍රියාත්මක කිරීම පිළිබඳ විස්තර පිරවීම සඳහා අපි දිගටම සාකච්ඡා කළ යුතුය .  සාකච්ඡාව සාර්ථකව පවත්වාගෙන යන විටවිට  සහ ජපානය මේ කාරණය සම්බන්ධයෙන් එක්සත් ජනපදය සමඟ සහයෝගයෙන් කටයුතු කිරීමට සූදානම් වූ පසු, අපට ඕනෑම වේලාවක (ජපානය සමඟ) සහයෝගයෙන් කටයුතු කළ හැකිය.” යන්නයි.

මීට අමතරව, වොෂින්ටන් ප්‍රකාශනයේ කොටසක් ලෙස, එක්සත් ජනපදය ඉක්මනින්ම ඔහායෝ පන්තියේ න්‍යෂ්ටික බලැති බැලස්ටික් මිසයිල සබ්මැරීනයක් දකුණු කොරියාවට යැවීමට අදහස් කරයි.  ස්ථාපිත භාවිතයට අනුකූලව, සබ්මැරීනය පැමිණෙන විට එය න්‍යෂ්ටික අවි රැගෙන යනු ඇත්ද යන්න වොෂින්ටනය තහවුරු කර හෝ ප්‍රතික්ෂේප කර නැත.  සබ්මැරීනය පැමිණෙන දිනයක්ද එක්සත් ජනපදය විසින් ප්‍රකාශයට පත් කර නැත.  ආතතීන් සහ න්‍යෂ්ටික යුද්ධයේ අන්තරාය තියුනු ලෙස ඉහල නංවමින්, අනාගතයේ දී මෙම ආකාරයේ යෙදවීම් වඩාත් නිතර නිතර සිදු කෙරෙනු ඇති බවට යූන් සහ බයිඩන් එකඟ වූහ.

වැඩි දියුණු කරන ලද සබ්මැරීන සහ මිසයිල අභ්‍යාස හරහා හෝ ටෝකියෝව NCG හා සම්බන්ධ වීමෙන් ජපානයේ මැදිහත්වීම මගින් අදහස් වන්නේ, එයට එරෙහිව භාවිතා කරන ලද පරමාණු බෝම්බ දෙකක් ඇති  එකම රට,  කලාපය තුළ එක්සත් ජනපද න්‍යෂ්ටික අවි යෙදවීම තුල  එහි භූමිකාව තවදුරටත් වර්ධනය කරනු ඇති බවයි. ජපානයේ හිටපු අගමැති සහ චීන විරෝධී යුධකාමී  ෂින්සෝ අබේ 2022 පෙබරවාරි මාසයේදී එක්සත් ජනපද න්‍යෂ්ටික අවි සඳහා සත්කාරකත්වය සැපයීම සම්බන්ධයෙන් ජපානය තුල විවාදයක් ආරම්භ කළ බව සැලකිය යුතු කරුණකි.

හිරෝෂිමා හි G7 සමුළුව පැවැත්වීමෙන් ටෝකියෝ මෙම යථාර්ථය එහි හිස මත මුනින් හරවයි. සමුලුවේ වෙබ් අඩවියට අනුව, G7 හි “මිලිටරි ආක්‍රමණ, න්‍යෂ්ටික අවි පිලිබඳ ඕනෑම ආකාරයක තර්ජන, මෙන්ම ජාත්‍යන්තර පර්යාය පෙරලා දැමීමේ උත්සාහයන් නිශ්චිතවම ප්‍රතික්ෂේප කිරීමට ඇති දැඩි අධිෂ්ඨානය” පෙන්වීම සඳහා ආන්ඩුව එහි ස්ථානය ලෙස හිරෝෂිමාව තෝරා ගත්තේය. එය කියා සිටින්නේ “ජී 7 නායකයින් න්‍යෂ්ටික අවි භාවිතයේ යථාර්ථයන් සමඟ දැන හඳුනා ගෙන සාමය සඳහා ඔවුන්ගේ ආශාව බෙදා හදාහදා ගනු ඇත. ජපානය බලාපොරොත්තු වන්නේ එය, න්‍යෂ්ටික අවිවලින් තොර ලෝකයක් සාක්ෂාත් කර ගැනීමේ පියවර ශක්තිමත් කරනු ඇති බවයි.”

 1945 හිරෝෂිමාවට පරමාණු බෝම්බ හෙලීමේ එක්සත් ජනපද අධිරාජ්‍යවාදයේ බිහිසුණු අපරාධය ටෝකියෝව කුහක ලෙස ගසාකන්නේ එක්සත් ජනපද සහ ජපන් අධිරාජ්‍යවාදය සහ දකුණු කොරියාව වැනි ඔවුන්ගේ සහචරයින් විසින් සූදානම් කරන නව අපරාධ වසන් කිරීමට ය. කිෂිඩා-යූන් සමුලුව මෙන්ම එලඹෙන G7 සමුලුව යන දෙකේම වඩාත් සමීප සහයෝගීතාවයේ ප්‍රතිඵලය,   රුසියාවට එරෙහි යුද්ධය සහ චීනය සමග සැලසුම්ගත ගැටුම වේගවත් කිරීම සඳහා පමණක් වනු ඇත.මේ කරුණු දෙකම න්‍යෂ්ටික අග්නි ජාලාවක් ඇවිලවීමට  තුඩු දීමේ  හැකියාව පවතී.

#theSocialistLK #WSWS

ඇන්ඩෘ ඩැමන් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 මැයි 10 දින NATO powers move to send long-range missiles to Ukraine යන සිරසින් යුතුව පලවූ ඇන්ඩෘ ඩැමන් සහෝදරයා විසින් ලියන ලද ලිපියේ සිංහල පරිවර්තනය යි. පරිවර්තනය කිත්රුවන් මොළදණ්ඩ විසිනි. 

ක්‍රිමියාවට පහර දීමේ හැකියාව ඇති දිගු දුර මිසයිල යුක්රේනයට යැවීමට බ්‍රිතාන්‍යය සූදානම් වන බව අඟහරුවාදා එක්සත් රාජධානියේ ආරක්ෂක නිලධාරියෙක් වොෂින්ටන් පෝස්ට් වෙත සහතික කළේය.

වොෂින්ටන් පෝස්ට් වෙත අදහස් දැක්වූ එම  බ්‍රිතාන්‍ය නිලධාරියා මෙම ක්‍රියාව අනෙකුත් නේටෝ සාමාජිකයින්ට ද තමන්ගේ ම දිගු දුර මිසයිල යුක්‍රේනයට ලබා දීමට පසුබිම සකසන බව පෙන්වා දුන්නේ ය.

“එය එක්සත් රාජධානියට අසාමාන්‍ය ලෙස කළ හැකි දෙයකි… අපි යමක් ලබා දෙන්නේ නම් එය අන් අයට තරමක් පහසු වන බව අපි දනිමු,” ඔහු පැවසීය.  “විවිධ රටවල් අතර නියත වශයෙන් ම වෙනස්වූ අවදානම් දරා ගැනීමක් තිබේ.  අපි හැම විට ම ආරම්භකත්වය ගෙන සිටිමු. ”

“බ්‍රිතාන්‍යය යුක්රේනයට දිගු දුර මිසයිල සැපයීමේ අපේක්ෂාව ගැන විමසූ විට පෙන්ටගනයේ නිලධාරීන් කිසිදු සැලකිල්ලක් නොදැක්වූ බව” පෝස්ට් සඳහන් කළේ ය.

මෙම නිවේදනයේ අදහස වන්නේ  එක්සත් ජනපදය විසින් දිගු දුර ATACMS මිසයිල සැපයීම සහ එසේම එක්සත් ජනපදය විසින් දීර්ඝ කාලයක් තිස්සේ සූදානම් වෙමින් සිටි  F-16 ප්‍රහාරක ජෙට් යවන බවට කල නිවේදනය සඳහා මග හෙලි කර ගැනීමයි.  

එක්සත් ජනපදයේ ප්‍රධාන මිත්‍රයාගේ මෙම පියවර, නේටෝ නිලධාරීන් මෑතකදී කොන්දේසි විරහිතව බැහැර කළ තවත් ක්‍රියාවක් සලකුනු කරයි.

මැයි මාසයේදී එක්සත් ජනපද ජනාධිපති ජෝ බයිඩන්, “අපි රුසියාවට පහර දෙන රොකට් පද්ධති යුක්‍රේනයට යැවීමට සැරසෙන්නේ නැත.” යි නිශ්චිතවම ප්‍රකාශ කළේ ය.

කෙසේ වෙතත්, ක්‍රිමියාවට පහර දීමට එක්සත් රාජධානියේ ආයුධ පද්ධති භාවිතා කරන බව පෝස්ට් පැහැදිලි කළේ ය. “යුක්රේන පාලනය යටතේ පවතින භූමිය සහ ක්‍රිමියාවේ විශාලතම නගරය සහ රුසියාවේ කළු මුහුදේ බලඇණියේ මූලස්ථානය වන සෙවාස්ටොපෝල් අතර දුර, “Storm Shadow” දිගු දුර මිසයිලයේ පරාසය තුළ පවතී”.

එක්සත් රාජධානියේ නිවේදනය, යුක්රේනයට ප්‍රධාන යුද ටැංකි 200කට අධික ප්‍රමාණයක් යැවීමට මේ වසර මුල දී නේටෝ බලධාරීන් විසින් ගනු තැබූ තීරණයේ ස්වභාවයක් අනුගමනය කරයි. 2022 මාර්තු මාසයේදී බයිඩන් විසින් යුක්රේනයට යුධ ටැංකි යැවීම වීම බැහැර කරන ලදී:

අපි ප්‍රහාරාත්මක උපකරණ යැවීමට සූදාවම් වනවා ය යන අදහස සහ ඇමරිකානු ගුවන් නියමුවන් හා ඇමරිකානු කාර්ය මණ්ඩලය සමඟ ගුවන් යානා , යුධ ටැංකි සහ නැව් කණ්ඩායම් සමග පිවිසීම යන අදහස තේරුම් ගන්න – ඔබ ඔබම සුළු කොට නොතකන්න , ඔබ සියල්ලන්ම කුමක් කීවත්  ප්‍රශ්නයක් නැත – එය ‘ III වන ලෝක යුද්ධය’ ලෙස හැඳින්වේ.’

ජූනි මාසයේදී ප්‍රංශ ජනාධිපති එමානුවෙල් මැක්‍රොන්, “අපි යුද්ධයට අවතීර්ණ නොවෙමු… මේ අනුව, ප්‍රහාරක ගුවන් යානා හෝ යුද ටැංකි ඇතුළු ඇතැම් ආයුධ සැපයීම නොකිරීමට එකඟ වී ඇත යි ප්‍රකාශ කළේ ය.”

එක්සත් රාජධානිය විසින් Challenger යුධ  ටැංකි [ තුන්වන පරම්පරාවට අයත් නවීනතම යුධ ටැංකි වර්ගයක් ] යවන බව ප්‍රකාශ කිරීමෙන් පසු, මැක්‍රොන් ට්විටර් හි ප්‍රකාශ කළේ, යුක්රේනයට “ප්‍රංශය සැහැල්ලු සටන් ටැංකි සපයනු ඇත” යනුවෙනි.  දින කිහිපයකට පසු, ජර්මනිය සහ එක්සත් ජනපදය යන දෙකම ඔවුන්ගේම ප්‍රධාන යුද ටැංකි වන පිලිවෙලින් Leopard 2 සහ Abrams යුක්‍රේනයට යවන බව නිවේදනය කළහ.

