පැට්රික් මාර්ටින් විසිනි
මෙහි පලවන්නේ ලෝක සමාජවාදී වෙබ් අඩවියේ 2023 ජුලි 07 දින පල වූ ‘US media covers up Israeli war crimes in Jenin‘ යන පැට්රික් මාර්ටින් විසින් ලියන ලද ඉදිරිදර්ශන ලිපියේ සිංහල පරිවර්තනය යි. පරිවර්තනය මිගාර මල්වත්ත විසිනි.
![Jenin](https://www.thesocialist.lk/wp-content/uploads/2023/07/8f6bd4ffe70c6a3380e0702d18f815f5dd3b7ff6.jpg)
එක්සත් ජාතීන්ගේ මානව හිමිකම් විශේෂඥයින්ගේ මන්ඩලයක් බදාදා ප්රකාශයක් නිකුත් කරමින් ජෙනින් සහ බටහිර ඉවුරේ වෙනත් තැන්වල ඊශ්රායල හමුදා මෙහෙයුම් හෙලා දැක ඇත. ඒවා “බලය භාවිතය පිලිබඳ ජාත්යන්තර නීතිය සහ ප්රමිතීන් දරුනු ලෙස උල්ලංඝනය කිරීම්වලට සමාන වන අතර එය යුද අපරාධයක් විය හැකි” බව ඔවුහු ප්රකාශ කලහ.
එක්සත් ජාතීන්ගේ මානව හිමිකම් කොමිසමේ අනුග්රහය යටතේ ක්රියාත්මක වන ත්රිපුද්ගල කන්ඩායම ඊශ්රායල හමුදාවේ ක්රියා මාලාවක් පෙන්වා පෙන්වා දෙමින් ඒවායේ ප්රතිඵල ලෙස, “වාඩිලාගෙන සිටින ජනගහනය මරා දැමීම සහ බරපතල ලෙස තුවාල කිරීම, ඔවුන්ගේ නිවාස සහ යටිතල පහසුකම් විනාශ කිරීම සහ අත්තනෝමතික ලෙස දහස් ගනනක් අවතැන් කිරීම සිදු විය. ” යනුවෙන් ප්රකාශ කලේ කලේය.
පදිංචිකරුවන් 14,000ක් සිටින ජෙනින් නගරයෙන් පිටත විශාල, අර්ධ-ස්ථීර සරනාගත කඳවුරට සිදුකල දින දෙකක ප්රහාරය, පලස්තීන සටන්කාමීන් සමඟ දරුනු ලෙස සටන් වැදීමටත්, ජලය සහ විදුලි සැපයුම් සහ සෞඛ්ය පහසුකම් ඇතුලු සිවිල් යටිතල පහසුකම් හිතාමතා සහ පුලුල්ව විනාශ කිරීමටත් හේතු විය. අඩුම තරමින් පලස්තීනුවන් 12 දෙනෙකු මිය ගිය අතර, ඔවුන් අතර නව යොවුන් වියේ පසුවන්නන් හතර දෙනෙකු ද විය. 100 කට වැඩි පිරිසක් තුවාල ලැබූ අතර කඳවුරේ ජනගහනයෙන් හතරෙන් එකකට පලා යාමට බල කෙරුනි .
වැඩි පිරිසක් විශේෂ කමාන්ඩෝ ඒකකවලට සම්බන්ධිත වූ 1000 පමන සොල්දාදුවන් මෙම ජනාකීර්න නේවාසික ප්රදේශයට යවන ලදුව , ඊශ්රායල ආරක්ෂක බලකාය (IDF) විසින් විනාශ කරන ලද නිවාස සහ විශාල ව්යුහයන් පිලිබඳ මාධ්යවේදීන් ඇතුලු ඇසින් දුටු සාක්ෂිකරුවන් විස්තර කලහ.
එක්සත් ජාතීන්ගේ මන්ඩලයට අනුව, “2002 දී ජෙනින් කඳවුර විනාශ කිරීමෙන් පසු බටහිර ඉවුරේ සිදුවූ දරුනුතම ප්රහාරයයි.” දශක දෙකකින් පසු පලමු වරට ගුවන් ප්රහාර ද ඒවාට ඇතුලත් විය. සෞඛ්ය සේවා පද්ධතිය විශේෂිත ඉලක්කයක් වූ අතර, ගිලන්රථ මගින් තුවාල ලැබූවන් ඉවත් කිරීම වැලැක්වූ බවට සහ IDF භටයින් ජෙනින් මහ රෝහලට කඳුලු ගෑස් ප්රහාර එල්ල කල බවට විවිධ වාර්තා පවතී.
