ඉලිනොයිස් ඉඩම් හිමියා පලස්තීන-ඇමරිකානු දරුවා ඝාතනය කරයි: එක්සත් ජනපද අධිරාජ්‍යවාදයේ ප්‍රචාරක ව්‍යාපාරයේ නිපැයුමක්
පැට්‍රික් මාර්ටින් විසිනි.
මෙහි පලවන්නේ ලෝක සමාජවාදී වෙබ් අඩවියේ 2023 ඔක්තෝබර් 17 දින පල වූ ‘Illinois landlord murders Palestinian-American child: The product of US imperialism’s propaganda campaign” යන පැට්‍රික් මාර්ටින් විසින් ලියන ලද ඉදිරිදර්ශන ලිපියේ සිංහල පරිවර්තනය යි. පරිවර්තනය කිත්රුවන් මොලදන්ඩ විසිනි.
සය හැවිරිදි පලස්තීන-ඇමරිකානු පිරිමි ලමයෙකු සෙනසුරාදා චිකාගෝ තදාසන්න ප්‍රදේශයේකදී, පැහැදිලිවම ව්‍යාකූල වූ නමුත් එක්සත් ජනපද මාධ්‍ය සංතෘප්ත කර ඇති මුස්ලිම් විරෝධී සහ පලස්තීන විරෝධී ප්‍රචාරයන්ට ප්‍රතිචාර වශයෙන් ක්‍රියා කර ඇති වයෝවෘද්ධ මිනිසෙක් විසින්, ඝාතනය කරන ලදී. මෙම ම්ලේච්ඡ ප්‍රහාරය එක්සත් ජනපද ආන්ඩුව, ඩිමොක්‍රටික් සහ රිපබ්ලිකන් පක්ෂ සහ සංගත මාධ්‍ය විසින් ගෙන යන ගාසාවේ ජනතාවට එරෙහි ජන සංහාරයට සහය දැක්වීමේ පෙර නොවූ විරූ ව්‍යාපාරයෙන් ඇතිවී තිබෙන බලපෑමේ ක්‍රියාකාරීත්වය පෙන්නුම් කිරීමකි.
මිනීමැරුම ඉතාම ම්ලේච්ඡ ආකාරයෙන් සිදු කර ඇත. චිකාගෝ සිට සැතපුම් 40ක් නිරිත දෙසින් පිහිටි විල් ප්‍රාන්තයේ ප්ලේන්ෆීල්ඩ් හි නිවාස හිමියෙකු වන ජෝසෆ් චුබා පිරිමි ලමයාට සහ ඔහුගේ 32 හැවිරිදි මවට , ඔවුන් ඔහුගෙන් කුලියට ගත් බිම් මහලේ දී පහර දුන්නේය. ඔහු ජීවත් වූයේ මහල් නිවාසයේ උඩුමහලේ ය.
මව වන හනාන් ෂාහින් මැද පෙරදිග සාමය සඳහා ඇගේ කැමැත්ත ප්‍රකාශ කල , මහල් නිවාසයේ දොර අසල ඇති වූ විවාදයකින් පසුව, අඟල් 12 ක මිලිටරි ආකාරයේ පිහියක් අතැතිව බලහත්කාරයෙන් ඇතුලු වෙමින්, චුබා මුස්ලිම්වරුන්ට එරෙහිව ශාප කිරීමට පටන් ගත්තේය. එවිට , මව 911 අමතනු ලැබිනි.
චුබා විසින් වේදියා අල්-ෆයූම් නම් පිරිමි ලමයාට 26 වතාවක් සහ ඔහුගේ මවට දුසිම් වතාවක් පිහියෙන් ඇන ඇත. ෂාහින් මහත්මිය ඇගේ බරපතල තුවාලවලින් බේරුනේ නාන කාමරයට පලා යාමෙන් නමුත් ඇගේ පුතා ඛේදජනක ලෙස එසේ නොවීය. ෂාහින් මහත්මිය ප්‍රාදේශීය රෝහලක බරපතල තත්ත්වයේ පසුවේ. 911 ඇමතුමට ප්‍රතිචාර වශයෙන් පොලිසිය පැමිනෙන විට, චුබා නිවස ඉදිරිපිට බිම වාඩි වී සිටියේය.