එක්සත් ජනපදය ක්‍රිමියානු අර්ධද්වීපයේ ප්‍රහාර සෘජුවම අනුමත කිරීම සහ පහසුකම් සැලසීම දෙසට ක්‍රමානුකූලව ගමන් කර ඇත.

සැතපුම් සියගණනක් ගැඹුරට පහර දිය හැකි ATACMS යුධෝපකරණ ලබා නොදී එක්සත් ජනපදය HIMARS දිගු දුර මිසයිල ලෝන්චර යවන බව මැයි මස දී බයිඩන් නිවේදනය කළේය.

 HIMARS සඳහා එතෙක් සපයා තිබූ යුධෝපකරණවල පරාසය දෙගුණ කරමින් යුක්රේනයට බිම දියත් කරන ලද කුඩා විෂ්කම්භ බෝම්බය (GLSDB) යවන බව ජනවාරි මාසයේදී එක්සත් ජනපදය නිවේදනය කළේය.

 පෙබරවාරියේදී, දේශපාලන කටයුතු පිලිබඳ එක්සත් ජනපද උප රාජ්‍ය ලේකම් වික්ටෝරියා නුලන්ඩ් ක්‍රිමියාව තුල යුක්‍රේන ප්‍රහාර විවෘතව අනුමත කලාය. “ඒවා නීත්‍යානුකූල ඉලක්ක” නුලන්ඩ් පැවසීය. “යුක්රේනය ඔවුන්ට පහර දෙනවා. අපි ඒකට සහයෝගය දෙනවා.” ඇය පැවසුවාය.

පෙබරවාරියේ, නිව් යෝර්ක් ටයිම්ස් වාර්තා කළේ, ” බයිඩන් පරිපාලනය අවසානයේ පිළිගැනීමට පටන් ගෙන ඇත්තේ, කියෙව් විසින් රුසියානු ආරක්ෂිත භූමියට පහර දෙනු ලැබීම, එවැනි පියවරක් උත්සන්න වීමේ අවදානම වැඩි කළත්, යුක්‍රේනයට බලය අවශ්‍ය විය හැකි බවයි.” “බයිඩන් පරිපාලනය යුක්රේනය, අර්ධද්වීපයට ප්‍රහාර එල්ල කිරීමට උපකාර කරමින් තවමත් එහි නිර්භීතම පියවරක් වනු ඇත්තේ කුමක් දැයි සලකා බලයි.”යනුවෙන් ටයිම්ස් තවදුරටත් සදහන් කළේය.

එලඹෙන “වසන්ත ප්‍රහාරය” සීමිත මිලිටරි ජයග්‍රහණ පමණක් ලබා ගනු ඇති බව පැහැදිලි වෙමින් පවතින හෙයින්, එක්සත් ජනපදය හා නේටෝ බලවත්හු යුද්ධයට සෘජුවම සම්බන්ධ වීම පිලිබදව ඉතිරිව ඇති සියලු සීමා කිරීම් අත්හැරීමට වේගයෙන් ගමන් කරමින් සිටිති.

පසුගිය සතියේ රුසියානු ජනාධිපති ව්ලැඩිමීර් පුටින්ගේ නිල නිවසට ඉහළින් ඩ්‍රෝන යානා දෙකක් පුපුරා ගියේය. ඩ්‍රෝන් ප්‍රහාරයෙන් පසුව, එක්සත් ජනපද රාජ්‍ය ලේකම් ඇන්ටනි බ්ලින්කන් “එය තමන්ව ආරක්ෂා කර ගන්නේ කෙසේද යන්න තීරණය කිරීම අපි යුක්‍රේනයට භාර දෙමු” පවසමින් රුසියානු ජනාධිපතිවරයා ඝාතනය කිරීමේ ඔනෑම උත්සාහයක් බැහැර කිරීම ප්‍රකික්ෂේප කළේය.

මෙම ප්‍රකාශයන් එක්සත් ජනපද දේශපාලන සංස්ථාපිතය ග්‍රහණය කරගෙන සිටින දැවැන්ත නොසැලකිලිමත්කම සහ මංමුලා සහගත බව ගැන කථා කරයි. සමහර විට අද දින දක්වා, රුසියාවට එරෙහි  නේටෝ යුද්ධයක් සඳහා වූ වඩාත්ම විවෘතම  කැඳවීම තුලින් මෙම මනෝභාවය වඩාත් පැහැදිලිව පෙන්නුම් කරනු  ලැබ ඇත්තේ යුදවාදී ඉතිහාසඥ තිමෝති ස්නයිඩර් විසිනි.

 ටයිම්ස් සඟරාවේ ආගන්තුක අදහස් දැක්වීමක “අපි අමතක කරනවා, න්‍යෂ්ටික බලවතුන් යුද්ධ පරාජය කර ඇති බව”, ස්නයිඩර් නිගමනය කරන්නේ, “රුසියානුවන් න්‍යෂ්ටික යුද්ධයක් ගැන කතා කරන විට, ආරක්ෂිතම ප්‍රතිචාරය වන්නේ ඔවුන්ගේ සාම්ප්‍රදායික පරාජය සහතික කිරීමයි.” (පැහැදිලි කිරීමකින් තොරව, සිරස්තලය “පුටින් සටන් කරයි, සහ පරාජය වෙමින් පවතී, ඔහුගේ අවසාන යුද්ධය” ලෙස වෙනස් කරන ලදී.)

 ස්නයිඩර් මැසිවිලි නගමින් කියා සිටින්නේ “ඇමරිකානුවන්ගේ උත්සන්න වීමේ බිය පසුගිය වසරේ යුක්රේනයට ජයග්‍රහණය කිරීමට ඉඩ සලසන ආයුධ සැපයීම ප්‍රමාද කළ බවයි. ඍණාත්මක ප්‍රතිවිපාක නොමැතිව එකින් එක, උත්සන්න විය හැකි යැයි සැලකෙන ආයුධ පද්ධති දැන් ලබා දී ඇත.” බවයි.

රුසියාවේ “පරාජය” ඉල්ලා, ස්නයිඩර් පහත සඳහන් අසාමාන්‍ය ප්‍රකාශය කරයි: “රුසියාවට පසුබසින සොල්දාදුවන් සඳහා කාල කලාප 11 ක් සහ ප්‍රචාරක ප්‍රතිනිර්මාණයන් සඳහා ඕනෑ තරම් ක්‍රියාකාරකම් ඇත.”

න්‍යෂ්ටික සන්නද්ධ රුසියාවේ “පරාජය” සඳහා කැඳවුම් කරමින් ස්නයිඩර් ප්‍රකාශ කරන්නේ, “කිසිදු විකල්පයක් උපද්‍රවවලින් තොර නොවේ” යනුවෙනි. තාප න්‍යෂ්ටික යුද්ධයක දී “අපගේ හිසකෙස් අවුල් නොකරනු ඇතැයි මම නොකියමි” යනුවෙන් “ඩොක්ටර් ස්ට්‍රැන්ජලෝව්” හි ජෙනරාල් “බක්” ටර්ගිඩ්සන් විසින් කරන ලද ප්‍රකාශය ප්‍රතිනිර්මාණය කරයි.

මෙම ප්‍රලාපයන් මතු වූ දිනයේම, නේටෝ මහලේකම් ජෙන්ස් ස්ටෝල්ටන්බර්ග් වොෂින්ටන් පෝස්ට් වෙත සම්මුඛ සාකච්ඡාවක් ලබා දුන් අතර, ගැටුමේ දී නේටෝවේ කේන්ද්‍රීය අරමුන 2014 දී යුක්රේනයට අහිමි වූ ප්‍රදේශ, ප්‍රධාන වශයෙන් ක්‍රිමියානු අර්ධද්වීපය නැවත අත්පත් කර ගැනීම බව ඔහු පැහැදිලි කළේය.

ස්ටෝල්ටන්බර්ග් ප්‍රකාශ කළේ, “යුක්රේනයේ යුද්ධය මූලික වශයෙන් නේටෝව වෙනස් කර ඇත, නමුත් යුද්ධය ආරම්භ වූයේ 2022 දී නොවන බව ඔබ මතක තබා ගත යුතුය. යුද්ධය ආරම්භ වූයේ 2014 දී ය. එතැන් සිට, සීතල යුද්ධයේ අවසානයෙන් පසු, නේටෝව අපගේ සාමූහික ආරක්ෂාවේ විශාලතම ශක්තිමත් කිරීම ක්‍රියාත්මක කර ඇත. ” යනුවෙනි.

ස්ටෝල්ටන්බර්ග් තවදුරටත් මෙසේ පැවසීය: “අපගේ ඉතිහාසයේ පළමු වතාවට, සන්ධානයේ නැගෙනහිර කොටසේ සටන් කිරීමට සූදානම් භටයෝ, පෝලන්තය, ලිතුවේනියාව යන බෝල්ටික් රටවල සිටිති.. ඇත්ත වශයන්ම බෝල්ටික් මුහුදේ සිට කළු මුහුද දක්වා පහළට සටන් කණ්ඩායම් අටක් ඇත. අපගේ හමුදාවන්ගේ ඉහළ සූදානම. ඒ වගේම ආරක්ෂක වියදම් වැඩි කිරීම. 2014 වන තෙක් නේටෝ සහචරයින් ආරක්ෂක අයවැය අඩු කරමින් සිටියහ. 2014 සිට යුරෝපය සහ කැනඩාව පුරා සිටින සියලුම මිත්‍ර රටවල් ඔවුන්ගේ ආරක්ෂක වියදම් සැලකිය යුතු ලෙස වැඩි කර ඇත. තවද අපි අපගේ විධාන ව්‍යුහය නවීකරණය කර ඇත, අපට තවත් ක්‍රියාකාරකම් ඇත. අපි සයිබර් වැනි නව හමුදා වසම් පිහිටුවා ඇත. එබැවින් සමස්තයක් වශයෙන්, මෙය 2014 දී ආරම්භ වූ නේටෝවේ දැවැන්ත පරිවර්තනයකි.

ඔහු තවදුරටත් පැවසුවේ, “එක්සත් ජනපදයට නේටෝව තුළ සිටින 30ක් තරම් වන මිතුරන් සහ හවුල්කරුවන්  වෙනත් කිසිදු ප්‍රධාන බලවතෙකුට නැත. රුසියාවට හෝ චීනයට ඊට සමාන දෙයක් නැත. නේටෝ සහචරයින් එක්ව ලෝකයේ මිලිටරි ශක්තියෙන් සියයට 50 ක් සහ ලෝකයේ ආර්ථික ශක්තියෙන් සියයට 50 ක් නියෝජනය කරයි.”

මෙම ඡේදය  “ප්‍රකෝප නොකළ යුද්ධයක්” බවට නේටෝ බලවතුන්ගේ ආඛ්‍යානය බිඳ දමයි. ඒ වෙනුවට, නේටෝ බලවත්තු එම වසරේ ඔවුන්ට සිදු වූ භෞමික පාඩු ආපසු හැරවීමේ අරමුන ඇතිව ගැටුම අවුලුවා තීව්‍ර කළ බව පැහැදිලි කරති.

#theSocialistLK #WSWS

බෙන් මැක්ග්‍රාත් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 මැයි 07 දින NATO to expand Asia-Pacific presence by opening office in Japan යන සිරසින් යුතුව පලවූ බෙන් මැක්ග්‍රාත් සහෝදරයා විසින් ලියන ලද ලිපියේ සිංහල පරිවර්තනය යි. පරිවර්තනය මිගාර මල්වත්ත විසිනි.

