ඇන්ඩෘ ඩැමන් විසිනි
මෙහි පලවන්නේ ලෝක සමාජවාදී වෙබ් අඩවියේ 2023 ඔක්තෝබර් 20 දින පල වූ ‘Death toll in Israeli genocide against Gaza more than 4,100′ යන ඇන්ඩෘ ඩැමන් විසින් ලියන ලද ලිපියේ සිංහල පරිවර්තනය යි. පරිවර්තනය මිගාර මල්වත්ත විසිනි.
එක්සත් ජනපදය, එක්සත් රාජධානිය, ප්‍රංශ සහ ජර්මානු ආන්ඩුවල සහාය ඇතිව ඊශ්‍රායලය විසින් පලස්තීන ජනතාව සමූල ඝාතනය කිරීම, සිකුරාදා ,තවත් පලස්තීනුවන් 352 දෙනෙකු ඝාතනය කිරීමත් සමඟ දිගටම පැවතුනි. ඔක්තෝබර් 7 දා සිට ඊශ්‍රායලය උතුරු ගාසා තීරයේ, ක්‍රමානුකූලව වාර්ගික වශයෙන් සුද්ධ කිරීමේ ව්‍යාපාරයක් දියත් කර ඇත. එම ප්‍රදේශයේ නිවාස, රෝහල් සහ පාසල් ක්‍රමානුකූලව කඩා දමන අතර තුර, එහි ජනගහනය සාගින්නට හා විජලනයට භාජනය කර තිබේ.
පසුගිය සතිය පුරා එක්සත් ජනපද ජනාධිපති ජෝ බයිඩන්, ජර්මානු චාන්සලර් ඔලාෆ් ෂෝල්ස් සහ එක්සත් රාජධානියේ අගමැති රිෂි සුනක් ඊශ්‍රායලයට ගොස් ඇත්තේ, ඊශ්‍රායලය තුළ සහ ලෝකය පුරා සිටින යුදෙව් ජනතාව විසින් පුලුල් ලෙස පිළිකුල් කරන නෙතන්යාහු පාලන තන්ත්‍රයේ ජන සංහාරක ප්‍රතිපත්ති සඳහා ඔවුන්ගේ අවිවාදාත්මක අනුමත පල කිරීම සඳහා ය.
එක්සත් ජාතීන්ගේ සංවිධානය විසින් උපුටා දක්වන ලද සංඛ්‍යාලේඛනවලට අනුව, ගාසා තීරයේ මියගිය සංඛ්‍යාව 4,137 දක්වා ළඟා වී ඇති අතර, මෙයින් සියයට 70 ක් කාන්තාවන් සහ ළමයින් වේ.ස්වේච්ඡා සේවකයන්ගේ සහ මානුෂීය සංවිධානවල වීරෝදාර ගලවා ගැනීමේ ප්‍රයත්නයන් මධ්‍යයේ බොහෝ දෙනෙක් ජීවිතය සඳහා සටන් කරති. තවත් පුද්ගලයන් 1,000ක් අතුරුදහන් වී හෝ සුන්බුන් යට සිරවී සිටිති.
ජීවිත බේරා ගැනීමට සටන් කරන ජාත්‍යන්තර මානුෂීය සංවිධාන නෙතන්යාහු රජය විසින්ම ඉලක්ක කර ගනිමින් සිටිති. ගත වූ පැය 24 තුළ ගුවන් ප්‍රහාරවලින් එක්සත් ජාතීන්ගේ සංවිධානයේ තවත් නිලධාරීන් දෙදෙනෙක් මිය ගියහ. “#ගාසා හි තවත් @UNRWA සගයන් දෙදෙනෙකු මරා දමා ඇති බව තහවුරු කිරීමෙන්, අපි කම්පාවට පත්ව සිටිමු. සමස්ත නියෝජිතායතනයම ශෝකයට පත් වී ඇත,” පලස්තීන සරණාගතයින් සඳහා වන එක්සත් ජාතීන්ගේ ඒජන්සිය ට්විටර් හි ලිවීය. අවම වශයෙන් එක්සත් ජාතීන්ගේ සාමාජිකයින් 16 දෙනෙකු ගුවන් ප්‍රහාරවලින් මිය ගොස් ඇති අතර “සැබෑ සංඛ්‍යාව ඊට වඩා වැඩි විය හැකි” බව ද එය ලිවීය. එක්සත් ජාතීන්ගේ ස්ථාපනයන්ට එරෙහිව ඊශ්‍රායලය විසින් වෙනම ගුවන් ප්‍රහාර 33ක් එල්ල කර ඇත.
