Democratic Rights

ආන්ඩ්‍රේ ඩේමන් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 දෙසැම්බර් 23 දින පල වූ ‘Gaza genocide death toll tops 20,000 amid mass starvation’ යන ආන්ඩ්‍රේ ඩේමන් විසින් ලියන ලද  ලිපියේ සිංහල පරිවර්තනය යි. පරිවර්තනය මිගාර මල්වත්ත  විසිනි.

ගාසාවේ සෞඛ්‍ය අමාත්‍යාංශයේ සිකුරාදා ප්‍රකාශයකට අනුව ගාසා තීරයේ ඊශ්‍රායලයේ ජන සංහාරයෙන් මියගිය සංඛ්‍යාව 20,057 ක් විය.  අතුරුදහන් වූ 7000ක පිරිස අතරින් බොහෝ දෙනා සුන්බුන් යට වැළලී ඇති බව සැලකිල්ලට ගත් විට, සැබෑ මරණ සංඛ්‍යාව දැනටමත් 25,000 ඉක්මවා ඇත.

යන්තම් මිලියන 2 කට වැඩි ජනගහනයකින් 20,000-25,000 ක මරණ සංඛ්‍යාවක් යනු පසුගිය මාස දෙකහමාරක කාලය තුළ ගාසා තීරයේ පුද්ගලයින් 100 කින් එකකට වඩා මරා දමා ඇති බවයි. මෙය එක්සත් ජනපදයේ මිලියන 3.3 ක ජනතාවකට සමාන වේ.

සෞඛ්‍ය අමාත්‍යාංශය පැවසුවේ පුද්ගලයින් 50,000 කට වැඩි පිරිසක් තුවාල ලබා ඇති බවත් , ඔවුන්ගෙන් 5,000 ක් අසාධ්‍ය තත්ත්වයේ පසුවන හෙයින් ප්‍රතිකාර සඳහා විදේශගත නොකළහොත් මරණයට පත්වීමේ අවදානමක් පවතින බවයි.

සෞඛ්‍ය අමාත්‍යාංශයේ ප්‍රකාශකයෙකු වන අෂ්රොෆ් අල්-කුද්‍රා  පැවසුවේ ගර්භනී කාන්තාවන් 50,000 ක් සහ ළමුන් 900,000 ක් පමණ මන්දපෝෂණයෙන් පෙළෙන බවයි. අවශ්‍ය ආධාර වලින් පනහෙන් එකක් පමණක් ගාසා තීරයට ගමන් කරන බව ඔහු පැවසීය.

බ්‍රහස්පතින්දා එක්සත් ජාතීන්ගේ සංවිධානය වාර්තා කළේ ගාසා තීරයේ ජනගහනයෙන් හතරෙන් එකක් හෝ 500,000 කට අධික ජනතාවක් කුසගින්නේ සිටින බවයි. “සාගින්නෙන් ගාසා තීරය විනාශ වෙමින් පවතින අතර, මෙය ළමුන්, ගැබිනි සහ කිරි දෙන කාන්තාවන් සහ වැඩිහිටි පුද්ගලයින් අතර වඩාත් උග්‍ර ලෙස , ගාසා තීරය පුරා රෝගාබාධ වැඩි කරනු ඇතැයි අපේක්ෂා කෙරේ” යනුවෙන් එක්සත් ජාතීන් සිය වාර්තාවේ ලියා ඇත.

ජනගහනයෙන් සියයට 93ක් “ අර්බුද මට්ටමේ කුසගින්නට” මුහුන දී සිටින බවත්, නිවාස හතරකින් එකක්  “ව්‍යසනකාරී තත්වයේ ” සාගින්නට  දී සිටින බවත් , එක්සත් ජාතීන්ගේ සංවිධානය වාර්තා කරන අතර,  එය නිගමනය කළේ, “සාගින්න, දරිද්‍රතාවය සහ මරණය පැහැදිලි.” බවයි.

එක්සත් ජාතීන්ගේ සංවිධානයට අනුව, “WHO කාර්ය මණ්ඩලය පවසන්නේ ඔවුන් ගාසා තීරයේ කතා කළ සෑම පුද්ගලයෙකුම කුසගින්නේ පසුවන බවයි.” ඔවුන් තවදුරටත් කියා සිටියේ, “අපි ගාසා තීරයේ වෛද්‍ය සැපයුම් ලබා දෙමින් ගමන් කරද්දී.  ඒ ආහාර යැයි බලාපොරොත්තුවෙන් මිනිසුන් අපගේ ට්‍රක් රථ වෙත දිව එනවා ”

පාචනය රෝගීන් 100,000 කට වඩා වාර්තා වී ඇත. ඉන් අඩක් අවුරුදු පහට අඩු ළමුන් වන අතර, එය , ඊශ්‍රායල් ප්‍රහාරයට පෙර පැවති ප්‍රමාණයට වඩා 25 ගුණයක වැඩි වීමකි.

එක්සත් ජාතීන් සදහන් කළේ, “නිරෝගී ශරීරයකට මෙම රෝග සමඟ පහසුවෙන් සටන් කළ හැකි වුවත් , ක්ෂය වූ සහ දුර්වල වූ ශරීරයක් ඒ සමග සටන අසීරු වනු ඇත. කුසගින්න ශරීරයේ ආරක්ෂාව දුර්වල කරන අතර රෝග සඳහා දොර විවර කරයි. “අද ගාසා තීරයේ සාමාන්‍යයෙන් සෑම පුද්ගලයන් 4,500 කටම ඇත්තේ එක් ෂවරයක් (වතුර මලක්) සහ සෑම 220කටම ඇත්තේ එක වැසිකිළියක්” බවත්, “මෙම තත්ත්වයන් නිසා බෝවන රෝග පැතිරීම නොවැළැක්විය හැකි” බවත් ,එක්සත් ජාතීන්ගේ සංවිධානයේ  වාර්තාව සඳහන් කළේය.

එක්සත් ජාතීන්ගේ ලෝක ආහාර වැඩසටහනේ ප්‍රධාන ආර්ථික විද්‍යාඥ සහ පර්යේෂණ, තක්සේරු කිරීම් සහ අධීක්ෂණ අධ්‍යක්ෂ අරිෆ් හුසේන් AP පුවත් වෙත විශ්මය ජනක ප්‍රකාශයක් කරමින්, ගාසා තීරයේ මහා සාගින්න  ඔහුගේ ජීවිත කාලය තුළ ඔහු දුටු දරුණුතම දෙය බව ඇඟවුම් කළේය. “එය මීට වඩා නරක අතට හැරෙන්න විදියක් නැත,” ඔහු පැවසුවේය, “ගාසා තීරයේ සිදුවන පරිමාණයේ දෙයක් මම කවදාවත් දැකලා නැහැ.මෙවැනි වේගයකින්.”