ලබන වසරේ ජපානයේ ටෝකියෝ නුවර සම්බන්ධීකරණ කාර්යාලයක් විවෘත කිරීමට නේටෝව අදහස් කරන බවට පසුගිය සතියේ පුවත් පළ විය.  මෙම කාර්යාලය ආසියා-පැසිෆික් කලාපයේ නේටෝවේ පළමුවැන්න වනු ඇති අතර චීනයට එරෙහි එක්සත් ජනපදයේ නායකත්වයෙන් යුත් යුද්ධයක් සඳහා සූදානම් වීම තුල, සංවිධානයේ වැඩෙන භූමිකාව නියෝජනය කරයි.  ටෝකියෝ සහ නේටෝ යන දෙපාර්ශ්වයම සැලසුම් තහවුරු කර ඇත.

නේටෝවේ මහලේකම් ජෙන්ස් ස්ටෝල්ටන්බර්ග් ජනවාරි මාසයේ ඔහුගේ ජපාන සංචාරයේදී ජපාන අගමැති ෆුමියෝ කිෂිඩා සමඟ කාර්යාලය විවෘත කිරීම ගැන සාකච්ඡා කළ බව මැයි 3දා නිකේයි ඒෂියා (Nikkei Asia) වාර්තා කළේය.  නිව් යෝර්ක්  හි එක්සත් ජාතීන්ගේ සංවිධානයේ සහ වියානාහි යුරෝපයේ ආරක්ෂාව සහ සහයෝගීතාව සඳහා වූ සංවිධානයේ (Organization for Security and Co-operation in Europe) මෙන්ම යුක්රේනය, මෝල්ඩෝවා, ජෝර්ජියා, බොස්නියාව සහ හර්සගොවිනා සහ කුවේට් යන රටවල ද මේ හා සමාන කාර්යාල පවතී. ටෝකියෝව තවදුරටත්, නේටෝවට ස්වාධීන දූත මෙහෙවරක් නිර්මාණය කිරීමට අදහස් කරන්නේ එහි වත්මන් දූත මෙහෙවර බෙල්ජියමේ තානාපති කාර්යාලයෙන් වෙන් කර නව තානාපතිවරයකු යැවීමෙනි.

මෙම පියවර ජපානය නේටෝ සන්ධානයට එක්වන බවක් අදහස් නොවුනත්, ටෝකියෝවේ නව නේටෝ කාර්යාලය, චීනයට එල්ල කරන ලද ප්‍රධාන ප්‍රකෝපරනයකි. යුක්රේනයේ රුසියාවට එරෙහි එක්සත් ජනපද/නේටෝ යුද්ධය, පාර්ශ්වීය වශයෙන්, රුසියාව දෙසට නේටෝ දේශසීමා ආක්‍රමණය කිරීම මගින් උසි ගන්වන ලදී.  ජපානය වැනි රටවල් සමඟ නේටෝවේ සහයෝගීතාවය, තායිවානය සම්බන්ධයෙන් “එක් චීනයක්” ප්‍රතිපත්තියට අභියෝග කරමින් බීජිනය  අවුස්සාලීමේ ප්‍රයත්නයන් සමඟ ගත් කල, යුද්ධයේ අන්තරාය ඉහල නංවනවා පමනි.

ටෝකියෝව සහ නේටෝව අතර සම්බන්ධතා ලක්ෂ්‍යය  ලෙස ක්‍රියා කරන ජපානයේ ඩෙන්මාර්ක තානාපති පීටර් ටක්සෝ-ජෙන්සන් පැහැදිලි කළේ, සම්බන්ධතා කාර්යාලය විවෘත කිරීමේ තීරණය චීනයට එරෙහිව යොමු වූ බවත්, එය චීනය බටහිරට ආර්ථික අභියෝගයක් වීම වළක්වන බවත් ය.

ඔහු නිකේයි ඒෂියා වෙත පැවසුවේ, “2022 දී, (නේටෝ) මැඩ්රිඩ් සමුළුවේදී, මිත්‍ර නායකයින් තීරණය කළේ රුසියාව තවදුරටත් හවුල්කරුවෙකු නොව සතුරෙක් බවත්, චීනයේ නැග්ම මුලු යුරෝපීය රටවලම ආරක්ෂාව කෙරෙහි බලපෑමක් ඇති කළ හැකි හා ඇති වනු ඇති බවට පිළිගැනීමක් තිබූ ” බවත්ය.   

බීජිං විදේශ අමාත්‍යාංශයේ ප්‍රකාශිකා මාඕ නින්ග් ටෝකියෝ හි නව සම්බන්ධතා කාර්යාලය සදහාවූ සැලසුම් විවේචනය කරමින්, ””ආසියා-පැසිෆික් කලාපයේ නේටෝවේ අඛණ්ඩ නැගෙනහිර ප්‍රසාරණය, කලාපීය කටයුතුවලට ඇඟිලි ගැසීම්, කලාපීය සාමය සහ ස්ථාවරත්වය විනාශ කිරීමට උත්සාහ කිරීම, සහ රටවල් කාණ්ඩ, ගැටුම් සඳහා තල්ලු කිරීම කලාපය තුළ රටවල් වලින් ඉහළ සුපරීක්ෂාකාරී අවධානය ඉල්ලා සිටී” සේ ප්‍රකාශ කලාය.

නේටෝව සහ ජපානය ජූලි 11 සහ 12 ලිතුවේනියාවේ විල්නියස් හි පැවැත්වෙන නේටෝ සමුළුවට පෙර තනි තනිව සකස් කළ හවුල්කාරිත්ව වැඩසටහනක් (Individually Tailored Partnership Program-ITPP) අත්සන් කිරීමට ද අදහස් කරයි.  ජපානය මෙන්ම දකුණු කොරියාව, ඔස්ට්‍රේලියාව සහ නවසීලන්තය ද සමුළුවට සහභාගී වීමට නියමිතයි.  නේටෝ හි ආසියා-පැසිෆික් හවුල්කරුවන් හෝ AP4 ලෙස හඳුන්වනු ලබන නේටෝව සහ මෙම රටවල් හතර අතර සහයෝගීතාව වැඩි කිරීමට මෙම සම්බන්ධීකරණ කාර්යාලය පහසුකම් සපයනු ඇත.  පසුගිය වසරේ මැඩ්රිඩ් හි පැවති රැස්වීම, නේටෝ සමුළුවකට සහභාගී වීමට මෙම ජාතීන් හතරට ආරාධනා කළ පළමු අවස්ථාව විය.

ඔවුන්ගේ සහයෝගීතාවයේ කොටසක් ලෙස, ජපානය සහ නේටෝව, “සයිබර් තර්ජන, කඩාකප්පල්කාරී තාක්ෂණයන් සහ චේතනාන්විත වැරදි තොරතුරු ක්‍රියාකාරකම්” සම්බන්ධයෙන් එක්ව කටයුතු කරනු ඇත.  වෙනත් වචන වලින් කිවහොත්, සමාජවාදී, අධිරාජ්‍ය විරෝධී සහ යුද විරෝධී දෘෂ්ටිකෝණ ඇතුළු ඊනියා “වැරදි තොරතුරු” වෙත ප්‍රවේශ වීමෙන් කම්කරුවන් හා තරුනයන් අවහිර කරමින් අධිරාජ්‍යවාදී ප්‍රචාරක ව්‍යාප්ත කිරීම සඳහා අන්තර්ජාලය සහ සමාජ මාධ්‍ය යොදා ගැනීම සහතික කිරීමට ඔවුන් දෙපාර්ශ්වය කටයුතු කරනු ඇත.

කාර්යාලය විවෘත කිරීම, එක්සත් ජනපදය චීනය වට කිරීමට අදහස් කරන සන්ධාන මාලාවක් වර්ධනය කරන සහ ඒකාබද්ධ කරන පුලුල් න්‍යාය පත්‍රයක කොටසකි.  මේවාට එක්සත් ජනපදය, ඕස්ට්‍රේලියාව, ඉන්දියාව සහ ජපානයෙන් සමන්විත චතුර් ආරක්ෂක සංවාදය (Quadrilateral Security Dialogue-Quad) සහ ඕස්ට්‍රේලියාව, එක්සත් රාජධානිය සහ එක්සත් ජනපදයෙන් සැදුම්ලත් ඔ්කස්  (AUKUS) සන්ධානය ඇතුළත් වේ. වොෂින්ටනය සහ සියොල්, වොෂින්ටනයේ න්‍යෂ්ටික අවි ගබඩාව සැලසුම් කිරීම සහ භාවිතය සම්බන්ධව වැඩි සහයෝගීතාවයක්ද මෑතකදී නිවේදනය කලෝය.

මීට අමතරව, වොෂින්ටනයේ පීඩනය යටතේ, ටෝකියෝ සහ සෝල් වසර ගණනාවක් තිස්සේ දෙරට අතර පැවති ආතතීන් ලිහිල් කිරීමට කටයුතු කර ඇත.  කිෂිඩා සහ දකුණු කොරියානු ජනාධිපති යූන් සුක්-යෙයෝල් අතර මාර්තු මාසයේදී ටෝකියෝවේ පැවති සමුළුවකින් පසු දෙපාර්ශ්වයම, සහයෝගීතාව වැඩි කිරීමට, මිලිටරි බුද්ධි තොරතුරු  බෙදාගැනීමේ ගිවිසුමක් සාමාන්‍යකරණය (normalisation) කිරීමට සහ එක්සත් ජනපදය සමඟ තවත් හමුදා අභ්‍යාස වලට එකඟ විය.

ජපානය ද එක්සත් රාජධානිය ඇතුළු අනෙකුත් රටවල් සමඟ සිය සහයෝගීතාව වැඩි කරයි.  ටෝකියෝ ජනවාරි මාසයේදී ලන්ඩන් සමඟ අන්‍යෝන්‍ය ප්‍රවේශ ගිවිසුමකට අත්සන් තැබුවේ එක් එක් රටවලින් හමුදා භටයින්ට අනෙකට ඇතුළු වීමට පහසු ප්‍රවේශයක් ලබා දෙමිනි.  ටෝකියෝව පිලිපීනය සමඟද මීට සමාන ගිවිසුමක් ගැන සලකා බලයි.

ජපානයේ නේටෝ කාර්යාලය විවෘත කිරීම,  ටෝකියෝවේ ඉලක්කය වන නැවත හමුදාකරණයට  දායක වීමකි.  2014 දී එවකට ෂින්සෝ අබේ පාලනය ඊනියා “සාමූහික ආත්මාරක්ෂාව” සඳහා ඉඩ සැලසීම සඳහා ව්‍යවස්ථාවේ “නැවත අර්ථකථනයක්” නිවේදනය කළේය.  ඊළඟ වසරේ, පාලක ලිබරල් ප්‍රජාතන්ත්‍රවාදී පක්ෂය (LDP) මෙම වෙනස නීති පොතට ඇතුලත් කිරීමට කිරීමට පාර්ලිමේන්තුව හරහා නීති සම්පාදනය කළේය.  මෙමගින්, ටෝකියෝව තර්ක කරන ආකාරයට, ජපානයට “ආත්ම ආරක්‍ෂාව” යන නාමයෙන් මිත්‍රයෙකු සමඟ එක්ව යුද්ධයට යාමට ඉඩ සලසයි. එමගින් ජපානයට මිලිටරි හෝ යුද්ධයක් පවත්වාගෙන යාම පැහැදිලිවම තහනම් කරන ව්‍යවස්ථාවේ 9 වැනි වගන්තිය මගහරී .