“ප්රහාරයන්, ඊශ්රායල බලධාරීන්ගේ ඇස් හමුවේ ‘සාමූහික ආරක්ෂක තර්ජනයක්’ ලෙස ලේබල් කර ඇති පලස්තීන ජනතාවට කල සාමූහික දඩුවම් කිරීමකි,” එක්සත් ජාතීන්ගේ මඩුල්ල පැවසීය. “ආක්රමනය කරන ලද පලස්තීන භූමියේ සිටින පලස්තීනුවන් නිර්දෝෂීභාවය පිලිබඳ පූර්ව නිගමනය ඇතුලු සියලුම මානව හිමිකම් සහතික කර ඇති, ජාත්යන්තර නීතිය යටතේ ආරක්ෂිත පුද්ගලයන් වේ …සුවිශේෂවම, වාඩිලාගෙන සිටින පලස්තීන භූමිය ඈඳා ගැනීම සහ එහි පලස්තීන වැසියන් අවතැන් කිරීම සහ ඉවත් කිරීම ඉදිරියට ගෙන යන අතරතුර, වාඩිලාගෙන සිටින බලයට (ඊස්රායලයට), ඔවුන් සාමූහික ආරක්ෂක තර්ජනයක් ලෙස සැලකිය නොහැකිය.”
කෙසේ වෙතත්, ඇමරිකානු මාධ්යවල, ජෙනින් භූමියේ සැබෑ තත්වයන් හෝ එක්සත් ජාතීන්ගේ මඩුල්ලේ අනාවරනය කර ගැනීම් ගැන කිසිදු සඳහනක් නොමැත. ඊශ්රායල මෙහෙයුම පිලිබඳ වාර්තා කිරීම සාමාන්යයෙන් සීමා කර ඇත්තේ, එහි අරමුන “ප්රතිත්රස්තවාදය” බවට වූ පැරනි කියාපෑම් ‘නැවත සකසා ඉදිරිපත් කිරීමට’ය. වොෂින්ටන් පෝස්ට් එක්සත් ජාතීන්ගේ මන්ඩලයේ ඊශ්රායල මෙහෙයුම ජාත්යන්තර නීතිය උල්ලංඝනය කිරීමක් ලෙස හෙලා දැකීමට කැප කලේ තනි වාක්යයකි. නිව් යෝර්ක් ටයිම්ස් කිසිවක් ලිව්වේ නැත. රූපවාහිනී ජාල ඒ තරමටම නිහඬ විය.
ඊශ්රායල වාඩිලා ගැනීම යටතේ බටහිර ඉවුරේ පවතින ම්ලේච්ඡ යථාර්ථය මෙයයි: පලස්තීනුවන්ට එරෙහිව අනවරත (නොකඩවා පවතින) සහ ක්රමානුකූල ප්රචන්ඩත්වය සහ මර්දනය. ඊශ්රායල සොල්දාදුවන් සහ අන්ත දක්ෂිනාංශික පදිංචිකරුවන් යන දෙපිරිසම මිනිසුන් ඝාතනය කරති, වෙඩි තබා බිම දමති, ඔවුන්ගේ නිවාස විනාශ කරති, ඔවුන් සියවස් ගනනාවක් ජීවත් වූ භූමිය කොල්ලකති.
අගමැති බෙන්ජමින් නෙතන්යාහුගේ ආන්ඩුව බටහිර ඉවුරේ නීති විරෝධී ජනාවාසවල විශාල පදනමක් ඇති, සම්පූර්න ෆැසිස්ට්වාදීන් ද ඇතුලු දක්ෂිනාංශික පක්ෂවල සභාගයකි. මෙම තන්ත්රය , ත්රස්තයේ සහ ඝාතන ව්යාපාරයේ තාර්කික අවසානය සඳහා සූදානම් වෙමින් සිටී: එනම් , මිලියන සංඛ්යාත පලස්තීනුවන් බලහත්කාරයෙන් අවතැන් කිරීම සහ බටහිර ඉවුර ඊශ්රායලයට ඈදා ගැනීමයි.
ෆැසිස්ට් පක්ෂ නායකයෝ බටහිර ඉවුරේ සමස්ත අරාබි ජනගහනය ඉවත් කර එම භූමිය ඈඳා ගැනීමේ ඔවුන්ගේ අධිෂ්ඨානය ගැන විවෘතව කතා කරති. මෙහිදී ඔවුන් 1947-48 ඊශ්රායලයේ පිහිටුවීම සමඟ අරාබිවරුන්ට එරෙහිව සිදුකල සංහාරයන් ආදර්ශයට ගනිමින් සිටිති. අද දින “වාර්ගික ශුද්ධ කිරීම” ලෙස හැඳින්විය හැකි මෙම ව්යාපාරය, අරාබි බහුතරයක් වූ පලස්තීන ප්රදේශය යුදෙව් බහුතරයක් සිටින ඊශ්රායල රාජ්යයක් බවට පරිවර්තනය කලේය.
