ජෙරී වයිට් විසිනි
මෙහි පලවන්නේ ලෝක සමාජවාදී වෙබ් අඩවියේ 2023 මාර්තු 27 දින Autoworkers resolve to establish network of rank-and-file committees at powerful IWA-RFC meeting in Detroit Sunday යන සිරසින් යුතුව පල කරනු ලැබූ ජෙරී වයිට් සහෝදරයා විසින් ලියන ලද වාර්තාවකි. පරිවර්ථනය SF විසිනි.
කම්කරුවන්ගේම ස්වාධින බල සංස්ථා වශයෙන් කම්කරු ක්රියාකාරී කමිටු ගොඩනැගීම පිලිඹඳ ජාත්‍යන්තර අත්දැකීම් උකහා ගැනීම සෑම රටකම, කර්මාන්තයකම කම්කරුවන්ගේ අත්‍යවශ්‍ය දේශපාලන කර්තව්‍යයකි. තමන්ගේම ක්රියාකාරී කමිටු පිහිටුවා ගැනීමට කම්කරුවන්ට එමගින් පන්නරය ලැබෙනු ඇත. අපි මෙලෙස ක්රියාකාරී කමිටු පිලිබඳ ජාත්‍යන්තර අත්දැකීම් මෙරට කම්කරුවාට සමීප කරන්නේ එබැවිනි.
ඩෙට්‍රොයිට් හි IWA-RFC රැස්වීමේ නියෝජිතයෝ යෝජනාව සම්මත කිරීමට ඡන්දය ප්‍රකාශ කරති [ඡායාරූපය: WSWS] ඩෙට්‍රොයිට් හි පැවති කම්කරුවන්ගේ ක්රියාකාරී කමිටුවල ජාත්‍යන්තර සන්ධානයේ (IWA-RFC) බලගතු රැස්වීමේදී ක්රියාකාරී කමිටු ජාලයක් පිහිටුවීමට මෝටර් රථ කම්කරුවෝ තීරණය කරති
ඉරිදා දින, කම්කරුවන්ගේ ක්රියාකාරී කමිටුවල ජාත්‍යන්තර සන්ධානය (IWA-RFC) සැලකිය යුතු ඉදිරි පියවරක් තබමින්, ඩිට්‍රොයිට් හි දී ද, ඔන්ලයින් මගින් ද මෝටර් රථ සහ බර යන්ත්‍රෝපකරන කර්මාන්ත ක්රියාකාරී කමිටුවලින් කම්කරු නියෝජිතයින් දුසිම් ගනනක් මෙන්ම ගුරුවරුන් සහ කම්කරු පන්තියේ අනෙකුත් කොටස් ද සහභාගී වූ රැස්වීමක් පැවැත්වීය.
ජෙනරල් මෝටර්ස්, ස්ටෙලාන්ටිස් (කලින් ෆියට්-ක්‍රයිස්ලර්), වාහන අමතර කොටස් නිෂ්පාදකයින් වන ඩානා සහ ෆෝවියා (කලින් ෆොරේෂියා), මැක් ට්‍රක්ස් සහ ඉදිකිරීම් සහ පතල් උපකරණ නිෂ්පාදක කැටපිලර් හි නියෝජිතයින්, IWA-RFC සමඟ අනුබද්ධ වීමට සහ එක්සත් ජනපදයේ මොටර් රථ කම්කරු ක්රියාකාරී කමිටු ජාලයක් සංවර්ධනය කිරීමට මඟ පෙන්වීම සඳහා මෙහෙයුම් කමිටුවක් ස්ථාපිත කිරීමට රැස්වීමේදී තීරණය කළහ.
IWA-RFC හි ආධාරකරුවෙකු ලෙස යුනයිටඩ් ඔටෝ වර්කර්ස් (යූඒඩබ්ලිව්) හි සභාපති ධුරය සඳහා තරඟ වැදුනු පෙන්සිල්වේනියාවේ මැක් ට්‍රක් කම්කරුවෙකු සහ සමාජවාදියෙකු වන විල් ලීමන් විසින් රැස්වීම ඇමතීය.
රැස්වීම තුල , බලගතු සහ හැගුම් බර දායකත්වයන් මගින් , කම්කරුවන් තම සේවා ස්ථානවල ඇති වේදනාකාරී තත්ත්වයන් විස්තර කළහ. කෝවිඩ්-19 හි මාරාන්තික සහ තවමත් පවතින බලපෑම විස්තර කළහ; සංගත ගැති යූඒඩබ්ලිව් නිලධරයේ උදාසීනත්වය සහ (සංගත සදහා ) දුස්සහාය හෙළා දුටු අතර, කම්කරු පන්තියේ ලෝක ව්‍යාප්ත ව්‍යාපාරයක් ගොඩනැගීම සඳහා දැඩි හැගීමෙන් සහයෝගය දැක්වමින් කතා කළහ.