නේටෝව සමග වැඩ කිරිම මගින්, ටෝකියෝව එහි වැඩෙන මිලිටරි දෘඩ-කියාපෑම  (assertiveness) සහ ආක්‍රමණශීලීත්වය මෙම ව්‍යාජ සහ ව්‍යවස්ථා විරෝධී “සාමූහික ආත්මාරක්ෂාව” (collective self-defence) යන සංකල්පය සමඟ පෙළගැසෙන බව කියාපානු ඇත.

 මීට අනුකූලව, නේටෝ සහයෝගී ආරක්ෂක අංශයේ අධ්‍යක්ෂ ලුතිනන් ජෙනරාල් ෆ්‍රැන්චෙස්කෝ ඩියෙලා ප්‍රමුඛ නේටෝ නියෝජිත කණ්ඩායමක් අප්‍රේල් 24-26 දක්වා ජපානයට ගොස් ප්‍රධාන පෙළේ ජපාන හමුදා නිලධාරීන් පිරිසක් හමුවූහ .  මෙම සාකච්ඡා අතරතුර ඩියෙලා කියා සිටියේ: “අපගේ ආරක්ෂාව ගැඹුරින් අන්තර් සම්බන්ධිත වන අතර, සහ අපගේ සහයෝගීතාවයද එසේ විය යුතුය, එය නිදහස්, සාමකාමී සහ සමෘද්ධිමත් ලෝකයක් පිළිබඳ අපගේ හවුල් දැක්ම අපගේ හවුල් වටිනාකම් තුළ මුල්බැස ඇත.”  

නේටෝව සහ එහි සාමාජික රටවල් මෙන්ම ජපානය ද “හවුල් (පොදු) වටිනාකම්” නියෝජනය කරන බවට කරන ප්‍රකාශ රුසියාවට සහ චීනයට එරෙහිව එල්ල වේ.  වොෂින්ටනය, ටෝකියෝවව සහ ඔවුන්ගේ සහචරයින් කියා සිටින්නේ ආසියාවේදී,  චීනය “නිදහස් සහ විවෘත” ඉන්දු පැසිෆික් කලාපයට තර්ජනයක් නියෝජනය කරන බවයි.  යථාර්ථය නම්, එක්සත් ජනපදය විසින් පිහිටුවන ලද සහ ආධිපත්‍යය දරන පශ්චාත් දෙවන ලෝක යුද්ධයේ පටිපාටියට එකඟ නොවීම ගැන අධිරාජ්‍යවාදී බලවතුන් විසින් බීජිනය හෙලා දැකීමයි.  වොෂින්ටනය චීනයේ දොරකඩට ප්‍රකෝපකාරී සහ භයානක “නාවික ගමනාගමන නිදහස” ( මැයෙන්) මෙහෙයුම් සිදු කරන අතර, ඒවාටට බීජිනයෙන් වන ඕනෑම ප්‍රතික්‍රියාවක් චීන “ආක්‍රමනකාරීත්වයේ” සාක්ෂියක් ලෙස හෙලා දකිනු ලැබේ.

තවද, නේටෝව සහ, සියල්ලටත් වඩා, එක්සත් ජනපදය “ප්‍රජාතන්ත්‍රවාදී වටිනාකම්” නියෝජනය කරයි යන ප්‍රකාශයන් යථාර්ථය හමුවේ වාෂ්ප වී යයි .  එක්සත් ජනපදයේ, සංක්‍රමණිකයන්ට සරණාගතභාවය ලබා ගැනීමේ අයිතිය ප්‍රතික්ෂේප කරනු ලැබෙන අතර පොලිසිය නිතිපතා කම්කරුවන්ට සහ දුප්පතුන්ට වෙඩි තබයි.  ප්‍රංශයේ ධනවතුන්ගේ ජනාධිපති එමානුවෙල් මැක්‍රොන් වැඩ වර්ජන කරන කම්කරුවන්ට සහ විරෝධතාකරුවන්ට එරෙහිව පොලිස් රාජ්‍ය මර්දනය යොදා ගනිමින් පාලනය කරයි.  එක්සත් රාජධානියේ, මාධ්‍යවේදී ජුලියන් අසාන්ජ් එක්සත් ජනපද අධිරාජ්‍යවාදයේ අපරාධ හෙලිදරව් කිරීම නිසා බෙල්මාර්ෂ් බන්ධනාගාරයේ සිරමැදිරියක සිර කර  සිටින අතර, චාල්ස් රජුගේ මෑතදී පැවති රාජාභිෂේක උත්සවය සඳහා රජය පවුම් මිලියන සිය ගනනක් නාස්ති කරනු ලැබීය.

ජපානයේ, නැවත හමුදාකරණය ප්‍රවර්ධනය කිරීම සඳහා අතීත යුද අපරාධ වසන් කරනු ලැබේ.  අනෙකුත් පක්ෂවල සැබෑ විරුද්ධත්වයක් නොමැතිව පාලක එල්ඩීපීය, ප්‍රජාතන්ත්‍රවාදී අයිතීන් දැඩි ලෙස සීමා කරන ව්‍යවස්ථාමය සංශෝධන හඹා යමින් සිටින අතර මාධ්‍යවේදීන් බාධක හා හිරිහැර වලට පවා මුහුන දෙයි.

අවසාන වශයෙන්, වොෂින්ටනයේ, ටෝකියෝවේ සහ නේටෝවේ ඉලක්කය “ප්‍රජාතන්ත්‍රවාදී වටිනාකම්” ආරක්ෂා කිරීම නොව, න්‍යෂ්ටික අවි සමඟ සටන් කරනු ලබන නව ලෝක යුද්ධයක අවදානමට ලක් කරමින්, චීනයේ වියදමින් ඉන්දු පැසිෆික් කලාපය යලි බෙදීම ය.

#theSocialistLK #WSWS 

 අන්ඩ්‍රේ ඩැමන් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 මැයි 08 දින American imperialism demands new bloodbath in Ukraine යන සිරසින් යුතුව පලවූ අන්ඩ්‍රේ ඩැමන් සහෝදරයා විසින් ලියන ලද ඉදිරිදර්ශන ලිපියේ සිංහල පරිවර්තනය යි. පරිවර්තනය මිගාර මල්වත්ත විසිනි.

යුක්රේන යුද්ධයේ මරණ සංඛ්‍යාව ඉහල යද්දී, එක්සත් ජනපදය කියෙව් වෙතින් යලිත් නව  මිලිටරි  ප්‍රහාරයක් ඉල්ලා සිටී.  ඇමරිකානු පාලක පන්තිය අවසාන  යුක්‍රේනුවා දක්වා සටන් කිරීමට අධිෂ්ඨාන කර ඇත.

අද වන විට, නේටෝ බලවතුන් යුක්රේනයට, යුක්රේනයේ පූර්ව යුද දළ දේශීය නිෂ්පාදිතයෙන් හතරෙන් තුනකට සමාන ඩොලර් බිලියන 150කට අධික ආයුධ සහ අනෙකුත් ආධාර යවා ඇත.  ප්‍රහාරක උපකරණ ලබා නොදෙන බව කලින් ප්‍රකාශ කිරීමෙන් පසුව, නේටෝ බලවතුන් විසින් යුක්‍රේනය වෙත ටැංකි සිය ගනනකින් සහ සන්නද්ධ වාහන වලින් මෙන්ම නේටෝවේ අවි ගබඩාවේ ඇති වඩාත්ම දියුණු මිසයිල පද්ධති වලින් යුත් ප්‍රහාරක උපකරණ රැල්ලක් යවා ඇත. 

දැන් අධිරාජ්‍යවාදී බලවතුන් ඉල්ලා සිටින්නේ  බොහොමයක් වීදියෙන් අල්ලාගෙන, අලුතින් බලහත්කාරයෙන් බඳවා ගත් යුක්‍රේන හමුදා අතට මෙම ආයුධ පත් කළ යුතු බවත්, දැඩි ලෙස ආරක්ෂිත රුසියානු ස්ථානගත වීමි වෙත ඔවුන් තල්ලුකර දමන  ලෙසත් ය.  එක්සත් ජනපදය සහ නේටෝව යුද්ධයේ ඕනෑම සාකච්ඡාමය සමථයකට පත්වීමක් වැළැක්වීය. සාකච්ඡා පැවැත්විය හැක්කේ ඔවුන්ගේ යුද අරමුනු සාක්ෂාත් කරගත් පසු පමණක් බව ප්‍රකාශ කර ඇත.

බොහෝ හුවා දක්වන ලද ප්‍රතිප්‍රහාරයේ එකම නිශ්චිත ප්‍රතිඵලය වනු ඇත්තේ යුක්‍රේන සහ රුසියානු යන දෙපාර්ශ්වයේම තව දුරටත් සිදු වන දැවැන්ත ජීවිත විනාශයකි.

මරණ සංඛ්‍යාව දැනටමත් අති විශාල ය.  නොවැම්බර් මාසයේදී යුරෝපීය කොමිසමේ සභාපති උර්සුලා වොන් ඩර් ලේයන් පැවසුවේ “මේ දක්වා යුක්රේන හමුදා භටයන් 100,000 ක් මිය ගොස් ඇති” බවයි.  සෑම දිනකම හමුදා සියගණනක් මිය යාමත් සමඟ යුක්රේනියානුවන් අතර සැබෑ මරණ සංඛ්‍යාව 200,000 ඉක්මවයි.

යුක්‍රේන හමුදා ප්‍රහාරක අංශයට මාරු වීමට උත්සාහ කිරීමත් සමඟ, මෙම මරණ සංඛ්‍යාව තවත් වැඩි වනු ඇත. ප්‍රහාරක යුක්‍රේන හමුදා අතර සිදුවන හානිය, ආරක්ෂක අංශයේ සිටින රුසියානු හමුදාවන්ට වඩා විශාල ලෙස වැඩි වනු ඇත.

සෙලෙන්ස්කි ආන්ඩුව වඩ වඩාත් මර්දනකාරී පියවර ගනිමින් සිටින අතර, එය තරුණයන් දස දහස් ගනනක් ඔවුන්ගේ මරණය දක්වා තල්ලු කර දමයි.  සියලුම නේටෝ-විරෝධී දේශපාලන පක්ෂ යුක්රේනයේ තහනම් කර ඇති අතර, කියෙව්හි යුද-ගැති නැඹුරුවට ඇති ඕනෑම විසම්මුතියකට තියුනු ලෙස දඬුවම් කරනු ලැබේ.  සෙලෙන්ස්කි ආන්ඩුව “ප‍්‍රජාතන්ත‍්‍රවාදය” සඳහා සටන් කරන බව බොරුවට ප‍්‍රකාශ කරන එක්සත් ජනපද මාධ්‍ය විසින් මෙම ක‍්‍රියාවන් වසන් කර ඇත.

නිව් යෝර්ක් ටයිම්ස් සහ වොෂින්ටන් පෝස්ට් හි ඉරිදා ප්‍රකාශයට පත් කරන ලද වාර්තා, සැළසුම් කළ ප්‍රහාරය දියත් කිරීමට වොෂින්ටනය කියෙව්හි සිය සේවාදායක රාජ්‍යයට කෙතරම් බලපෑම් කරන්නේද යන්නට සාක්ෂි දරයි.