රෝහලේ දැඩි සත්කාර ඒකකයේ සිට තම සැමියාට පනිවිඩයක් යවමින් ෂාහින් මහත්මිය පැවසුවේ, ඉඩම් හිමියා ඔවුන්ගේ දොරට තට්ටු කල බවත්, ඇය එය විවෘත කල විට, ඔහු ඇගේ හුස්ම හිර කිරීමට උත්සාහ කල බවත්, පිහියකින් පහර දෙමින්, “තොපි මුස්ලිම්වරුන් මිය යා යුතුයි.” යනුවෙන් කෑගසමින් ඇයට පහර දුන් බවත්ය.
මරනයෙන් පසු හැකි ඉක්මනින්, මුස්ලිම් (සහ යුදෙව්) චාරිත්‍රයට අනුව භූමදානය කල යුතු බැවින් වේදියා ගේ පවුලේ අය සඳුදා ඔහුව භූමදාන කලහ. ඇගේ තුවාල නිසා ඔහුගේ මවට පැමිනීය නොහැකි විය. උත්සවයට පෙර, වේදියා ගේ මාමා, යූසෆ් හැනන් , ප්‍රවෘත්ති සාකච්ඡාවකදී, “අපි සතුන් නොවේ, අපි මිනිසුන් ය. අපට අවශ්‍ය වන්නේ මිනිසුන් අපව මිනිසුන් ලෙස දැකීමට, අපව මිනිසුන් ලෙස දැනීමට, මිනිසුන් ලෙස අප සමඟ ගනුදෙනු කිරීමටයි, මන්ද අපි මිනිසුන් වන නිසා. ” යනුවෙන් පැවසීය.
හැනන් පැහැදිලිවම අදහස් කලේ පලස්තීනුවන්ගේ කුඩා භූමියට ආහාර, ජලය සහ විදුලිය සැපයීම වසා දැමීමේ ප්‍රතිපත්තිය සාධාරනීකරනය කිරීම සඳහා ගාසා තීරයේ ජනගහනය “මිනිස් සතුන්” ලෙස හැඳින්වූ ඊශ්‍රායල ආරක්ෂක අමාත්‍ය යොආව් ගැලන්ට් ගේ ප්‍රකාශයන් ය.මිලියන 2.2 පලස්තීනුවන් ඊශ්‍රායලය සිදු කරන සන්තෘප්ත බෝම්බ හෙලීමක් තුල සහ ආසන්න ආක්‍රමනයක තර්ජනය යටතේ ජීවත් වෙති.
හැනන් 1999 දී බටහිර ඉවුරෙන් සංක්‍රමනය වූ අතර විශාල පලස්තීන ජනගහනයක් සිටින ප්‍රදේශයේ පාසල් ගුරුවරයෙකු ලෙස සේවය කර ඇත. ඔහුගේ සහෝදරයා වන වේදියා ගේ පියා, 2011 හි දී සහ ඔහුගේ මව 2014 හි සංක්‍රමනය විය. වේදියා 2017 හි උපත ලැබූ අතර ඇමරිකානු පුරවැසියෙකි.
ඇමරිකානු-ඉස්ලාමීය සබඳතා පිලිබඳ කවුන්සිලයේ (CAIR) චිකාගෝ කොටසෙහි විධායක අධ්‍යක්ෂ අහමඩ් රෙහාබ් මාධ්‍ය හමුවට පැවසුවේ, “මෙය කිසිදා නොඑනු ඇතැයි අප බලාපොරොත්තු වූ දුෂ්කර දවසක්. පවසන පරිදි, කුඩාම මිනී පෙට්ටි බරම ඒවා ය.”
වේදියා ගැන කතා කරමින්, ඔහු දිගටම කියා සිටියේ, “ඔහු හය හැවිරිදි පිරිමි ලමයෙක්, ඔහු හැමදේටම ආදරය කලා,” රෙහාබ්, ලමයාගේ පියාගේ විස්තරය මත පදනම්ව දරුවා ගැන පැවසීය. “ඔහු සෑම කෙනෙකුටම ආදරය කලා, ඔහු ඔහුගේ සෙල්ලම් බඩු වලට ආදරය කලා, ඔහු බෝලයක් සමන්විත ඕනෑම දේකට, පැසිපන්දු, පාපන්දු, ආදරය කලා, ඔහු වර්න ගැන්වීමට (චිත්‍ර )ආදරය කලා, ඔහු කැරකී ආපසු හැරීමට ආදරය කලා, ඔහු තම දෙමාපියන්ට ආදරය කලා, ඔහු තම පවුලට සහ මිතුරන්ට ආදරය කලා, ඔහු ජීවිතයට ආදරය කලා. ඔහු දිගු, නිරෝගී, සමෘද්ධිමත් ජීවිතයක් අපේක්ෂාවෙන් සිටියා.”