පසුගිය සතිය පුරා ජනාධිපති එම්මානුවෙල් මැක්‍රොන්ගේ ආඥාදායක විශ‍්‍රාම වැටුප් කප්පාදුවට එරෙහිව ප‍්‍රන්සයේ මිලියන ගනනක් කම්කරුවන් විසින් කරන ලද පෙලපාලි ඇතුලුව, ජාත්‍යන්තරව ප්රධාන පන්ති සටන් පුපුරා යමින් තිබියදී රැස්වීම පැවැත්විණි. සඳුදා ඉහල යන ජීවන වියදමට එරෙහිව ජර්මනියේ සිය දහස් ගනන් ප්‍රවාහන සේවකයින්ගේ වැඩ වර්ජනයක්ද, ඉරිදා අන්ත දක්ෂිනාංශික නෙතන්යාහු ආන්ඩුවට එරෙහිව ඊශ්‍රායලයේ මහජන විරෝධතාද පැවැත් වුනි.
ලෝක සමාජවාදී වෙබ් අඩවියේ ලේඛකයෙකු වන මාකස් ඩේ රැස්වීම ආරම්භ කරමින්, රැස්වීම යූඒඩබ්ලිව් සභාපති ලෙස ෂෝන් ෆේන් දිවුරුම් දීම සමග සමපාත වූ බව සඳහන් කළේය. ඩේ මෙසේ පැහැදිලි කළේය: “සත්‍යය නම් මෙම පරිපාලනයට බිංදු මාත්‍රයක යුක්තිසහගත භාවයක් හෝ අධිකාරියක් නොමැති බවයි. ඔවුන් බලයට පැමිණෙන්නේ, නිලධරය සහ යූඒඩබ්ලිව් අධීක්ෂක (Monitor) යන දෙපාර්ශ්වය විසින්ම කම්කරුවන්ගේ ඉතාම මූලික ප්රජාතන්ත්රවාදී අයිතීන් උල්ලංඝණය කරන ලද, සැලකිය යුතු සේවක සංඛ්‍යාවක් මැතිවරනය ගැන දැනුවත් කිරීම පවා හෝ නොකර ඡන්ද පත්‍රිකාවක් හෝ ලබා නොදුන් ඊනියා වෘත්තීය සමිති මැතිවරනයක ප‍්‍රතිඵලයක් ලෙසය.”
“‘නව සටන් කරන යූඒඩබ්ලිව්’ වෘත්තීය සමිතියක් ඇති බවට ෆේන්ගේ වාචාල කතා පිටුපස, “එම සංගත ගැති යාන්ත්‍රනයම ක්‍රියාත්මකව පවතී,” යි ඩේ තවදුරටත් කියා සිටියේ ය. මෙම තක්සේරුව ඉක්මනින් සනාථ කරමින්, සඳුදා, යූඒඩබ්ලිව් විශේෂ කේවල් කිරීමේ සම්මේලනය, මහ තුන්කට්ටුව (ප්රධාන සමාගම් තුන) සමඟ ඔවුන්ගේ කොන්ත්‍රාත්තු යෝජනාවලට ‘ජීවන වියදම් ඉහළ යෑම සඳහා ගෙවීම් (COLA )” ඇතුළත් කිරීම සදහා යූඒඩබ්ලිව් කේවල් කණ්ඩායම නාමිකව කැප කිරිම සදහා යෝජනාවක් ප්‍රතික්ෂේප කිරීමට අතිමහත් ලෙස ඡන්දය දුන්නේය.
කම්කරුවන් මුහුන දෙන දැවැනත ජීවන වියදම් අර්බුදය, යුද්ධය සහ ධනේශ්වර ආර්ථික අර්බුදයේ බර කම්කරු පන්තිය මත පැටවීමට වෘත්තීය සමිති නිලධරයන්ගේ සහාය ඇතිව පාලක පන්තියේ උත්සාහයන් ද ඇතුලුව රැස්වීම පැවැත්වෙන පුලුල් සන්දර්භය ඩේ විසින් සමාලෝචනය කරන ලදී.
ප්‍රංශයේ මෑත කාලීන සිදුවීම්, සෑම තැන්හිම පන්ති සමාජයේ ඇතැම් මූලික ලක්ෂණ හෙළිදරව් කරමින්, රාජ්‍යය, මූල්‍ය කතිපයාධිකාරයේ නිරුවත් මෙවලමක් ලෙස යලිත් වරක් හෙලිදරව්කළ බව, ඩේ පැහැදිලි කළේය.
ඔහු තවදුරටත් කියා සිටියේ, ඊට ප්‍රතිචාර වශයෙන් මතුවෙමින් පවතින දෙය, “ගෝලීය පන්ති අරගලයයි. අද මෙහි පැවැත්වෙන මෙම රැස්වීම මෙම ජාත්‍යන්තර ක්‍රියාවලියේම කොටසක්. ඔබ තම අවශ්‍යතා සුරක්ෂිත කර ගැනීමට ඇති බාධක ජය ගැනීමට උත්සාහ කරන ජාත්‍යන්තර කම්කරු පන්තියක ඉහල සවිඥානික නියෝජිතයන් වෙනවා.”