ගාසා තීරයේ පදිංචිකරුවන් මිලියන 1.9 ක් හෝ ජනගහනයෙන් ආසන්න වශයෙන් සියයට 80 ක් අවතැන් වී ඇත. උතුරු ගාසා තීරයේ ක්‍රියාත්මක රෝහල් නොමැති අතර, මුළු රටේම සෞඛ්‍ය මධ්‍යස්ථාන නවයක් පමණක් අර්ධ වශයෙන් ක්‍රියාත්මක වේ.

සිකුරාදා එක්සත් ජාතීන්ගේ ආරක්ෂක කවුන්සිලය ගාසා තීරයට මානුෂීය ආධාර ලබා දිය යුතු බවට යෝජනාවක් සම්මත කළේය. පසුගිය මාස දෙක තුළ එක්සත් ජනපදය සටන් විරාමයක් ඉල්ලන එක්සත් ජාතීන්ගේ ආරක්ෂක කවුන්සිලයේ යෝජනා දෙකකට එරෙහිව  නිෂේධ බලය යොදා ඇත. සටන් විරාමයක් කැඳවීම සඳහා වන සියලුම වාක්‍ය කෙටුම්පතෙන් ඉවත් කිරීමෙන් පසුව සහ ඒ වෙනුවට “සතුරුකම් තිරසාර ලෙස නැවැත්වීම සඳහා කොන්දේසි නිර්මානය කිරීම සඳහා ඉල්ලා සිටි” විට පමනක් , එක්සත් ජනපදය මෙවර ඡන්දය දීමෙන් වැළකී සිටි යේය. එක්සත් ජනපදය නිෂේධ බලය භාවිතා නොකිරීමේ භාෂාව (වැකි) සොයා ගැනීම පිළිබඳ කේවල් කිරීමේ සාකච්ඡා, සඳුදා සිට සිකුරාදා දක්වා ඡන්දය ඇදගෙන ගියේය. 

ආරක්ෂිත සහ බාධාවකින් තොරව මානුෂීය ප්‍රවේශයට ඉඩ දීම සඳහා ඉදිරිවාදීකම් වල හදිසි අත්හිටුවීම සහ ඉදිරිවාදීකම් තිරසාර ලෙස නැවැත්වීම සඳහා හදිසි පියවර ගැනීම” කැඳවූ  කලින් වූ භාෂාව, එක්සත් ජනපදය එය නිෂේධ කිරීම වැළැක්වීම සඳහා ඉවත් කරන ලදී. “හදිසි සහ තිරසාර සතුරුකම් නැවැත්වීම” ඉල්ලා රුසියාව විසින් කරන ලද යෝජනාවකට, පක්ෂව ඡන්ද 14 න් 10 ක් ලැබුණද, එක්සත් ජනපදය විසින් නිෂේධනය කරන ලදී, 

රුසියාවේ එක්සත් ජාතීන්ගේ තානාපති වාසිලි නෙබෙන්සියා එක්සත් ජනපදයට චෝදනා කළේ ” ‘සතුරුකම් නැවැත්වීම සඳහා කොන්දේසි නිර්මානය කිරීමේ’ කඩතුරාව යටතේ ගාසා තීරයේ පලස්තීන සිවිල් වැසියන් ඝාතනය කිරීම සදහා  ඊශ්‍රායලයට හරයාත්මක බලපත්‍රයක් පාඨයට ඇතුළත් කිරීමට බලකිරීම” ගැන ය.

සිකුරාදා එක්සත් ජාතීන්ගේ මහලේකම් ඇන්ටෝනියෝ ගුටරෙස් පැවසුවේ ඊශ්‍රායලය සිය මෙහෙයුම ක්‍රියාත්මක කරන ආකාරය ගාසා තීරයේ “මානුෂීය ආධාර බෙදා හැරීමට දැවැන්ත බාධක නිර්මාණය කරන” බවයි. ගුටරෙස් පැවසුවේ “ලෝකයේ ඕනෑම තැනක සිටින දැඩි කුසගින්නෙන් පෙළෙන පුද්ගලයින්ගෙන් පස් දෙනෙකුගෙන් හතර දෙනෙක් ගාසා තීරයේ” ​​වන බවයි.

“දින පහක් තිස්සේ සිදුකළ හිතාමතා ප්‍රමාදයන් සහ දියාරු කිරීම් වලින් පසු සටන් විරාමයක් ඉල්ලා සිටීමට යෝජනාව අපොහොසත් වීම තේරුම්ගත නොහැකි සහ සම්පූර්ණයෙන්ම නිර්දය ක්‍රියාවකි, ”ඔක්ස්ෆෑම් පුණ්‍යායතනයේ ප්‍රකාශක සාලි අබි-ඛලීල් පැවසීය. “එය සාමය පවත්වා ගැනීම සහ ජීවිත ආරක්ෂා කිරීම සඳහා එක්සත් ජාතීන්ගේ ප්‍රඥප්තිය ආරක්ෂා කිරීම සඳහා පිහිටුවා ඇති සංවිධානයක වගකීම් පැහැර හැරීමකි.” 

“ඔවුන්ගෙන් බොහෝ දෙනෙක් දැන් සාගතයේ අවදානමක් ලඹ දෙමින් තිබියදී කුසගින්නෙන් පෙළෙන –  මිලියන දෙකකට අධික පලස්තීනුවන් මාස දෙකහමාරකට ආසන්න කාලයක් තිස්සේ විඳදරාගත් නිර්දය බෝම්බ ප්‍රහාරවලින් සහ වැටලීමෙන් ලිහිල් වීමක් ලබා ගැනීම, එය  සක්‍රීයව වළකා ලයි.”

මෑත පෙරදිග පලස්තීන සරණාගතයින් සඳහා වන එක්සත් ජාතීන්ගේ සහන සහ වැඩ ඒජන්සියේ (UNRWA) හිටපු ප්‍රධාන ප්‍රකාශක ක්‍රිස්ටෝපර් ගනෙස් එක්සත් ජාතීන්ගේ ආරක්ෂක කවුන්සිලයේ ( UNSC ) යෝජනාව ” සමූල ජන ඝාතනය සදහා කොළ එළියක් ” බවට අල් ජසීරා වෙත ප්‍රකාශයක් කරමින් චෝදනා කළේය. ගාසා තීරයේ සමූලඝාතනය “ඇමරිකානු-ඊශ්‍රායල් සමූල ජන ඝාතනයක් – එය හුදෙක් ඊශ්‍රායල ජන සංහාරයක් නොවන” බව ගනෙස් පැවසීය.