බටහිර ඉවුරේ ඊශ්රායල ආක්රමනය සිදුවන්නේ ඇමෙරිකානු රජයේ පූර්න අනුමැතිය ඇතිවය. බයිඩන් පරිපාලනය නිසැකවම මෙහෙයුමට කල්තියාම කොල එලියක් දැල්වූ අතර, සිද්ධියෙන් පසුව එය අනුමත කලේය. ධවල මන්දිර මාධ්ය ලේකම් කරීන් ජීන්-පියර් ( Karine Jean-Pierre) බදාදා පැවසුවේ, “අපි මෙය බොහෝ වාරයක් ප්රකාශ කර ඇත්තෙමු: හමාස්, පලස්තීන ඉස්ලාමීය ජිහාඩ් සහ අනෙකුත් ත්රස්තවාදී කන්ඩායම්වලට එරෙහිව ඊශ්රායලයේ ආරක්ෂාවට සහ එහි ජනතාව ආරක්ෂා කිරීමට ඇති අයිතියට අපි සහාය දෙමු… ඊශ්රායලය සමීප මිතුරෙකු සහ හවුල්කරුවෙකු වන අතර, අපි ජාතික ආරක්ෂාව සහ නිසැකවම ආරක්ෂක නිලධාරීන් සමඟ සම්බන්ධව සිටිමු. එබැවින් අපගේ සංවාදයේ කියවීමට කිසිවක් නැත, නමුත් අපි නිතිපතා සම්බන්ධව සිටිමු.”
මිලිටරි ප්රචන්ඩත්වය පලස්තීන නගර සහ ගම්වලට එරෙහිව සන්නද්ධ පදිංචිකරුවන්ගේ ප්රහාරයන් සමඟ ඒකාබද්ධ වී, වාඩිලාගැනීමේ පාලන තන්ත්රයේ විසින් වඩ වඩාත් හිරකරමින් පවතින ග්රහනය බලාත්මක කිරීම සදහා ,බටහිර ඉවුරේ ඊශ්රායලය විසින් ප්රදර්ශනය කරන ලද ම්ලේච්ඡත්වය කෙරෙහි සංගත මාධ්යවල ආවරනයේ උදාසීනතාව, ඔවුන් ලබා ගත්තේ බයිඩන් ගේ ඉඟි කිරීමෙනි.
මෙම වසරේ මේ දක්වා අවම වශයෙන් පලස්තීනුවන් 155 දෙනෙකු සොල්දාදුවන් සහ පදිංචිකරුවන් විසින් මරා දමා ඇති අතර, එය 2002 දෙවන ඉන්ටිෆාඩාවෙන් පසු විශාලතම ප්රමානය වේ.
මේ අතර මාධ්යය , ඊශ්රායල රාජ්යයේ හැසිරීම විවේචනය කරන ඕනෑම අයෙකු යුදෙව් විරෝධීන් ලෙස හෙලා දකිමින් ‘මායාකාරීන්-දඩයමේ’ (witch-hunts) යෙදී ගනී. මෙය විශේෂයෙන් ප්රසිද්ධ පුද්ගලයින්ට එරෙහිව යොමු කර ඇත. මෑතක දී, ” පින්ක් ෆ්ලොයිඩ්” රොක් සංගීත කන්ඩායමේ නිර්මාතෘ , දශක ගනනාවක් තිස්සේ පලස්තීන ජනතාවගේ ප්රතිපත්තිමය ආධාරකරුවෙකු වූ , දැන් යුක්රේනයේ එක්සත් ජනපද-නේටෝ යුද්ධයෙහි ප්රමුඛ විරුද්ධවාදීන් ස්වල්ප දෙනාගෙන් කෙනෙකු වන සංගීතඥ රොජර් වෝටර්ස් ද ඇතුලත් වේ.
යුක්රේනයේ යුද්ධය සහ බටහිර ඉවුරේ වෙසෙන පලස්තීනුවන්ට එරෙහිව සිදුවෙමින් පවතින ප්රහාර සම්බන්ධයෙන් ඇමරිකානු මාධ්ය නිර්ලජ්ජිත දෙබිඩි පිලිවෙතක් අනුගමනය කරයි. ඊශ්රායල ප්රචන්ඩත්වය සහ වාඩිලාගෙන සිටින ප්රදේශ වල බලයෙන් පහකිරීම වසන් කරන අතරම, රුසියානු හමුදාව යුක්රේනයේ ජන ඝාතන අපරාධවල නිරත වන බව පවසමින් මාධ්ය වසරකට වැඩි කාලයක් තිස්සේ උමතු ව්යාපාරයක නියැලී සිටී.