මීළඟටට රැස්වීම අමතමින්, විල් ලෙහ්මන්, 2021 දී වොල්වෝ ට්‍රක්හි (Volvo Trucks) හි බලගතු වැඩවර්ජනය සහ එහි කම්කරුවන් විසින් ක්රියාකාරී කමිටුවක් පිහිටුවීම ඇතුළුව, ක්රියාකාරී කමිටු සඳහා වන ව්‍යාපාරයට සම්බන්ධ වීමට සහ පසුව යූඒඩබ්ලිව්ලිව් (UAW) සභාපතිත්වය සදහා තරඟ කිරීමට තුඩු දුන් අත්දැකීම් සමාලෝචනය කළේය.
රට රටින් බෙදලා අපව සූරා කන්න හදන මේ ජාත්‍යන්තර සමාගම්වලට එරෙහිව සටන් කරන්න එවැනි ඉදිරිදර්ශනයක් අවශ්‍ය බව පවසමින් යූඒඩබ්ලිව් නිලධරය විසින් ප්‍රවර්ධනය කරන ජාතිකවාදය ප්‍රතික්ෂේප කර ජාත්‍යන්තරවාදී මූලෝපායක් අනුගමනය කරන ලෙස ලෙහ්මන් කම්කරුවන්ගෙන් අවධාරණාත්මක ලෙස ඉල්ලා සිටියේය. කම්කරු පන්තියේ ඉලක්කය කම්කරුවන් බෙදීම නොවේ. මට චීනයේ, යුක්‍රේනයේ, රුසියාවේ හෝ ලෝකයේ වෙනත් ඕනෑම තැනක සිටින කිසිදු කම්කරුවෙක් සමඟ ප්‍රශ්නයක් නැත, මා සමඟ වැඩ කරන කිසිදු කම්කරුවෙකුටද එවැනි ප්‍රශ්නයක් නැත. IWA-RFC ගොඩ නගමින් ඉදිරියට ගෙන යාමේ සමස්ත වැදගත්කමම එයයි, ඔබ කොතැනක සිට පැමිණියත් රටවල් හරහා එම බැඳීම් සහ සබදතා ගොඩනඟා ගැනීමයි; එය ජාතික රාජ්‍යයකට ඇති පක්ෂපාතීත්වය නොවේ, එය පන්ති සහකරුවන් ලෙස අපටම ඇති පක්ෂපාතීත්වයයි.
ඩනා: “කම්කරුවන් තමන්ගේම ක්රියාකාරී කමිටුගොඩනගා ගැනීමට මෙය හොඳම කාලයයි”
ආරම්භක වාර්තාවලින් පසුව නියෝජිතයන් අතර ක්‍රියාශීලී සාකච්ඡාවක් පැවැත්විණි. පැමිණ සිටි ඩනා ක්රියාකාරී කමිටුවේ සාමාජිකයන් කිහිප දෙනෙකුගෙන් එක් අයෙක්, සමාගම සහ UAW නිලධරය යන දෙකම මෑත මාසවල සිදු කර ඇති දඬුවම් කිරීමේ හා සේවයෙන් පහ කිරීමේ රැල්ල පිළිබඳව දීර්ඝ ලෙස කතා කළේය.
ඩනා ක්රියාකාරී කමිටුවේ සාමාජිකයින් කිහිපදෙනෙක් ජීප් කම්හලේ දී [ඡායාරූපය: WSWS] “මම මූලික වශයෙන් කතා කරන්නේ ඩනා ටොලීඩෝ ආයතනයෙන් ඉවත් කරන ලද අය වෙනුවෙන්” ඇය පැවසුවාය. “පසුගිය මාස දෙක ඇතුළත, ව්‍යාජ හේතු මත සේවයෙන් පහ කරන ලද විශාල පිරිසක් ඉන්නවා. මිනිත්තුවක් ප්‍රමාද වී වැඩ පේලියට පැමිණීම තරම් සරල දෙයකට ඔබව රැකියාවෙන් අස් කරනු ලබනවා. ඔබ වෘත්තීය සමිති ගාස්තු ගෙවන බවත්, ඔබ සතියේ දින හතම වැඩ කරන බවත්, ඔබ ඔබට හැකි සියල්ල සමාගමට ලබා දුන් බවත් යන සත්‍යයන් දරාගෙන ඒවා පිලිගෙන ඔබ ජීවත් විය යුතු බව ඔවුහු ඔබට කියනු ඇත. ඒවා සිදුවන්නේ එහෙම යි.”
“සමාගම මේ සියලු දෙනා අස් කරනවා පමණක් නොවෙයි, යූඒඩබ්ලිව් නැවත සේවයේ පිහිටා ගැනීමට අපට උදව් නොකරමින් මෙම විරේකකරණයට ආධාර කරයි. ඔවුන් අපේ දුක්ගැනවිලිවලට පිළිතුරු දෙන්නේ නැත. ඔවුන් අප වෙත දෑත් දිගු කරන්නේ නැත. පළමු පියවරේදී ම අපේ දුක්ගැනවිලි ප්‍රතික්ෂේප කරනු ලැබෙනවා.”