“ලෝකයේ සිදුවන මෙම විශාල ප්‍රශ්න ගැන ඔහුට කිසිදු හෝඩුවාවක් නැත, නමුත් ඔහුට ඒ සඳහා ගෙවීමට සිදු විය,” රෙහාබ් පැවසීය.”දේශපාලකයන්, මාධ්‍ය ආයතන සහ සමාජ මාධ්‍ය වේදිකා විසින් පතුරුවා හරින ඉස්ලාම් භීතිකාව සහ පලස්තීන විරෝධී වර්ගවාදය නැවැත්විය යුතුය.” CAIR ජාතික සංවිධානය X / ට්විටර් හි ලිවීය.
විල් කලාප ෂෙරිෆ්ගේ කාර්යාලය ඉරිදා ප්‍රකාශයක් නිකුත් කරමින් කියා සිටියේ, “මෙම කුරිරු ප්‍රහාරයේ ගොදුරු වූවන් දෙදෙනාම මුස්ලිම් ජාතිකයන් වීම සහ හමාස් සහ ඊශ්‍රායලයන් සම්බන්ධ දැනට පවතින මැදපෙරදිග ගැටුම නිසා සැකකරු විසින් ඔවුන්ව ඉලක්ක කර ඇති බව රහස් පරීක්ෂකයින්ට තීරනය කිරීමට හැකි වූ” බවයි.
මෙම ඝාතනයත් සමගම,පලස්තීනුවන් මනුෂ්‍ය මුහුනුවරකින් යුතු යක්ෂයන් ලෙස හුවා දක්වන ඊශ්‍රායල ගැති ප්‍රචාරනය පතුරුවා හරිමින් සිටි එක්සත් ජනපද ධනේශ්වර දේශපාලකයින්ගේ සුපුරුදු සංත්‍රාසය හා අධික කෝපයේ ප්‍රකාශ කිරීම් පල විය. ඉලිනොයි හි ප්‍රකෝටිපති ආන්ඩුකාර, ජේ.බී. ප්‍රිට්ස්කර්, මිනීමැරුම හැඳින්වූයේ “නපුරට අඩු දෙයක් නොවේ” යන්නයි. එය මෙම ප්‍රහාරයේ සැබෑ හේතු වසන් කරන හිස් ලේබලයක් පමනක් වන අතර, එවා පවත්නේ චුබා ගේ මනෝභාවය තුල නොව, ඔහුව නිෂ්පාදනය කර මෙහෙයවූ සමාජය තුලය.
ධවල මන්දිරය ජනාධිපති බයිඩන් සහ ඔහුගේ බිරිඳ ජිල් ප්‍රවෘත්තියෙන් “කම්පනයට හා පිලිකුලට” පත් වූ බව පවසමින් ඡේද කිහිපයක් නිකුත් කලේය. “මෙම බිහිසුනු වෛරී ක්‍රියාවට ඇමරිකාවේ ඉඩක් නැති අතර අපගේ මූලික වටිනාකම්වලට එරෙහිව නැගී සිටියි,” එක්සත් ජනපද ජනාධිපතිවරයා කියා සිටියේය.
පසුගිය සතියේ බයිඩන් දේශනයක් පැවැත් වූ අතර, ඔවුන් වාසය කරන එලිමහන් සිරකඳවුරේ දොරටු බිඳ දැමූ පලස්තීනුවන්ගේ ක්‍රියාවන් “පිරිසිදු, පවිත්‍ර නපුරක්” ලෙස විස්තර කලේය. පලස්තීනුවන් විස්තර කිරීමට මෙම අමානුෂිකකාරී භාෂාව භාවිතා කිරීමේදී, බයිඩන් ගැලන්ට් සහ ඊශ්‍රායල අගමැති බෙන්ජමින් නෙතන්යාහුගේ භාෂාව ප්‍රතිරාවය කලේය.