“ඇමරිකාව ඊශ්‍රායලයට වාර්ෂිකව ඩොලර් බිලියන 4 ක මිලිටරි ආධාරයක් සපයන්නා  සේම – අද රාත්‍රියේ අප දුටු  පරිදි – ජාත්‍යන්තර මානුෂීය නීතිය තොග පිටින් සහ මහා පරිමාණයෙන් නොතකා හැරීම මගින් සලකුනු කෙරෙන , සමූල ජන ඝාතනය දිගටම කරගෙන යාමට ඊශ්‍රායලයට රාජ්‍ය තාන්ත්‍රික හා දේශපාලන ආවරණයක් ලබා දීමද,  එය සිදු කරයි” ගනෙස් අල් ජසීරා වෙත පැවසීය.

ගනෙස්  නිවැරදිය. බදාදා මාධ්‍ය හමුවකදී, එක්සත් ජනපද රාජ්‍ය ලේකම් බ්ලින්කන් ගාසා තීරයට ඊශ්‍රායලයේ ප්‍රහාරය “ඇමරිකාවේ යුද්ධය” ලෙස දැකීම ගැන ලෝකයට අදහස් දක්වන ලෙස ඉල්ලා සිටියේය. බ්ලින්කන් මෙම ගුනාංගීකරනයට විරුද්ධ නොවූ අතර, ඒ වෙනුවට ඔහු, එක්සත් ජනපද ආන්ඩුව “මෙය සම්පූර්ණ කිරීම දක්වාම දැකීමට අදහස් කරන” බව ප්‍රකාශ කළේය.

ආන්ඩ්‍රේ ඩේමන් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 දෙසැම්බර් 17  දින පල වූ ‘As Gaza genocide continues, US prepares major escalation of war throughout Middle East’ යන ආන්ඩ්‍රේ ඩේමන් විසින් ලියන ලද ඉදිරිදර්ශන ලිපියේ සිංහල පරිවර්තනය යි. පරිවර්තනය මිගාර මල්වත්ත විසිනි.

සෑම දිනකම ඊශ්‍රායලය  ගාසා හි වැසියන් සිය ගනනක් ඝාතනය කරමින් මිලියන 2.2 ක මුලු ජනගහනයම සාගින්නෙන් පෙලද්දී, ජන සංහාරයට එක්සත් ජනපද සහයෝගය සම්බන්ධීකරනය කිරීමට සහ මැද පෙරදිග පුරා මිලිටරි උත්සන්න කිරීමක් සූදානම් කිරීම සඳහා එක්සත් ජනපද නිලධාරීන් පෙලක් ඊශ්‍රායලයට ගමන් කරමින් සිටි.

පසුගිය සතියේ එක්සත් ජනපද ජාතික ආරක්ෂක උපදේශක ජේක් සලිවන් ඊශ්‍රායල නිලධාරීන් සමඟ ඉහල මට්ටමේ රැස්වීම් පැවැත්වීමට ඊශ්‍රායලයට ගියේය. සංචාරය අතරතුර, ගාසා තීරයේ ජනගහනයට එරෙහිව ඊශ්‍රායලයේ ප්‍රහාරයට එක්සත් ජනපදයේ විවෘත සහයෝගය සලිවන් විසින් නැවත අවධාරනය කලේය.

“හමාස් සංවිධානයට එරෙහි ව්‍යාපාරයේ දී අපි ඊශ්‍රායලයට දිගටම සහය දක්වන්නෙමු, මක්නිසාද යත්, හමාස් ඊශ්‍රායල රාජ්‍යයට පවත්නා  තර්ජනයක් ලෙස අප දකින නිසාත්, ඊශ්‍රායලයට එය පසුපස හඹා යාමට අයිතියක් පමනක් නොව යුතුකමක් ඇති නිසාත්, එක්සත් ජනපදය ඒ සඳහා ඊශ්‍රායලයට සහාය වනු ඇත,” සලිවන් ප්‍රකාශ කලේය.

ඔහුගේ සංචාරය අතරතුර, සලිවන් ප්‍රකාශ කලේ, “මෙම යුද්ධය තවත් අදියරකට සංක්‍රමනයක් සිදුවනු ඇති අතර, එය නායකත්වය ඉලක්ක කර ගැනීම සඳහා වඩාත් නිවැරදි  ක්‍රම සහ රහස් තොරතුරු මත මෙහෙයවීම්  කෙරෙහි අවධානය කේන්ද්‍ර ය කොට ඇත.” නිව් යෝර්ක් ටයිම්ස් වාර්තා කලේ, “එක්සත් ජනපද නිලධාරීන් හතර දෙනෙකු පැවසුවේ සති තුනක් පමන ඇතුලත, ඊශ්‍රායලය වඩාත් නිවැරදි උපක්‍රම වෙත මාරු වීම ,  බයිඩන් මහතාට අවශ්‍ය බවයි.“

ඊශ‍්‍රායලයේ දකුනු ගාසා තීරයේ ප‍්‍රහාරයට පෙරාතුව මීට සමාන ප‍්‍රකාශ බහුල විය, එක්සත් ජනපදය අවධාරනය කලේ ඊශ්‍රායලය විසින් මරා දමන සිවිල් වැසියන් සංඛ්‍යාව අඩු කරනු ඇති  බවයි.එහෙත් දකුනු ගාසා තීරයට එල්ල වූ ප්‍රහාරය, උතුරේ සමූලඝාතන වලටත් වඩා- එසේ විය හැකි නම්- කුරිරු ය.

ජන සංහාරය ආරම්භයේ සිට ගත වූ දින 71 තුල, ගාසා වැසියන් 18,787ක් හෝ දිනකට 265ක් මරා දමා ඇත – ඔවුන්ගෙන් සියයට 70ක් කාන්තාවන් සහ ලමුන්ය. එම අනුපාතයට අනුව, ටයිම්ස් අනුමාන කරන දෙයට “අඩු තීව්‍රතා” ගැටුමක් වෙත ඊශ්‍රායලය ගමන් කිරීමට පෙර, කාන්තාවන් සහ ලමුන් 3,800ක් ඇතුලුව තවත් පුද්ගලයන් 5,500ක් ඝාතනය කරනු ඇත. 