මෙම තත්ත්වය ආපසු හැරවීම සඳහා, ඩනා ටොලීඩෝ ක්රියාකාරී කමිටුව අනෙකුත් කම්හල්වල කම්කරුවන් සමඟ සම්බන්ධතා ඇති කර ගැනීමට සහ ඔවුන්ගේ අරගල සම්බන්ධීකරණය කිරීමට කටයුතු කරමින් සිටින බව ඇය පැවසුවාය. “අපි මූලික වශයෙන් උත්සාහ කරන්නේ ජීප් කම්කරුවන්, ජෙනරල් මෝටර්ස්, කැටපිලර් කම්කරුවන්, සින්ක්‍රීන් සමඟ සන්ධාන ගොඩනගා ගැනීමටයි. මොකද අපි මෝටර් රථ කර්මාන්තය තුළ ඉතා වැදගත් කාර්යභාරයක් ඉටු කරනවා. අපි මේ ගොඩක් වාහනවල ඇක්සල් හදලා ආයතන ගොඩකට සැපයුම් කරනවා. දැන් මේ ඇක්සල් නැතුව මේ කාර් හදන්න බෑ. එය ඒ තරම්ම සරලයි. මහා නිෂ්පාදන බලවතුන් තිදෙනාගේ කොන්ත්‍රාත්තුව ඉදිරියේ දී පැමිණීමත් සමඟ, ඔවුන්ගේම ක්රියාකාරී කමිටු ගොඩනගා ගැනීම සඳහා එහි කම්කරුවන් කැදවා ගැනීමට මේ හොඳම කාලයයි; එවිට ඔවුන්ට ඔවුන්ගේ සේවා කොන්දේසි පිළිබඳව මැදිහත් වීමට පටන් ගත හැකිය.
කැටපිලර් : “ගෝලීය තත්වය දෙස බැලුවහොත්, අපි සිටින්නේ කම්කරු පන්ති විප්ලවයක් මධ්‍යයේයි”
කැටපිලර් කම්කරු කමිටුවේ සාමාජිකයෙක් ඊළඟට කතා කළේ, කම්කරුවන්ගෙන් අත්‍යවශ්‍ය තොරතුරු වසන් කරමින් සැබෑ වැටුප් කප්පාදුව සඳහා සමාගමේ බල කිරීම් පැටවීමට යූඒඩබ්ලිව් නිලධරය ක්‍රියා කළ ආකාරය විස්තර කරමිනි.
“පළමුව, මම සියයට 100 ක් සහයෝගීතාවයෙන් ඩනා කම්කරුවන් සමඟ එකට සිට ගනිමි,” ඔහු ආරම්භ කළේය. “ඔවුන් ගේ ප්‍රශ්න එන්නේ කොහෙන්ද, ඔවුන් අත් දකින්නේ කුමක්ද යන්න මට සම්පූර්ණයෙන්ම තේරෙනවා.”
කැටපිලර්හි සම්මත වූවා යැයි කියනු ලබන කොන්ත්‍රාත්තුවෙන් පසු, “ඩනා හි මෙන්ම, පැමිණීම හෝ සමාජ මාධ්‍ය බැලීම වැනි කුඩා උල්ලංඝනයන් සඳහා” කම්කරුවන් දොට්ට දමනවා.”
ජාත්‍යන්තර සහයෝගීතාවය සඳහා කම්කරුවන් අතර ප්‍රබල හැඟීමකට හඬක් දෙමින් ඔහු තවදුරටත් කියා සිටියේ, “මේ වන විට ගෝලීය තත්වය දෙස බැලුවහොත්, අපට ඇමරිකාවේ කම්කරු පන්තියේ ජනතාව සහ අපගේ ජාත්‍යන්තර සහෝදර සහෝදරියන් එකිනෙකා සමඟ එකට සිටුවා ගැනීමට හැකිවන තාක් දුරට අප ඉන්නේ කම්කරු පන්ති විප්ලවයක් මධ්‍යයේ බව මට වැටහේ. “
“මේ මොහොතේ අපේ බෙල්ලේ බූට් එකක් හිරකර තියෙනවා. එමෙන්ම එය ඉවත්ව යන්නේත් නැත. මෙම සංගතවලට එරෙහිව අපගේ එකම ආරක්ෂාව අපියි. මක්නිසාද යත් අප නොමැතිව, ඔවුන්ට අපෙන්, වැඩ ගැන අපගේ ආචාර ධර්ම වලින්, අපි අපගේ කාර්යය කෙතරම් හොඳින් කරනවාද යන්නෙන් සහ ඒවායේ ප්‍රවාහය පවත්වා ගෙන යාමෙන්, ලාභ ලැබිය නොහැක.”
ජීඑම් ෆ්ලින්ට් (GM Flint) : “අපි වරක් රටේ වඩාත්ම සාර්ථක නගරය වුනා, දැන් අපි දරිද්‍රතාවයෙන් පෙළෙමු”
ජීඑම් ෆ්ලින්ට් ක්රියාකාරී කමිටුවේ නියෝජිතයන්ගෙන් එක් අයෙක් යූඒඩබ්ලිව් හි මූලාරම්භය සහ අද කම්කරුවන් මුහුණ දෙන තත්වය අතර වැදගත් ඓතිහාසික වෙනසක් උකහා ගනිමින් කතා කළේය.