“එක්සත් ජනපදය සහ එහි සහචරයින්, මෑත මාසවලදී ඔවුන් රටට වේගයෙන් පොම්ප කල ආයුධ, පුහුණුව සහ පතොරම් සැලකිය යුතු ජයග්‍රහණ බවට පරිවර්තනය කළ හැකිද යන්න පිළිබඳව ප්‍රතිප්‍රහාරය තීරනාත්මක පරීක්ෂණයක් ලෙස  සලකන බැවින්, යුක්‍රේනය එහි බටහිර ආධාරකරුවන්ගෙන් ඉමහත් කෙටි කාලීන පීඩනයක් අත්විඳිමින් සිටී” යි ටයිම්ස් ප්‍රකාශ කළේය.

ප්‍රහාරයේ සැලසුම් ගැන අදහස් දක්වමින්,  “ප්‍රහාරයට පෙර සූදානම – එහි තොරතුරු රහසිගතව පවතී – යුක්‍රේන නිලධාරීන් දුෂ්කර ප්‍රශ්නයක් සමඟ පොරබැදීමට ඇද දමා ඇත: එනම් බටහිර, විශේෂයෙන් වොෂින්ටනය සෑහීමකට  පත් කිරීමට ප්‍රමාණවත් [යුද] ප්‍රතිඵලය කුමක්ද? “යන්න  වොෂින්ටන් පෝස්ට් හි පලකර තිබුණි.

බයිඩන් පරිපාලනය, එහි අනුමත ශ්‍රේණිගත කිරීම් පහත වැටීම සහ යුද්ධය වඩ වඩාත් ජනප්‍රිය නොවීමත් සමඟම, එළඹෙන මධ්‍යවාර මැතිවරණයට පෙර ධනවත් ඉහළ මධ්‍යම පන්තියේ සිය දේශපාලන පදනම බලමුලු ගැන්වීම සඳහා යුක්රේන යුද්ධයේ “පිම්මක්” ලෙස හැඳින්විය හැකි දෙය භාවිතා කිරීමට උත්සාහ කරයි.  

මෙම සමාජ ස්ථරය, උමතු රුසියානු-විරෝධී වෛරයෙන් ඇවිලවූ, යුද ගැති උන්මාදයකට තල්ලු කර ඇත.  නමුත් මෙම මිලිටරිවාදී හිස්ටීරියාව අවුලුවාලීමෙන් පසු, ප්‍රහාරයේ වියහැකි අසාර්ථකත්වයට එක්සත් ජනපදයේ ප්‍රතිචාරය කුමක් වනු ඇත්ද?

ටයිම්ස් සහ පෝස්ට් යන දෙකෙහිම සම්මුඛ සාකච්ඡා වලදී, යුක්රේන නිලධාරීන් සැලසුම් කර ඇති ප්‍රහාරය, කුමන ආකාරයේ ලේ වැකි ප්‍රහාරයක් වුවත්, තීරනාත්මක සාර්ථකත්වයකට තුඩු නොදෙන බවට අනතුරු ඇඟවීමට උත්සාහ කළහ.

යුක්රේන ආරක්ෂක අමාත්‍ය ඔලෙක්සි රෙස්නිකොව් වොෂින්ටන් පෝස්ට් වෙත පැවසුවේ, “අපගේ ප්‍රතිප්‍රහාරක ව්‍යාපාරය පිලිබඳ අපේක්ෂාව ලෝකය තුළ අධිතක්සේරු කර ඇත… බොහෝ මිනිසුන් … විශාල දෙයක් බලාපොරොත්තුවෙන් සිටිති,” ඔහු තවදුරටත් පැවසීය, එය “චිත්තවේගීය කලකිරීමකට” තුඩු දෙනු ඇතැයි ඔහු බිය විය.

“සාර්ථකත්වය” “කිලෝමීටර් දහයක්” අල්ලා ගැනීම තරම් කුඩා විය හැකි බවට රෙස්නිකොව්  අපේක්ෂාව මතු කළේය.

ගාඩියන් සමඟ සම්මුඛ සාකච්ඡාවකදී, චෙක් රාජ්‍යයේ ජනාධිපති පෙට පවෙල් (Petr Pavel ) අනතුරු අඟවමින් කීවේ, එක්සත් ජනපදය සහ නේටෝව සඳහා මෙය “යම් ප්‍රතිඵලයක් පෙන්වීමට ඔවුන් [යුක්‍රේනය ]තල්ලු කිරීමට පෙළඹවීමක් විය හැකිය.”  පාවෙල් ප්‍රකාශ කළේ, “මෙම ප්‍රතිප්‍රහාරය අසාර්ථක වුවහොත් එය යුක්‍රේනයට අතිශයින්ම හානිකර වනු ඇත, මන්ද ඔවුන්ට අවම වශයෙන් මේ වසරේ දි තවත් අවස්ථාවක් නොලැබෙනු ඇත,” යන්නයි.

බයිඩන්  පරිපාලනය යුද්ධය මත එහි සම්පූර්ණ විශ්වසනීයත්වය පරදුවට තබා ඇත.  ප්‍රහාරයට අපේක්ෂිත ප්‍රතිඵලය නොලැබෙනු ඇති බවට හෝ සම්පූර්ණයෙන් අසාර්ථක විය හැකි බවට වූ වියහැකියාවන්, සෘජු නේටෝ මැදිහත්වීමක් සඳහා පීඩනය තීව්‍ර කරනු ඇත.

එක්සත් ජනපද දේශපාලන සංස්ථාපිතය ග්‍රහණය කර ගන්නා යුද උන්මාදය පිලිබඳව, “ප්‍රතිප්‍රහාරය” යන සිරස්තලයෙන් ඈන් ඇපල්බෝම් විසින් ” ද ඇට්ලැන්ටික්”( The Atlantic)  හි කවරයේ කතාවකට ලියන ලද ලිපියක් නිදසුන් ලෙස දැක්විය හැක. 

ඇපල්බෝම් “යුක්රේනයේ සම්පූර්ණ විමුක්තිය” ඉල්ලා සිටියි. යුක්රේනයට “2022 පෙබරවාරියේ සිට අහිමි වූ සියලුම භූමි ප්‍රදේශ” මෙන්ම  ක්‍රිමියානු අර්ධද්වීපය යළි අත්පත් කර ගැනීමට ඉල්ලා සිටියි. මෙම ප්‍රහාරයේ සැලසුම් තුල ඇපල්බෝම්, ප්‍රකාශ කරන්නේ, “යුරෝපය තුල ඇමරිකාවේ ආස්ථානය හා ඇත්ත වශයෙන්ම ලෝකය තුළ ඇමරිකාවේ ආස්ථානය සියල්ල පරදුවට තබා ඇති” බවයි.

යුද්ධයට එක්සත් ජනපද-නේටෝ මැදිහත්වීම දැවැන්ත ලෙස තීව‍්‍ර කිරීමකින් පරිබාහිරව එක්සත් ජනපදයේ දැවැන්ත ඉලක්ක සාක්ෂාත් කරගත නොහැකි බව වඩ වඩාත් පැහැදිලි වෙමින් තිබේ.

රුසියාවේ පළිගැනීම් අවුලුවාලීමේ අරමුණින්, නොසැලකිලිමත් ප්‍රකෝපකරනයක් වූ 

පසුගිය සතියේ ක්‍රෙම්ලිනයට එල්ල වූ ඩ්‍රෝන් ප්‍රහාරය සහ පුටින් ඝාතනය කිරීමට තැත් කිරීම සම්බන්ධ එකම පැහැදිලි කිරීම එය යි.

ඩ්‍රෝන් ප්‍රහාරයෙන් පසු එක්සත් ජනපද රාජ්‍ය ලේකම් ඇන්ටනි බ්ලින්කන්ගෙන් විමසන ලද්දේ, “යුක්‍රේනය විසින් මෙම යුද්ධයේදී නායකත්වයට එල්ල කරන එවැනි ප්‍රහාර සම්බන්ධයෙන් එක්සත් ජනපදයේ ස්ථාවරය කුමක්ද?” යනුවෙනි.

ප්‍රතිචාර වශයෙන්, බ්ලින්කන් පැහැදිලිවම ඝාතනවල නීත්‍යානුකූලභාවය අනුමත කරමින්, “තමන්ව ආරක්ෂා කර ගන්නේ කෙසේද යන්න තීරණය කිරීම අපි යුක්රේනයට භාර දෙමු” යනුවෙන් ප්‍රකාශ කළේය.

මෙම ප්‍රකාශ ධවල මන්දිරයේ පවතින දැවැන්ත නොසැලකිලිමත්කමට සාක්ෂි දරයි.  ලෝකයේ දෙවන විශාලතම න්‍යෂ්ටික අවි ගබඩාව පාලනය කරන රුසියානු ජනාධිපතිවරයාගේ සිදුවිය හැකි ඝාතනය අනුමත කිරීමේදී ඔවුන් සෙල්ලම් කරන්නේ යුක්‍රේනියානුවන්ගේ සහ රුසියානුවන්ගේ ජීවිත සමග  පමණක් නොව මුළු ලෝකයේම ජීවිත සමඟ ය.

මෙය එක්සත් ජනපද භූ දේශපාලන ආධිපත්‍යය සුරක්ෂිත කිරීමේ “තීරණාත්මක දශකය” ලෙස ප්‍රකාශ කරමින්, එක්සත් ජනපදය ගෝලීය යුද්ධයකට සූදානම් වෙමින් සිටින්නේ කෙසේද යත්  යුක්‍රේනයේ විශාල මරණ සංඛ්‍යාව හුදෙක් මූලික ගෙවීමක් වශයෙන් පෙනී යනු ඇත.

ඒවා නතර නොකළහොත් අධිරාජ්‍යවාදීන් සූදානම් වන්නේ පළමු හා දෙවන ලෝක යුද්ධවල බිහිසුණු බව ඊටත් වඩා විශාල හා මාරාන්තික පරිමානයකින් පුනරුච්චාරණය කිරීමට ය.

අධිරාජ්‍යවාදීන්ගේ යුද සැලසුම් නැවැත්වීමට කම්කරු පන්තියේ සවිඥානික දේශපාලන මැදිහත්වීමක් අවශ්‍ය වේ. කම්කරුවන්ගේ ජීවන තත්වයන් කප්පාදු කර නැවත සන්නද්ධ වීම කැඳවා සිටින ආන්ඩුවලට එරෙහිව,  ශ්‍රී ලංකාවේ සිට ප්‍රංශය හා එක්සත් ජනපදය දක්වා ලෝකය පුරා කම්කරුවන්  අරගලයට අවතීර්ණ වෙමින් සිටිති.  යුක්රේනයේ යුද්ධය අවසන් කිරීමේ අරගලය කේන්ද්‍රීය ඉල්ලීමක් ලෙස ගෙන ජාත්‍යන්තර සමාජවාදයේ ඉදිරිදර්ශනයේ පදනම මත මෙම අරගල ඒකාබද්ධ කළ යුතුය. (අවධාරනය සංස්කාරකගෙනි)

#theSocilialistLK #WSWS 

කර්ට් බ්‍රවුන් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 අප්‍රේල් 28 දින Malaysian government strengthens economic ties with China යන සිරසින් යුතුව පලවූ කර්ට් බ්‍රවුන් සහෝදරයා විසින් ලියන ලද ලිපියේ සිංහල පරිවර්තනය යි. පරිවර්තනය මිගාර මල්වත්ත විසිනි.