සති අන්තයේ, හමාස් විසින් කලින් රඳවාගෙන සිටි ප්‍රාන ඇපකරුවන් තිදෙනෙකු සුදු කොඩියක් ලෙලවමින් ඊශ්‍රායල හමුදා දෙසට ගමන් කරමින් සිටියදී, වෙඩි තබා මරා දමන ලදී.  ඊශ්‍රායල හමුදා විසින් සිදු කරන ලද මෙම  ඝාතනය, ගාසා  තීරයේ ඊශ්‍රායලයේ “යුද්ධයේ” මූලික යථාර්ථයක් පෙන්නුම් කරයි: හමාස් සටන්කාමීන් සහ සිවිල් වැසියන් අතර වෙනස හඳුනා ගැනීමට කිසිදු උත්සාහයකින් තොරව, හෝ මේ අවස්ථාවේ දී මුදා හල ප්‍රාන ඇපකරුවන් හඳුනා ගැනීමට, කිසිදු උත්සාහයකින් තොරව ඔවුන් දකින සෑම කෙනෙකුටම වෙඩි තැබීමේ හිතාමතාම සිදුකරන ප්‍රතිපත්තියක් ඊශ්‍රායල හමුදාවන්ට ඇත.

තවද, ඊශ්‍රායලය දැනටමත් ගාසා තීරයේ නිවාසවලින් සියයට 60ක් විනාශ කර හෝ හානි කර ඇති අතර රෝහල්වල සිට පාසල්, බේකරි සහ විදුලි බෙදා හැරීමේ මධ්‍යස්ථාන දක්වා මිනිස් ජීවිතයට පවත්වා ගැනීමට ආධාර කල හැකි බොහෝ සිවිල් යටිතල පහසුකම් විනාශ කර ඇත. සලිවන්ගේ “සංක්‍රාන්තිය” සිදු වන විට, වෙනත් වචන වලින් කිවහොත්, ගාසා තීරය මුලුමනින්ම පාහේ නටබුන් වනු ඇත.

සලිවන් ඊශ්‍රායලයේ සිටින අතර, බ්‍රහස්පතින්දා IDF විසින් ගාසා තීරයේ සියලුම විදුලි සන්නිවේදන කපා දැමුවේය. එය අද දක්වාම වූ දීර්ඝතම වසා දැමීමයි. සෙනසුරාදා, ඊශ්‍රායලය ගාසා තීරයේ කමල් අද්වාන් රෝහලට පහර දුන්නේය. ප්‍රහාරය අතරතුර, ඊශ්‍රායල බුල්ඩෝසර් සරනාගතයින්ගේ කූඩාරම් හරහා ධාවනය කරමින් එහි  සුන්බුන් තුල මිනිසුන් පනපිටින් වලලමින් අවම වශයෙන් නව දෙනෙකුවත් මරා දැමීය.

ජබාලියා සරනාගත කඳවුරට ඉරිදා ඊශ්‍රායල ප්‍රහාරයකින් පලස්තීනුවන් 90 දෙනෙකු මිය ගිය බව ගාසා සෞඛ්‍ය අමාත්‍යාංශය වාර්තා කලේය. ඊශ්‍රායලය ගාසා තීරයේ සිය දෛනික ඉලක්කගත මාධ්‍යවේදීන් ඝාතනය කිරීම දිගටම කරගෙන ගිය අතර මේ වන විට මාධ්‍යවේදීන් 64 දෙනෙකු ඝාතනය කර ඇත. සිකුරාදා ඊශ්‍රායල හමුදා විසින් අල් ජසීරා කැමරා ශිල්පී සමර් අබුඩකා මරා දමා අල් ජසීරා ගාසා කාර්යාංශයේ ප්‍රධානී වේල් ඩහ්ඩෝහ් ට තුවාල කලේය.

ඊශ්‍රායල නිලධාරීන් ප්‍රසිද්ධියේ සමූල  ජන ඝාතක  වාචාල කතා භාවිතය වැඩි කර ඇත. ගුවන්විදුලි සම්මුඛ සාකච්ඡාවකදී, ඊශ්‍රායලයේ ප්‍රාදේශීය මෙටූලා කවුන්සිලයේ ප්‍රධානී ඩේවිඩ් අසෝලායි, පලස්තින ජනගහනය ලෙබනනයට විතැන් කරන ලෙස ඉල්ලා සිටි අතර ගාසා තීරය “අවුෂ්විට්ස්” ලෙස පෙනෙන පරිදි  කටයුතු කල යුතු බව පැවසීය.

ගාසාවේ ඉන්න හැමෝටම මුහුදු වෙරලට යන්න කියන්න. නාවික හමුදාවේ නැව් ත්‍රස්තවාදීන් ලෙබනනයේ වෙරලට පැටවිය යුතුය. අවුෂ්විට්ස් හි මෙන් මුලු ගාසා තීරයම හිස් කර සමතලා කල යුතුය.

“ඊශ්‍රායලය විසින් මැද පෙරදිග පුරා දිගින් දිගටම ප්‍රහාර දියත් කරයි. ඉරිදා අගභාගයේදී, එහි ප්‍රහාරක ගුවන් යානා සිරියාවේ ඩැමස්කස් නගරයට නුදුරින් ප්‍රහාරයක් සහ ලෙබනනයට දිගු දුර ප්‍රහාර එල්ල කලේය.”

සති අන්තයේ ඔහුගේ ප්‍රකාශයන්හිදී, සලිවන් පැහැදිලි කලේ, යේමනයේ හවුති කැරලිකරුවන් සහ ඊටත් වඩා කේන්ද්‍ර වශයෙන් ඉරානය,  යන දෙකම ඉලක්ක කර ගනිමින්, ඊශ්‍රායලයේ ජන සංහාරය එක් සංරචකයක් පමනක් වන වඩාත් පුලුල් ගැටුමකට එක්සත් ජනපදය සූදානම් වන බවයි.