“අපි මුල් යූඒඩබ්ලිව් පිහිටුවීමට තුඩු දුන් ෆ්ලින්ට් වාඩිලෑමේ වැඩ වර්ජන වල තත්ත්වයට එලඹ පවතිමු, එහෙත් තත්වය එදා වගේ නැහැ අද,” ඇය පැවසුවාය. “අපි කලක් ඉහළම ජීවන මට්ටමක් සහිත රටේ වඩාත්ම සාර්ථක නගරය වුනා, දැන් අපි විරැකියාවෙන් දරිද්‍රතාවයෙන් පෙළෙනවා. කම්කරුවන්ට ජීවිතය රැක ගැනීමට රැකියා දෙකක් කරන්න වෙලා. ඔබට අමතර මුදලක් උපයා ගැනීමට ඕන නම් ඒ සඳහා ඔබේ රුධිරය (ප්ලාස්මාව) පරිත්‍යාග කිරීමට ඔවුන් කර්මාන්ත ශාලාව ඉදිරිපස ප්ලාස්මා මධ්‍යස්ථානයක් විවෘත කළා.
“අප ෆ්ලින්ට් ජල අර්බුදය අත් වන්දා. ඉන් ජනයාට සංජානන ගැටළු සහ ශාරීරික ගැටලු රාශියක් ඇති කලා. ඒ වගේ ම ඔවුන්ගේ සුරතල් සතුන් මිය ගියා. ලෝහ විඛාදනයට පටන් ගන්නා තෙක් ඔවුන් කම්හලේ ජලය මාරු කළේ නැහැ. ඊට පස්සේ, ඒක සිද්ධ වුණාට පස්සෙ යි, අන්තිමට අපිට අපේ කම්හලෙන් පෙරාගත්ත වතුර බොන්න ලැබුනෙ.”
කම්කරුවන් කම්හල තුළ බොහෝ ආරක්ෂා ගැටළු සහ වැඩ වේගවත් කිරීමට මුහුණ දී සිටින බව ඇය පැවසුවාය. “අපි මූලික වශයෙන් එකතැන දුවමින් සිටිමු. ඔවුන් අපේ වැඩ වලට තව තවත් වැඩ එකතු කරනවා. ඒ සමග අනෙක් රැකියාවන් කපනවා. මම එකවර ස්ථාන පහක සිටිය යුතුයි, එය කළ නොහැකියි. ඉන්පසු අපි යූඒඩබ්ලිව් ට කතා කරනවා, ඔවුන් ඔබට ඇසීමට අවශ්‍ය දේ කියනවා. ඉන්පසුව ඔවුන් මාසයක් වැනි කාලයක් පුරා අතුරුදහන් වෙනවා. නැවත ඔවුන් දැකීමක් ඔබට නැත.
“සමහර විට කම්හල ජලයෙන් පිරී යනවා, එය ගංවතුරක් වගෙයි. ඒ වගේම අපි විදුලි මෙවලම්ද භාවිතා කළ යුතුයි; අපගේ කාර්යයන් දිගටම කරගෙන යා යුතු අතර, ඔවුන් අපට නතර කිරීමට ඉඩ නොදේ. කම්හලේ බරපතල තුවාල වීම් රාශියක් සිදුවී ඇත. සමහර උපකරණ සිවිලිමෙන් ගලවා වැටේ. ”
ජීඑම් ෆ්ලින්ට් ක්රියාකාරී කමිටුවේ තවත් සාමාජිකයෙක්, ස්ථර ක්‍රමය පෙරලා දැමීම සඳහා කම්කරුවන්ට එකමුතු වන ලෙස ආයාචනා කලේ ය: “අපි තාවකාලික සේවකයින්ගේ ප්‍රශ්න ජ්‍යෙෂ්ඨ සේවකයින් හා සම්බන්ධ කර, වැටුප් හා අනෙකුත් ප්‍රතිලාභවල විෂමතා හෝ ඒවා නැතිකම තිබියදීම, අපි පොදු ප්‍රශ්නවලට මුහුණ දෙන බව පැහැදිලි කර, සමස්ත ශ්‍රම බලකායක් ලෙස එකට එකතු වී වෘත්තීය සමිති නිලධරය හා සමාගම සමග සටන් කිරීම වැදගත් යැයි මම සිතමි.”
ජීඑම් ලැන්ග්සිං (GM Lansing ): “යම් දෙයක් වෙනස් විය යුතුයි/වෙනසක් අවශ්‍යයයි “
ජීඑම් ලැන්ග්සිං කම්කරු ක්රියාකාරී කමිටුවේ නියෝජිතයෙක්, කම්හල තුළ විශාල ආරක්ෂක උපද්‍රවයන්ට මෑතකදී කම්කරුවන් මුහුණ පෑමට සිදු වූ ආකාරය පැහැදිලි කළේය. “සිකුරාදා වාහන බොඩි අංශයේ ගින්නක් ඇති වුණා. එතන හිටපු හැමෝම මැසිවිලි නැගුවා වාතය කොච්චර නරකද, ඔවුන්ගේ උගුර රිදෙන හැටි, මිනිස්සුන්ට ඇදුම ප්‍රශ්න ආවා, එවිටත් දුම තිබුණ නිසා. සියල්ලන්ම ආපසු එහි යැවීමට පෙර ඔවුන් ගොඩනැගිල්ල ප්‍රමාණවත් ලෙස වාතාශ්‍රය නොකළ නිසා සෑම දෙයක්ම එවිටත් දරුණු ලෙස දුගඳ ව තිබුණා.