එක්සත් ජාතීන්ගේ සංවිධානය විසින් නම් කරන ලද හදිසි නවාතැන් වල සිටින මිලියන භාගයක් වන සරණාගතයින් ඇතුළු, එක්සත් ජාතීන්ගේ සංවිධානය ඇස්තමේන්තු කර ඇත්තේ, ගාසා තීරය තුළ මිලියන 1.4ක් සරණාගතයින් සිටින බවයි. නිර්දය බෝම්බ ප්‍රහාර මධ්‍යයේ, ඊශ්‍රායලය සියලු ආහාර, ඉන්ධන සහ ජලය ගාසා විසින් තීරයට ඇතුළු වීම අවහිර කරමින්, සාගතයට සහ මහා විජලනයට තර්ජනය කරයි.
“ගාසා තීරයේ සම්පූර්ණ වටලෑම අඛණ්ඩව දහවන දිනටත් පවතී” යනුවෙන් එක්සත් ජාතීන්ගේ සංවිධානය ලිවීය. “ආහාර, ජලය, ඖෂධ සහ ඉන්ධන ඇතුළු අත්‍යවශ්‍ය මානුෂීය ආධාර ඇතුළුවීම වළක්වමින් රෆා, කෙරෙම් ෂාලෝම් සහ එරෙස් පිවිසුම් වසා දමා තිබුණි.”
එක්සත් ජාතීන්ගේ සංවිධානය විසින් උපුටා දක්වන ලද ගාසා හි නිවාස අමාත්‍යාංශයේ සංඛ්‍යාලේඛනවලට අනුව, පසුගිය සති දෙක තුළ ගාසා තීරයේ ඇති සියලුම නිවාස ඒකකවලින් අවම වශයෙන් සියයට 30ක් විනාශ වී හෝ හානි වී ඇත. ගාසා තීරයේ නිවාස ක්‍රමානුකූලව විනාශ කිරීමේ එක් කැපී පෙනෙන උදාහරණයක් ලෙස, සිකුරාදා බහු-මහල් නේවාසික කුළුණු 24ක් විනාශ කරන ලද අතර, පුද්ගලයන් 8,000ක් දක්වා අවතැන් විය.
එක්සත් ජාතීන්ගේ සංවිධානය සඳහන් කළේ, “බීට් හැනූන්, බීට් ලාහියා , ෂූජාඑඉ සහ අබ්බාසන් කබීරා ඇතුළු මුළු අසල්වැසි ප්‍රදේශ බොහෝ දුරට විනාශ වී ඇති.” බවයි.
බ්‍රහස්පතින්දා ඊශ්‍රායලය ගාසා තීරයේ ක්‍රියාත්මක වන පැරණිතම ක්‍රිස්තියානි දේවස්ථානයට බෝම්බ හෙලූ අතර එය ආසන්න වශයෙන් සරණාගතයින් 400 දෙනෙකුට රැකවරණය ලබා දුන්නේය. ප්‍රහාරයෙන් පුද්ගලයන් 18 දෙනෙකු ජීවිතක්ෂයට පත්ව ඇති අතර තවත් පුද්ගලයන් 18 දෙනෙකු සුන්බුන් යට සිරවී ඇත. තම පවුලේ සාමාජිකයින් බෝම්බ ප්‍රහාරයෙන් මිය ගිය බව හිටපු එක්සත් ජනපද නියෝජිත ජස්ටින් අමාෂ් සිකුරාදා හෙළි කළේය.
ගාසා හි අධ්‍යාපනික යටිතල පහසුකම් ක්‍රමානුකූලව කඩාබිඳ හරිමින් තිබේ. එක්සත් ජාතීන්ගේ සංවිධානය මගින් ක්‍රියාත්මක වන පාසල් 29ක් ඇතුළුව අධ්‍යාපන ආයතන 200කට ආසන්න ප්‍රමාණයකට හානි සිදුව ඇත. එක්සත් ජාතීන්ගේ සංවිධානය සඳහන් කළේ, “විදුලිය, ඖෂධ, උපකරණ සහ විශේෂිත පුද්ගලයින්ගේ හිඟය හේතුවෙන් රෝහල් කඩා වැටීමේ අද්දර ය. එහෙත්, ප්‍රතිකාර ලබන හෝ ප්‍රතිකාර බලාපොරොත්තුවෙන් සිටින රෝගීන් සංඛ්‍යාව ඔවුන්ගේ ධාරිතාවෙන් සියයට 150කි; බොහෝ දෙනෙක් බිම හා කොරිඩෝව මත වැතිර සිටිති. හදිසි කාමර ක්‍රියාත්මකව තබා ගැනීම සඳහා, විෂබීජහරණය සහ ඩයලිසිස් වැනි අත්‍යවශ්‍ය ක්‍රියා පටිපාටි ඉක්මනින් නතර වීමට ඉඩ ඇත.” යන්නයි.