මාර්තු 29 සිට අප්‍රේල් 1 දක්වා බීජිං හි සිව්දින සංචාරයක නිරත වූ මැලේසියානු අගමැති අන්වර් ඊබ්‍රහිම් එහිදී වාර්තාගත මට්ටමේ චීන ආයෝජන පිළිබඳ පොරොන්දු  ලබා ගත්තේය.  වොෂින්ටනය ඉන්දු-පැසිෆික් කලාපය පුරා චීනයට එරෙහි සිය මිලිටරි හා ආර්ථික ප්‍රහාරය තීව්‍ර කරන විට ඔහුගේ සංචාරය චීනය සහ එක්සත් ජනපදය අතර බල තුලනය කිරීමේ ක්‍රියාවක් ලෙස ඉදිරියට ගෙන ගියේය.

චීනයේදී, අන්වර් මැලේසියාවේ පෙට්‍රෝ රසායනික, මෝටර් රථ, මූල්‍ය සහ අනෙකුත් අංශවල ආයෝජනය කිරීමට චීන රජය සමඟ පොරොන්දු වූ අවබෝධතා ගිවිසුම් (MOUs) 19කට අත්සන් තැබීය.  ඒ අතරම, එක්සත් ජනපදය සහ චීනය අතර වැඩෙන ගැටුමේදී තම රට මධ්‍යස්ථව සිටින බව අන්වර් කනස්සල්ලෙන් ප්‍රකාශ කළේය.

අවබෝධතා ගිවිසුම්වලින් සඳහන් කෙරෙන්නේ වගකීම් මිස සැබෑ ආයෝජන නොවන අතර ම, චීන ආන්ඩුවෙන් සහ සංගතවලින් පොරොන්දු වී ඇති සම්පූර්ණ පොරොන්දුව වන RM (RM යනු මැලේසියාවේ මුදල් ඒකකය වන රිංගිට් ය) බිලියන 170 (එජ ඩොලර් බිලියන 38.5) යනු මැලේසියාව මෙතෙක් ලබා ඇති ආයෝජන පොරොන්දු අතරින් විශාලතම පොරොන්දුව වේ. එය මැලේසියාවේ දළ දේශීය නිෂ්පාදිතයෙන් (GDP) සියයට 10කට පමණ සමාන මුදලකි. අවබෝධතා ගිවිසුම්වල ප්‍රතිඵලයක් ලෙස ඉදිරි වසරවලදී මැලේසියාවට චීන ආයෝජන දෙගුණයක් වනු ඇතැයි අපේක්ෂා කෙරේ.

ඊට සමගාමීව, ආරවුල් උත්සන්න කිරීමෙන් තොරව, මතභේදකාරී දකුණු චීන මුහුදේ භෞමික හිමිකම් පිලිබඳව චීන රජය සමඟ සාකච්ඡා කිරීමට හෝ එය විසඳීමට ඇති කැමැත්ත අන්වර් ඇඟවුම් කළේය. දකුනු චීන මුහුද සහ තායිවානය ඇතුලු විවිධ පුපූරනසුලු තත්වයන් මත චීනය අකුසෙන් පාරා යුද්ධයකට දැක්කීම සඳහා බයිඩන් පරිපාලනය විසින් වඩ වඩාත් ප්‍රකෝපකාරී පියවර ගෙන ඇති සන්දර්භය තුල, එය වැදගත් වේ.

චීනයට ගිය ඉහළ පෙළේ නියෝජිත කණ්ඩායමක් අන්වර් විසින් මෙහෙයවන ලදී.  ජාත්‍යන්තර වෙළඳ හා කර්මාන්ත අමාත්‍ය ටෙන්කු සෆ්රුල් අසීස්,  විදේශ කටයුතු අමාත්‍ය සැම්බ්‍රි අබ්දුල් කදීර්, තවත් අමාත්‍යවරුන් 4 දෙනෙකු සහ විවිධ රාජ්‍ය සහ පෞද්ගලික අංශයේ වෙළඳ නියෝජිතයින් පිරිසක් ඔහු සමඟ එක්ව සිටියහ. 

අන්වර් සහ ජ්‍යෙෂ්ඨ චීන විධායකයින් 36 දෙනෙකු අතර පැවැති වටමේස රැස්වීමක් හා දෙරටේ ව්‍යාපාරික නියෝජිතයින් 1,000 කට අධික සංඛ්‍යාවක් සහභාගී වූ මැලේසියාව-චීන ව්‍යාපාරික සංසදය මෙහි ප්‍රධාන සිදුවීම් අතරට ඇතුළත් විය.

2022 වසරේ ඩොලර් බිලියන 110.6 ක මුළු වෙළඳාම ද ඇතුළු ව, 2009 වසරේ සිට චීනය මැලේසියාවේ විශාලතම වෙළඳ හවුල්කරුවා ය. එමෙන්ම, ඩොලර් බිලියන 12.5 ක් කරා නැඟුනු ආයෝජන සමඟින් චීනය 2022 දී මැලේසියාවේ විශාලතම සෘජු ආයෝජකයා වූයේය. එතෙකුදු වුව, එක්සත් ජනපද රාජ්‍ය දෙපාර්තමේන්තු වෙබ් අඩවියට අනුව, චීනය සහ සිංගප්පූරුවට පසුව එක්සත් ජනපදය තවමත් මැලේසියාවේ තුන්වන විශාලතම වෙළඳ හවුල්කරු වේ.

RM බිලියන 170 ආයෝජන යෙදවීමේදී, එහි තනි විශාලතම මුදල වන RM බිලියන 80ක් යොදවා ඇත්තේ, සිංගප්පූරුවට යාබද දකුණුදිග ප්‍රාන්තයක් වන ජොහෝර් ප්‍රාන්තය තුල පෙට්‍රො රසායන පිරිපහදුවක් පිහිටුවීම සඳහා රොන්ග්ෂෙන්ග් පෙට්‍රොකෙමිකල් (Rongsheng Petrochemical) සමාගම විසිනි.

RM බිලියන 32 ක දෙවන විශාලතම පොරොන්දුව ලබා දී ඇත්තේ, පෙරාක් (Perak) ප්‍රාන්තයේ විදුලි වාහන නිෂ්පාදන කම්හලක් සඳහා, චීන මෝටර් රථ නිෂ්පාදක සමාගමක් වන සෙජියැං ගීලි (Zhejiang Geely) විසිනි. සෙජියැං ගීලි සමාගම  මේ වසරේ දී RM බිලියන 2 ක ප්‍රාරම්භක ආයෝජනයක් යොදවන බවට භාර ගෙන ඇත.

නොවැම්බරයේ සිට බලයේ සිටින අන්වර්ගේ අස්ථාවර සභාග ආන්ඩුව, උද්ධමනය, විශේෂයෙන්ම වැඩි වෙමින් පවත්නා ආහාර මිල, පහල වැටුප් සහ දැරිය නොහැකි නිවාස මිල ගණන් මගින් ඇවිලෙන සමාජ අර්බුදයක් මධ්‍යයේ ආයෝජන ආකර්ෂණය කර ගැනීමට මංමුලා සහගත උත්සාහයක යෙදී සිටියි.

අන්වර් සහ ඔහුගේ ආන්ඩුව ආයෝජන බැඳීම් දැඩි ලෙස ප්‍රවර්ධනය කර ඇත.  නිසැකව ම, මෙය, දැන් ඩොලර් බිලියන 346 ක් පමණ දක්වා නැඟී ඇති, රාජ්‍ය නය පිම්බී යමින් පවත්නා ඉහළ මට්ටම පිලිබඳ උත්සුකතාවන් ආමන්ත්‍රණය කිරීමට ආන්ඩුව උත්සාහ කරන බවට ගෝලීය මූල්‍ය වෙලඳපොලවල් වෙත කෙරෙන සංඥාවක කොටසකි.

පෙබරවාරි මාසයේදී, රජය සිය වාර්ෂික අයවැය ඉදිරිපත් කිරීමෙන් දින තුනකට පසුව,  ෆිච් (Fitch ) ණය ශ්‍රේණිගත කිරීමේ සමාගම අනෙකුත් “BBB” ශ්‍රේණිගත ආන්ඩුවලට සාපේක්ෂව මැලේසියාවේ රාජ්‍ය ණය ප්‍රමාණය ඉහල මට්ටමක පවතින බැව් සටහන් කළේය.  ෆිච් අනතුරු ඇඟවූයේ “දළ දේශීය නිෂ්පාදිතයේ වර්ධනයට තවදුරටත් කම්පනයන්ට මුහුන පෑමට සිදුවීම හෝ මූල්‍යමය අපගමනයන් නය/දළ දේශීය නිෂ්පාදිතය අඛණ්ඩව ඉහළ යාමට හේතු විය හැකි බවට අවදානමක් දිගටම පවතී.” යන්නයි.

මැලේසියානු ආන්ඩුවේ ජ්‍යෙෂ්ඨයෝ, රජයේ නය ඉහල මට්ටම සහ 2022 දී සිය නය වගකීම් පැහැර හරින ලද, සහ එහි ප්‍රතිඵලයක් ලෙස කම්කරුවන් සහ දුගීන් මර්දනකාරී කප්පාදු පියවරයන්ට එරෙහිව සටන් කිරීම නිසා දේශපාලන කැලඹීමක් ඇති වූ, ශ්‍රී ලංකාවේ තත්වය අතර සමාන්තරයන් දක්වා ඇත්තාහ.

ජනාධිපති ෂී ජින්පින් සමඟ පැවති මිනිත්තු 45 ක ආවෘත රැස්වීමකට පෙර, ඔහුගේ හඳුන්වාදීමේ ප්‍රකාශයේදී, අන්වර් සාමාන්‍ය සාම්ප්‍රදායික රාජ්‍ය තාන්ත්‍රික ඇමතුම් ඉක්මවා ගිය ප්‍රශංසාවක් ෂී ජින්පින්ට පුද කරමින්,  ඔහු “දූරදර්ශී” වූ බවත් “චීනයේ ගමන් මග වෙනස් කළා පමණක් නොව, චීනයෙන් ඔබ්බට, කලාපයට සහ ලෝකයට විහිදෙන දර්ශන සමගින් ලෝකයට සහ මානව වර්ගයාට බලාපොරොත්තුවේ කිරණක් ලබා දුන්” බවත් කියා සිටියේය.

ආසියාව සඳහා වූ Bo’ao සංසදයේදී අදහස් දක්වමින් අන්වර්, රටවල් 150කට වැඩි ප්‍රමාණයක් ආවරණය කිරීමට අදහස් කරන ගෝලීය යටිතල පහසුකම් වැඩසටහන වන චීනයේ “බෙල්ට් ඇන්ඩ් රෝඩ් ඉනීෂියේටිව් (තීරය සහ මාර්ග මුලපිරීම)” (BRI), “උසස් පරමාදර්ශ ප්‍රායෝගික යථාර්ථයට, සහයෝගීතාවයට සහ ඒකාබද්ධතාවයට පරිවර්තනය කිරීම” ලෙස පැසසුමට ලක් කළේය.  BRI යනු එක්සත් ජනපදයේ ආර්ථික බල පරාක්‍රමයට කෙරෙන සෘජු අභියෝගයකි.