“එසේම, ඔවුන් දොර රේඛාව පිටුපස බොහෝ ඉදිකිරීම් වැඩ කරමින් සිටියා. එක් අවස්ථාවක, ඔවුන් ලෝහ මත වෑල්ඩින් සහ ඇඹරුම් කරමින් සිටි අතර, මිනිසුන්ට ඔවුන්ගෙන් අඩි හයක් දුරින් සිටින පුද්ගලයා දැකීමට පවා නොහැකි වුනා. වමනය ගිය නිසාත්, ඇස් දැවිල්ල නිසාත්, උගුර රිදෙන නිසාත් ඔවුන්ගෙන් බොහෝ දෙනෙක් වෛද්‍ය ප්‍රතිකාර වෙත ගියා.”
යූඒඩබ්ලිව් නිලධරය ගැන ජීඑම් ෆ්ලින්ට් හි ඇගේ සහෝදරියගේ අදහස්වලට ඇය එකඟ වූ බව කම්කරුවා පැවසීය. “ඇය කීවාක් මෙන්, ඔබ කුමක් ගැන පැමිණිලි කළත් වෙනසක් නැහැ, යූඒඩබ්ලිව් සෑම දෙයක්ම හසුරුවන ආකාරය එක වාගෙයි, ඔවුන් ඔබට ඇසීමට අවශ්‍ය දේ ඔබට කියයි, නමුත් පසුව ඔවුන් ගැටලුව විසඳීමට කිසිවක් නොකරයි. ඔවුන්, මා සලකන පරිදි, ඉන්නේ සමාගමේ සාක්කුවේ, ඔවුන් සමාගමට පිටුබලය දෙනවා, අපට හැකි තරම් සුළු දෙයක් කරමින් ඔවුන් සමාගමට උදව් කිරීම කරනවා.”
“ඒ තත්ත්වය ගැන මට ඇති වෙලා තියෙන්නේ. මට ඒක ඉවරයි. යමක් වෙනස් විය යුතුම යි. අපි සියලු දෙනාටම එකට එකතු වී එකට සිට ගත හැකි නම්, අපි සියලු දෙනාටම විශාල ලෙස එකිනෙකාට උදව් කළ හැකි යැයි මට සිතේ. ”
කෝවිඩ්-19 හි බලපෑම: “ඔහු මා අසලම මන්දගාමී හා බිහිසුණු මරණයකින්කින් මිය ගියේය”
සංගත, මාධ්‍ය සහ දේශපාලන සංස්ථාපිතය කෝවිඩ්-19 වසංගතය අවසන් වී ඇති බවත්, එය ජනතාවට දැන් දුරස්ථ මතකයක් ලෙසත් ඉදිරිපත් කිරීමට උත්සාහ කළ ද, බොහෝ නියෝජිතයින් තම කම්පන සහගත අත්දැකීම් වාර්තා කළේ, ජීවිත බේරාගැනීමට වඩා ලාභය සඳහා පාලක පන්තිය ප්‍රමුඛත්වය දීමෙන් අනවශ්‍ය ලෙස පවුල් සාමාජිකයන් සහ මිතුරන් රෝගයට ගොදුරු වීවී මිය යාම නිසාය.
මිචිගන්හි වාහන අමතර කොටස් සේවකයෙකු ඔහු සමඟ එම කර්මාන්ත ශාලාවේ සේවය කළ තම සහෝදරයා අහිමි වීම විස්තර කළේය. “කෝවිඩ්-19 වෛරසය අපේ කම්හලට පැමිණෙන විට, ඔහු දියවැඩියාව වැනි පසුබිම් සෞඛ්‍ය ගැටලු කිහිපයකට මුහුණ දී සිටියා. ඒ වෙලාවේ එයා හිටියේ හොඳටම බය වෙලා. ඔහුට කෝවිඩ්-19 වැළඳුණොත්, ඔහු ජීවත් නොවීමට විශාල ඉඩක් ඇති බව ඔහු දැන සිටියායා. ඔව්, ඒත් අපට දිගටම වැඩ කිරීමට බල කෙරුනා. ඔහුට ඇත්තටම වැඩබිම තුලින් කෝවිඩ් වැළදුනා. ඔහු මා හා මාගේ පෙම්වතය අසලම මන්දගාමී හා බිහිසුණු මරණයක් අත්වින්දා.