ඔහුගේ කතාවේදී බයිඩන්, ගාසාවේ සිවිල් ජනතාවට එල්ල කරන ප්‍රහාර සඳහා ඊශ්‍රායලයට රිසි පරිදි ක්‍රියා කිරීමට අවසර ලබා දෙමින්, “ලෝකයේ සෑම ජාතියකටම මෙන් ඊශ්‍රායලයට ද මෙම දරුනු ප්‍රහාරවලට ප්‍රතිචාර දැක්වීමට අයිතියක් ඇත-සහ ඇත්තෙන්ම ප්‍රතිචාර දැක්වීමට යුතුකමක් තිබේ.”යන්න ප්‍රකාශ කලේය. මේ වන විටත් ඊශ්‍රායලය වත්මන් ගැටුමේදී පලස්තීනුවන් 2000කට අධික සංඛ්‍යාවක් ඝාතනය කර ඇත. සියලුම ආහාර, ජලය සහ බලශක්තිය කපා හැරීමත් සමඟ, සහ සම්පූර්න ආක්‍රමනයක් සිදුවිය හැකි නිසා, මරන සංඛ්‍යාව ඉහල යනු ඇත.
සති අන්තයේ “මිනිත්තු 60” හි සම්මුඛ සාකච්ඡාවකදී බයිඩන් කියා සිටියේ හමාස් සිදු කල ඔක්තෝබර් 7 ප්‍රහාරය “හොලෝකොස්ටය තරම්ම ප්‍රතිවිපාකයක සහිත” බවයි. 1939 සහ 1945 අතර, නාසීන්ගේ “අවසාන විසඳුම” මගින් යුදෙව්වන් මිලියන හයක් සමූලඝාතනය කරන ලදී, එය එකල මුලු ලෝක යුදෙව් ජනගහනයෙන් සියයට 40 ක් පමන විය.
ආසන්න වශයෙන් 1,000 ඊශ්‍රායල මරනවලට තුඩු දුන් ඔක්තෝබර් 7 හමාස් ප්‍රහාරය එලිමහන් සිරකඳවුරකින් එලියට පැන ආ පීඩිත මිනිසුන්ගේ ක්‍රියාවකි. මෙය හොලෝකොස්ටය හා සංසන්දනය කිරීම යනු ඉලිනොයි හි සිදු වූ ප්‍රචන්ඩකාරී ක්‍රියාවන් දිරිමත් කිරීම වැලැක්විය නොහැකි ,විකාර සහගත පලස්තීන විරෝධී අපවාදයකි.
එක්සත් ජනපද ගුවන් යානා වාහක නෞකා දෙකක් නැඟෙනහිර මධ්‍යධරනී මුහුදේ ස්ථානගත කර ඇත්තේ, නැව් හෝ ගුවන් යානා නොමැති හමාස් සමඟ ගැටුමකට නොව, ලෙබනනයේ හිස්බුල්ලා සමඟ, සිරියාව සමඟ හෝ ඉරානය සමඟ යුද්ධයට සූදානම් වීමටය. එවැනි යුද්ධවලදී ලමුන් දස දහස් ගනනක් නොවේ නම් ලක්ෂ ගනනක් ඇතුලුව මිය යන සංඛ්‍යාව මිලියන ගනනක් විය හැකිය.
එක්සත් ජනපදයේ, පලස්තීනුවන්ට එරෙහිව ඊශ්‍රායලයේ සමූල ජන ඝාතනයේ විරුද්ධවාදීන් යුදෙව් විරෝධීන් ලෙස මඩ ගැසීමේ ව්‍යාපාරයක් පක්ෂ දෙකෙහිම මාධ්‍ය සහ දේශපාලනඥයන් දිරිමත් කර ඇත. විද්‍යාල මන්ඩප තුල සිසුන් සහ ශිෂ්‍ය කන්ඩායම් ඉලක්ක කර ඇති අතර, පුද්ගල අනන්‍යතා ප්‍රසිද්ධ කර ඇත.
එක්සත් ජනපද ආගමන හා රේගු බලාත්මක කිරීම (ICE) සහ FBI විසින් පලස්තීනුවන් සහ මුස්ලිම් පල්ලි ප්‍රශ්න කිරීම සඳහා ඉලක්ක කර ඇති අතර, පුද්ගලයින්ට නීතිඥයෙකු සම්බන්ධ කර ගැනීමට නොහැකිව දින ගනනක් රඳවාගෙන ඇති බවට වාර්තා වේ.
වේදියා අල්-ෆයූම් ගේ ඝාතනය පලස්තීන ජනතාවට එරෙහිව ඊශ්‍රායල යුද්ධය විසින් අවුලුවාලූ සමස්ත ෆැසිස්ට් ප්‍රහාර මාලාවෙන් වඩාත්ම බිහිසුනුම එක පමනි. මුස්ලිම් සංවිධාන, පල්ලි සහ තනි තනි අරාබි-ඇමරිකානුවන්ට මරන තර්ජන දහස් ගනනක් දුරකථන ඇමතුම් හෝ අන්තර්ජාලය හරහා එවා ඇත.