සලිවන් ප්‍රකාශ කලේ, “හවුතිවරුන් කරන්නේ ඊශ්‍රායලයට පමනක් නොව සමස්ත ජාත්‍යන්තර ප්‍රජාවටම තර්ජනයකි; එය නාවික නිදහසට තර්ජනයකි, එය වානිජ නැව්ගත කිරීමට තර්ජනයකි; එය ගෝලීය වානිජ්‍යයේ තීරනාත්මක ප්‍රධාන මාර්ගයක වන තීරනාත්මක කපොල්ලකට  තර්ජනයකි. එබැවින් එක්සත් ජනපදය විසින් නාවික නිදහස ආරක්ෂා කිරීමට උදව් කිරීම සඳහා රටවල් අතර සන්ධානයක් ගොඩනඟමින් සිටී.”

ඔහු තවදුරටත් පැවසුවේ, “අපි කතා කරන්නේ හවුතිවරුන් ගැන. නමුත් හවුතිවරුන් පිටුපස සිටින්නේ කවුද? ඔවුන්ට අවි ආයුධ ලබාදෙන්නේ, සන්නද්ධ කරන්නේ සහ සක්‍රීය කරන්නේ කවුද? ඒ ඉරානයයි. ”

සති අන්තයේ, ආරක්ෂක ලේකම් ලොයිඩ් ඔස්ටින් සහ ඒකාබද්ධ මාන්ඩලික ප්‍රධානීන්ගේ සභාපති කනිෂ්ඨ චාල්ස් ක්යු. බ්‍රවුන්, ඊශ්‍රායලයේ සහ මැද පෙරදිග අනෙකුත් එක්සත් ජනපද මිත්‍ර රටවල බහුදින සංචාරයක් සඳහා පිටත්ව ගියහ.

ඉරිදා, ගාඩියන් වාර්තා කලේ, ඉරානය සමඟ පෙලගැසී සිටින යේමනයේ හවුති කැරලිකරුවන් ඉලක්ක කර ගනිමින්, එක්සත් ජනපදය විසින් තාවකාලිකව ප්‍රොස්පෙරිටි ගාර්ඩියන්  නමින් නව මිලිටරි මෙහෙයුමක් නිවේදනය කරන බවයි.

සිකුරාදා, ඇසෝසියේටඩ් ප්‍රෙස් වාර්තා කලේ, ඔස්ටින් විසින්, එය කලින් නිවාඩු කාලය සඳහා එක්සත් ජනපදයට යාමට නියමිතව තිබූ යූඑස්එස් ජෙරල්ඩ් ආර්. ෆෝර්ඩ්  ගුවන් යානා වාහක නෞකාවට මධ්‍යධරනී මුහුදේ රැඳී සිටින ලෙස නියෝග කර ඇති බවය.

මැද පෙරදිග පුරා ස්ථානගත කර ඇති නැව් 19 කින් සමන්විත ආමඩාවක (යුධ නැව් කන්ඩායමක) කොටසක් ලෙස එක්සත් ජනපදය කලාපය තුල ගුවන් යානා වාහක නෞකා දෙකක් පවත්වාගෙන යනු ඇත. මධ්‍යධරනී මුහුදේ එක්සත් ජනපද යුද නැව් හතක් සහ රතු මුහුද, අරාබි මුහුද සහ පර්සියානු බොක්ක පුරා තවත් යුධ නැව් දුසිමක් ඇත.

යේමනයේ වෙරලට ඔබ්බෙන් වූ මුහුදු තීරයේ වෙඩි තබා ගැනීමේ යුද්ධයක් දැනටමත් ආරම්භ වී තිබේ. එක්සත් ජනපද මධ්‍යම විධානය ට්විටර්/එක්ස් සටහනක වාර්තා කලේ, දෙසැම්බර් 16 වන දින එක්සත් ජනපදයේ ආර්ලී බර්ක් පන්තියේ යූඑස්එස් කාර්නි නියමු මිසයිල  ඩිස්ට්‍රෝය  නෞකාව, යේමනයේ සිට, දියත් කල ඩ්‍රෝන යානා දුසිමකට අධික ප්‍රමානයක් සමග නියැලුනු  බවයි.

මේ අතර එක්සත් ජනපද මාධ්‍ය , බයිඩන් පරිපාලනයට යේමනය සහ ඉරානය යන දෙකම ඉලක්ක කර ගැනීම සඳහා උද්ඝෝෂන කරයි. කතුවැකියක, වෝල් ස්ට්‍රීට් ජර්නලය ලිවූ පරිදි, “යේමනයේ හවුති මිලීෂියාව විසින් වානිජ නැව් ප්‍රවාහනයට දිගින් දිගටම එල්ල කරන ප්‍රහාරවලට ප්‍රතිචාර වශයෙන් බයිඩන් පරිපාලනය මිලිටරි බලය යෙදවීම ගැන කල්පනා කරමින් සිටින බව පුවත්පත් වාර්තා කරයි. ඒ සඳහා කල් පමා වූවා වැඩි සේ ය. හවුති මිසයිල ප්‍රහාර  ගෝලීය නාවික ගමනාගමනයට දශක කිහිපයකින් එල්ල වූ වඩාත්ම සුවිශේෂී තර්ජනයක් වන අතර ගෝලීය සභාගය ඒකාබද්ධව ඔවුන් නැවැත්වීමට කටයුතු නොකලහොත් ඒවා දිගටම පවතිනු ඇත.”

ජර්නලය දිගටම කියා සිටියේ, “ප්‍රශ්නය වන්නේ හූතීන් සටන සඳහා කොන්දේසි සකස් කරද්දි, එක්සත් ජනපදය සහ අනෙකුත් බටහිර  නාවික හමුදාවන් හුදෙක් ආරක්ෂක ක්‍රීඩාවේ යෙදෙමින් සහ මිසයිල අල්ලා ගැනීමට යන්නේද යන්නයි. ඉක්මනින් හෝ පමා වී, හවුති මිසයිලයක් එක්සත් ජනපද නාවික ආරක්ෂක වලල්ල පසු කර විත් ඇමරිකානු නැවියන් මරා දැමිය හැකිය. එවිට ධවල මන්දිරයට ආපසු පහර දීම හැර වෙනත් විකල්පයක් නැත.”

එක්සත් ජනපදය ඉරානයට එරෙහිව උත්සන්න කල යුතු බව ජර්නලය ඉල්ලා සිටී, “ඔවුන් දිගටම අවුල්  කරන්නේ නම්, එක්සත් ජනපද සහචරයින්ට පහර දීම සහ ඇමරිකානු කඳවුරු හෝ නැව් ඉලක්ක කරන්නේ නම්, අවසානයේ දී, ඉරානයේ පාලකයින් ඔවුන්ගේ වත්කම් – මිලිටරි සහ න්‍යෂ්ටික –  අවදානමට ලක්ව ඇති බව දැනගත යුතුය.”