මිචිගන්හි ස්ටෙලන්ටිස් වොරන් ට්‍රක් කම්හලේ සේවකයෙක් දැඩි හැඟීම්බරව කතා කරමින් පසුව මෙසේ පැවසීය: “වෘත්තීය සමිතියේ සම්පූර්ණ පදනම වූයේ අපට හොඳ සේවා පරිසරයක් ඇති බවට වග බලා ගැනීම වූවත්ත් අපිට එය එසේ නොවේ. අපි ඔවුන්ට සෑම මසකම ගෙවනවා. ඒ හරියට අපි වැසිකිළියට මුදල් සෝදා හරිනවා වගේයියි. අපගේ නියෝජනය ගැන මෙම කාමරයේ සිටින බොහෝ අය සමඟ මට එකඟ විය හැකිය.
“එය ඉතා අප්‍රසන්නයි, සෑම කෙනෙකුටම ඇහුම්කන් දෙනකොට මම ඇත්තටම කඳුළු වලට එරෙහිව සටන් කිරීමට උත්සාහ කලා, මන්ද අපි දිනපතාම නැගිටල බොහෝ දේ කැප කරන්නේ අප සහ අපගේ පවුල ජීවත් කර වීමට පමණයි. නමුත් අවසානයේදී අපට ඉතිරි වන්නේ මෙයයි, අවසාන වශයෙන් අපි දන්නවා අපිව බිඳ දමා ඇති බව.
“මගේ කම්හලට කෝවිඩ් මගින් දැඩි ලෙස පහර වැදුනා . මා සමඟ වැඩ කළ බොහෝ අය දැන් අප සමඟ නැහැ… මට කියන්නට අවශ්‍යයි, කෝවිඩ්හි මුල් මාස දෙක ඇතුළත පුද්ගලයින් අට දෙනෙකු අපට අහිමි වුණා.
මෝටර් රථ කර්මාන්තයේ නොවන කම්කරුවන් ද කෝවිඩ් වින්දිතයන් හි පරිමාව ගැන කතා කළහ. ඇලබාමා හි ගුරුවරයෙක් රැස්වීමට පැවසුවේ, “අපි සියලු දෙනාම දිනක් අසනීප වාර්තා කර විට (කොවිඩි නිසා), සංගමය අපට තදින් දොස් නැගුවා .
“අපි සටන් කළා, ඒත් ඔවුන් එවිටත් අපට වැඩට එන ලෙස පවසා සිටියා. අපට ඒවා තවදුරටත් භාවිතා කිරීමට නොහැකි වන තෙක් අපේ නිවාඩු භාවිතා කලා. ඊට පසුව තවත් ගුරුවරු දෙන්නෙක් මැරුණා. ඊට පස්සේ අපිට තව ගුරුවරු හතර දෙනෙක් නැතිවෙලා අටවැනි ගුරුවරයා මැරෙනකම් තව තවත් බලාගෙනමම හිටියා.
කෝවිඩ් -19 වසංගතය පිලිබඳ ගෝලීය කම්කරු පරීක්‍ෂණයේ සම්බන්ධීකාරක ඉවාන් බ්ලේක්, කම්කරු පන්තිය මත වසංගතයේ සැබෑ බලපෑම සහ පසුගිය වසර තුන පුරා දිග හැරුනු ව්‍යසනය පිටුපස ඇති පන්ති අවශ්‍යතා අනාවරණය කර ගැනීම සඳහා ලෝසවෙඅ විමර්ශනය ගැන වාර්තා කලේය.
“කෝවිඩ් -19 මේ වන විට ලොව පුරා මිලියන 20 කට අධික ජනතාවක් මරා දමා ඇත,” බ්ලේක් පැවසීය. “ එය තවත් මිලියන දස ගණනක් “දිගු කෝවිඩ්” සමගින් ආබාධිත කර ඇත. එය මූලික වශයෙන් සෞඛ්‍ය සේවා කර්මාන්තය බිඳ දමා ඇත. දෙවන ලෝක යුද්ධයෙන් පසු පළමු වතාවට ගෝලීය වශයෙන් ආයු අපේක්ෂාව අඩු විය. දැන් අපි සිටින්නේ වසංගතයේ සිව්වන වසරේ ආරම්භයේ වන අතර, එය අවසන් වූ බවට ප්‍රකාශ කිරීම සදහා දැවැන්ත ප්‍රචාරක ව්‍යාපාරයක් පවතී. ”
පාලක පන්තියේ ප්‍රකාශයන්ට පටහැනිව, ඇත්ත වශයෙන්ම කෝවිඩ් තුරන් කළ හැකිය, “නමුත් මේ සඳහා කම්කරු පන්තියෙන් ජාත්‍යන්තර, විස්තීර්ණ ප්‍රතිචාරයක් අවශ්‍ය වේ” යනුවෙන් බ්ලේක් පැහැදිලි කළේය.
“කම්කරු ක්රියාකාරී කමිටු ව්‍යාපාරයක් සංවිධානය කිරීමෙන් මිස කිසිවක් සිදු නොවනු ඇත”
රැස්වීම අවසන් වන විට, ලෝක සමාජවාදී වෙබ් අඩවියේ ලේඛකයෙකු වන එරික් ලන්ඩන්, එහි පළමු වටයේ දී, ජාතික වෘත්තීය සමිති මැතිවරනයක් සඳහා ඓතිහාසික වශයෙන් අඩු සියයට 9ක ඡන්ද ප්‍රතිශතයක් දැකගත හැකි වූ, යූඒඩබ්ලිව් මැතිවරනයේ ප්‍රජාතන්ත්‍ර විරෝධී ස්වභාවය පිලිබඳ සවිස්තර වාර්තාවක් ලබා දුන්නේය .