බීජිං හි සිංහුවා විශ්ව විද්‍යාලයේ ප්‍රසිද්ධ දේශනයක් අතරතුර, නැගී එන එක්සත් ජනපද-චීන ගැටුම පිළිබඳ ප්‍රශ්නයකට පිළිතුරු දෙමින් අන්වර් මධ්‍යස්ථභාවය අයැදිමින් කියා සිටියේ, මැලේසියාව තම තීරණ පිළිබඳව “අන කිරීමට” කිසිදු බලවතෙකුට ඉඩ නොදෙන බවත්, තම රට චීනය තරඟකරුවෙකු ලෙස හෝ තර්ජනයක් ලෙස නොසලකන බවත්ය.    

අන්වර් චීනය සමඟ මැලේසියාවේ දකුණු චීන මුහුදේ ආරවුල සම්බන්ධයෙන් ද එවැනිම ක්‍රියා මාර්ගයක් අනුගමනය කිරීමට උත්සාහ කලේය.  සරවක් වෙරළට ඔබ්බෙන් මැලේසියානු රජයේ බලශක්ති සමාගමක් වන පෙට්‍රෝනාස් විසින් සංවර්ධනය කරන ලද ගෑස් නිධියක් සම්බන්ධයෙන් චීන රජය උත්සුකතාවයන් පළ කර ඇති බව ඔහු සඳහන් කලේය.

මෙම ප්‍රදේශය මේ වසරේ සිට දිනකට ගෑස් ඝන අඩි මිලියන 900ක් නිෂ්පාදනය කිරීමට අපේක්ෂා කරන නමුත් එය චීනය විසින් හිමිකම් කියන දකුණු චීන මුහුදේ කොටසකි.  අන්වර් පැවසුවේ මැලේසියානු රජය මේ සම්බන්ධයෙන් “සාකච්ඡා කිරීමට සූදානම්” බවයි.

අප්‍රේල් 8 වැනිදා මැලේසියානු විපක්ෂ නායක මුහයිදින් යසින්, මෙම මතභේදයට තුඩු දී ඇති ප්‍රදේශය සම්බන්ධයෙන් ස්වෛරීභාවය අත්හල බවට අන්වර්ට චෝදනා කළේය.  ඊට ප්‍රතිචාර වශයෙන්, මැලේසියානු විදේශ කටයුතු අමාත්‍යාංශය චෝදනාව ප්‍රතික්ෂේප කළ අතර, “… ආරවුල් කවර හෝ ආකාරයකින් උත්සන්න වීම සහ තර්ජනය හෝ බලය යෙදවීමක් වළක්වා ගනු වස්, දකුණු චීන මුහුද සම්බන්ධ ගැටලු සාමකාමී ආකාරයකින් සාකච්ඡා කළ යුතු හෝ විසඳා ගත යුතු” බව ප්‍රකාශ කලේය.

මෙම පියවරයන් වොෂින්ටනයේ සතුරු ප්‍රතිචාර අවුලුවාලීම නිසැකය.  එක්සත් ජනපදයේ ප්‍රධාන තර්ජනයක් විය හැක්කේ මැලේසියානු බැංකු වලට එ.ජ. ඩොලර් නාමෝද්දේෂිත බැංකු පද්ධතියට ප්‍රවේශ වීම අවහිර කිරීමයි.

මැලේසියානු රිංගිට් සහ චීන යුවාන් යොදා ගනිමින් ආයෝජන ගනුදෙනු සිදුකිරීමේ යෝජනාවක් තමන් ෂී ජින්පින් සමඟ ඉදිරිපත් කළ බව අන්වර් පැවසීය.  එක්සත් ජනපද ඩොලරය මත ආසියාවේ යැපීම අඩු කිරීම සඳහා මැලේසියාව සමඟ “ආසියානු මූල්‍ය අරමුදලක්” පිහිටුවීම පිළිබඳ සාකච්ඡා සඳහා චීනය විවෘත බව අන්වර් පසුව පාර්ලිමේන්තුවට පැවසීය.

බයිඩන් පරිපාලනය සමනය කිරීමේ උත්සාහයක් ලෙස, වෙළඳ ඇමති සෆ්රුල් අප්‍රේල් 6දා CNBC (Consumer News and Business Channel හෙවත් පාරිභෝගික පුවත් සහ ව්‍යාපාරික නාලිකාව) වෙත පැවසුවේ, බලවතුන් දෙදෙන අතර නැගෙන භූ මූලෝපායික ආතතීන් මධ්‍යයේ, එක්සත් ජනපදය හා චීනය යන බලවතුන් දෙදෙනා සමගම වැඩ කිරීමට මැලේසියාව අධිෂ්ඨාන කරගෙන සිටින බවයි.

කෙසේ වෙතත්, විචාරකයින් මේ සම්බන්ධයෙන් කනස්සල්ල පල කර ඇත.  චීනයට එරෙහි එක්සත් ජනපද සම්බාධක නිසා චීනයේ සැපයුම් දාමයේ කොටසක් වන සමහර මැලේසියානු සමාගම්වලට බලපෑම් ඇති විය හැකි විභවයක් පවතින බව මලයා විශ්ව විද්‍යාලයෙහි  චීන අධ්‍යයන ආයතනයේ අධ්‍යක්ෂ  නිවො චාව් බින් (Ngeow Chow Bing) අල් ජසීරා පුවත් සේවයට පැවසීය.

මැලේසියාවේ ජාතික විශ්ව විද්‍යාලයේ ජාත්‍යන්තර සම්බන්ධතා පිිළිබඳ ජේෂ්ඨ කථිකාචාර්ය හූ චීව් පිං (Hoo Chiew Ping) අල් ජසීරා පුවත් සේවය  වෙත පැවසුවේ, මැලේසියාව චීනය සමඟ, විශේෂයෙන් තාක්ෂණික අංශයේ සහයෝගීතාව ඉහල නැංවීමට අපේක්ෂා කරන්නේ නම්, එක්සත් ජනපදයේ පීඩනයක ශක්නුතාව පිලිබඳව සලකා බැලිය යුතු බවයි. එය ක්‍රියාත්මක කිරීමට නම් ” එවැනි සහයෝගීතාවයක් දේශපාලනිකව ද්විපාර්ශ්වික සබඳතාවලට බලපාන්නේ නැති බව එක්සත් ජනපදයට සහ චීනයට ඒත්තු ගැන්වීමට තවමත් හැකි විය යුතු අතරම ජාතික අවශ්‍යතා සඳහා තාක්ෂණික සහයෝගීතාව ඉදිරියට ගෙන යාමේ සියුම් පථය ඔස්සේ ගමන් කිරීමට” අවශ්‍යය යන්නයි.

ඇමරිකානු ගෝලීය බලයට පැවැත්මේ තර්ජනය ලෙස නම් කර ඇති චීනය සමග වොෂින්ටනය එහි ගැටුම උග්‍ර කරන විට එම තුලනය කිරීමේ ක්‍රියාව තව තවත් දුෂ්කර වනු ඇත.

#theSocialistLK #WSWS

බෙන් මැක්ග්‍රාත් විසිනි

මෙහි පලවන්නේ ලෝක සමාජවාදී වෙබ් අඩවියේ 2023 මැයි මස 03 දින Japanese prime minister visits Africa, targeting Russia and China යන සිරසින් යුතුව පලවූ බෙන් මැක්ග්‍රාත් සහෝදරයා විසින් ලියන ලද ලිපියේ සිංහල පරිවර්තනය යි. පරිවර්තනය කිත්රුවන් මොලදණ්ඩ විසිනි.

ජපාන අග්‍රාමාත්‍ය ෆුමියෝ කිෂිඩා අද අප්‍රිකාවේ සංචාරයක් අවසන් කරන අතර එයට ඊජිප්තුව, ඝානාව, කෙන්යාව සහ මොසැම්බික් යන රටවල නැවතුම් ඇතුළත් විය.  ඔහුගේ සංචාරය ජපානයේ පැවැත්ම පුළුල් කරන අතර, කලාපය තුල චීන සහ රුසියානු බලපෑම යටපත් කිරීම මෙන් ම රුසියාවට එරෙහිව නේටෝව විසින් මෙහෙයවන ලද යුක්රේනය තුල එක්සත් ජනපද යුද්ධයට සහයෝගය ලබා ගැනීම අරමුණු කර ගෙන තිබිනි.

සෙනසුරාදා තම සංචාරයේ පලමු අදියර සඳහා ඊජිප්තුවට පැමිණීමට පෙර, කිෂිඩා සංචාරය සඳහා වූ තම එල්ලය පැහැදිලි කලේ ය, “මම යුක්රේන තත්ත්වය සහ ජාත්‍යන්තර ගැටලු පිළිබඳව සාකච්ඡා පැවැත්වීමට සහ [කලාපයේ රටවල් සමඟ] අපගේ සහයෝගීතාව තහවුරු කිරීමට කැමත්තෙමි.” එය වසර හතකට පසු ජපාන අගමැතිවරයකු අප්‍රිකාවේ ඕනෑම රටකට ගිය පළමු අවස්ථාව වන අතර වසර නවයකට පසු මහාද්වීපය තුල පළමු බහු ජාතික සංචාරය විය.

ඉරිදා, කිෂිඩා ඊජිප්තු ආඥාදායක ආඤාදායක අබ්දෙල් ෆටා එල්-සිසි හමුවූ අතර, “ජපානය සහ ඊජිප්තුව කලාපය තුළ සහ ජාත්‍යන්තර සමාජය තුළ සහයෝගයෙන් කටයුතු කරන ඉතා වැදගත් හවුල්කරුවන් ය. මෙම තත්වයන් මත පදනම්ව, ද්විපාර්ශ්වික සබඳතාව උපායමාර්ගික හවුල්කාරිත්වයක් දක්වා වැඩිදියුණු කිරීමට අපි එකඟ වීමු”.යි පසුව ප්‍රකාශ කලේ ය. නායකයන් දෙදෙන ඊනියා “නීතියේ ආධිපත්‍යය මත පදනම් වූ ජාත්‍යන්තර පර්යාය” සඳහා තමන්ගේ කැපවීම ද තහවුරු කළහ.

කිෂිඩා එක්සත් ජනපද-නේටෝ යුද ප්‍රයත්නයට සහය දිනාගැනීමේ අපේක්ෂාවෙන් සහ එක්සත් ජනපද අධිරාජ්‍යවාදයේ ප්‍රහාරක සුනඛ භූමිකාව රඟ දක්වමින් අනෙකුත් නායකයින් හා නිලධාරීන් හමුවේ මෙම ප්‍රකාශයන් පුනරුච්චාරනය කලේ ය. රුසියාව විසින් යුක්රේනය ආක්‍රමනය කිරීම හෙලා දැකීමෙන් අප්‍රිකාවේ රටවල් කිහිපයක් වැලකී සිටීම නිසා රුසියාව හුදකලා කිරීමට ටෝකියෝව උත්සාහ කරයි. තෙල්, ධාන්‍ය සහ වෙනත් වෙලඳාම සඳහා මෙම රටවල් මොස්කව් මත රඳා පවතී. කලාපයේ කිෂිඩාගේ සංචාරයේ අවසාන අදියර වන මොසැම්බික් ද මෙයට ඇතුළත් විය.