එක්සත් ජනපද දේශපාලන සංස්ථාපිතයේ ප්‍රමුඛ කන්ඩායම් ගාසාවේ ජන සංහාරයට එක්සත් ජනපදයේ සහය දැක ගන්නේ, ඉරානය කේන්ද්‍රීය ඉලක්කයක් කර ගත්, මිලිටරි ප්‍රචන්ඩත්වය හරහා මැද පෙරදිග ආධිපත්‍යය දැරීමට එය  දශක ගනනාවක් තිස්සේ දරන උත්සාහයේ තීරනාත්මක සංරචකයක් ලෙස බව මෙම ප්‍රකාශයන් පැහැදිලි කරයි.

තවද, බයිඩන්  පරිපාලනය මෙම ගැටුම දකිනු ලබන්නේ , යුරෝපයේ රුසියාව සහ පැසිෆික් කලාපයේ චීනය ඉලක්ක කර ගනිමින්, ගාසා තීරයේ සිදු වන රුධිර ස්නානය පවා  මුලුමනින් ම ඉක්මවා යන මහා ජන ඝාතනයක් දක්නට ලැබෙනු ඇති,  ලෝක ආධිපත්‍යය සඳහා වන ගෝලීය යුද්ධයේ   එක් වේදිකාවක්  ලෙස පමනි.

ගාසා තීරයේ ඊශ්‍රායලයේ ජන සංහාරයට එරෙහිව සෑම මහද්වීපයකම මිලියන සංඛ්‍යාත කම්කරුවන් සහ තරුනයින් පෙලපාලි ගොස් ඇත. එහෙත් මෙම ව්‍යාපාරය මුහුන දී සිටින්නේ යුද්ධයේ හා මිලිටරිවාදයේ ගෝලීය ව්‍යාප්තියකට කැපවී සිටින අධිරාජ්‍යවාදී ආන්ඩුවලටය.

ආන්ඩ්‍රේ ඩේමන් විසිනි.

මෙහි පලවන්නේ ලෝක සමාජවාදී වෙබ් අඩවියේ 2023 දෙසැම්බර් 19 දින පල වූ “US announces naval operation targeting Yemen and Iran” යන ආන්ඩ්‍රේ ඩේමන් විසින් ලියන ලද ලිපියේ සිංහල පරිවර්තනය යි. පරිවර්තනය මිගාර මල්වත්ත  විසිනි. 

යේමනයේ හූති (Houthi) කැරලිකරුවන් ඉලක්ක කරමින් සහ ඉරානයට තර්ජනය කරමින් රතු මුහුදේ සහ ඒඩන් බොක්කෙහි  ඔපරේෂන් ප්‍රොස්පෙරටි ගාර්ඩියන් නමින් නාවික මෙහෙයුමක්   ආරම්භ කරන බව එක්සත් ජනපද ආරක්ෂක ලේකම් ලොයිඩ් ඔස්ටින් සඳුදා නිවේදනය කලේය.දැන් ගාසා තීරයේ සමූහ ඝාතනවල යෙදී සිටින ඊශ්‍රායල හමුදා, ඉරානය සමඟ අනාගත යුද්ධයකදී ඉටු කරනු ඇති භූමිකාව අවධාරනය කරමින් ඔස්ටින් මේ  නිවේදනය කලේ ඊශ්‍රායලයේදී බව සටහන් කල යුතුය.

“යේමනයේ සිට ආරම්භ වන ඉවක් බවක් නැති හූති ප්‍රහාරවල මෑත කාලීන උත්සන්න වීම, වානිජ්‍යය නිදහසේ ගලායාමට තර්ජනය කරයි, අහිංසක නාවිකයින් අනතුරේ හෙලයි එමෙන්ම  ජාත්‍යන්තර නීතිය උල්ලංඝනය කරයි,” ලෙස  ඔස්ටින් සඳුදා ප්‍රකාශයක් නිකුත් කලේය. “මෙය සාමූහික ක්‍රියාමාර්ගයක් ඉල්ලා සිටින ජාත්‍යන්තර අභියෝගයකි.”

ඊශ්‍රායලයේ පැවති මාධ්‍ය හමුවකදී, මෙහෙයුමේ ප්‍රධාන ඉලක්කය ඉරානය බව ඔස්ටින් පැහැදිලි කලේය, “ත්‍රස්තවාදී කන්ඩායම්වලට සහ කලාපයට තර්ජනයක් වන සහ පුලුල් ගැටුමක අවදානමක් ඇති කරන මෙම ඉරාන ප්‍රොක්සීන්ගේ (නියෝජිතයන්ගේ)   ද්වේෂසහගත ප්‍රහාරවලට අඛන්ඩව සහයෝගය ලබා දෙමින් ඉරානය ආතතිය වැඩි කරයි.” වක්‍ර වූ තර්ජනයකින් ඔස්ටින් පැවසුවේ, “එක්සත් ජනපදය යුද්ධයක් හඹා යන්නේ නැති බව කිවමනා නොවේ. අපි කඩිනමින් ඉරානයෙන් ඉල්ලා සිටින්නේ මෙය ප්‍රති-උත්සන්න කිරීමට පියවර ගන්නා ලෙසයි.”

එක්සත් ජනපදය විසින් ගුවන් යානා වාහක යුධ කන්ඩායම් දෙකක නායකත්වයෙන් යුත් යුධ නෞකා 20 කට ආසන්න ප්‍රමානයක නාවික බලඇනියක් මැද පෙරදිගට යවා ඇත. නව නාවික මෙහෙයුමට එක්සත් රාජධානිය, ප්‍රංශය, ඉතාලිය සහ ස්පාඤ්ඤය ඇතුලු ප්‍රධාන අධිරාජ්‍යවාදී බලවතුන් බොහොමයක් ඇතුලත් වනු ඇත.

සෙනසුරාදා, එක්සත් ජනපදයේ ආර්ලී බර්ක් පන්තියේ නියමු මිසයිල ඩිස්ට්‍රෝය  නෞකාවක් වන  යූඑස්එස් කාර්නි යේමනයේ සිට දියත් කරන ලද ඩ්‍රෝන දුසිමකට අධික සංඛ්‍යාවක් හා නියැලුනි. ඔස්ටින් පැවසුවේ “මෙම රාජ්‍ය නොවන රංග ධරයා ජාත්‍යන්තර මුහුද හරහා නීත්‍යානුකූල සංක්‍රාන්තියේ යෙදෙන   බොහෝ රටවල වෙලඳ යාත්‍රා වෙත බැලිස්ටික් මිසයිල සහ නියමුවන් නොරැගත්  ගුවන් වාහන දියත් කිරීමෙන් එල්ල වන අභියෝගයට මුහුන දීම ” සදහා  ආරම්භ කල බවයි.