එරික් ලන්ඩන් කම්කරුවන්ගේ ක්රියාකාරී කමිටුවල ජාත්‍යන්තර සන්ධාන (IWA-RFC) රැස්වීමේදී කතා කරමින් [ඡායාරූපය: WSWS] යූඒඩබ්ලිව් මැතිවරනයේදී පුලුල්ව පැතිරුනු ඡන්ද අයිතිය අහිමි කිරීම පිලිබඳව විල් ලේමන් ගේ විරෝධතාව මෑතකදී ප්‍රතික්ෂේප කල යූඒඩබ්ලිව් අධීක්ෂක (Monitor) සමන්විත වන නීති සමාගම්වල සංගත සමඟ වන බැඳීම් සහ බැඳියාවන්ගේ පිලිගැටුම (conflict of interest) පිලිබඳව හෙළිදරව් වී ඇති නව තොරතුරු ලන්ඩන්න් විසින් සමාලෝචනය කරන ලදී.
අධීක්ෂක (Monitor) පිටුපස සිටින නීති සමාගම්, යූඒඩබ්ලිව් සංවිධාන යන්ත්‍රනය “ස්වාධීනව” අධීක්‍ෂණය කිරීම ඒවාට නාමිකව පැවරී තිබුණද, මහා වාහන සමාගම් තුන, කැටපිලර් සහ අනෙකුත් සංගත සඳහා නීතිමය නියෝජිතයන් ලෙස නිතිපතා සේවය කර ඇත.
“අධීක්ෂක සැදුම්ලත් නීති සමාගම් දෙක රටේ බලවත්ම ආයතනික නීති සමාගම් දෙකකි,” ලන්ඩන් පැවසීය. “යූඒඩබ්ලිව් විසින් අධීක්ෂක වීම සඳහා නිර්දේශ කලේ මොවුන්ය.”
සාරාංශගත කරමින් ලන්ඩන් පැවසුවේ, “අධ්‍යාපනගත වීමේ අවශ්‍යතාවය, ඉතිහාසය කෙරෙහි අවධානය යොමු කිරීමේ අවශ්‍යතාවය, පන්ති අරගලයේ සමස්ත පාඩම් ගෙන ඒමේ අවශ්‍යතාවය ගැන කතා කල අය” සමඟ ඔහු එකඟ වන බව ය. “ ඔවුන්ගේ (සමාගම් හිමියන්ගේ හා යූඒඩබ්) අතින් බලය උදුරා ගෙන නැවත කම්හල් බිමට ගෙන ඒමේ හැකියාව ඇති සාමාන්‍ය කම්කරුවන්ගේ ව්‍යාපාරයක් සංවිධානය කිරීමෙන් හැර කිසිවක් සිදු නොවනු ඇත . විල් ලේමන්ගේ ව්‍යාපාරය වූයේ එයයි. ”
රැස්වීම අවසානයේදී, කම්කරුවන්ගේ අවශ්‍යතාවයන් සඳහා සටන් කිරීම පිණිස , මෝටර් රථ කම්කරු ක්රියාකාරී කමිටු ජාලයක් සඳහා මෙහෙයුම් කමිටුවක් ස්ථාපිත කිරීමට යෝජනාවක් ඉදිරිපත් කර ඒකමතිකව සම්මත කරන ලදී. එක්සත් ජනපදයේ මෝටර් රථ කම්කරුවන්ගේ අරගලය කම්කරු පන්තියේ වර්ධනය වෙමින් පවතින ගෝලීය ව්‍යාපාරයක කොටසක් බව පිළිගනිමින් නියෝජිතයෝ IWA-RFC ට සහාය දීමට තීරණය කළහ.
“වෘත්තීය සමිතිය තුළ ප්‍රජාතන්ත්‍රවාදය සඳහා සැබෑ අරගලය ඉදිරියෙහි පවතී” යනුවෙන් යෝජනාවේ සඳහන් විය. “’සොලිඩැරටි හවුස්’ හි නිලධරයන් අතර තනතුරු වෙනස් කිරීම කිසිවක් වෙනස් නොකරයි. ආන්ඩුව හා සංගත සමග යූඒඩබ්ලිව්හි සහයෝගීතාවය, කම්කරුවන්ගේ අවශ්‍යතා පාවාදීම සහ ඔවුන්ගේ ප්රජාතන්ත්රවාදී අයිතීන් මර්දනය කිරීම, කරී වෙනුවට ෆේන් ආදේශ කිරීමෙන් වෙනස් නොවනු ඇත. අවශ්‍ය වන්නේ සාමාන්‍ය කම්කරුවන් අතට බලය ලබා ගැනීම සහ සමස්ත යූඒඩබ්ලිව් යාන්ත්‍රනය ඉවත් කිරීමයි.
#theSocialistLK #CACPS #WSWS