එක්සත් ජනපදයේ විශාලතම අරාබි-ඇමරිකානු ජනගහනය වෙසෙන ඩෙට්‍රොයිට් ප්‍රදේශයේ, “ඩියර්බෝර්න් වෙත ගොස් පලස්තීනුවන් දඩයම් කිරීමට” කැමති ඕනෑම අයෙකු අන්තර්ජාලයෙන් ඉල්ලා සිටි ෆාමින්ටන් හිල්ස් හි මිනිසෙකු අත්අඩංගුවට ගන්නා ලදී. විශාල ෆෝඩ් වාහන කම්හලක් සහිත විශාල ඩෙට්‍රොයිට් උපනගරයක් වන ඩියර්බෝර්න්, මුස්ලිම් බහුතරයක් සිටින අතර අරාබි-ඇමරිකානු නගරාධිපතිවරයෙකු සහ පොලිස් ප්‍රධානියෙකු සිටිති. නිව් යෝර්ක් නගරයේ, තලප්පාවක් සහ නෝවිඩ් වලින් ආරක්ෂා වීමට මුඛ ආවරනයක් පැලඳ සිටි බස් මගියෙකුට, ඔහුගේ තලප්පාව බලහත්කාරයෙන් ඉවත් කිරීමට උත්සාහ කල අයෙකු විසින් පහර දෙන ලදී.
මේවා සරලවම අහඹු සිදුවීම් නොව, මුස්ලිම්-විරෝධී ආගම්වාදය අවුලුවාලීමට සහ මහජන සහයෝගයක් නොමැති මැද පෙරදිග එක්සත් ජනපද මිලිටරි මැදිහත්වීමකට සහාය දැක්වීමට එය බලමුලු ගැන්වීම සඳහා, ජාතික-ආරක්ෂක යාන්ත්‍රනයේ ඉහලම මට්ටම් වලින් මෙහෙයවන ලද හිතාමතාම කරන ව්‍යාපාරයක නිෂ්පාදනයකි.
දෙවන ලෝක සංග්‍රාමයට එක්සත් ජනපදය ඇතුල්වීම , ජපන් ඇමරිකානුවන් 125,000කට වැඩි පිරිසක් සිරගත කිරීමට තුඩු දුන් අතර, එජ ව්‍යවස්ථාව යටතේ ඔවුන්ගේ ප්‍රජාතන්ත්‍රවාදී අයිතීන් රූස්වෙල්ට් පරිපාලනයේ විධායක නියෝගයෙන් පාගා දමන ලදී. ඊටත් වඩා විශාල බලයක් සහිතව, ඩිමොක්‍රටික් බයිඩන් පරිපාලනයේ යුද ප්‍රතිපත්තිවලට—නියෝජිත සභාවේ සහ සෙනෙට් සභාවේ රිපබ්ලිකන් යුධවාදීන්ගේ පිටුබලය ඇතිව—පලමුවෙන්ම රුසියානුවන් සහ, දැන් පලස්තීනුවන් යක්ෂ වෙස් ගැන්වීම අවශ්‍ය වේ. චීන ජාතිකයින්ට සහ TikTok වැනි චීන සමාගම්වලට එරෙහි මීට සමාන ව්‍යාපාර ඇමරිකානු අධිරාජ්‍යවාදයේ අවසාන ඉලක්කය පෙන්නුම් කරයි.
යුද්ධයට එරෙහි මහජන විරෝධයට වල කැපීමට සහ ආගම, වර්ගය සහ ජාතිකත්වය අනුව කම්කරු පන්තිය බෙදීමේ එවන් සියලු උත්සාහයන්ට කම්කරු පන්තිය විරුද්ධ විය යුතුය. එක්සත් ජනපදයේ හා ලොව පුරා කම්කරුවන් ගාසා තීරයට එල්ල කරන ප්‍රහාරය වහා අවසන් කරන ලෙස ඉල්ලා සිටිය යුතු අතර එය යුක්ති සහගත කිරීමට යොදා ගන්නා පලස්තීන විරෝධී හා ස්වෝත්තමවාදී ව්‍යාපාරයට විරුද්ධ විය යුතුය.