සෝවියට් සංගමය විසුරුවා හැරීම මත තම ධනය ගොඩනගා ගත් ධනේශ්වර බිලියනපතියන්ගේ කතිපයාධිකාරයේ අවශ්යතා නියෝජනය කරන පුටින් පාලන තන්ත්රයේ ම්ලේච්ඡත්වය වසන් කිරීමට හෝ සමාව දීමට හේතුවක් නැත. එහෙත් එම ප්රමිතියම ෆැසිස්ට්වාදීන්ගෙන් සහ නාසි ගෝලබාලයෙකු වූ ස්ටෙපාන් බන්ඩෙරාගේ වන්දනාකරුවන්ගෙන් පිරී ගිය ජනාධිපති වොලොඩිමියර් සෙලෙන්ස්කිගේ යුක්රේනියානු පාලන තන්ත්රයට අදාල විය යුතුය. එමෙන්ම, එය මැද පෙරදිග ඇමරිකානු අධිරාජ්යවාදයේ දිගුකාලීන ප්රධාන සගයා වන ඊශ්රායල රාජ්යයේ අපරාධ සම්බන්ධයෙන් ද එය අදාල විය යුතුය.
එ.ජ. ආන්ඩුව සමග නොගැලපෙන පාලන තන්ත්රයක එවැනි මෙහෙයුමක් කර්නකටුක හෙලාදැකීමකට තුඩු දෙනු ඇතත්, ජෙනින් හි ඊශ්රායල ප්රහාරය පිලිබඳ කතුවැකියකින් අදහස් දැක්වීමට නිව් යෝර්ක් ටයිම්ස් හෝ වොෂින්ටන් පෝස්ට් උත්සුක වූයේ නැත.
ප්රහාරයට පෙර දින, “රුසියාව එහි යුධ අපරාධ වලට වග කරමු ” යන ශීර්ෂ පාඨය සහිත කතුවැකියක් පල කලේය. යුක්රේනයේ රුසියානු ක්රියාවන් පිලිබඳ එක්සත් ජාතීන්ගේ සහ මානව හිමිකම් සංවිධාන රාශියක අනාවරනයන් එය උපුටා දක්වත්දී – ජෙනින් හි ඊශ්රායල මෙහෙයුම සම්බන්ධයෙන් වන එකම වර්ගයේ සාක්ෂි එය නොසලකා හරියි නැතහොත් ප්රතික්ෂේප කරයි.
කතුවැකිය අපූර්ව නිගමනයක් ගෙන එයි, සුවිශේෂ සහාසික අපරාධ වලට අමතරව, “ඇත්ත වශයෙන්ම, පුටින් මහතා සහ ඔහුගේ ඉහල උපදේශකයින්ගේ කන්ඩායමක් යුද්ධය මුලින්ම මුදා හැරීමෙන් පුලුල් වරදක් කර ඇත – දෙවනුව සිදු වූ සියලු සාහසිකකම් ඇති වූයේ මෙම අපරාධයෙනි. දෙවන ලෝක සංග්රාමයෙන් පසු නියුරම්බර්ග් නඩු විභාගවලදී නාසි යුද අපරාධකරුවන්ට එරෙහිව භාවිතා කරන ලද චෝදනාව වන ආක්රමනශීලී අපරාධයක් කිරීම සම්බන්ධයෙන් ඔවුන් නඩු පැවරීමට මුහුන දිය යුතුය.”
ලෝක සමාජවාදී වෙබ් අඩවිය, නියුරම්බර්ග් පූර්වාදර්ශය ඇෆ්ගනිස්ථානයේ සහ ඉරාකයේ ඇමරිකානු පරිපාලනයේ ක්රියාවන්ට, ජෝර්ජ් ඩබ්ලිව් බුෂ්ගේ සිට අදාල වන බව යලි යලිත් සඳහන් කර ඇත. වොෂින්ටන්, ඩීසී හි පවතින රජය තරම් යුද්ධය මුදා හැරීමෙන් “ආක්රමනශීලී අපරාධයක්” දියත් කිරීමේ ගිලුනු රජයක් ලෝකයේ වෙන නැත.
නියුරම්බර්ග් විනිශ්චය සභාව නාසි පාලන තන්ත්රයේ ප්රධාන මාධ්ය ක්ෂමාලාපකයින් ද යුද අපරාධ සම්බන්ධයෙන් වරදකරුවන් කලේය. එහෙයින්, සෑම එක්සත් ජනපද හමුදා ප්රයානයකම විශ්වාසවන්ත උපදේශකයින් වන පෝස්ට් හි සංස්කාරකවරුන්, ඔවුන් පතනා දේ සම්බන්ධයෙන් ප්රවේසම් විය යුතුය.