ඊශ්‍රායල ආරක්ෂක අමාත්‍ය යොව් ගැලන්ට් සමඟ පැවති මාධ්‍ය හමුවකදී ඔස්ටින් පැවසුවේ, “මෙම තර්ජනය විසඳීම සඳහා ජාත්‍යන්තර සන්ධානයක් ගොඩනැගීමට අපි ක්‍රියා කරමින් සිටිමු ” යනුවෙනි.

ඔස්ටින් ඊශ්‍රායලයෙන් පිටත්ව ගිය පසු, ඔහු දැනට නැගෙනහිර මධ්‍යධරනී මුහුදේ ඇති යූඑස්එස් ජෙරල්ඩ් ආර් ෆෝර්ඩ් ගුවන් යානා වාහක නෞකාවට ගොඩ වීමට නියමිතය. ඔස්ටින්ගේ සංචාරය ඊශ්‍රායලයට පැමිනෙන ඉහල මට්ටමේ එක්සත් ජනපද නිලධාරීන් පෙරහැරක කොටසකි. එක්සත් ජනපද ඒකාබද්ධ මාන්ඩලික ප්‍රධානීන්ගේ සභාපති ජෙනරාල් සී. ක්‍යු. බ්‍රවුන් ද සඳුදා ඊශ්‍රායලයේ පැමින සිටියේය. පසුගිය සතියේ ජාතික ආරක්ෂක උපදේශක ජේක් සලිවන් ඊශ්‍රායලයට ගිය අතර සීඅයිඒ ප්‍රධානී බිල් බර්න්ස් ද පෝලන්තයේ වෝර්සෝහිදී කටාර් සහ ඊශ්‍රායල නිලධාරීන් හමුවිය.

මෙම මස මුලදී, සලිවන් හූති කැරලිකරුවන්ට එරෙහිව, එක්සත් ජනපදය “අප විසින් තෝරා ගන්නා වේලාවක සහ ස්ථානයක සුදුසු ක්‍රියාමාර්ග ගනු ඇති” බව පවසමින් මිලිටරි ක්‍රියාමාර්ගයකට තර්ජනය කලේය.

එක්සත් ජනපද නාවික හමුදාවේ ප්‍රවෘත්ති සේවය වන USNI නිවුස්, දැනට ක්‍රියාත්මක වෙමින් පවතින දැවැන්ත යෙදවීම පිලිබඳ හැඟීමක් ලබා දුන්නේය:

“එක්සත් ජනපද නාවික හමුදාවට රතු මුහුද සහ ඒඩන් බොක්ක අතර බාබ් එල් මැන්ඩෙබ් සමුද්‍ර සන්ධිය ආසන්නයේ අවම වශයෙන් ඩිස්ට්‍රෝය නෞකා තුනක් ඇත—යූඑස්එස් කාර්නි  (DDG-64), යූඑස්එස් මේසන් (DDG-87) සහ යූඑස්එස් තෝමස් හඩ්නර්  (DDG-116 ) සියල්ලම කලාපයේ ක්‍රියාත්මක වී ඇත. එක්සත් රාජධානියේ රාජකීය නාවික හමුදාවේ නියමු මිසයිල ඩිස්ට්‍රෝය  නෞකාවක් වන   HMS ඩයමන්ඩ් (D34) සහ ප්‍රංශ නාවික හමුදාවේ නියමු මිසයිල ෆ්‍රිගේට්  නෞකාවක් වන   FS ලැන්ගුඩොක් (653) ද රතු මුහුදේ  ක්‍රියාත්මක වී ඇත.

එක්සත් ජනපද නාවික හමුදා ආයතනයේ නිව්ස් ෆ්ලීට් සහ මැරීන් ට්‍රැකර්(USNI News Fleet Marine Tracker) ට අනුව සති අන්තයේ එක්සත් ජනපදය, ගුවන් යානා ප්‍රවාහන නෞකාවක් වන යූඑස්එස් ඩ්වයිට් ඩී. අයිසන්හවර් (CVN-69) සහ එහි පරිවාර නෞකා, සෝමාලියාව සහ යේමනය අතර ඒඩන් බොක්ක වෙත  යැවීය. සඳුදා සූවස් ඇලෙන් රතු මුහුදට ඇතුලු වන යූඑස්එස් ලැබූන් (DDG-58) නියමු මිසයිල ඩිස්ට්‍රෝය නෞකාව ෂිප්ස්පොටර් ට නිරීක්ෂනය වී  ඇත.”

ඔහුගේ ඊශ්‍රායල සංචාරය අතරතුර, ඔස්ටින් ගාසා තීරයේ ඊශ්‍රායලයේ ජන සංහාරය සඳහා වොෂින්ටනයේ අසීමිත සහයෝගය නැවත තහවුරු කලේය. “මම මෙහි සිටින්නේ පැහැදිලි පනිවිඩයක් සමඟයි,” ඔස්ටින් පැවසීය. “ඊශ්‍රායලයේ ආරක්ෂාව සඳහා ඇමරිකාවේ සහයෝගය නොසැලෙන සුලුය.” ඔහු වැඩිදුරටත් පැවසුවේ, “ඊශ්‍රායලයට එල්ල කල ප්‍රහාරයේදී හමාස් ත්‍රස්ත ක්‍රියා සිදු කර ඇත. ඒවා එහි ප්‍රකාශිත ඉලක්කවල අඛන්ඩතාවයක් වේ: එනම් යුදෙව්වන් ඝාතනය කිරීම සහ යුදෙව් රාජ්‍යය තුරන් කිරීමයි. කිසිම රටක් මෙවැනි අනතුරක් ඉවසිය යුතු නැත.”

ඔහු අවසන් කලේ, “යුදෙව්වන් ඝාතනය කිරීම සහ යුදෙව් රාජ්‍යය මුලිනුපුටා දැමීමේ ප්‍රකාශිත අරමුන සහිත උමතු ත්‍රස්තවාදී කන්ඩායමකට එරෙහිව ආරක්ෂා වීමට ඊශ්‍රායලයට සෑම අයිතියක්ම ඇත. …එබැවින් වරද්ද ගන්න එපා , හමාස් හට නැවත කිසි දිනෙක ගාසා තීරයේ සිට ඊශ්‍රායලයේ ස්වෛරී රාජ්‍යයට ත්‍රස්තවාදය ප්‍රක්ෂේපනය කිරීමට නොහැකි විය යුතුය.” යනුවෙනි.