අඟහරුවාදා ඊශ්‍රායලය උතුරු ගාසා තීරයේ ක්‍රිස්තියානි රෝහලකට බෝම්බ ප්‍රහාරයක් එල්ල කළ අතර එහිදී දහස් ගණනක් ජනයා නවාතැන් ගෙන සිටි අතර 500 කට ආසන්න පිරිසක් මිය ගියහ.
සිකුරාදා, 12,000 දෙනෙකුට සේවය කරන අල්-කුඩ්ස් රෝහල ඊශ්‍රායල බලධාරීන් විසින් ඉවත් කරන ලෙස නියෝග කරන ලද අතර, එය ද ඉලක්ක කරනු ඇතැයි අපේක්ෂා කෙරේ. පලස්තීන රතු ක්‍රෙසන්ට් සංගමයේ නෙබල් ෆර්සාක් පැවසුවේ “ඉවත් කිරීම කළ නොහැක්කකි. “දැඩි සත්කාර ඒකකය ළමයින්ගෙන් පිරී ඇති අතර අපට ඔවුන්ගේ ජීවිත ආධාරය විසන්ධි කළ නොහැක.”
ලෝක සෞඛ්‍ය සංවිධානයේ මහලේකම් ටෙඩ්‍රොස් අද්නාම් ට්විටර් හි සදහන් කළ පරිදි, “අල්-කුඩ්ස් රෝහලට ඉවත් කිරීමේ නියෝගය පිළිබඳ කනස්සල්ල පිරි වාර්තා”පිලිබදව ඔහු තවදුරටත් පැවසුවේ “මෙම ජනාකීර්ණ රෝහල්වලට රෝගීන් ආරක්ෂිතව ඉවත් කිරීමට නොහැකි ය. ඔවුන්ගේ ජීවිතාරක්ෂක කාර්යයන් ඉටු කිරීමට ඔවුන්ට ඉඩ දිය යුතුය. ඔවුන් ආරක්ෂා කළ යුතුය.” යන්නයි.
පසුගිය සතිය පුරා ගාසා තීරයේ ඊශ්‍රායල යුද අපරාධ පිළිබඳ මූලික වාර්තාවක “ඊශ්‍රායල් ප්‍රහාරවලින් ගාසා තීරයේ සමස්ත පවුල් විනාශ වන විට යුද අපරාධ පිළිබඳ සාපරාධී සාක්ෂි “ඇති බව ඇම්නෙස්ටි ඉන්ටර්නැෂනල් විසින් ලිවීය. ඇම්නෙස්ටි ඉන්ටර්නැෂනල් “සමූහ සිවිල් වැසියන්ට හානි සිදු කළ සහ යුද අපරාධ ලෙස විමර්ශනය කළ යුතු, මදාවිකාර ප්‍රහාර ඇතුළු නීති විරෝධී ඊශ්‍රායල ප්‍රහාර ලේඛනගත කර ඇත.”
එය සටහන් කරන්නේ ” ඊශ්‍රායල ප්‍රහාර ජාත්‍යන්තර මානුෂීය නීතිය උල්ලංඝනය කර ඇත්තේ, සිවිල් වැසියන් බේරා ගැනීම සඳහා ගත හැකි පූර්වාරක්ෂාවන් ගැනීමට අපොහොසත් වීමෙන් , හෝ සිවිල් වැසියන් සහ හමුදා අරමුණු අතර වෙනස හඳුනා ගැනීමට අපොහොසත් වූ මදාවිකාර ප්‍රහාර එල්ල කිරීමෙන්, හෝ සිවිල් වත්කම් වෙත එල්ල කළ හැකි ප්‍රහාර එල්ල කිරීමෙනි.”
වාර්තාව ජාත්‍යන්තර අපරාධ අධිකරණයේ අභිචෝදක කාර්යාලයෙන් ඉල්ලා සිටින්නේ, “පලස්තීනයේ තත්ත්වය සම්බන්ධයෙන්, සහ පලස්තීනුවන්ට එරෙහිව පවතින මනුෂ්‍යත්වයට එරෙහි වර්ණභේදවාදී අපරාධය ඇතුළුව සියලු පාර්ශ්වයන් විසින් සිදු කරන ලදැයි කියන අපරාධ සම්බන්ධ විමර්ශන කඩිනම් කරන ලෙසයි.”
සියලුම අධිරාජ්‍යවාදී ආන්ඩු පලස්තීනුවන්ට එරෙහි ඊශ්‍රායලයේ ජන සංහාරයට සහයෝගය දැක්වීමට එකමුතු වී සිටින අතර, ලෝකයේ සෑම රටකම පාහේ ජන සංහාරයට එරෙහිව මහජන උද්ඝෝෂන සඳහා ලක්ෂ සංඛ්‍යාත ජනතාවක් සහභාගී වී සිටිති.