ජපානය, එක්සත් ජනපදය සහ ඔවුන්ගේ සහචරයෝ, පශ්චාත් දෙවන ලෝක යුද්ධ සමයේ වොෂින්ටනය විසින් පිහිටුවන ලද නියෝගයට එකඟ වීම ප්‍රතික්ෂේප කිරීම සම්බන්ධයෙන් රුසියාව සහ චීනය හෙලා දැකීමට “නීතියේ ආධිපත්‍යය” වැනි වාක්‍ය ඛණ්ඩ නරුම ලෙස භාවිතා කරති.  විශේෂයෙන් ම ඊජිප්තුව වැනි රටවල “නීතියේ ආධිපත්‍යය” පිලිබඳ ටෝකියෝවේ අවධාරනය මුලුමනින්ම කුහක ය.  එල්-සිසි 2013 දී බලයට පත් වූයේ ලේ වැකි හමුදා කුමන්ත්‍රනයකින් වන අතර පාලනය ගෙන යන්නේ දේශපාලන මර්දනය හරහා ය.

තව ද, යුක්රේනයේ යුද්ධය පිලිබඳ එක්සත් ජනපද බොරු හෙලිදරව් කරමින්, අප්‍රේල් මස මුලදී කාන්දු වූ එක්සත් ජනපද මිලිටරි ලේඛන, කයිරෝව විසින් මෙය ප්‍රතික්ෂේප කල ද, පෙබරවාරියේ දී ඊජිප්තුව රුසියාවට රහසිගතව රොකට් 40,000ක් සැපයීමට සැලසුම් කරමින් සිටි බව පෙන්වීමට අදහස් කරන ලදී.  වොෂින්ටනයේ පීඩනය යටතේ, එක්සත් ජනපදයේ සමීප මිතුරෙකු වන අතර ම මොස්කව් සමඟ හොඳ සබඳතා ඇති අල්-සිසි පාලන තන්ත්‍රය මාර්තු මාසයේ දී ආපස්සට හැරී යුක්‍රේනයට ආයුධ සපයන බවට ප්‍රතිඥා දුන්නේ ය. කිෂිඩාගේ සංචාරයේ අරමුන වන්නේ එක්සත් ජනපදය විසින් මෙහෙයවන යුද්ධයට කයිරෝවේ සහයෝගය තව දුරටත්  සහතික කිරීමයි.

මීට අමතරව, ජපානය ආයෝජන සහ ජපන් ජාත්‍යන්තර සහයෝගිතා නියෝජිතායතනය (JICA) වැනි ඊනියා ආධාර ආයතනවල මැදිහත්වීම හරහා සමස්ත කලාපය පුරා සම්පත් වෙත ප්‍රවේශය දිනා ගැනීමට ද උත්සාහ කරයි.

අප්‍රිකාවේ චීන ආයෝජන කලාපය තුළ තම අවශ්‍යතා යටපත් කිරීම ගැන, ටෝකියෝ කනස්සල්ලට පත්ව සිටී.  පසුගිය වසර විස්සක් පුරා අප්‍රිකාවේ චීන ආයෝජන නාටකාකාර ලෙස ඉහල ගොස් ඇත. එය, 2003 දී ඩොලර් මිලියන 75 සිට 2021 දී ඩොලර් බිලියන 5 දක්වා වැඩි වී තිබිනි. චීනය මහාද්වීපය පුරා යටිතල පහසුකම් සහ අනෙකුත් ආර්ථික ව්‍යාපෘති සඳහා විශාල වශයෙන් ආයෝජනය කරයි. මෙයින් බොහෝමයක් පැමිණෙන්නේ බීජිංහි “තීරය සහ මාවත” ලෙසින් ගෙන ඇති මූලිකත්වයේ ඵලයක් ලෙස ය. එමෙන් ම චීනය අප්‍රිකාව සමඟ වැඩි වෙලඳාමක් කරන අතර, එය 2019 දී මහාද්වීපයේ අපනයන හා ආනයනවලින් සියයට 20 කට වඩා වැඩි ප්‍රමානයක් සඳහා වගකියන අතර ජපානයේ කොටස සියයට 3 කට වඩා අඩු ය.

ඝානාවේ දී කිෂිඩා, ඉදිරි වසර තුන තුල, සහේල් කලාපයේ “සාමය සහ ස්ථාවරත්වය” ප්‍රවර්ධනය කිරීම සඳහා ඩොලර් මිලියන 500ක් පොරොන්දු විය. “ආර්ථිකය, සංවර්ධනය සහ මිනිසුන්ගේ අන්තර්ක්‍රියා ඇතුළු පුළුල් පරාසයක ක්ෂේත්‍ර හරහා සහයෝගීතාව තවදුරටත් ශක්තිමත් කිරීමට ආවේශයක් ලෙස අපි මෙම සංචාරය භාවිතා කරන්නෙමු” යි කිෂිඩා කියා සිටියේ ය.

ජපානය සිය සම්පත් අවශ්‍යතා සපුරාලීම සඳහා ආනයන මත දැඩි ලෙස රඳා පවතී.  ඝානාවට බහුවිධ ඛනිජ සම්පත් ඇති අතර අප්‍රිකාවේ දෙවන විශාලතම රන් නිෂ්පාදකයා මෙන් ම එයට තෙල් හා ස්වාභාවික වායු සංචිත ද ඇත.  කෙන්යාව යනු ජපන් සමාගම් සඳහා වැදගත් පදනමක් වන අතර, JICA වෙබ් අඩවියට අනුව, එය “නැගෙනහිර අප්‍රිකානු කලාපයට දොරටුවකි.”

මොසැම්බික් යනු අප්‍රිකාවේ තිබෙන සම්පත් වලින් වඩාත් පොහොසත් රටකි. චීනය මෙම අප්‍රිකානු රටේ මොසැම්බික්හි ස්වභාවික වායු සංචිත නිස්සාරනය ද අඩංග් කර ගත් විශාලතම ආයෝජකයෙකි. චීනය අනෙකුත් රටවල් සමඟ,  මොසැම්බික් හි උතුරු කොටසේ පිහිටා ඇති “කොරල් දකුනු ප්‍රදේශයේ ස්වාභාවික පාවෙන ද්‍රව වායු” ( Coral South Floating Liquefied Natural Gas (FLNG) ) ව්‍යාපෘතිය සඳහා ආයෝජනය කර ඇත.  එය අප්‍රිකාවේ විශාලතම FLNG ව්‍යාපාරය වන අතර ලෝකයේ දෙවන විශාලතම ව්‍යාපාරයයි.  එය පසුගිය නොවැම්බර් මාසයේ ස්වභාවික ද්‍රව ගෑස් අපනයනය කිරීම ආරම්භ කලේ ය. 

ආර්ථික ආධාර මෙන් ම JICA වැනි සංවිධාන ජපාන විදේශ ප්‍රතිපත්තියේ වැදගත් කාර්යභාරයක් ඉටු කරන අතර ටෝකියෝවේ 2015 දී එහි නිල සංවර්ධන ආධාර ප්‍රඥප්තිය සංශෝධනය කිරීම සහ සංවර්ධන සහයෝගිතා ප්‍රඥප්තිය නිර්මාණය කිරීම හරහා, ආත්මාරක්ෂක බලකායන් වන මිලිටරිය බලයන් සමඟ වඩාත් සමීපව ඒකාබද්ධ වී ඇත.

ටෝකියෝ මෙම ඊනියා සංවර්ධන වැඩසටහන්වලට සහය දැක්වීම සඳහා සිය සන්නද්ධ හමුදා විදේශයන්හි යෙදවීම ඇතුළුව, යලි මිලිටරිකරණය කිරීමේ එහි උත්සාහයේ කොටසක් ලෙස විදේශීය “ආධාර” භාවිතා කරයි.  මෙය මෑතකදී සුඩානයේ දී ඉතා පැහැදිලිව ප්‍රදර්ශනය වූ අතර, මෙම ගැටුම් පවතින රටෙන් ජපන් ජාතිකයන් ඉවත් කිරීම සඳහා ටෝකියෝ ගුවන් සහ ගොඩබිම් හමුදා පිටත් කර යවන ලදී.  සුඩානයෙන් පිටතට පියාසර කරන ලද බොහෝ දෙනා ජයිකා (JICA)සේවකයෝ වූහ. 

වඩාත් පුළුල් ලෙස සැලකුවහොත් ,ටෝකියෝව අප්‍රිකාව කෙරෙහි අවධානය යොමු කිරීම, අප්‍රිකාව, ලතින් ඇමරිකාව සහ පැසිෆික් දූපත් ඇතුළු සමකය ආසන්නයේ සහ පහළින් සංවර්ධනය වෙමින් පවතින රටවල් වෙත යොමු කර “ගෝලීය දකුණ” දිනා ගැනීමේ උපාය මාර්ගයේ කොටසකි. ටෝකියෝව මාර්තු මාසයේදී, රජයේ සංවර්ධන සහයෝගීතාව පිළිබඳ වාර්ෂික ධවල පත්‍රිකාව නිකුත් කල අතර, එහි මෙම කලාපය කෙරෙහි අවධානය යොමු කරමින් භූ දේශපාලනයේ දී මෙය ඉටු කරන කාර්යභාරය අවධාරනය කලේ ය.

ප්‍රධාන කැබිනට් ලේකම් හිරෝකාසු මට්සුනෝ එම අවස්ථාවේ දී ප්‍රකාශ කළේ, “ප්‍රධාන රටවල් හතේ කණ්ඩායමේ මේ වසරේ සභාපතිවරයා ලෙස, දේශගුණික විපර්යාස, බලශක්තිය , ආහාර, සෞඛ්‍ය සහ සංවර්ධනය වැනි ගැටළු විසඳීමට ක්‍රියාකාරීව දායක වෙමින් ගෝලීය දකුණේ අපගේ සම්බන්ධය ශක්තිමත් කිරීමේ උත්සාහයට ජපානය නායකත්වය දෙනු ඇත. යන්නයි.  මැයි 19 සිට 21 දක්වා ජපානයේ හිරෝෂිමා හි පැවැත්වීමට නියමිත G7 සමුලුවේ දී, රුසියාවට එරෙහි යුද්ධය සහ චීනය සමඟ ඒ හා සමාන ගැටුමක් අවුලුවාලීම කෙරෙහි දැඩි අවධාරනයක් තබනු ඇත.

ගෝලීය දකුණ කෙරෙහි මෙම අවධානය යොමු කිරීමේ කොටසක් ලෙස, ජපාන විදේශ අමාත්‍ය යොෂිමාසා හයාෂි දැනට පැරගුවේ, පේරු, චිලී සහ බාබඩෝස් හි තමන්ගේ ම සංචාරයක යෙදී සිටී.  පැරගුවේ යනු, බීජිං වෙනුවට තායිපේ චීනයේ නීත්‍යානුකූල රජය ලෙස පිළිගන්නා රටවල් 13 න් එකකි.  හයාෂි මෙක්සිකෝව, ඉක්වදෝරය, බ්‍රසීලය සහ ආර්ජන්ටිනාව යන රටවලට ද ජනවාරි මාසයේ දී සංචාරය කලේ ය.

මෙසේ ලෝක දක්ෂිනාංශික රටවල් කෙරෙහි අවධානය යොමු කිරීම පෙන්නුම් කරන්නේ, රුසියාවට එරෙහි ප්‍රහාරය පුලුල් කිරීම සහ චීනයට එරෙහිව යුද්ධයක් දියත් කිරීමේ අරමුන ඇතිව, න්‍යෂ්ටික ගිනි    ජාලාවක් දක්වා පිපිරවිය හැකි, සීඝ්‍රයෙන් වේගවත් වන එක්සත් ජනපදයේ නායකත්වයෙන් යුත් යුධ සැලසුම් වලට ලොව පුරා සියලුම ජාතීන්ට එකතු වීමට බල කෙරෙන බවයි.  

#theSocialistLK #WSWS