ගාසා තීරයට එරෙහි ප්‍රහාරයේ පරිමානය අඩු කිරීමට ධවල මන්දිරය ඊශ්‍රායලය තල්ලු කරන බවට එක්සත් ජනපද මාධ්‍ය විසින් කරන ලද ප්‍රකාශයන් නොතකා,  එක්සත් ජනපද අරමුදල් සහ ආයුධ වලින් ඝාතනය කෙරෙන සිවිල් වැසියන් සංඛ්‍යාව සම්බන්ධයෙන් ඊශ්‍රායලයට එක්සත් ජනපදය කිසිදු කොන්දේසියක් පනවා නැති බවත්,   ඔස්ටින් පැහැදිලි කලේය.  ඔහු අවසන් කලේ, “මෙය ඊශ්‍රායලයේ මෙහෙයුමයි, මම මෙහි පැමිනියේ කාල නියමයන් හෝ විධානයන් නියම කිරීමට නොවේ. ඔබ මා කීප වතාවක්ම කියනු අසා ඇති පරිදි, ඊශ්‍රායලයට තමන්ව ආරක්ෂා කර ගැනීමට ඇති අයිතිය සඳහා අපගේ සහය අයෝමය වේ, එය වෙනස් නොවනු ඇත. මා කලින් කී පරිදි හමාස් සංවිධානයට ගාසා තීරයේ සිට ඊශ්‍රායලයට තර්ජනය කිරීමට හෝ ගාසා තීරයටම තර්ජනය කිරීමට පවා නොහැකි වීම ඉතා වැදගත්ය.” යනුවෙනි.

සමූහ ඝාතන සිදුකිරීමේ මෙම හිස් චෙක්පතත් සමඟ ඊශ්‍රායල නිලධාරීන් විවෘතව ජනඝාතක වාචාල කතා භාවිතය වැඩිකරමින් සිටිති. ගුවන්විදුලි සම්මුඛ සාකච්ඡාවකදී, ඊශ්‍රායලයේ ප්‍රාදේශීය මෙටූලා කවුන්සිලයේ ප්‍රධානී ඩේවිඩ් අසෝලායි, ජනගහනය ලෙබනනයට විතැන් කරන ලෙස ඉල්ලා සිටි අතර ගාසා තීරය “අවුෂ්විට්ස්” [ 2 වන ලෝක යුධ සමයේ යුදෙව්වන් මිලියනයක් පමන ඝාතනය කරන ලද පෝලන්තයේ පිහිටි නාසි වද කදවුරක්] මෙන් පෙනෙන ලෙස කටයුතු සිදු කල යුතු බව පැවසීය. “ගාසාවේ ඉන්න හැමෝටම වෙරලට යන්න කියන්න. නාවික හමුදාවේ නැව් ත්‍රස්තවාදීන් ලෙබනනයේ වෙරලට පැටවිය යුතුය. අවුෂ්විට්ස් හි මෙන් මුලු ගාසා තීරයම හිස් කර සමතලා කල යුතුය.”

ගාසා හි සෞඛ්‍ය අමාත්‍යාංශය සඳුදා වාර්තා කලේ නිල මරන සංඛ්‍යාව 19,453 දක්වා ඉහල ගොස් ඇති අතර ගොදුරු වූවන්ගෙන් අතිමහත් බහුතරයක් කාන්තාවන් සහ ලමයින් ය. අතුරුදහන් වූ පුද්ගලයින් 7,000 කට වැඩි සංඛ්‍යාවක් එකතු කරද්දි, සැබෑ මරන සංඛ්‍යාව දැනටමත් 20,000 ට වඩා සෑහෙන්න වැඩි විය යුතුවේ.

සඳුදා හියුමන් රයිට්ස් වොච් සංවිධානය විසින්  ඊශ්‍රායලය, ගාසා තීරයේ සිවිල් ජනතාවට එරෙහිව සාගින්න යුද අවියක් ලෙස භාවිතා කරන බවට චෝදනා කරමින් සවිස්තර වාර්තාවක් ප්‍රකාශයට පත් කරන ලදී. “මාස දෙකකට වැඩි කාලයක් තිස්සේ ඊශ්‍රායලය ගාසා තීරයේ ජනගහනයට ආහාර සහ ජලය අහිමි කර ඇත; එය ඉහල පෙලේ ඊශ්‍රායල නිලධාරීන් විසින් අනුබල දුන් හෝ අනුමත කරන ලද ප්‍රතිපත්තියක් වන අතර එය යුදෝපක්‍රමයක් ලෙස සිවිල් වැසියන් සාගින්නෙන් පෙලීමේ අභිප්‍රාය පිලිබිඹු කරයි” යනුවෙන් පලස්තීන අත්පත් කරගත් ප්‍රදේශ වල හියුමන් රයිට්ස් වොච් හි අධ්‍යක්ෂ ඕමාර් ෂකීර්  පැවසීය.

සඳුදා මාධ්‍ය නිවේදනයක් නිකුත් කරමින් හියුමන් රයිට්ස් වොච් සංවිධානය පැවසුවේ, “ඊශ්‍රායල් හමුදා හිතාමතාම ජලය, ආහාර සහ ඉන්ධන බෙදා හැරීම අවහිර කරන අතරම, මානුෂීය ආධාර ලබා දීමට හිතාමතාම බාධා කරමින්, පෙනී යන  ලෙසට කෘෂිකාර්මික ප්‍රදේශ විනාශ කරමින් සහ සිවිල් ජනතාවට ඔවුන්ගේ පැවැත්මට අත්‍යවශ්‍ය දේ අහිමි කරමින් සිටී.”

ගාසා තීරය පුරා කුසගින්න මතුවෙමින් තිබේ. එක්සත් ජාතීන්ගේ සංවිධානය වාර්තා කලේ, ලෝක ආහාර වැඩසටහනේ සමීක්ෂනයකට අනුව, “ඉතා දරුනු සාගින්න මට්ටම්” අත්විඳින ජනගහනයේ කොටස සියයට 44ක් ලෙස වාර්තා වූ බව හා එය සති දෙකකට පෙර කලින් තක්සේරුවකදී සියයට 24ක් වූ බවය.